030 澳門人講飲講食：古漪園 南翔小籠包 (上海菜)
今次介紹呢間食肆係上海既過江龍『古漪園』，
位於澳門皇朝區巴黎街 (大豐銀行- 澳門航空總部果條街，舊Another鋪位)
價格大約每位：mop$40-80
我地先講講環境，呢度既佈置都幾唔錯，而且好有中式古典feel，用既檯椅、窗花、門都係好中式，用上胡桃櫸木製造！而燈具就用上簡單時尚的設計，外露的天花頂，感覺有crossover之感！
食物方面，呢間最出名就係南翔小籠包，而南翔小籠包又分有蟹粉、豬肉等不同餡料！
而我地就叫左 蟹粉南翔小籠包、雞絲粉皮、穌炸小籠包、三鮮肉絲豆腐湯、上海菜飯、火腿津白！
先講講雞絲粉皮，呢個係冷盤，落得太多麻油同九層塔，所以麻麻地。
蟹粉小籠包，最有水準，亦都係最好味！
穌炸小籠包，就好似油浸咁，好肥！
再來就是火腿津白，將d火腿碎到一粒粒鉛筆碎咁！賣相唔錯，但好睇唔好食呢！
半盤都係油浸菜，
呢個就係三鮮豆腐湯，雖然細細盤，但都好唔錯，d豆腐變成絲狀，好滑好味，只不過又有d九層塔係度！
扣少少分先！(因為冇乜人鍾意食九層塔) 
呢個就係上海菜飯，個味就幾唔錯，但可惜，又係勁多油！
佢而家仲係試業中，而且d款式太少，連一d經典菜式 “上海粗炒”、”上海炒年糕”、”生煎包”、”煎餃”……都冇囉！而且d菜就細細碟，價值都唔平！
所以如果你淨係食小籠包就好唔錯，另外再配個湯已經好好！如果唔係一定好失望！
我下次食上海菜，都係去返 “上海xx菜館”、”飲食男x”好過，又比較平，而且又好食！
綜合評價：60分 (100為最高)
[太多油，樣樣都係咁~~菜式少~~但如果想食南翔小籠包都一定要去食ge！]
編/攝：阿乃