其實有好多香港及外地來澳門的朋友，他們的印象中就只有鉅記、大利豬扒包、大三巴等主要野！
但其他澳門仲有好多好既美食品牌，以及每間店都有自己最出名的招牌，所以各位唔好再停留係 “鉅記黨”、”大利排長龍” 的階段啦！
我希望我貼呢幾篇澳門人的推介，可以讓各位有睇我blog的朋友，以後到澳門可以發掘更多好食孚玩的東西！亦希望大家會鍾意呢個新系列啦！
下面個表都唔似好完全，一定會漏左d ga啦！有d係老字號鋪頭，好多澳門人自己都會常去ga！
ps.我冇幫任何店賣廣告，只係希望大家真係食到買到每店的招牌，而唔好盲目跟隨而已！到時大家可以印出來，來澳門時逐間對住就唔會錯！
手信(正宗)小食：
鉅記 – 炭燒杏仁餅、有餡鳳凰卷、紫菜xx捲
大三巴 – 杏仁餅
咀香園 – 蛋卷、鳳凰卷、杏仁餅
香記 – 肉乾
檸檬王 – 檸檬薑、檸檬王
百花魁 – 涼果
樂宮餅店(葡京) – 曲奇餅
御品堂 – 炭燒棋子餅
車厘哥夫、老牌車厘哥夫 – 紐結糖
晃記(氹仔) – 老婆餅、肉切穌
三可餅家 – 雞蛋餅
遠來餅家 – 光穌餅、中式禮餅(如皮蛋穌……)
仁慈堂門口車仔 – 金錢餅
沙度娜、九如坊 – 米糠布甸
義順 – 雙皮奶、薑汁撞奶、木瓜牛奶
杏香園 – 中西式甜品
陳林記、恆友 – 魚蛋小食
小上海 – 生煎包、煎餃、鍋貼
禮記 – 生果撈
*：表示我已經係 “澳門人講澳門” 介紹過，大家可以去分類 “澳門人講澳門” 內找尋一下
做個精明的遊客！各位如有問題想知想問，又或是關於上述某食店的地址/電話的話，請各位回應我，我會儘快回覆你地！
同時請各位看看留下的回應，看看地址或有關資訊是否已經出現，避免重複詢問有關地址！
另外，如有上述有錯，請各位澳門人告知，我會儘快修正！
(緊隨其後仲有 早餐,簡餐,面食,宵夜篇、下午茶休閒篇、餐廳篇等)
(如反應良好可能會再加其他的篇章，一切看看大家仲想知d乜囉！)
編/攝：阿乃