- Advertisement -

大家等左好耐既韓國遊記出爐啦!唔好意思~~
真係近排比較忙,整理左少少就post出來先啦!
今次我係去左5日(自助遊,06年11月份),上幾篇都有一d我去韓國既資料同一d小知識及一些見聞!
今篇開始就有遊記同相啦~~



同上一次去日本一樣,又係搭早上9點多的飛機(搭國泰機),不過係飛韓國仁川,唔係飛日本成田o者!
果晚又係冇sleep到,上網、msn、打blog,之後去沖涼,執埋少少野就差不多凌晨3點啦!
仲有一樣野係勁攪笑,係keith目送我離開屋企出發ga!(係msn度)
之後就搭凌晨四點船過香港上環,再轉機鐵入機場!

入到機場都係6點幾,去左Super sandwichs食我至愛既早餐~~
再過對面買書上機睇,之後就返上去A區get air ticket去check in啦!

check完in都已經8點左1右,就入閘行下,因為未試過行機場禁區d店,我行書店比較多,d friends就行迪士尼專門店!9點多去到閘口排隊上機囉!

今次我地5個人,分別係我、W生、C小姐、賣米 & 肥宇 (其實都係以前d導賞員同事黎ga!今次係第一次一齊去旅行~~)

上到飛機,我又開始黎啦~~黎乜?事關我都講過,我驚離心力,而且我更驚不安全感,雖然我知道空難機會比任何交通工具要低,但亦知道一出事都一定冇得救。
所以Take off、landing、遇氣流、天氣不佳的情況我都好驚,又好擔心!(絕對會出洋相)
此終隻隻天蠍都係成日覺得唔安全ga嘛!只有能掌握既野先係最安全~~

呢幅係係機上面,已經飛定左既時候影ge!
有出入境表、衛生檢疫表、飛機餐牌等~~(我最唔欣賞就係飛機餐~~搭咁多次國泰都唔arm我口味!)
(我比較鍾意長榮、ANA、澳洲航空d飛機餐,好arm我胃口)

機上廣播資訊呀~~

haha~~又見到我隻手同部相機呀~~反光丫嘛~~機外陽光太猛~~

搭左4個小時多,終於落地啦~~
第一日,韓國的天氣比較凍,係-1至9度,而個天既顏色好特別,係水藍綠色既~~我好鍾意呢隻顏色,因為好特別!
下圖係arm arm落左機既走道上面影ga!(注意:現在仁川機場現正進行擴建工程)

呢隻就係我地剛剛坐黎韓國既飛機啦~~已經落緊d行李啦!好快~~

呢度係落機後的走廊~~

歡迎到仁川機場~~隻公仔好得意呀!

辦理完海關手續之後,我就去左拎返d行李,之後佢地仲要去換錢(因為係澳門換唔夠)~~
換左錢之後,出左禁區,我地就先去information度問一問邊度有KTC (Korea Travel Card)~~[下圖]
搵左一輪,終於找到Shinhan Bank (新韓銀行) 既辦事處,咪入去問囉!
點知佢地話呢間冇,有個好心職員就帶我地去左另一間,路途好遙遠ga~~
之後終於到了,真係有得攪KTC,但係有兩種,一種係紅色(不能退款),另一種就綠色(可以退款,但需多付按金20000won),我地個個都係買200,000won~~加埋張卡2000won、再加按金20000won,總數就係222,000won啦!

但係佢地d英文真係好唔掂,竟然連一d好淺既英文都唔明,只識單字,之後個職員叫左店長黎用英文講,太好啦~~終於有個識少少英文ga~~亦解釋左少少資料比我地,個個賣完哂自己張卡啦!Yeah~~

KTC試用後建議:
 – 不過我唔太建議大家用,雖然係方便,但除左機場銀行方面,其他地方好似都冇乜見過呢隻卡,就連自己銀行既市內分行都唔知。
 – 另外d人英文好唔得,好難溝通,勁浪費時間囉!
 – 再者你如果用唔哂d額,你都只可以退面額的20%,再加埋按金!(仲一定只可係機場既新韓銀行先有得退!)你話幾麻煩呢!
 – 而且佢暫時唔可以當T-money (首爾八達通),比舊版本功能更差囉!

呢張就係KTC咭,另外就係我本Passport (我係葡國護照)

ps.有好多香港人都唔知,澳門人用既葡國護照係真真正正的,唔係好似英國咁出d海外護照畀d香港人ga!即係話我地同葡國人jar住既護照係一d分別都冇!(呢個係唯一葡國比英國做得好既地方)所以去亞洲地方既時候成日d海關都會問問題,因為佢好奇怪點解d中國人用葡國本土既護照ga呢?

之後就買左機場巴士既車票,我地搭既係602號機場巴士,去東大門綜合市場落車!(8000won)
大約需時90分鐘左右先到東大門綜合市場,因為首爾市無時無刻都勁塞車囉!
下圖就係車最後排影出去ga!

拿~~我唔係跟團ga!(個個睇到呢張都話我跟團!)
呢架係機場巴士黎ga~~各位!唔好攪錯!

機場巴士 乘搭後建議:
每一個站聽清楚下一個係乜站,因為佢d廣播係勁細聲,而且英文果段又唔係好清楚!
最好睇住車上面個巴士站地圖,再估下佢講緊邊個站!(因為英文廣播係先講今個站,再講下一站)
但巴士站地圖係架車既中間座位(上圖我左上位),得一張咁大把囉!萬一過站或未到你就下車就慘啦!

如各位住Western Co-op Residence 或者 Co-op Residence 都係搭602,係Dong Dan Mum Market站下車,前一個站係 JongNo 6街 (鐘路6街)。[我寫既係你係車上聽到既英文音,鍾路果個好似日文]

如果明洞世宗酒店的話,就搭605-1,同樣係8000won,係 SeJong Hotel 站落車!

(待續:Western Co-op酒店篇)
[如想睇原圖及詳細資料 / 更多相片,請到相簿 06韓國秋葉行]
編/攝:阿乃

環球旅人&旅居 總編輯|一名旅遊編輯、旅遊達人,也是朋友的旅遊顧問及澳門旅遊導賞。曾任藝術中心主任、網絡電台及電視台總監、雜誌編輯、平面設計、博物館策展及導賞...... 2005年開始寫作,於2012年投身製作網路電台及視頻的旅遊節目,並創立了澳門首個-網上旅遊媒體「環球旅人」,更於2020年出版「旅報」電子月報、「旅居」電子旅遊雜誌。(聯繫、合作或邀約:[email protected]

發表迴響