環球旅人

終於買完票，正式進入Disney Sea既入口啦！由於係五週年慶典首日，所有入場人士獲得紀念品一份！yeah~~ 一入到場，先有一個大大廣場，廣場有一個大噴水池，水池中間有一個大地球，haha(唔好誤會我去左大阪既環球影城呀！)不過就真係好似好似環球影城果個地球囉！只係冇左個名之嘛！ 五週年就係水池邊加左一d靚靚雕塑做裝飾囉！ 呢個就係迪士尼果個站呀！上一篇講過ga啦！ close up個大地球比大家睇！ 影完相，大家就準備正式進入迪士尼海洋囉！(你睇下！都唔少人ga~~) 呢個就係正式進入迪士尼海洋第一個區的入口啦！ 入左去影返出黎！好古典的感覺，冇記錯既話係屬維多利亞式的宮廷建築風格！呢一區係入迪士尼海洋必經的首區，叫地中海港灣，(就好似迪士尼樂園果邊既美國大街咁！一定會經過~) 看看周圍的風格估唔估到係邊度既建築特色呢？ 再close up比你地睇睇，估唔估到？ 估唔到呀？咁我開估啦！係南歐風格的民房建築，主要以高聳、窗長，一棟棟緊貼於一起，給人壓迫的感覺呀！(代表地有：意大利的那不勒斯海灣)，之後再配以意大利各處的休閒騎樓及cafe的地下層，好特別！果然係地下海港灣，取材非常貼近呀！ 之後繼續企係入口處附近影相，點解？因為仲有唔夠10分鐘就會上影5週年先有既第一個show---里多島歡聚與笑顏，歷時25分鐘ga！所以個個都不急於玩game，企哂係度等！(仲有每日只係得10:00am一場 咋！) 呢個對地中海港灣面向的火山，晚上做show時會噴火ga！(絕對比澳門漁人碼頭果個勁~~) 呢d就係海灣邊的破爛之屋，好有特別，勁似古羅馬時代的遺址囉！haha~~ 呢幅就係我地霸到既海邊位影相！ 再來一張zoom埋去影個火山同里多島~ 我地霸到靚位睇show呀~~個show正正十點就開始啦！隻船都係5週年~~上面企哂大部分迪士尼既經典人物(之後你唔會再見ga啦！因為佢地要返去迪士尼樂園果邊，此終海洋呢邊唔係佢地既地頭，老鼠邊識遊水ga？都係畀返小魚仙、海底奇兵、高飛、唐老鴨佢地jar fit啦) 嘩~~你睇下距離我幾近~~我影得好清楚呀！仲見到松鼠仔、唐老鴨女朋友(唔知係咪已經係老婆呢？)haha~~ 之後仲落頭同大家打招呼tim~~不過唔好意思！我冇理到佢地就立即飛奔去搭船入失落河三角洲，因為要玩2個game，同11點睇第二個show，haha~~我set得好密ga，如果唔係睇唔哂！ 行過去碼頭的途中...... 呢度係行去搭船既途中有一座好天文台feel既可建築~~係郵局來的！ 又一幅藝術性好高既相~~10分~~ 呢隻就係我地將要搭的跨區渡輪啦！ 其實係迪士尼海洋，除左度度都係5週年既logo之外，亦花左好多心思係d週邊配件果度ga！最吸引我既就係旗幟呀！因為每一個區域都有配合該區唔同特色的旗幟，而且顏色、形狀、花紋都完全唔同ga！大家看看以下的一部分先啦！ 入口廣場的旗幟！(以星星燈 配 棗紅色長方形旗) 地中海港灣的旗幟！(以綠色圓筒形+金色旗仔，古典式街燈)(待續：東京迪士尼海洋(五週年首日) Part III)詳盡相片資料及其他沒貼文的相片於 內。編/攝：阿乃 本 著作 係採用 創用 CC 姓名標示-非商業性-禁止改作 3.0 授權條款授權.  

haha~~終於黎到第六天東京之旅啦！明晚就要回澳門啦！真係有d唔捨得呀~~不過值得開心既係，我地專登plan係今日先去迪士尼海洋係有目的ga！ 點解？上一篇我已經有透露過，就係2006‧7‧14係迪士尼海洋5週年慶典既第一日，所以勁多show，而且係出發之前，我已經plan左一個玩盡全sea既計劃，睇5個show，玩哂所有機動遊戲tim~~ 唔講咁多野~~去片！ 首先，我地一早就從池袋出發，搭山手線去品川再轉車搭舞濱線去到舞濱站下車(東京迪士尼、東京迪士尼海洋、迪士尼渡假中心的所在)。 出閘後就發覺好似去左另一個世界咁！完全都東京都個feel唔同，有d童話，有d歐陸feel咁！(但其實睇d旅遊雜誌，香港果個抄日本呢個，差唔多一模一樣呀！)說時遲那時快，就會一架迪士尼專鐵行過，我地立即影影影~~~ 呢度就係JR舞濱站出口，需要步行3分鐘過對面的Disney resort line~~ 對面的Disney resort line呀！ 呢個就係迪士尼線既入口 又有一架列車經過啦！今次係黃色呀~~ 入左去迪士尼線的車站，影左幾張隨意拍！ 係車站已經裝飾左好多好多5週年既相關野啦~~(大家記住，只係sea果邊有慶典，land果邊完全冇任何慶典ga！)下圖係車站有慶典限定的迪士尼手繩，有儲值功能ga！呢度就係車站的自動車票售票處，已經佈置左5週年既banner，真係做得好一絲不苟呀！ 你看看~~勁多人囉！雖然係首日，都唔好咁好日本人黎先得ga！你地慢慢黎啦~~咁近~~留返d位比我地d外國人好播！ 呢d係紀念車票，有好多唔同既款~~ 入閘口~ 入左閘呢，兩旁都係好多好靚既壁畫，亦有好多新加的5週年雕塑公仔！ 呢個就係迪士尼線既站圖！ 又一幅壁畫！ 大家謀殺菲林最多的地方就係呢度！米奇佢地以車長的服飾示人呀！我等左好耐先等到冇人走埋去影相！(得2秒鐘左右咋！) 呢個列車的安全門，佢地係半身高的，唔係香港果d成幅玻璃牆咁！ 列車內部~~係咪激似香港果架呢？ 終於來到第三個站 Disney sea站啦！ 有過有得意既銅雕，梗係要同佢影返將相先啦！ 呢度就係SEA既入口及賣飛處！ 他們已經唔等我，一支箭咁標去買飛啦！(咁我鍾意影相丫嘛！大家等等我啦~~) 睇下D飛，有3個款ga！完全已經轉哂5週年做background啦~~(待續：東京迪士尼海洋(五週年首日) Part II)詳盡相片資料及其他沒貼文的相片於 內。編/攝：阿乃 本 著作 係採用 創用 CC 姓名標示-非商業性-禁止改作 3.0 授權條款授權.  

去完表參道、南青山，因為大家當日都行得好累，所以冇黎神氣咁！決定搭地鐵去六本木啦！一到埗，佢地既行動速度更每下愈況tim~~好似就死咁！淨係得我一個冇事~~haha，可能我真係行得比較快，同去得旅行多，係咁不斷行都冇事，而且我都唔覺得累，咁我見佢地咁累，就叫佢地坐佢六本木既information center門外~~因為我知道六本木有好多裝置藝術雕塑，我想搵佢地出來逐一影相，但好可惜，天公不造美，又落起微雨呀！ 咁我get完資料，見佢地冇意識想行，咁我就叫佢地坐，我自己上去影下相先！呢個就係地下鐵出口的六本木Information Centre啦~~佢地就係坐係呢度！ 跟住我就搭呢條電梯正式上去呢個未來都市新型態---六本木Hill~ 一上到去就係咁樣ge！一個圓筒型建築，有個大電視，亦有一排玻璃瀑布，好靚呀！而且亦都好綠化呀~~好舒服既感覺！ 呢隻就係大蜘蛛，算係其中一件裝置藝術啦！係地標，點可以唔take photo呢！ 之後又影左呢幅六本木既主建築物~~觀光層就係上面，一諗到可以望到全東京市的夜景就好興奮啦！ 其實仲影左好多相，不過唔放咁多上黎啦！影左一陣就落返去搵佢地囉！不過我感覺到佢地已經係唔願行囉！攪到好似係5個專登陪我黎咁樣！之後入左去果棟主Buliding搵展覽廳同觀光廳既入口~~就係入左下圖啦~~佢裡面既設計好獨特，有d同澳門而家間星際有得揮，呢度突一舊，果度又突一舊咁！不過六本木係用左大量自然採光，環保又節能的設計，加上綠化度好高，果然係新生都市型態的試驗區呀！ 之後就係正式既六本木hill Information度問資料~~佢既門面設計多靚ga~~水藍配白漸層，特色設計的英文字型！ 跟住我地終於搵到上觀光層的門口，個門口都幾得ga！又有條好似時光隧道咁既設計~~可惜我手震，影到震哂，delete左啦~~呢個係上觀光層既專用電梯！著哂燈好有未來feel呀~~ 一上到去，我地第一件事梗係去睇重點項目一：Pixar 20 Years動畫展~~真係勁正，arm arm去日本就meet到個展期~~可以見到好多卡通人物既手稿、模型、紙稿...... 呢個係佢門口，白哂果個位就係上面果條banner啦~~見唔見有海底奇兵既小丑魚呀！我地個個都襯冇職員既時候，攪住條魚影相~~又係偷偷地ga~~(去到日本成日都要偷影相，因為實在太多地方唔畀影相啦！) 入到去就有一段15分鐘既短片，不斷循環播放，係將所有Pixar既動畫來一個remix版，而且全部內容獨家係呢度播，第度睇唔到ga~~又有超人特攻隊、怪獸公司、海底奇兵、反斗奇兵、反斗車王......多到數唔哂呀！ 之後又有好多好多手稿，仲有一個係好特別ga！我真係畢生難忘，就係有一個好似旋轉木馬咁既裝置，初時你睇冇乜野，佢有指示叫你等，我等左10秒左右，佢裡面d野突然間轉得勁快，變成左一段動畫，非常犀利，不過我知道其實係一個視覺錯覺來的！ 之後我好快咁睇完，因為都唔畀影相，如果唔係我真係會睇好耐囉！係出口處有一個獨賣場，有今次展覽既相關精品賣！下圖係cashier，見唔見有好多T-shirt，我就冇買，因為太貴啦~~咁我賣左d乜？就係下圖最左邊既Folder (式樣同T-shirt)，仲有就係收銀機之間果本書(佢有哂展覽裡面d野)，所以幾貴就值啦~~我而家有時開會用呢個Folder，個個都問係邊度賣，我話而家冇得賣ga啦~~限量版！我問過店員，最好賣就係Pixar ( i 字係用盞燈)，如果有睇開Pixar既動畫就知，每套片都有既片頭標誌，而且從來冇出過任何週邊商品，所以個個都買，當然我都有買啦！hehe~~ 仲有好多公仔、精品食品、文具等！ 係賣場入面，仲有一隻近乎米七既巴斯光年，以及豆釘咁細隻既三隻仔，比人任影唔嬲。 睇完Pixar動畫展之後，就睇埋一個非洲藝術展，同樣又係唔比影相！ 睇完之後再去觀光迴廊度影相，又係咁arm，觀光迴廊有d玻璃珠燈飾展覽，我揀左幾張post出來畀大家睇！ 呢個d顏色好靚ga！ 一隻用玻璃珠+燈泡製作而成的被綑綁的鱷魚呀~~好funny~~ 呢個都係好特別，顏色又好吸引tim~~ 之後就係度影夜景，雖然d玻璃好清，不過可能d燈太光，一影就反光，你看看下圖，見到我部相機呀！唔係靈異相黎ga！ 呢張就好少少囉！不過都見到d燈~~(中上綠色光)唔好以為係ufo呀！ 去完觀光迴廊影完相，靚完夜景，我地出返去51樓既大堂！果度有間Museum Cafe，佢個入口係一個白色布條製作而成ga~~仲打左d畫面，乍看之下以為係一幅畫，原來係出入口，認真夠特色啦~~ 落返地下之後，去左六本木吉祥物果店，好得意既公仔，但係勁貴，所以完全冇賣野意慾！下面呢張，又係用相機偷影ga~~(佢大大個牌寫明唔比影相！) 其實我每次係d店裡面偷影，我都扮哂傾緊3G咁去影囉！等人地唔為意~~大家唔好學呀！從六本木出來就返回池袋食晚飯，今晚食迴轉壽司，我唔記得影相呀！ 下一篇就開始第6日既行程，亦算係最後一個景點，就係東京迪士尼海洋！又係好lucky，我揀果日去，就arm arm係佢五週年慶典既首日，又有禮物收，又有勁多show睇！大家下一篇有得睇啦！(待續：東京迪士尼海洋part 1)詳盡相片資料及其他沒貼文的相片於 內。編/攝：阿乃 本 著作 係採用 創用 CC 姓名標示-非商業性-禁止改作 3.0...

遊完竹下通，我地就行去表參道啦！呢個時候，天色比較昏暗，烏雲蓋頂，應該好快就下雨啦！ 咁我地就快步走去我地表參道名店街頭的第一店間鋪，係正十字路口係，紅白間條，好易認！就係我係過馬路既時候就開始下雨，而且越落越密tim~~ 來到呢間店啦！係間咩店呢？睇過名應該都知啦！就係Condom專門店，款式多到傻呀~~佢地又到店好雀躍ga~~當然d野都幾貴啦~~ 我就睇比較多囉！佢地就真係買ga，唔講笑，而且仲係d女士們出手，話買來送人~~幾嚇人ga！而家d女士真係幾open喎~~ 店內光顧的，大部分都係日本女士tim~~你都咪話唔驚！呢幅係我係門口偷影入去ga！(裡面禁影相ga！大大個牌個明~~)你睇幾多款，乜味乜款乜Size都有齊，包裝仲好特別tim~~團友佢地話要買夜光domdom tim~~笑死！可能驚佢搵唔到細佬呀~~ 之後就遠觀表參道新地標，表參道Hill啦~~呢個時候雨細了，已經係微雨啦！ 又去了位於表參道的Kiddy Land，又係好多好多得意野買~~你睇下，好爆笑既沖涼青蛙與鴨仔呀！會唱歌同發光ga！可惜近1000yen，冇買呀！(手機偷拍ga！)(手機偷拍also)呢層係勁多公仔囉~~有我鍾意係動物~~ 表參道街景！植村秀--表參道店！ LV--表參道店！ Burberry--表參道店！ 表參道內的看護協會呀~~連看護協會既建築都咁有特色~~果然係日本呀！ 呢間唔記得左係乜，不過真係好特色，成條街都咁現代，而且全名店，突然係中間有間咁既野！ Dior--表參道店！ 南青山--Playboy店，好似執左啦！阿K小姐買唔到野~~勁失望囉！ 南青山既COMME......(唔記得左個名) (待續：六本木Hill)詳盡相片資料及其他沒貼文的相片於 內。編/攝：阿乃 本 著作 係採用 創用 CC 姓名標示-非商業性-禁止改作 3.0 授權條款授權.  

食完個午飯，我地就開始分開行竹下通啦！因為大家的重點不同！我地分開2組，一組係N小姐+C先生一對couple。另一組就係S小姐、K小姐、L小姐同我！ 下圖就係竹下通的入口牌坊，有M記ga~~好易認，係正JR山手線原宿站出口對面！ 呢度都有一間Daiso，當然我地唔會入去浪費時間啦~~澳門都有駛乜入去呢！佢地女仔睇左好多衫、裙、帽、香水......我都係只有陪的份！因為前後男裝較少，就算有都係d HIP POP裝，完全唔arm我style~~ 之後佢地話 "爸爸" 平呀！就入左去最大間既 "爸爸"店度買，此時couple都行到黎，又入埋去，我就坐係鋪頭出面既木椅等佢地，我等左成個鐘啦~~又曬又熱！真係想死呀！又話好快得~~攪到我驚佢地走失，原來係度揀來揀去！好彩佢地最後都買到，如果唔係，我一定 #$^#$(*%(! 佢地。 之後我地咪繼續向前行，有男裝arm心水既店舖我都會入去睇，佢地亦都會去睇女裝囉！正當我地就到盡頭既時候，阿L小姐仲未找到那間買大眼妹既店舖，我地咪一齊幫手搵囉！搵到之後，佢地個個都上哂去睇！剩返我同S小姐係樓下等！ 就係呢個時候係一間男裝鋪頭巧遇F4的Vanness呀！真人真係好大隻，一眼就已經望到係佢，佢身邊有2個助手跟住，而且佢應該係休息時間，見到佢，我d朋友梗係想同佢影相啦！專登係門口等佢，初時佢助手係門口等，之後佢聽到我地係度講，又係門口等，佢2位助手就入左去店內跟住佢，佢可能以為我地佢carzy fans掛，之後睇左好耐男裝衫就出來了，但最後佢助手唔比我地影，所以影唔到囉！講真，佢真人同上鏡差唔多！(佢果時已經同安七炫組左隊ga啦！) 之後佢地影唔到就梗係有少少失望啦！不過人地係明星，黎行街梗係唔想比d fans纏住ga啦！藝人都係人，都有自由既私人空間，對吧！ 我地走出竹下通的表參道附近出口，準備向表參道進發啦！ (待續：原宿 - 表參道、南青山)詳盡相片資料及其他沒貼文的相片於 內。編/攝：阿乃 本 著作 係採用 創用 CC 姓名標示-非商業性-禁止改作 3.0 授權條款授權.  

行完原宿站周邊，都未入竹下通，我地個個都已經有斬獲啦！今次果真係處處大減價的減價月，唔變購物狂都唔得啦！成12點半，我已經好肚餓啦~~ 正當阿K小姐、N小姐+C先生、S小姐佢地係竹下通的頭一間鋪頭揀緊耳環、頭飾的同時。我同L小姐就去左下圖呢間超好味既意大利面咖啡搵位坐，準備食午餐！ 呢間係叫Caffe Solare的食店，出左好多個set lunch~~而我仲睇中左個tim~~ 二話不說入左去等位，好快咁我地就霸到兩張檯啦！Yeah~~真Lucky~~你地看看吧台，d cake同布甸好吸引呀！可惜我地係食午飯，唔係high tea囉！ 呢個就係我叫既set lunch~~白汁香草牛肉碎燴意大利麵 + 冰桃茶  只需940yen (約港幣$62)，算係抵ga啦！味道分數：8.9分 (yummy yummy) 當我叫左野食之後，佢地揀頭飾黨到啦~~亦都好快咁揀左心目中既set lunch，開動啦！因為我地今日都係幾趕ga！仲有好多地方未去！ (待續：原宿 - 竹下通)詳盡相片資料及其他沒貼文的相片於 內。編/攝：阿乃 本 著作 係採用 創用 CC 姓名標示-非商業性-禁止改作 3.0...

從神宮出來係有一條短石橋仔係必經ga！叫神宮橋~~就係下面呢四幅相啦！當時成11點幾12點，嘩！又曬又熱，好死呀！個個已經出動帽呀，太陽眼鏡同冰水啦~~幾位小姐仲開始出動防曬tim~~(好暈啦~~咁怕曬黑ga~~我都不知幾想黑d呀) 呢枝係燈柱，大家可以望望上面的燈，同神宮既設計差不多ga！應該係特意配合返ge~ haha~~去完神宮，就梗係準備返去原宿站對面既竹下通行街啦！都未行到去竹下通，阿N小姐同C先生已經比Snoopy Town偷左個魂魄，走左入去！我地就全部人係門口等佢地囉！因為我地都對Snoopy冇興趣~~ 得閒我地咪影下對面既原宿站囉！ 之後我地又被一間運動用品店攝左魂，個個入哂去！(其實我就唔好運動裝ga！)最後竟然係裡面逗留左一個鐘咁耐，大家都有斬獲！而我更不能相信，自己都買左一個2006年世足日本國家隊的限量版側袋，只不過係200蚊港幣，超抵！最後仲成為了旅程中的重要儲存空間之一！ (下圖) 其他人都買左幾個袋，因為大減價，平得太恐佈啦~~之後仲有人係最後一日再返黎呢間店掃多左6,7個袋呀！你地睇下減價月d野平得幾恐佈，竟然令我地變哂購物狂呀~~繼上野、Uniqlo之後第三間跌錢重點鋪頭~~ (待續：原宿 - day5午餐)詳盡相片資料及其他沒貼文的相片於 內。編/攝：阿乃 本 著作 係採用 創用 CC 姓名標示-非商業性-禁止改作 3.0 授權條款授權.  

HELLO~~大家好~~我地今日已經黎到第五日啦！晨早9:00已經到達我地第一個目標，就係明治神宮。這是當時最受重視同神聖待遇的神宮，守護著整個東京都的命運ga！ 而明治神宮門前對開的一條路，並命名為『表參道』(即係今日被受追捧的名店街)，即為參拜必經之路。 這是明治神宮門前大鳥居呀！ 門旁日式路燈 工人掃落葉出來的一條樹葉路~~ 綠葉的天空走道！ 晨早去有個好處就係人不多，係看看，成條入神宮之路都冇乜人ga！ 綠葉天空的交錯！ 行到一半的時候，路旁就會出現好多神社都有既酒筒，而且色彩斑斕tim~~ 行左成20分鐘，好迂迴既入神宮路，終於到達神宮正門啦！(我都唔明點解個個地方d宮、寺院都有條長長的路先可以入去，由大門到宮正門真係可以行足20分鐘！都好唔符合快的原則！) 黎到神宮，梗係要求返d平安符啦！呢度比淺草寺款式種類更多！價錢都差不多啦！ 呢對係入神宮既側田，d花紋好靚，而且好有懷舊味！看得出佢係經歷過不少風霜雨雪的洗禮！ 呢張既重點唔係睇我，而係我身後的構圖，斜線式構圖，配出多個該細的日式四方紙燈，運用景深的原理拍攝ga！(Thanks K小姐幫手jar機) 呢d係『繪馬』，即係寫d祝願、祈求既野上去，求福求成ga！因為塊木牌都幾貴，所以我地冇人寫囉！ 正所謂『入屋叫人，入廟拜神。』，神婆又點會唔做呢d野啦！對不對？我亦教左K小姐 & 水貨女王 如何在日本寺廟參拜！如下~~ 教完人，自己都要求下野啦~~求d乜？梗係唔比你地知啦~~你地當我傻ga咩~~ 影完相，求完福，求埋平安符，完成一切事，就走出神宮啦！去到神宮內的『洗滌之泉』度！ 我地係呢度只作潔淨雙手，據傳統說，神宮寺院的泉水係可以洗滌衰氣，迎來運氣的！ 但要記住先請左手，後洗右手呀！據說是左入右出的原理！亦可以祈個福ga！haha~~呢個係明治神宮的大門！(由入左影返出去呀！) 唔知大家對呢輯神宮相有乜野評價呢？大家去日本有冇去過神宮呢？入去做左d乜？ (待續：原宿 - 竹下通)詳盡相片資料及其他沒貼文的相片於 內。編/攝：阿乃 本 著作 係採用 創用 CC 姓名標示-非商業性-禁止改作 3.0 授權條款授權.  

終於擺好哂d野啦！去到大堂集合既時候，N小姐同C先生都打電話來，話買完sanrio，會同我地一齊食晚飯，那就等埋佢地啦！ 既然食過壽司、松屋、日式燒餅、日式拉面、中華拉面及餃子~~咁今次就食蒿麥面啦！ 之後就去了池袋西口的富士そば啦！呢間野係上次我地食飯既松屋對面，附近仲有吉野家ga！ 入到去，唔係好多位，要等一陣先有位坐囉！之後又係有呢d自動售賣機啦！各自揀選大家的喜好，由我一次過買埋！(因為我做導遊、行程安排、日本百科全書等之如，同時都兼任埋膳食ga！) 每人只需600yen(約50港元左右)呢間野有個特色，你可以揀要 そば or 烏冬，但你比飛既時候就要講！ 呢個好似係豬扒海苔烏冬，係K小姐既！ 而我就叫一個日式肥牛肉烏冬 (其實我想食蒿麥，但因為唔夠飽，所以轉返做烏冬) 另外阿N小姐、L小姐就叫左咖哩套餐！剩返果兩位就叫了d普通穩陣既囉！雜錦烏冬~~ 食完飯飽飽啦！我地4個就去返東口夾公仔囉！而N小姐同C先生呢一pair就返酒店sleep啦！ 我地最後夾完公仔仲黎左個探索新路tim~~結果行左好大個圈先可以返到去酒店！我地又開始肚餓，所以去左7-11 同 Family Mart買關東煮同炸野食！ (待續：原宿 - 明治神宮)詳盡相片資料及其他沒貼文的相片於 內。編/攝：阿乃 本 著作 係採用 創用 CC 姓名標示-非商業性-禁止改作 3.0 授權條款授權.  

係銀座趕頭趕命咁返到上野，開左locker，拎返d野，N小姐同C先生就快速咁走先一步，佢地要趕去Sanrio(因為8點close)。 我地就慢慢拎住一袋二袋搭山手線返池袋！返到池袋，第一件事就係行返酒店啦！因為我地四個已經拎到得返半條人命啦！由池袋駅北口行至酒店平時需要3-5分鐘，今次我同L小姐用左差不多10分鐘先行到返去！而K小姐，以及S小姐呢個水貨女王(我係上野比佢既花名)，就用左足足15分鐘都未返到！咁我同L小姐唯有係Lobby等佢地啦~~因為我地要將我地咁壯觀既場面影低佢！如果唔係就唔會有以下呢兩張相！ 最後等左20分鐘，佢地終於步入大堂啦！當然水貨女王係最後一個返到黎啦！(佢買咁多野，有一部分係放係鋪頭賣ga！因此得名) 佢地已經tired到好似冇左靈魂咁啦！一定要坐係度回氣囉！ 圖一，我叫哂佢地行開，影左呢一張！(我粗略數過，我地四個人總數差不多有35袋) 圖二，L小姐幫手jar機，你睇睇中間既水貨女王已經好似快死咁！ 從上面張相，有d人係度，再加埋d袋，你地就可以目測到有幾誇張啦！擺左20格地磚ga！仲有櫈上面、檯上面。只係用左一日時間，就已經攪成咁，但其實我地唔係用左好多錢，我地四個平均只係用左MOP$1000@每人，係咪好抵呢？ 買完野，影左相，就各自各拎d戰利品上房啦，15分鐘就到大堂集合，出發去食晚飯啦！ (待續：DAY 4 晚餐)詳盡相片資料及其他沒貼文的相片於 內。編/攝：阿乃攝：L小姐 本 著作 係採用 創用 CC 姓名標示-非商業性-禁止改作 3.0 授權條款授權.  

係上野行完，好快咁就黎左銀座！ 好例牌咁都要係和光鐘塔呢個銀座地標度影返幅相先得ga！ 呢間就係地鐵站出口的鳩居堂啦！好似係好出名ga~~不過唔記得左係點啦！ 嘩~~日本國的麒麟啤，不斷咁賣緊廣告呀！ 影左一陣相，阿K小姐、N小姐同C先生就畀間Adidas Orginal Shop吸引住入左去，行左近半小時呀！之後我就要過去隔離果間Uniqlo度買野，因為我知道呢間係最大最齊同最多新貨既東京Uniqlo店呀~~我一直都話要去掃衫，咁我又點會錯失呢？ 我係裡面買左好多衫同褲，近20000yen左右呀！用左4個字，冇錯因為時間緊迫，只有4個字時間，我都已經兩大袋出返來，應該係一睇arm，價錢OK就立即拎起比錢啦！而S小姐、K小姐都有一齊入去買野，都有斬獲呀！ 之後又影下d名店先！早前係新暫影左幾間，現在我影埋PRADA、GUCCI！ 之後阿K小姐話要幫人買Fancl，咁我地就入左呢間樓高8層的Fancl啦！佢地都有買野出來啦~~ 跟住出到來已經成6點啦~~天都開始黑，而且有少少微雨tim~~不過我都冇理，照影銀座的Shiseido店門面囉！ 之後就要入去Burberry，因為阿K小姐上次係台場冇買，要來呢間買，我又要幫個friends買一個佢指定既手袋囉！最後我好快就買左，而阿S小姐同L小姐都忍唔住名牌的誘惑，失手買左個袋！d職員好叻咁幫我地包裝、入袋，仲加多一個透明膠袋笠住防雨水，真係果然係名店，服務係唔同d！ 買完都已經為7點3左右啦~~L小姐一定要去地鐵站附近既不二家買糖、餅做手信！而我就因為太肚餓，就係不二家買左一個班戟千層蛋糕食，頂住個肚先！就在那時，昨晚台場返到池袋已經係8點，N小姐去唔到Sanrio，今天N小姐無論如何都要去，所以就一直咁催我地走！(但我地成日都話日日住池袋，你幾時去都得，而且我地plan左最後一日去呀！)但佢就一定要去左先，所以我地個個都係度趕！我承認我當時係嬲ga~~因為我未試過係街度冇哂儀態咁以9秒既速度食完一件蛋糕，仲要係有忌廉既，食都成嘴都係cream，仲要面壁食(唔想比人見到我咁狼狽，因為地鐵唔比食野！)，最後真係呢咁hea囉！ 之後返到上野駅，N小姐同C先生一拎返d野，我地就叫佢行先，唔駛等我地！我地就慢慢咁先返池袋！因為大家都拎得太多野！梗係要慢慢行啦~~而Sanrio，佢地都明白最後一day都會去，唔急既~~ (待續：瘋狂後遺症)詳盡相片資料及其他沒貼文的相片於 內。編/攝：阿乃 本 著作 係採用 創用 CC 姓名標示-非商業性-禁止改作 3.0 授權條款授權.  

剛過了的星期日(07-8-19)，就是學會第二屆就職典禮的大日子~~這個就職典禮真是一波三折呀！由原來的07年頭一直押後至7月才舉行！原因有好多：例如大家沒有時間、沒有人一同分擔工作、聯絡滯後、其他事務優先等問題。 今屆與第一屆其實大致相同，會長仍是陳生，理事長依然是"阿乃"本人，其他的幹事則全部大執位，我的理事會於06年尾進行招攬及積極擴充，現在終見成形，我非常之欣慰呀！ 回顧之前創會時，人數只有7位，全部人都為學會不辭勞苦，大家都muti-function，而經過多個展覽的舉辦、多項課程的開辦、數個交流團的計劃，會員人數終於來到今天的近40人，成績算是不錯！ 而我的理事會更由3人(包括我在內)，積極擴充成為近20人，但因為大家均沒有太多經驗，重擔仍於我身上，好的是大家意識到學會是團體生活，亦從我身上開始分發工作給大家跟進，大家亦做得越來越好，對我的依賴日漸減少，而且漸見6大部門開始署理該部門的職務，只是定時匯報給我就可以！ 真的很欣慰了！我終於可以漸漸退下火線，不需1人分職20多個職能角色！yeah~~那天的就職典禮算是成功舉行了！各顧問百忙也抽空出席本會的就職禮！積極會務的會員及幹事也全部到齊，當然有些人有要事不能出席，這是可以理解的！ 下面跟大家講講當日的盛況啦！首先very thanks Teresa & Amy 11點就已經到場佈置！(本人11點20分才到)正式開始時間為 中午12點半，大家亦相當合作，準時到場，偶爾有人遲了5多鐘！另外就有一位仁兄遲了足足25分鐘，全世界等她一個！(各顧問已經向我質詢還有誰未到呀？為什麼還不開始呢？) 結果，原來12點半開始的，變成1點正才開始。  由本會名譽顧問畢子融教授致辭並頒發本會五位最高領導人的委位狀！包括(由右起)：畢教授、陳榮會長、阿乃理事長、Teresa秘書長、Cathy財務長、Ivy監事長。 之後再陳會長致送聘書及畢教授！ 發呆的我，在聽陳會長的職詞！(大家都在發呆......因為他是出名的 "不停說"，快些找人Cue他啦！頂不住啦！) 再由本人致送聘書給三位出席的藝術顧問！(左起) 李先生、Regine、童教授 之後亦由本人頒發委任狀給理事會的副理事、及6大理事主管！(左起)：本人、公關部Chantelle、項目策劃部Bonnie、人力拓展部Kelly、副理事Amy、學術事務部Laney、副理事Hong、藝術設計部Vincent、總務部Chong 最後就是宣誓部分，宣誓完後，一齊來一張大合照！ 大合照完畢！正式開始吃中午飯啦！今次，我與cathy為大家準備的是 點心 + 特色菜餐！希望大家會喜歡啦~~ 首先來看看幹事會員席，大家好麼的開心，一同干杯！可惜我不是坐於你地那邊！(為什麼不叫我一齊干杯呢？)朝氣勃勃呢！我們的幹事們！ 大家都餓了！開餐吧！ 再來看看主家席吧！我們比較沉實一些，相中的我，真的不知在講什麼呢？ 又不知在什麼情況下給vincent偷拍了我笑到見牙不見眼的醜相！我估計我們應該在說III級笑話吧！ 吃東西時間，個個努力吃，拚命食呀！ 又不知在什麼時間給Vincent拍了本輯相最醜的一張，好像猩猩呀~~Oh My God！不過那些帶子燒賣真的很美味！ 午讌於下午三時結束！有些幹事會員之後有空，大家就相約一齊去澳門蛋打保齡球啦！我亦非常變態，狀態不錯呀！連入三次全中，分數急升呀！ 看看那個2號，就是我啦！1個補中之後，連續3個全中呀！ 最後因後繼不力(其實給他們恐嚇及耍賤，令我節節失誤！)不過都好，有145分！ 文：阿乃相：Vincent、阿乃

係上野廣小路口站的阿美橫丁行完，又食完中午飯，咁我地就繼續係上野度行啦！雖然大家已經係淺草、阿美橫丁買左好多野，亦鎖哂係上野駅的大型Locker度！ 呢度係上野駅對面阿美橫丁尾段的一間食肆，好靚呀！忍唔住要影佢相！鬧市中竟然有一間古式園林屋~~真係好有韻味~~ 呢度係阿美橫丁的尾段，好近上野駅的！ 呢間係o係我地食午飯既對面，又係食日本料理的！不過個look好似好殘囉~~ 又行左一陣之後，見到同之前的阿美橫丁前段差不多，所以就走返去上野駅對面，果間我成日講，好大型既Yamashiroya，它是一棟七層高的玩具、食玩、模型、公仔、潮流玩意......的玩具店！ 你看看佢個門口，而家唔知又sell緊d乜野新卡通啦~~ 一入去就有keroro超大公仔歡迎你~~真係爆笑呀~~ 門口仲有好多新野同簡介每層的商品呀~~ 仲有麵粉公仔同d小食玩呀~~好似真既咁囉！ 好啦~~講左咁耐我地不如入去店裡面睇睇，日本有d乜野新產品啦！Let's go！ 通常門口都係擺放一d新發賣的產品ga！好似圖中的發光鴨仔、中層的沖涼發光波波，仲有一d浮既甲蟲~~ 呢一邊就有可以係房間天花投影做出星空效果的機器！又有我04年已經係度買左既天花投射北極光燈~又有音樂節奏魚(同iDog同一原理)，又有d正方形變色磁石燈~~仲有iDog呀~~(其實呢d野，係香港既city super已經引入左！) 跟住就係暫時只在日本發售的養人仔機，拼埋多部仲可以探鄰居tim~~一買就要買2個，而且要成19000yen呀！ 呢部就係我好鍾意，得返一部，但我最後都係冇賣到既野！佢係一部月亮投影機，佢可以將月亮投射在天花板或牆上，只需半小時佢就可以由東行到西，仲有埋由新月至月圓，再到新月的整個過程！攪到我勁心郁想買！ 呢個就係今期大熱既keroro專櫃，展示左好多新產品供大家購買呀！ 呢個應該大家唔會陌生ga啦！佢係搖頭公仔~~不過今次係新顏色、新表情，仲有香味tim~~而且係代表幸福、戀愛、財運同健康ga~~ 而呢隻又係新野，係一隻音樂熊呀~~可以幫你keep住個電話，響既時候佢會唱歌話你聽呀~~不過都幾貴，唔平呀~~ 睇完哂玩具，我都有賣一d食玩扭蛋！大家都有少少收獲啦~~攪掂哂d野就已經成4點半啦~~咁我地就要好快咁去銀座！之後shopping既戰利品就放係locker先啦~~因為最後要返黎上野駅轉山手線返池袋呀！(待續：山手線巡禮之時尚銀座)詳盡相片資料及其他沒貼文的相片於 內。編/攝：阿乃 本 著作 係採用 創用 CC 姓名標示-非商業性-禁止改作 3.0 授權條款授權.  

去完淺草，我地又係搭地鐵去左上野廣小路站，我地要進攻阿美橫丁啦！ 一去到就見到好多人呀！一早只不過11點左右就已經人頭湧湧啦！我梗係二話不說，就先帶大家去左一間我極力推薦畀各位自助遊日本人士，以批發價去掃平食、掃帆立貝的店舖，旅行團絕對唔會黎ge！ 佢叫 "二木の菓子"，有二間店，係打對面ga！好易搵~~而大家都係裡面放低左唔少時間，亦放低左唔少錢囉！不消半小時，大家已經2,3個超膠袋出來啦！大家亦買了唔少特大包既帆立貝！(之後我地返黎係八佰伴見到，不過一小包就已經等如我地特大包的價錢，即大約120元澳門幣) 仲有好多草餅、燒餅、麥茶、綠茶、羊羹......好多好多！尤其是S小姐，簡直進入了瘋狂狀態，暴走上野既二木の菓子，結果買左成4大袋，仲要即場買行李箱packing d野先可以繼續行！ 完全被二木の菓子吸引住~~不能自拔！所以我極力推崇，而家應該知道點解我成日叫人去日本自助遊要帶多一個空行李箱，因為你真係唔夠裝！但你係跟團就唔洗，因為係唔會點樣買到平野！跟阿乃去日本shopping同睇靚景、浸溫泉、體驗日本文化一定冇錯ga啦！ 行完哂，大家滿載而歸，我地準備返去上野駅啦！突然有人提出一個問題，就係：『我地好似仲有玩具店、銀座都未去播？』我答：『係呀！』佢地就：『死啦！我驚拎唔哂d野呀~~而家已經咁，真係唔可以諗夜晚點返酒店！OMG~~』我：『我一早已經講左今日係血拼同體力勞動日ga啦！等你知道日本都不知幾多平野買！』 說著說著我地就回到上野駅，第一件事就係找Locker，而且仲要搵最大Size果隻囉！最後我地用左3大個Locker先可以擺哂我地6個人既野囉！好誇張~~ 擺完野就係上野駅發現有一個南極展，我地又忍唔住要影下相先啦！但我地個個都已經餓都死下死下，我個肚已經係度狂響，而且我有少少胃炎，唔可以餓，所以我地真係飛快咁影相，然後走出上野駅，向我地既 "壽司任食店"出發~~ 係地鐵站攪Proof都好有諗頭囉！而且真係好吸引呀~~ 好快咁我地就黎到我為大家安排，食到夠食到嘔既任食壽司店啦！ 只需要1280yen就可以任食，我就覺得好Ok啦！但我的團友話d壽司料唔夠大唔夠長，而且d壽司用機打出來既~~其實港幣80多元，有任食，而且又三文魚、吞拿魚、櫻花墨魚、鰻魚、蟹子、貝、蝦、北寄貝......都係o係港澳比較貴既壽司，仍然畀你任食，算係咁啦！ 我地都唔知叫多幾多盤(佢係一盤15件)，多似都有差唔多10盤啦！仲好似有人想叫d手卷tim，雖然都係任食，但好唔抵，d飯咁多~~最後大家都好夠飽啦~~好滿足咁走出來！(ps.係日本大部分食店都o係唔可以食剩野，因為佢地覺得你好浪費同冇禮貌！如果食剩的話，佢地會同你逐件計，到時你就真係和味無窮啦！) (待續：山手線巡禮之決戰上野Part 2)詳盡相片資料及其他沒貼文的相片於 內。編/攝：阿乃 本 著作 係採用 創用 CC 姓名標示-非商業性-禁止改作 3.0 授權條款授權.  

2006真夏東京 Day4 東京都巡禮 - 淺草 終於寫到day4啦！已經成20篇，都唔知寫到最後係幾多篇呀~~haha~~唔講咁多，又係睇相說明啦！ 今日一大清早就來到這個任何遊客，來日本必到的地方，除左富士山，應該就係淺草啦！這裡有好多古式建築，同時近年亦有好多新建築物出現！古式代表就梗係 "淺草雷門"啦！有套日劇龍與虎都係用淺草作背景ga！新式代表就首推下圖啦！(唔記得左佢叫乜，總之就係設計大師的作品，好似一圈金火咁啦！) 我地今日係搭地鐵去淺草，160yen一程！ 大家可以看看私營地鐵Metro的地鐵路線表呀！(在車廂內嚴禁用閃膽！) 係淺草地下鐵內發現左一幅好靚的壁畫，係將淺草的特色、名產的元素都放入壁畫中，色彩斑斕。 這就是淺草地鐵站出口，最近淺草寺的。現在進行美化整治工程，所以附近工程進行中。 呢個係淺草寺對面的政府機構，係遊客諮詢中心！ 大家看看，呢個就係淺草雷門啦！(呢次已經係第4次啦，真係有d悶啦！)一大清早就好多鬼佬遊客，亦見到兩個香港旅行團，攪到一大早就好熱鬧！ 呢個係雷門旁的古式牌塔以及楊柳，保存至今呀！ 看看由雷門直通入淺草寺的仲見世通，商鋪都未開哂就已經人滿為患啦！留意下圖中間懷疑香港旅行團的少女團友，我係影完相之後先冇意中發現，佢個超爆笑表情，笑到我死！(大家睇唔清楚就可以去 相簿-->真夏東京 睇大圖)可能佢覺得自己影得唔好，所以個樣扭曲掛~~不過佢就破壞左我呢張相既美感，如果我一早發現，我就等佢行開先再影多張。 呢個應該之前有進行修復，因為上次來的時候係冇乜顏色，好殘咁ga！大家可以睇清楚底部，寫住係松下電器ga！ 仲見世通的售賣雨傘、帽的鋪頭！ 仲見世通的售賣糖果、人形燒、和果子等特式食品的鋪頭！值得留意的是圖中間的三個大胸布甸，唔知係咪食左會變成咁呢？(好明顯係扼d無知少女，又或者係純粹攪鬼！)香港/澳門我都見過有得賣~~ 仲見世通的售賣特式紀念品的鋪頭！ 呢間係仲見世通售賣人手編織的布袋、手袋的鋪頭！我見到好多都好靚ga！不過價錢都好靚囉~~ 呢間係仲見世通的售賣布匹、和布、做和服的鋪頭！ 呢間就係仲見世通街口第一檔，賣人形燒的鋪頭！我地個個都掃左唔少貨返去做手信呀！(我的朋友，唔好懷疑，買比你地既人形燒就係o係呢度買ga！) 呢間係仲見世通售賣和式包裝盒、財布、小手袋及各式和服配搭物件的鋪頭！就連鏡盒都有，全部都係和式包裝！ 呢間又係一間名正言順的紀念品店！林林總總，各式各樣的紀念品堆積如山。 呢間係仲見世通售賣西洋絲絹為主的鋪頭！ 又係一間特式食品販賣店！ 呢條街如果要認真行，真係有排你行呀！不過我地興快刀斬亂麻，arm就入唔arm即走，所以我地只有了45分鐘！ 講返來淺草的重點先啦！通過一大條購物術之後來到淺草寺啦~~ 又一張藝術相啦~~(自誇第n次) 寺內人流不多，但就出奇清涼，與外面的炎夏酷熱差很多啦！ 來到這裡，我地亦入鄉隨俗，求返枝籤啦！我地亦拍下怎樣才是正確的日本求籤步驟及方法，不過唔比得你地睇！如果唔係咪知道哂我地求乜野，係好定唔好囉？haha~~ 求支籤只不過係100yen，算係平啦~~ 求完籤梗係要去求平安符啦！我求左幾個，分別係唔同既用途，有一個掛係車度，係保行車平安ga！ 呢條係旁邊一條行道，應該以前係d僧人由僧舍行入淺草寺的通路，因而得名！ 我地係門口同當地的土地公(日本菩薩)影返幅相留念先！ 最後我地就行返去仲見世通，因為已經超熱，而且今天係一整天shopping同體力勞動，所以大家都買返個刨冰涼下先啦！我係蜜瓜味，S小姐係士多啤梨，K小姐同C先生就係波子汽水味！至於L小姐同N小姐就冇食！ (待續：東京都巡禮之決戰上野)詳盡相片資料及其他沒貼文的相片於 內。編/攝：阿乃 本 著作 係採用 創用 CC 姓名標示-非商業性-禁止改作 3.0 授權條款授權.  

台場夜景 --> 回池袋 上回講到，我地去完sony、cokacola、Aqua city之後，成6點半啦！就快快咁走去台場海濱公園set腳架攝靚相啦！ (回影富士電視台、Aqua City) (呢張係一柱擎天呀！) (台場海濱公園的上層藝術迴廊！) (台場海濱公園上層休憩區！) (彩虹橋！開始天黑啦~~yeah) (以闊景圖拍攝的台場彩虹橋呀！) (台場海濱公園的自由女神像！我覺得呢張好有藝術性~~)(換左角度，影左呢張就係入夜後的台場彩虹橋+東京鐵塔~~so nice)(呢一張就係我地回池袋既時候，快速咁影左一張個摩天輪呀！有少少震左) (待續：山手線巡禮之重遊淺草)詳盡相片資料及其他沒貼文的相片於 內。編/攝：阿乃 本 著作 係採用 創用 CC 姓名標示-非商業性-禁止改作 3.0 授權條款授權.  

Mega Web --> Palette Town --> Aqua City --> Meidage 一入到去，見到好多夾公仔機同波子機呀！ 當然亦有好多街機啦！又有Bio hazard既槍擊game，仲有好多大家都見過既~~ 同時亦見到好多大朋友係度玩d賭馬機囉！ 又見到一隻3D立體休驗的假過山車game~~我之前已經試過，真係好假囉~~不過就arm我呢d好驚離心力的人玩呀！ 又同阿K小姐佢地玩呢個，最後梗係我win左啦~~hahahaha~ 大家又走左去玩筋肉擂台既9格藍球、9格足球，我地仲挑戰9格棒球，唔知係咪我地全部人都唔識打棒球，所以我地冇一個人個波係接觸到個框囉！ 係遊戲機中心內，最好既就係同港澳的好不同，絕對沒有煙霧迷漫，係日本既所有遊戲機中心，都好光猛，空氣好清新，真係適合一家人去玩既地方！再看看裡面有幾多野飲呀~~睇到你眼花花，唔知揀乜野飲好tim~~ 玩完哂，出返黎，見到有一間design showcase，不過冇時間就冇去到啦！ 我地就好快咁搭返百合海鷗去返台場海濱公園站，我地要去Sony展館 同 coka-cola專門店呀！去到Aqua city都已經4:30左右啦~~我地就好快咁入去，因為我地要去Mediage的Sony展館，體驗最新的科技呀！不過場內不准攝錄，如果唔係我就影多d相返來比大家看看啦！ 係Sony展館有好多新科技，包括視覺殘影、自由轉動、電腦識別、輕觸感應......好多好多得意野玩！之後就去左coka-cola專門店~~看看下圖，這就是入口啦~~裡面有齊各式各樣的可樂精品呀！ 看看裡面的陳設及售賣品，真係好多品種，但價錢一樣好貴！所以我冇買野~~ 好快咁就出左黎門口影下相，睇下Qoo d攪笑廣告仲好啦！ 等大家都睇完coka-cola啦~~之後就去返Aqua City，而阿N小姐同C先生就一定要來Snoopy Town 以及Sanrio，因為佢地要買野送比人呀！至於我呢，就冇興趣，因為我覺得澳門香港都有得買，唔駛特登係日本搬返澳門啦~~ (待續：台場美景)詳盡相片資料及其他沒貼文的相片於 內。編/攝：阿乃 本 著作 係採用...

Venus Forts --> MegaWeb 早上來了台場，去了富電視台，又去了Venus Forts，食埋午飯，終於到了我最想看的車啦~~其實我已經係第二次來 MegaWeb了，第一次我冇玩果個e-ride，亦冇影太多相，所以今次要玩返夠影返夠本先！haha 其實Megaweb 係Toyota  City Showcase，即是說以toyota為主囉！ 看！都係門口留影呀！(我左邊多左一個黑色袋，果袋係Venus Fort既戰利品呀！hehe~~) 一進門，就見好多車啦，呢度係其中兩輛~~ 呢輛車我覺得好靚ga~~好似係2006年的新車黎ga！ 我來呢度最開心，原因係所以車都比你任坐任影，大大話話都有成50幾60輛車ga！ 當然有in，亦有古老d既款式啦！我都試左好多部車，亦影左好多相~~haha~~ well~~試呢部車就好似突然變左個有錢仔咁啦~~好靚呀~~同時亦都好名貴~~如果唔駛錢就有，你話幾好呢！ 呢部係細車仔，都好得ga！不過坐落去就好似低坐落去咁，所以我不太欣賞！ 呢部係另一部七人車，我叫K小姐幫我拍下照囉！ 呢個係動感影院，唔駛錢就有得玩，排一兩分鐘，就有得玩啦！不過佢比其他d動感影院都差，唔夠激囉！ 玩完之後，佢地就去排左呢個真實F1模擬賽車，又係唔駛錢~~不過佢地就排左幾個字先有得玩！ 而我同阿K小姐就去左畀錢玩電動車(E-com RIDE)，它是一部電動化汽車，佢會自己駕駛的車，旨在被你感受下，佢自動駕駛的感覺！原理就係條路有特製的部件，只要部車又有相關零件，咁佢地就可以智能便別，包括提速、減速、轉波等 呢個就係我地去住e-car既果個站 (都市陳列館1樓站)，因為佢有幾個站台ga！ 嘩~~你睇下有幾多款，不過唔係你揀ga！黎到係邊部就邊部~~不過我果部都好靚，係灰黑色ga~~(同我自己jar緊部車係同色~haha)由於仲有人係後面排隊，我費事阻住人就冇影到ga車！ 呢張係話比你聽條路線點行，會有d乜野特別，以及景色會怎樣的解說圖！ 已經入左車廂內啦！我地係8號車~~haha 有好多不同的按鈕，都唔可以亂按呀~~ 你看看，只係行15km/h 咋，好慢~~但可以看清楚周圍既風景囉！ 呢張就係坐e-car時係摩天輪底經過時影既~~我好鍾意呢一幅相呀！ 之後就出返來係一部展示品的e-car度影相~~ 如果呢部車可以快d投入市面就好啦~~只需用電，唔需要石油氣、氣油咁樣，就唔會有咁多空氣污染啦！ 呢部係試乘預約機，可以預訂想試jar的車及時間，好方便ga！而且都係一d新車種~~ 另外一邊的車輛性能及資料介紹呀！ 這是二樓的概念車陳列區！ 呢d都係概念車來的！ 去了Megaweb，玩左2個鐘，之後有天空下起少少雨，我地去左Palette Town玩筋肉擂台同夾公仔機呀！ (待續)詳盡相片資料及其他沒貼文的相片於 內。編/攝：阿乃另攝：K小姐 本 著作 係採用 創用 CC 姓名標示-非商業性-禁止改作 3.0 授權條款授權.  

一個雷電交加的周末夜晩，雷電恰巧劈中一條內地供澳的主要電纜，導致本澳出現大面積停電，四萬戶電力公司用戶受影響，約佔電力公司總用戶的五分一。天上閃電亂竄，地上卻漆黑一片。 客似雲來的皇朝酒吧區、全場爆滿的澳門大會堂、幾乎整個氹仔及下環區民居住宅在一聲震耳欲聾的雷聲後，即陷入一片漆黑。停電雖只維持半小時，但導致發生多宗“困屻”事件，消防疲於奔命。 停電期間，由於設於大廈的電訊發射站無電力供應，以及大量居民同時使用電話，導致電話網絡“塞車”。澳門電臺亦受影響，停播廿餘分鐘。 下環皇朝戲院死火 同一時間，下環區亦吿陷入漆黑一片。有居民表示，當時天上一道閃電強光掠過後，家中即吿停電，往窗外一看，整個下環區烏燈黑火，遠處只旅遊塔頂部仍有燈光。 皇朝區由皇朝廣場至觀音像一帶酒吧街本來燈光璀璨，但昨晩亦一片漆黑。不少酒吧客人選擇離開，本應熱鬧非常的酒吧街變得異常冷清，但亦有客人選擇留下，享受難得的寧靜。 澳門大會堂亦受今次停電事件影響，全場爆滿的周末九點半時段觀衆在欣賞約十分鐘映畫後，銀幕即變漆黑，約一半觀衆選擇離開，院方亦需作相應處理。 在停電的半小時期間，因設於大廈的電訊發射站無電力供應，加上同一時間使用手提電話的居民大量增加，故導致電話網絡“塞車”。 (轉載先澳門日報)-------------------------------------------------------------- 阿乃後記：haha~~我都係受害者之一，全區停電~~我當時正與友人在家討論緊去旅行既野，突然電光一閃就.....漆黑一片了！之後我地仲大玩捕捉閃電影片、漆黑食雪條、仲有扮鬼！(正值7月扮鬼，你都咪話唔驚呀！)遲d先畀相同閃電影片你地睇啦~~ 文：阿乃

Day3Part3  午餐於 Venus Fort 內 Penvue Parks 這間店好有歐陸式呀！好靚既裝修，而且仲有好靚tim呀~~最特別既地方，係佢畀狗狗入去一齊食ga！呢間店叫Penvue Parks呀！ 呢個這係今日既set lunch 精選啦！ 這度就係售賣counter啦~~我地每人都係食左 980yen (即66元澳門幣)，都算係一個set lunch，一個飯加一杯飲品囉！ 看看~~呢個就係我既餐啦！一杯蜜瓜梳打 + 一個咖喱牛肉湯飯味道方面都ok，不過d咖喱就稀左少少，但味都夠既~~ 店內環境係好好格調ga~~下圖~~ 牆上仲有靚靚圖tim~~ 呢個係另一邊既水吧位~~而日本好多食店都係客人會自動自覺執拾食完既野~~所以垃圾筒都寫得清楚，費事你攪錯丫嘛！ 食完之後，大家見到一間夾公仔機既店，又蠢蠢欲動想夾，不過我同L小姐就冇乜興致，走左出去等佢地之際，比我地見到一駕買捲筒班戟的車仔，但由於佢唔比take photo (相中右面有個牌寫住)，所以我就走到好遠，用相機6倍光學變焦的功能Zoom埋去影~~haha~~ 等左一陣佢地都出來了，咁我地就向對面的Mega web出發，我期待已久的toyata車展、電子車、F1賽車及遊戲我來了...... (待續：Mega web)詳盡相片資料及其他沒貼文的相片於 內。編/攝：阿乃 本 著作 係採用...

Day3Part2 富士電視台--> Venus fort 上回講到係富士電視台離開，之後我地就黎到Palette town站啦！呢個站係連結住 Venus Fort、Palette town 以及 Mega web，三大重點ga！下圖就係Palette town既標誌，好靚既七彩摩天輪~~ 從月台連接橋上影出去既Palette town一景呀！ 連接橋的落點呀！係咪好靚呢？ 而我地決定了先到Venus Fort shopping先呀！ 上左Venus fort樓上3F，去左Burberry既專門店睇野，之後大家一入到商場就開始carzy啦！ 因為Venus Fort的主打係女裝服飾及配件為主，男裝都有，不過唔係好多囉！佢地四位女士入左係Burberry對面的女裝手袋鋪睇，咁我同C先生就入去附近的一間男裝看，需然已經有折，但間男裝都係好貴囉！買唔落手呀~~之後咪去返間女裝鋪搵佢地，點知佢地果間鋪大減價，個個都買成3-4個袋呀~~超Crazy呀！不過都只不過係10000yen左右(即670元澳門幣左右)，買到幾個靚袋就真係幾抵~~我係香港既Laosmiddle買袋都要幾百一個啦！ 佢地買完就梗係soft啦~~但我就未買到播~~~係商場行行下見到一間男裝衫幾得，咁就入左去睇，睇到d價錢都唔貴囉！百幾蚊澳門幣一件衫(仲平過Esppit呀)，於是就叫左阿K小姐同S小姐幫下眼，買返幾件衫先！我就係恤衫果邊啦！而C先生都唔另外，入左來一齊買，佢同我既style唔同，佢睇tee果邊，佢由女友N小姐畀意見啦~~ 終於都買完哂啦！就去Venus Fort著名的噴泉同假天空影相先~~ 之後我地就去左2樓度繼續行，2樓有好多鞋鋪、名牌鋪、滑浪用品等！我又係度買左一件衫，而其他人都一樣有買野呀！ 買下野~~唔驚唔覺都來到中午食飯時間啦~~個個都肚餓啦！周圍搵地方食野~~結果我地找到一間好得意既食店，而且價錢唔係好貴，可以接受既就係果度食啦！想知係乜？請看下回分解啦！ (待續)詳盡相片資料及其他沒貼文的相片於 內。編/攝：阿乃 本 著作 係採用 創用...

Day3  Part1 去台場 -->富士電視台 一大清早又出發啦！今日的目的地係台場，我plan左十個點一定要去呀！而且亦影左好多相，所以又要分開多篇來介紹比大家啦！ 我選擇了乘搭山手線由池袋-->新橋 (下圖) 到達新橋站之後，就要出閘轉百合海鷗號(Yurikamome Line)進入台場。 這是在山手線新橋站台上拍下的新橋區特別的建築物！ 又來一個小組合照先！由N小姐jar機，K小姐、我同C先生呀~~(我又係後面扮鬼扮馬~~) 呢個就係新橋站啦~~牆上幅廣告poster好靚呀！ 而新橋站對面就係Yurikamome既站台啦~~仲有日本的紅十字會在招募捐血者呀！ 大家可以看看它的價錢吧~~我就買一日往返乘票，800yen任搭及包一程船，好抵呀！(因為我地唔只搭3次，所以抵哂) 不願出鏡的K小姐，以一日乘車票遮面呀~~haha 係無人駕駛的Yurikamome上面，影左一張即將入彩虹橋的一刻！ 車廂內，被N小姐影左一張，我當然呆呆滯滯ga~~未sleep醒呀！又未食早餐~~因為好朝太趕，未食得切早餐，而我既早餐係叮噹大號荳沙包呀！(而個早餐就係個背囊度) 呢張又係一張攪鬼相！身後的背景話左比大家聽，我地已經到左富士電視台啦！正當K小姐叫N小姐幫手影相既時候，K小姐尚未準備好望鏡頭之際，我就突然走去佢後面 (怱忙程度你睇我手上既相機都未close就知啦！)，張大個口，作狀要咬佢個頭，當荳沙包咁食！我發現原來我可以張到個口好大ga~~之後N小姐好快速咁配合我影左呢張相~~~激到阿K小姐回了一句："哎呀~~你真係好乞人憎喎！" 呢個就是大名鼎鼎既富士電視台啦！相左下就係行人電梯通往上層ga！ 呢個係information & ticket counter~~ 招牌動作---在富士狗留影，上一次來都有影ga！L小姐、K小姐、N小姐、我 (手中jar住個荳沙包食緊呀！)~~而C先生梗係jar緊機啦，咁S小姐就係旁邊睇~~比我地四個 (此次旅程唯一的四位MMC旅遊系第一屆同學自組團) 來一個合照~ 在行人電梯內合照，S小姐、我、K小姐、L小姐、C先生，而N小姐就影緊相囉！ 一上來到，我地就入左去富士電視台既紀念品專賣店shopping啦~~話明台場購物玩樂丫嘛！梗係shopping啦~~開始發揮我地六人的購物狂性格啦~~ 有好多扭蛋機呀！而裡面既野係澳門香港都仲未有ga！我都有扭左幾個呀~~hehe~~ 在裡面足足行左幾個鐘，佢地先肯走呀~~因為我睇得好快，而且只係買左少少野，所以好快就係門口等佢地啦！仲入去催佢地tim~~如果唔催我就驚行唔哂d景點啦！佢地都買左唔少野，仲一味話平，唔係好捨得走~~我話因為係7月頭，全東京大減價呀，我地仲有好多好多平野買呀！so快d去下一站啦！ 係門口見到呢個印，咁梗係蓋返個來留念啦~~ 紀念品店門口的小狗雕像呀！ 去完買富士精品後，我地就離開富士電視台，去正式開始我地既台場shopping熱點：Venus Fort，以及玩樂重點：Patten town & Megaweb啦！留意下一篇~~ (待續)詳盡相片資料及其他沒貼文的相片於 內。編/攝：阿乃另攝：N小姐、C先生 本 著作 係採用 創用 CC...

上回講到去新宿閒逛，而且預告左我地係新宿的晚餐，但留待今篇才說！無非都係想同大家解構一下呢一餐既做法食法，因為需要詳盡解釋呀！大家有心理準備未呢？ 大家睇到上、下兩幅圖有d乜野感覺呢？去過日本既人應該都知，我地今餐係食日本出名的日式燒餅。其實日式燒餅的發源地是關西地區的，之後慢慢風行全國，更開設了多間連鎖店！ 現在各日本地區都可以品嘗道地的日式燒餅~~如果大家有睇日劇的話，應該都有d印象！乜印象？就係order d燒餅，之後係自己燒自已食，店員係唔會幫你整ge！ 我地一入到呢間 "京風百花日式燒餅"，我地就坐左一張6人檯，而且仲唔駛盤腳而坐，非常好~~否則死硬~~跟住落黎就係餐牌啦！原來呢一間冇英文 或 中文餐牌ga~~對於大家都唔識日文的關係，叫菜、點菜、詢問意見等等就落在我這個 "假冒日本人" 身上啦！咁我就梗係叫左四份大size燒餅啦！分別係：海鮮大盛、牛肉大盛、豬肉大盛、雞肉大盛 四款，適合各人的口味，唔駛爭囉！之後我又問佢地叫什麼飲品(因為此店規定每日都要叫一杯飲品)，當然我又係要做翻譯啦~~我話款款都係150yen，有可樂、橙汁、雪碧囉~~另外有青檸梳打、青蘋果梳打、哈密瓜梳打，及一些麒麟啤、一番啤咁囉！ 最後佢地都係揀左可樂、橙汁呢d大路野，而我就揀青蘋果梳打，因為未飲過丫嘛~~當然佢係有少少酒精成分啦~~全部飲品都係一枝枝來的~~個個都試左我既青蘋果梳打，都話好唔錯囉！所以都話早知叫呢枝啦！haha~~ 出完飲品，我地既海鮮大盛材料出來啦~~由於我2年冇玩過，所以店員就教我地整。首先將海鮮同d燒餅醬溝埋，打至糊狀，如下圖~~ 然之後就倒哂落鐵板度(如下圖)，但唔可以太薄，因為一陣玩雜伎---翻餅既時候唔夠力翻唔到ga！厚厚地就arm ga啦！之後就靜心等候~~等....等....等.... 終於有得翻啦~~我好驚失敗呀~~因為會攪到成身就係ga~~好彩~~成功左~~haha~~~此時另外兩份(雞肉 同 牛肉)都來了，而豬肉就去左隔離個鐵板~~由L小姐 同 C先生負責~~我地四個人負責3份~~ 第二份落板啦~~睇下我同阿N小姐埋頭苦幹係度攪個新餅~~haha~~(見唔見右邊的檯上我杯青蘋果梳打呀！hehe) haha~~我地第一個餅完成啦~~最後仲有一d步驟，我地由調味總廚 N小姐 同 K小姐負責~~首先在調味架上將特製醬油平均掃在餅上，之後灑上紫菜碎，最後落柴魚乾(即係taco燒上面果d淺棕色既野)，整個製作過程就完成啦！yeah~~ 由N小姐進行分屍儀式，一開六，haha~~有得食啦！ 呢幅就係由K小姐為大家分配食物~~haha~~ 看看~~我又掛住食啦~~好彩今次捕捉到鏡頭o者~~(因為我太肚餓啦~~hehe) 評語時間：『海鮮大盛』-- 分數：9分 (好鮮味，而且我果份有帶子~~yeah~)『豬肉大盛』-- 分數：7分 (d豬肉有少少唔熟，我好驚發豬瘟呀~~味道一般~)『雞肉大盛』-- 分數：7分 (同豬肉差唔多味，食唔出係雞肉囉~~)『牛肉大盛』-- 分數：8分 (剛剛熟既牛肉碎，非常不錯呀！yeah)其實日式燒餅同燒墨魚丸(我叫Taco燒)係差唔多味，只要你落醬油唔好咁重好，就好好味，而且唔會太鹹，最好就煎熟少少，否則d肉仲係生ga~~ 全部合計埋單：6930Yen...

我地去由橫濱來到新宿時已經係下午四點啦！一出左地鐵站，我地就迷路啦~~因為呢個出口我未出過，所以唔多識行，大家一齊研究左個地圖好耐，終於咁到出路啦！我地想去既係一條百貨雲集既街！ 街中有伊勢丹百貨、無印良品、0101jam、0101city、0101young、sakuraya多間店、仲有好多名店tim~~ 我地首先行左伊勢丹百貨(上圖)先~~因為L小姐要買ANNA SUI既野，當然係大有斬獲啦！仲買左好多港澳冇既系列tim，咁誇到連人地d樣板，香水紙板全都搜羅回來，認真誇張！而我同K小姐就上左樓上的Bubbery度睇袋，因為佢想買，又要幫人買，而我有個friends都搭我買呀！所以就上左去睇，其實呢間d款都多，但K小姐話唔係太多，所以就冇理啦~~因為往後我地會去不同區份的專門店！so就落返樓下找他們囉！ 之後我地就過左對面既0101city，佢賣既野都好靚，唯獨價錢都好靚囉！我地睇佢d新出既 "浴衣"(即夏天版和服)，我其實已經有2套ga啦，夏天係屋企著，都不知幾清涼呀！咁佢地咪又心郁想買播，咁我係男裝就方便d，但女裝其實都好複雜，只係薄一d，同夏裝版既男裝好唔同囉！而且仲萬萬聲，梗係個個唔敢買啦！話哂就係第三日姐，而且我話比佢地仲會去平價商店(淺草區 & 上野區)，可以都會有更平，甚至平都笑既，到時就蝕啦！再者我地住既池袋一樣有0101city，可以唔駛咁快決定囉！(下圖0101city) 之後我又影左幾張日本的公共設施，有靚靚電話亭~~ 又有kawaii公仔既都營巴士巴士站牌~~ 之後我又影左名店 Louis Vuitton的門面，只可以係對面街影，如果唔係會比實Q趕ga！ 仲有Tiffany & Co.既店，間店個門面好得囉~~又有雕塑又有鐘，完全係藝術作品咁囉！ 而且我又好好彩見到一對情侶著哂和服出街，好靚呀！所以就影佢地~~個女仔好靚呀！佢地唔知我影佢地ga~~haha~~我係偷影ga~~ 之後我地就準備去無印良品睇野之際，我地個個都好肚餓，咁我地就要食左飯先啦！如果唔係冇力再行呀！食飯詳情，請留意下一篇：Day3晚餐，係食日式燒餅，仲要自己落手落腳燒tim，好好玩ga~~想知就要留意下一篇啦！hehe~~到時大家拎定紙巾抹口水，包你地口水流呀！ 食完飯之後我地就去左無印良品，佢樓高4層及地庫1層，賣既產品同香港既差唔多，咁當然多好多野啦~~不過係廚房用具，傢具等比較多囉！ 之後又影左一個將入黑的新宿街頭~~ 之後又閒逛左新宿呢條街好多間電器鋪，有人睇中左d電話，又有人睇中左d mp3機，又有人睇中d PMP機呀！但我要提醒大家，外國人係唔可以買日本本土既電話既！ 而家連prepaid phone都唔得，因為改左手續啦~~好彩我上幾年前來日本已經買左，而家可以增值就用得返~~haha不過我諗要問人借多一個先得，如果唔係下次得我有都冇用，都通唔到信囉！ 下面呢幾張就係新宿大街既夜景，好靚既霓虹燈牌呀！ 中間好似堡壘咁既，其實係Karaoke館呀~~係都咪話唔驚呀~~成幢澳門英皇酒店咁呀！ 仲有一張以街燈作襯托既新宿街頭~~我地影完相就去左新宿好出名既 "激安之殿堂"，出哂名抵ga！我都買左一個袋同一d零食，而其他人都大有斬獲ga！(因為我比大家1小時，但要睇5層既野，而且仲好多人tim~~比錢就要排隊呀！) 結果大家都好快速咁買野，真係諗多一分鐘都唔夠時間呀~~最後成11點半走，但我地發現地下商場連接地下鐵已經close左呀~~so我地勁驚要行路or的士返池袋呀！(你知日本d野幾早close ga啦，地鐵有d只係服務至11點)不過最後我地跟住d人群由大站入口落地鐵，好彩我地趕到最後果2班車，好驚咁返到池袋~~day2完~ (待續：day2晚餐--日式燒餅)詳盡相片資料及其他沒貼文的相片於 內。編/攝：阿乃 本 著作 係採用 創用 CC 姓名標示-非商業性-禁止改作 3.0 授權條款授權.  

好啦！食完美味的叉燒拉麵午餐之後，就上返去地面層的日清展覽館啦~~個個都急不及待整杯面啦！ 呢度呢~~係門口黎ga！一入場就會見到ga啦！幾大個杯麵~~不過圍左繩播~~入唔到去影相tim~ 唔怕唔怕，有個職員一見我地影相，立即就開左條圍繩，仲比我地入去捧住個杯麵影相tim~~真係犀利呀~~竟然畀我地咁樣影囉！ 又一張大合照，我地變態到張人地個杯麵抬左出黎影，d職員仲好好人叫其他人唔好阻住影相，仲幫埋我地jar機tim~~ 這是日清博物館門口的紀念品店的門口自製杯面呀~~一入到去先見到一部機同個牌先囉！ 跟住就見到個超大杯面大解構！(其實同澳門而家展覽緊果個係一樣呀！) 之後就有世界各地的合味道杯面的展品~~ 仲有日本獨家展示既由日清食品出產，專for太空人於太空的食品~~(日本獨家，其他地方未展出過) 當然亦都有推廣版啦！講左好多日清食品在各地的產量、銷售量，不同的名稱，食品種類等！它比澳門那個詳盡得多啦！而且d圖案同公仔等顯出日本人的"精緻文化"，做得一絲不苟呀！ 另外一邊牆就介紹左有關之舊時的宣傳手法及畫布宣傳等資料~~ 睇完呢d野之後，梗係去左重頭戲！整杯面啦~~首先要係呢部機度比300yen買一個空杯麵先！ 之後就入到一個位置，有d消毒噴霧噴出來清潔你隻手！跟住就有塊牌係度列低步驟啦！1.買空杯--> 2.清潔及消毒雙手--> 3.自行繪畫杯面的圖案--> 4.入面落杯--> 5.入配料及湯粉--> 6.進行真空包裝--> 7.自行進行防撞步驟 我地係呢d檯度用了差不多45分鐘，我地6個先完成自家製杯面塗裝~~呢個就係 "阿乃獨家杯面" ，現存放於阿乃私人博物館內~~ 看看這個機器吧，就是將空杯入一個面入去，那就需要我攪動一圈就可以！ 我的空杯已經放左係機器佈啦~~見唔見呢？(係紅衫人士附近)之後就到揀配料同湯粉啦！大家看看這個板，有一隻味我地係未食過，係香港澳門都冇ga，就係Sio 呢隻(我就揀左呢隻)。另外三隻係原味、海鮮同咖喱呀！仲有就係揀配料啦~~但看板的太少，都係睇實物啦！ 我就揀左 芝士、雞仔樣魚蛋、栗米、蝦4種(最多只可揀四種)返來澳門我食左呢個杯面，我曼鍾意都係芝士~~ 揀完呢配料同湯底之後，就要進行真空包裝！ 最後就製成左個杯面啦！之後佢就比左一個透明袋比我，叫我去吹氣進行防撞防壓~~完成左就好似下圖左邊的杯面咁~~係一個透明吹漲袋內，附有繩給你當側袋咁~~背著~~ 在我地整緊杯面既同時，我地見到有一個日本男仔來整杯面，他一整就整一箱，而且所以圖樣都係一樣，我地就去偷看看下係乜先？原來係寫住 I Love You xxxx~~我地就嘩左一聲，原來係日本除左送花送介指送金莎花之外，仲可以送自製I Love You杯面tim~~ 整完杯面之後就去左紀念品店睇下野~~不過d野都幾貴囉~~我地全部人都冇買野就走啦~~ 離開日清博物館及拉面博物館，我地就火速返回東京，因為我發現比我原來預定的時間遲了一小時，所以係新宿shopping就少了一小時啦！一講到此，佢地梗係要趕啦~~因為佢地又話要去買呢樣買果樣，而且正因係日本7月瘋狂大減價，好多野低至3折，你話點會唔買呢？ (待續：新宿)詳盡相片資料及其他沒貼文的相片於 內。編/攝：阿乃另攝：K小姐、N小姐、拉面博物館職員 本 著作 係採用 創用 CC...