環球旅人

今期一出就二回，事關都係附近，所以一次滿足大家兩個要求，手信及雪糕呀！大家係咪覺得澳門除左賭就冇其他野？其實大錯特錯，澳門除了賭仲有幾百多年的歷史文化、建築、各地及澳門菜、街頭小吃等，剛剛仲申請埋世界遺產，又有漁人碼頭、觀光塔等新玩意！ 咁仲點可以用一個 "賭" 字來形容我們的澳門呢？應該叫 "多姿多采的文化名城" 才對！跟我吃盡澳門人道地街頭巷尾小食及風味菜，行盡大街小巷探索澳門小城，絕對比你入賭場更加開心！ 003 澳門人講飲講食：三可餅家(中式餅類) 三可餅家，見證了澳門議事亭的變遷。今日的三可與昔日的三可變化很大，昔日的三可位於現在板樟堂的bodyshop + 克氏雪糕店 的舊樓，因為當時要清拆及重新裝修的關係，被迫結業，與當時隔壁的小小書店一樣命運，需小小書店已經不在，但三可餅家於數年前再次續業，開左係對面大堂巷裡面 (恆友魚蛋隔離)，與舊址只有數十步之距離而已，佢會好多出名的餅，如雞旦餅、盲公餅、雞仔餅、杏仁餅、牛耳等。 價格方面好大眾化，唔會好貴，而且佢仲係用以前的紙盒包裝，黃底用紅藍白三色寫上三可餅家及其他圖案，非常之古式風味呀！ 而家好多香港都過來買"鉅記"，講過秘密你地聽，其實鉅記係香港人過黎澳門開，都係近幾年先咁出名，以前澳門根本就冇咩鉅記，所以作為遊客，冇理由唔買d澳門歷史悠久既餅家ga？(我唔係係度拆人地招牌，只不過想大家來澳門食又好、玩又好、賭都好，都希望各位可以了解一下澳門的歷史文化，咁先叫做有得益嘛，才可以算得上 "讀萬卷書不如行萬里路。" ) 以前三可、咀香園、遠來餅家，係中區好有名既餅家，可算齊名氣，當然三家都有不同的歷史典故及不同經歷，遲d我都會同大家介紹遠來同咀香園的歷史及發展。 各位同為澳門人的blog友，留意一下三可好似又唔係大堂巷啦！今日放工去影返d相都唔見三可！係咪又執左呢？   004 澳門人講飲講食：檸檬車露(甜品類) 係三可、恆友對面，係上年開業的，賣點係老闆每日新鮮手打意大利雪糕，價格適中，10多元一個，買之前如果唔知好唔好味，佢地仲提供試食，比你試哂所以味先揀貫邊種都唔遲。 意大利手打雪糕，這是澳門人自己開的，而味道緊貼意大利人口味，就是偏甜，而且好似香港冇，香港只有紐西蘭低脂雪糕，所以來澳門就一定要試一試啦！而呢個意大利手打雪糕，佢地話都係fat free ga，所以一樣咁健康ga！本人就幾like佢果個芒果、薄荷朱古力。 ------------------------------------------------------------------------------------------------今集就講住咁多先啦~~下回再帶大家遊澳食下野，講埋佢背後既歷史啦！(下一回：005 澳門人講飲講食) (Update：2006/03/29)編/攝：阿乃

002 澳門人講飲講食：街邊風味魚蛋檔 (小吃類) 各位上回講左早餐，跟住我地又講下小吃啦！暫時介紹都係議事亭前地、板樟堂及白馬行一帶的，一來你地可以一次去哂，二來唔駛周圍搵，等我介紹哂這區的美食，再帶大家去一D比較少遊客去的區域呀！ 今次介紹的是兩檔魚蛋檔，一檔叫"恆友"，另一檔叫"陳林記"！(都是街鋪仔，唔係街邊檔，但仍保留車仔的特色)，因為近年在澳已經不多見街邊流動小販，剩下三盞燈、紅街市一帶才有(放心，遲d我會介紹ga，不用心急呀各位！)，這兩檔的地址係位於板樟堂的fancl house與SASA(U2隔離果間，唔好攪錯呀) 中間的斜巷仔，係叫"大堂巷"，巷頭有旅遊資訊牌同數個藍綠色垃圾桶。 一進去就知道這條是食街，第一檔係呢條巷的聖安娜對面，叫"陳林記"，它擺了各式各樣的熟食魚蛋，非常多種類，價錢由2蚊一串至6蚊一串都有，如你買得多的話就叫老闆娘比個蘿你，自己慢慢揀，之後佢就會即場幫你肏熟，好讓你慢慢品嚐。我每次去到都買成2大碗，都只不過係40蚊-60蚊左右，成5、6人一齊食都夠，有時仲多到可以當正餐tim。不過佢唔係成日開門ga，你去度就要碰下運氣啦！就算連我這些澳門人都常常食閉門羹ga~因為佢唔會貼出來說它明天休息的。 想食第二檔的話你就要行上少少，係檸檬車露對面、三可餅家及小熊貓隔壁，叫"恆友"的小鋪仔，出名的是咖喱魚蛋，彈牙有魚味，非常不錯，不過種類比前面的第一檔少，放學都好多學生去買ga~~價錢同第一檔價錢差不多ga！ 你看看，今天下午5點左右人多得幾緊要！而這條仲有好多好野食，有d鋪頭背後仲有風光的歷史，如三可餅家、西灣安記、小熊貓、檸檬車露等，隔離街都有好多，當然在下一回我會逐一介紹。不過大家唔駛驚，去左附近問人，大部分都知ga！當然你要問arm澳門人or店舖職員啦！如果唔係問著一個都係遊客就真係~~hahahaha~~ --下回見-- (Update：2006/03/29)編/攝：阿乃

《藝遊世界》-寶島台灣- Scene 11 五分埔瘋狂購物 Scene 11 五分埔瘋狂購物  大家可能要較大聲小小先聽到我地講野！本集係介紹五分埔的！大家靜心欣賞！ http://mymedia.yam.com/@/1427635 由九份回到台北，我地其實都去左好幾個地方才去五分埔的，以下用相片來講述一下： 回到台北，先去例牌景點忠烈祠 (已經去了3次，很悶啦！) 再來就是圓山大飯店，又是例牌景點，同樣已經去了3次！ 如大家想知圓山飯店的石獅子故事及風水事，請留意雯雯blog、Joyce blog 或魚魚blog，我不會在於開講的，留待大家去他們的blog吧！ 之後就去了山地特產店--->毛家公主屋 雯雯他們就大破財啦~~買了化妝品呀~~ 之後去了一天遊最後的一個地點，就是個個去台灣都會買回維格的手信！ 你看看，它有好多好多好食的東西，而且都是禮盒裝的！ 我們七個人正在研究買什麼，以及如何pack箱呀！(因為店家承諾於我們走的一天早上才將新鮮出焗的給我們呀！所以我地要分好哂，等回到澳門時一開箱就可以拎野走人！) 原來三盤滿滿的，經過我們試食團狂食之後就剩下......(我地好似蝗蟲呀！) 結果我地係維格order左2箱鳳梨酥+粟子燒回澳門啦！而導遊亦應我地要求，先車所有團友回自己的酒店，將d手信及戰利品放好，再上車！因為天氣不佳，所以我提議導遊尾站下車地點不在士林夜市，改去信義區及五分埔呀！(其實是因為我地7個要去五分埔買衫褲，又想慳錢唔搭捷運，而各位團友及導遊亦同意了！yeah~~) 所以最後我下車地點分兩個，一個是信義區台北101，另一個是我地既目的地五分埔！yeah，成功慳錢慳時間~~亦有若干團友於五分埔下車，他們去饒河街夜市！而我們先到五分埔瘋狂shopping先啦！ 下車後，於五分埔門口同導遊影左一彋相就話別了！來澳門記住找我們呀！我會帶你去食好玩好的~~ 睇完片五分埔既片，再畀幾張五分埔既相畀大家看看啦！ 係五分埔見到好得意好攪笑既袋呀！特登影比大家睇ga！ 行左五分埔成3個幾鐘，其實係未行哂ga！不過大家太肚餓啦，都冇心機繼續買，所以下集我們到了對面的饒河街夜市！(一袋二袋的我們都幾狼狽呀！)---待續--- 聯播之Blog：Joyce --- Joyce旅遊生活日誌 (臺北之旅Day 2 鴨仔團 之 忠烈祠&圓山大飯店)魚魚 --- 魚魚Cafe blog  (台灣遊記day2) 文：阿乃攝：台灣之旅攝製隊Video：阿乃(如想看更多的相片，可到本Blog的相簿 --> "藝遊世界之台灣" 內查看！) 本...

《藝遊世界》-寶島台灣- Scene 10 悲情城市- 迷濛中的九份 剛從基隆出來，我們向九份出發啦！雖然我已經去過九份二次，今次係第三次，但真的未試過在那麼惡劣的天氣，以及那麼多人的時間去啦！ 今天一直下著雨，還好，我們是跟一天遊的，否則我們一定不去基隆跟九份囉！入回正題先！由於山上太多人，所以我們必需泊好旅遊車在停車場內，然後搭乘上山的專車到九份！   Scene 10 悲情城市九份遊  一到埗九份，真是好誇張呢！人多到沒辦法形容，不如大家看看VIDEO就清楚啦！http://mymedia.yam.com/@/1427601 相片解說篇：停泊好旅遊車之後，我們在等候專車上山的啦！ 到達九份，一片迷濛，又下著大雨呢！ 去過九份的人，都應該記得九份基山街口的7仔啦！ 我們進去基山街，先到一間叫做阿信的店買手信。正確來說，應該是先試食到飽，再買呀！----->"左邊食進去，右邊食出來！" 你看看我們七個人買了一箱東西，之後還要麻煩導遊跟我們合力搬回車上！(誇張了嗎？) 買完東西，當然要食中午飯啦！我們來到九份出名的張記食飯啦~~ 我們叫了鹵豆腐、魯肉飯、魚丸湯、醉雞、炒面等招牌來食！每個人大約只需十幾塊錢就可以啦！便宜啦~~ 食完飽飽後，我們繼續往上走，繼續買東西！你看看多人都不行！我們根本不用行走的，因為他們是用推的~~好恐佈！ 這間是在轉角的店舖，好像很有特色，所以我們拍它一幅！ 在被推動的期間，阿joyce竟然可以拍下這一張！讚~~這條路是下去那個黃金博物館的地方，這條路也是唯一一條很九份的感覺的路！ 這間就是我們買那個陶笛的地方！我也買了好幾個來送朋友的！ 有人在示範怎樣吹，她好厲害，都吹流行曲呀！跟我以前來的時候不一樣！店舖重新裝修，款式也多了！示範員也不是老阿伯呢~~ 買完陶笛之後，我們再去了一間sell彩繪的店！我買了彩繪杯墊呀~~ 買完之後真的要回程到出口啦！經過了一間木屐的店舖了！ 最後他們去了買阿婆芋園上車食呀！ 最後我們回到出口7仔那邊等專車回旅遊車停車場！這時下著大雨，我們那箱東西已經濕了，還未上車！在最後，導遊攔了一輛專車，結果這車載我們十幾人回到停車場！第一次感受到導遊好厲害呀！為我們著想，儘快攔下一輛專車我們上呀！ 下集我們回台北啦！又是去什麼山地特產店，以及我們總共買了2箱鳳梨酥、粟子燒的維格烘焙店！---待續--- 聯播之Blog：Joyce --- Joyce旅遊生活日誌 (臺北之旅Day 2 鴨仔團 之九份 - 迫沙甸魚)魚魚 --- 魚魚Cafe blog  (台灣遊記day2) 文：阿乃攝：台灣之旅攝製隊Video：阿乃(如想看更多的相片，可到本Blog的相簿 --> "藝遊世界之台灣" 內查看！) 本 著作 係採用 創用...

前言 各位你們好！於早前本人已放左風聲出去講過將會開一個系列名叫 "澳門人講飲講食" ，是專門介紹澳門的美食餐飲，不論大街下巷，高級餐飲至街頭小吃，都會為你介紹！ 另外，我儘量會介紹一D "澳門旅遊天書" 沒有的 (其實我並不知道那些是天書有介紹的，不竟我是澳門人，身於澳門，所以未接觸過這些書)，不過可以肯定的是，儘可能唔會介紹D貴又唔好既野啦！ 可以放心，絕對可以滿足大家貪吃的本性，當你仲留連係黃枝記、九如坊、安德魯葡撻及大利豬扒飽的同時(好似前3間香港已經有分店)，澳門人已經唔多有興趣啦(因被大肆宣傳而不斷升價)！我地會去搵其他好食，可能平凡的店，其實更有小城風味！ 其實我自己閒時都會同D朋友在澳門所處找尋新食點，而且我更喜歡小食、甜品及輕食類，所以有的更會影埋相比你睇。而網友早前亦回應本人表示支持此系列，在此向他們說聲謝謝！(因為如果冇人睇，那我就當然不會寫啦！對不對！) 希望各位以後多多支持此系列啦！此系列會不斷更新，收錄於 "澳門人講澳門" 內。 001 澳門人講飲講食：盛記白粥 (早餐/甜品糖水/輕食類) 我唔知旅遊書有冇介紹過 "盛記白粥"，這是澳門比較出名的早餐、甜品糖水鋪，種類都幾好ga，分店又多，在雅廉訪幸運閣對面(9、16、8A、32號巴士)；在議事亭前地的民政總署旁直入(去議事亭的巴士均可)；在台山CTM隔壁(所有去關閘及新城市花園的巴士都可抵達)。 講完店鋪分佈及交通，當然要講下食物同價錢，晨早就好多人去吃早餐，它有一般粥品及油炸食物，而且有豆漿、豆腐花、燒賣、粽子、中式糖水等中式食品，另外還有它們首創的朱古力味豆腐花、芒果味豆腐花(好似仲有其他味ga，不過這兩款比教好味。)除了首創的口味豆腐花之外，它更時由開店至關門，全日供應各款食品，包括腸粉。所以幾時去吃都可以任你揀想吃乜。 另外一絕就是價錢平，10元8塊已經飽飽了，冇扼你ga，又有粥又有蘿蔔糕/腸粉/粽，都是10蚊左右，簡直係街邊檔價錢啦！對不對！ 我最喜歡吃它的"皮蛋瘦肉粥"，為什麼它會特別好食？原來內有乾坤，它的皮蛋瘦肉粥，除了基本食材外，還加入蠔仔去煮，所以特別好味，需本人不食蠔，但我都會食佢呢個粥囉！再者就是蘿蔔糕，它的蘿蔔糕成塊磚頭咁大，但非常軟滑，有少許"言茜"(唔識寫果個字)味，台稱：九層塔，加入自己喜歡的醬料，熱呼呼的，嘩！正~~只不過係幾蚊而已！最後，如果下午茶的話就會去食朱古力豆腐花、糖水等。它的炸腸也不錯，而燒賣就非常大粒，也很讚！ 其實它還有好多野食，大家來澳時，如果酒店唔包早餐都可以去食個街邊檔價錢的早餐。它保留了昔日冰室、舊式茶餐廳的裝潢，小城味重，如果你叫粽或蘿蔔糕的話，你會發現佢用既碟係"鉛製碟"，好有懷舊feel，據稱都是開張至今仲用緊(可能不同分店會有所不同) 最後教大家一些它的職員所用的術語，下次去食的話都可以跟佢地咁叫，會多一份親切感，好多常光顧的客人都識ga~~最常聽都的有以下幾個：(1) "白菜" -- 白粥+蘿蔔糕 (10蚊有找)(2) "咸菜" -- 皮蛋瘦肉粥 + 蘿蔔糕 (冇記錯的話係$8.5)(3) "咸粥" -- 皮蛋瘦肉粥其實仲有好多叫法，但我比較常食這些，另外的不太懂他們的術語，到時你可以問下佢地，不過記住返來話返比我聽播！haha~~ 今篇講住咁多先啦，下篇見！ 編：阿乃

Scene 9 台灣小食 - 雪在燒  剛從禪院出來，就看見了一個街邊檔賣台灣的小食，叫雪在燒！當時正下著雨，所以大家都很狼狽！大家來看看我們的介紹吧！http://mymedia.yam.com/@/1427560 下集帶大家大雨之中遊九份啦！---待續--- 聯播之Blog：雯雯 ---  雯雯~~豬  Blog   (未有相關blog文) Joyce --- Joyce旅遊生活日誌 ()旅遊分享之blog：魚魚 --- 魚魚Cafe blog  (台灣遊記day2) 文：阿乃攝：台灣之旅攝製隊Video：阿乃(如想看更多的相片，可到本Blog的相簿 --> "藝遊世界之台灣" 內查看！) 本 著作 係採用 創用 CC 姓名標示-非商業性-禁止改作 3.0 授權條款授權.

《藝遊世界》-寶島台灣- Scene 8 基隆港與大佛禪院 去完野柳，好快我地就去到基隆港啦！一去到就上山啦！ 到了一個叫大佛禪院的地方~~唔講咁多~~去片！   Scene 8基隆港與大佛禪院  走進禪院唔知又有什麼東西好玩的哩？大家一齊來看看吧！(請大家將其轉為original size，這樣質素才是最好最清的！)http://mymedia.yam.com/@/1427530 下集帶大家看看台灣一種特別的小食啦！---待續--- 聯播之Blog：雯雯 ---  雯雯~~豬  Blog   (未有相關blog文) Joyce --- Joyce旅遊生活日誌 ()旅遊分享之blog：魚魚 --- 魚魚Cafe blog  (台灣遊記day2) 文：阿乃攝：台灣之旅攝製隊Video：阿乃(如想看更多的相片，可到本Blog的相簿 --> "藝遊世界之台灣" 內查看！) 本 著作 係採用 創用 CC 姓名標示-非商業性-禁止改作...

《藝遊世界》-寶島台灣- Scene 7 野柳特產街 參觀完奇石公園，我地就去左野柳特產街！我好勁呀~~今次，我完全冇買過任何野，絕對免疫！但其他人就一袋二袋囉！haha~~   Scene 7 野柳特產街 由阿乃帶大家走進野柳特產街，看看這條特產街有什麼？(阿乃原來真係好白，白到有點恐佈！果然係 "全自動特速美白人種" )上車後大家都吃著什麼奇奇怪怪的東西？http://mymedia.yam.com/@/1423612 看一看，粉紅衫stella已經準備購物啦~~這是特產街入口！ 特產街門外的飲品檔！ 特產街內觀！ 手信檔賣出琳瑯滿目的飾物及擺設呀！ 風味手信鋪賣了很多很多零食蠶食呀！佢地係呢度又賣原餅紫菜、魷魚片......什麼都有呀！而我的興趣不大，因為自己澳門也好、泰國等什麼地方都有，根本不出奇！ 買完大家就上車，但此時下著大雨，我們有傘的立即衝上車，就算有傘都已經半濕！他們沒傘的就更加難過啦！慶幸我地7個都有傘~~haha~~車向基隆出發啦！下集就進入基隆了啦！---待續--- 聯播之Blog：雯雯 ---  雯雯~~豬  Blog   (未有相關blog文) Joyce --- Joyce旅遊生活日誌 (臺灣之旅 Day2 鴨仔團 之野柳奇石公園)旅遊分享之blog：魚魚 --- 魚魚Cafe blog  (台灣遊記day2) 文：阿乃攝：台灣之旅攝製隊Video：阿乃(如想看更多的相片，可到本Blog的相簿 --> "藝遊世界之台灣" 內查看！) ...

《藝遊世界》-寶島台灣- Scene 6 向野柳出發 終於來到day2啦！一早8點就要起身，因為今日join左一個一天遊，而且人地係9點來接我地，so我地今日就交哂比台灣導遊啦！太好了，我可以休息返一日，唔駛做guide~~haha~~跟住人玩點都好過帶住人玩啦~~對不對？   我地買埋早餐及我最愛的 御茶園 鮮奶綠茶 就上車！一上到車，我地位最遲一批，所以坐到最後囉！不過冇問題，我地成7個人咁多！包左成個車尾囉！ Scene 6 向野柳出發 從車上至野柳奇石公園，由阿乃、雯雯、Crystal帶大家瀏覽！(各位，從本集開始會見到好多本人亮相ga啦！唔好話見唔到我，淨係得把聲啦！)http://mymedia.yam.com/@/1421894   野柳相集：北海岸風景區 進入野柳~ 野柳地質公園 路標 走進奇石區 奇石的故事 奇石區一覽 受海風侵蝕地形~ 另一窪地~~ 不知什麼人像~ 走進風化沙岩區~~ 沙岩地帶~ 站在沙岩上~~ 一望太平洋~ 合照 招牌女王頭！ 下集就進入野柳特產街啦！---待續--- 聯播之Blog：雯雯 ---  雯雯~~豬  Blog   (未有相關blog文) Joyce --- Joyce旅遊生活日誌 (臺灣之旅 Day2 鴨仔團 之野柳奇石公園)旅遊分享之blog：魚魚 --- 魚魚Cafe blog  (台灣遊記day2) 文：阿乃攝：台灣之旅攝製隊Video：阿乃(如想看更多的相片，可到本Blog的相簿 -->...

身為澳門人，當然要推介一下澳門啦！提供一些資料給來澳的旅客，希望愉快遊覽澳門，感受下歐陸小鎮風情及中西交融的文化遺產，以及新穎的建築物啦！文：阿乃

《藝遊世界》-寶島台灣- Scene 5 龍山寺&華西街觀光夜市 我地係西門町搭捷運來了龍山站！一出捷運先去龍山寺行一轉先啦~~   可惜它關了門，並不能入內呀！Oh~~no 之後唯有行過對面既華西街觀光夜市準備找食啦！ 呢個係入口有個地磚，好得意呀！so特登影低佢囉！ 入到去已經全部兩邊都係野食！我興奮啦~~ 佢地想食炒蟹，so就買啦~~由於我係全部人既財政大臣，所以個個都要叫我去畀錢！(我地的做法，每人夾一筆錢出來就膳食基金，而基金就係我手囉！) 你睇下，好似好吸引播！但因為又要拆殼，鬼死咁麻煩，我就冇食到！ 之後就去食了魚蛋，我係食沙茶魚蛋ga！ 原來果d唔同好味，只不過係魚蛋撈上來之後，灑上不同口味的粉末！oh no~~又被騙了！不過都幾好食！ 之後就買了橙汁飲！佢地d橙汁好好笑ga！你睇下個樽~~~好得意呀！成個塔咁ga~~ Scene 5 龍山寺&華西街觀光夜市 當中內容有涉及不雅色情成份，請各位未滿18歲的人士不要收看，謝謝合作！(我應該唔會畀人評我blog為不雅第二類掛？)(我唔要成為中x色情報呀！)今集由於現場收音太差的關係，主要以配音為主！http://mymedia.yam.com/@/1421892 去完室內的觀光夜市，又出返去門口條小食街啦~~今晚決戰既係炸魚肉串~~味都幾香，佢地又有食呀~~ 之後我地去左一間食冰既鋪！叫 "龍都冰菓"~~ 大家看看，賣相並不行呀！味道亦不太行，所以大家如果去到，就千祈唔好去呀！去其他夜市先食啦！ 最後臨走前，係一檔小食檔買了涼圖及菜燕~~ 都幾好味ga！又好多種味囉！ 之後大家就搭的士回酒店啦！(原因是已經凌晨一點啦！) 返到酒店，全部人就上左黎我地719號房搗蛋！就係係度開餐，個個企哂係度食之如，食完就走，留低一檯垃圾~~非常過份呀！要我地去執手尾！你地班野呀下！ 下集就進入day2啦~~野柳風景區見！---待續--- 聯播之Blog：雯雯 ---  雯雯~~豬  Blog   (未有相關blog文) Joyce --- Joyce旅遊生活日誌 (台北之旅day1-夜間自由行 下)旅遊分享之blog：魚魚 --- 魚魚Cafe blog  (台灣遊記day1) 文：阿乃攝：台灣之旅攝製隊Video：阿乃(本影片屬我們版權所有，盜貼必究！)(如想看更多的相片，可到本Blog的相簿 --> "藝遊世界之台灣" 內查看！) 本...

《藝遊世界》-寶島台灣- Scene 4 西門町 去完紅樓劇場之後，我地出來，發覺距離集合時間只剩個半鐘，但我地仲有好多地方要行，咁之後我地就快步逛街啦！   先去我地第一個目的地，好似叫 "萬華商場"，係一幢外貌好國產feel的舊商場，但內裡就好新，而且什麼都有得賣。逛地面果層時，見到有一間精品店有好多叮噹既精品，成間鋪差不多有8成貨品都係叮噹！有一套12星座既叮噹水晶超得意，不過就幾貴，冇買到囉！而雯雯佢好似有收獲ga！買左幾樣野tim~~嘩我唔可以旅程一開始就駛咁多錢ga，否則往後咪冇錢買野！之後就見到好多香水專賣&西裝店，不過冇時間唔入去睇！直接上左2樓的男士區。男士區有好多鋪頭賣d hip pop feel既衫褲，唔arm我！我走休閒路線的~~行行下發現左一間買日劇既店舖，我地就衝左入去，結果我掃左2套日劇，都係$400台幣有找！而佢地都有掃d日本卡通同日劇囉！行左一陣又見冇乜特別arm既野，就走了，不要浪費時間於一幢商場內！ 之後我地開始攻入內街，先去 "老天祿" 買鴨舌 同 梅子粉(NT$40)，之後再逛小食街，看看有什麼東西好食呢？有炭燒麻糬呀~~不過大排長龍呀！ 有炸雞~~不過一開頭就食炸野，去旅行又一定sleep得少，一定變月球表面啦！ 仲有臭豆腐tim，不過唔係好臭囉！頂得住！ 買完一輪野，又逛過小食街之後，我就衝左入去 "雜誌瘋" 呢間shop，這shop主要是sell中外雜誌為主，但逛後發覺冇特別，誠品都多過佢齊過佢！本著費事拎既心態，都係留返去誠品先買啦~~hehe去完雜誌瘋，我地就去左係西門町都幾出名既食店 "鴨肉扁" 度食野啦！ 佢只有一間店，並冇任何分店及分銷點，就只有西門町這裡！咁我地就快d坐低左，點哂餐，阿crystal就坐係度唔郁，而我就出左去影返d相！雯雯竟然又出去shopping，買多兩個袋返來！(購物瘋狂程度令人傻眼)都唔知佢剩係一day用左幾多錢呀~~haha~~ 餐來了，這就是我點的菜！鴨肉扁跟三碗米線！(3人合共$650台幣，抵呀！) Scene 4 鴨肉扁 大家有冇試過啖啖肉既鴨呢？一齊來看看我們的試食介紹吧！http://mymedia.yam.com/@/1421886 食完野，剩返4個字時間，我地就去左誠品116度行下！我見到果個台灣品牌---Bee's Burt，跟住我就買左一set body lotion旅行裝，內有3支不同的body lotion！佢地亦有買野啦~~點會小得 "瘋顛購物狂~~雯雯"...

《藝遊世界》-寶島台灣- Scene 3 電影工業，文化再造--紅樓劇場 我地由酒店出發到西門町，一出地面，個個即舉機齊影，動作為之壯觀。試想想六個人一齊舉機，一字排開，每取角度拍照，仲要係正地鐵站口，阻哂街咁！你都咪話唔恐佈呀~~haha   影左一輪相，終於去我地既台北旅程第一站 西門町--紅樓劇場啦！而我地已經用左一個好好的方法去善用時間，不竟因為機場的緩慢工作及天雨關係，而delay左不少時間啦！所以我地要換返d時間返來！ 我地用左乜野方法？就係大家成日用既 "分開行法" (眾：噓聲四起！)冇錯，因為有人唔入紅樓，有人想去買野，有人想食野，所有大家分開行就最好！之後約返一個地點集合就好啦！(所以大家要去Joyce、魚魚cafe個blog補睇返其他西門町的部分！)(因為他們是屬於分開行ga，大家去既買既食既地方&相都會有唔同呀！)唔講咁多，去左片先再講！ 我地進入紅樓劇場啦！大家準備好未？第三集立即為你播出~~ --Scene 3 電影工業，文化再造 ~ 紅樓劇場-- 終於由酒店去到西門町啦！我地去西門町的第一站係紅樓劇場，唔知大家有冇去過呢？定係淨係掛住行街呢？不太建議於西門町買衣服，因為都比較貴！其他的就冇關係~~如果係去西門町買衫的話，我建議大家睇下我地往後會播出的五分埔，因為西門町的shop都係由果度d批發供貨ga！而且五分埔果邊有成十幾條街全部都係衣服街，我地行左3個幾鐘就未行哂！(由於拍攝當晚較黑，拍攝質素會比較差，請大家將就一下，而且可能需要加大d個音量先聽到！)http://mymedia.yam.com/@/1411514 這是紅樓劇場的門牌位置圖~ 入口有個印仔，據旅遊手冊所講，台北有很多有特色的文化點及建築、風景等，都有呢d印仔，係畀旅客留為紀念的！so我地又走去印！(因為我次次去旅行都會帶本簿仔去記低d特別事、價錢、車費、每日記事、花費及手信派發等！)所以我會印係本簿仔度，好有一個台灣的回憶。如果冇果本簿仔，返來邊記得咁多野，寫返畀大家睇呢！ 呢個就係放係門口既 "鎮場之寶" ，日本製電影放映機！片中已經有講，這裡不便重複！ 紅樓1樓的內部，有好多特色既野買ga！ 又有好多特色立體拼圖呀~~飾櫃都好靚呀，而且唔係好貴！所以我係呢度都有斬獲！我相信有些朋友收到我畀的 "紙雕立體建築物明信片"，就是這裡買的！張明信片可以變成一個立體的建築物ga！ 呢邊賣既就古色古鄉一d囉！都唔係好貴ga咋！ 呢d係飾櫃內的小小小精品，不過就好貴啦~~真係靚多過買囉！ 呢度相信大家剛剛於片中已經見過，係展覽區！主要介紹紅樓的歷史，以及台灣的本土歷史ga！好有教育意義，而展示方法亦非常之好！一目了然~~ 呢個係我最欣賞的裝置，原理是於魚缸中放置已往及現在的相，亦放置了現今的電影小張等！利用魚缸的水力，令相片等不斷在其浮動，意義在於隨波逐流！好好的一個概念！(片中亦有提及！) 今集就講到呢度！下集我地將會帶大家去西門町其他位置又買又食！仲介紹西門町好出名的鴨肉扁呀！而阿宗麵線就需要去Joyce blog啦~~---待續--- 聯播之Blog：雯雯 ---  雯雯~~豬  Blog   (未有相關blog文) Joyce --- Joyce旅遊生活日誌 ( 臺北之旅day1-夜間自由行上 )旅遊分享之blog：魚魚...

《藝遊世界》-寶島台灣- Scene 2  歐華酒店 今集我地終於從台灣桃園國際機場乘大有巴士西線，來到我地4日來下榻的飯店！四星級的精品酒店----歐華酒店 Riviera Hotel   --Scene 2 歐華酒店-- 想知我地住既酒店係點既樣？咁就要睇睇段片啦！而且仲有一d好得意既野tim~~我地住行政套房，仲有健身房、行政樓層專享的曜座花園等！由我阿乃來為大家介紹一下啦！ 去片~~(由於拍攝當晚較黑，拍攝質素會比較差，請大家將就一下，而且可能需要加大d個音量先聽到！)http://mymedia.yam.com/@/1411474 相片記敘篇： 其實《藝遊世界--台灣》的第二集影片中，並沒有拍攝酒店大堂及外部環境~~那現在就用相片為大家作介紹吧！下圖是酒店大堂，有好多雕塑、花框、花卉，又有好多羅馬柱，真係好歐陸同好藝術feel囉！ 佢亦有自己既麵包房，你睇下佢自己個麵包shop，好歐洲，而且好似好好味tim~~當然價錢都非常好~~~貴囉！ 這是位於大堂後側的餐廳，好靚ga！又有特色~~不過都係好貴，一個早餐都要成70蚊澳門幣囉！Crazy~~ 而餐廳內仲有一座鋼琴，我地第一天來check in時，剛剛有人現場彈奏呀！(可能係其他人的blog度會有人彈奏中果張相！) 可能係因為有人book左場做飲宴，所以條長樓梯有好靚既佈置啦！ Lobby Reception Desk的靚靚花卉裝飾！ 這是由上面樓層影落去！整間酒店係好開揚，同非常d綠化及歐洲味濃的酒店！(其實我真係好滿意呢間酒店，不論服務質素、環境、價錢等！) 每層電梯出口就會有好寬大既sofa，供大家閒坐聊天的！ 這是我們七樓行政樓層的中國式楦木陳設！ 這是我們七樓的行政專享花園----曜庭花園。 曜(音：耀，即星期，星宿的意思！) 我同Crystal就係曜庭花園既呢set梳化為大家主持台北早晨呀！(遲d會播出ga啦！敬請繼續留意！) 曜庭花園既呢邊就係由雯雯& Crystal為大家主持另一part既台北早晨ga！(都係遲d播出！敬請留意！) 曜庭花園內的另一角，呢度好好好園林的感覺，超舒服的設計，我亦超like呢一張！我影得實在太好啦！(眾：夠啦！呢位先生~~自大完未呀！) 呢張就係上圖個頂！ 好啦！到左我地間房啦！719號 有3張床啦！video有講~~而且仲特別免費幫我地加床！(原本要收費！) 我地房的浴室都好大ga！有3枝水免費ga~~唔駛日日買水飲，good~~另外所有野都係3份ga~~ 淋浴位置，都係好大好長既浴缸囉！ 大家可能會發現有不同的相框，其實係識別了不同人所拍攝的！係每張相的右下角就會有我們的名字！包括有我阿乃(Benjamin)、Crystal、Joyce、Stella、(魚魚)Irene、(雯雯)Dilys等！好眼力既你絕對睇到係邊個影ge，就算睇唔到，認框都得，個個的框都唔同ga！ 今集就講到呢度！下集西門町見啦！---待續--- 聯播之Blog：雯雯 ---  雯雯~~豬  Blog   (未有相關blog文) Joyce --- Joyce旅遊生活日誌 (酒店篇)旅遊分享之blog：魚魚 --- 魚魚Cafe blog  (台北遊記day1) 文：阿乃攝：台灣之旅攝製隊Video：阿乃(如想看更多的相片，可到本Blog的相簿...

《藝遊世界》-寶島台灣- Scene 1b  台北桃園國際機場 今集沒有拍下影片給大家看！只提供文字及照片，影片下集才繼續播出！ 大家期待好耐，亦都催促我快d出台灣既野！各位，你地等到啦~~我地終於來到台北桃園國際機場啦！現在位置係1號航廈的行李認領處~~ 由於台北的移民局官員真係慢得太離譜既關係，需要成1小時之久才可以順利通關！如果係澳門同香港發生咁既情況，我諗已經上左頭條，要求政府向公眾解釋啦！ 真係慢到離哂譜，他們平均3-4分鐘先可以過一個人！點解？佢地做野慢之如，仲要逐隻字打入電腦，再scan你護照，再反覆查看，之後仲要蓋得個印好靚仔，係正護照的左/右上角！我仲見到隔離條link果個移民官，好似搽指甲油咁為個蓋章搽墨囉！呢個世界好似發明左印臺好耐ga啦！總之就因為佢地既慢慢慢~~令我地既行程拖延左數小時呀！   我地經過1個多小時的排隊，終於出到黎啦！但雯雯、Irene&她媽媽佢地要get落地簽證，所以比我地更慢！ 行李認領帶留影！ 其他d人係度get行李呀！ 行李認領帶附近的銀行兌換店就可以！ 我地終於齊人啦！準備過海關檢查啦！ 出到黎，我地需要乘搭大有巴士西線(每位NT$110)，去園山站的歐華酒店！ 這是巴士附近的行李車放還處！仲有一個吸煙(菸)室呀！ 呢架係長榮Hello Kitty直通車！ 呢度係所有巴士、直通車的站台！ 呢一邊就係勁多台灣人排隊搭的公共巴士，由於太多路線，又太多人排隊，所以我地都係揀返最易最唔錯既方法去我地既酒店！ 唔講啦！等左成40分鐘，終於來車啦！等我地放行李上車先！我地坐都最後面，由於我地成7個人，所以我地包左最後排5個位+一個雙坐位啦！你睇下d人幾緊張！剛剛上車，唔駛等落車呀！有排都未到呀~~ 我地係第一批落車既，因為大有巴士西線入市區後第一站就已經係 "圓山捷運站" 啦！我地係落車前先take 張全人類大合照先！sorry，係冇我啦~~因為我jar機中~~ 落了車，我地一行七人拖住個行李箱，又落住微雨，行左8分鐘左右先到我地既酒店---歐華精品酒店！唔講住，下一集阿乃將會帶你進入歐華酒店，了解什麼是精品酒店，與其他普通酒店有什麼不同呢？咁就要期待阿乃介紹歐華酒店d靚靚設備同我地間房絕密大公開！各位唔好錯過啦！ 希望各位朋友多提意見，咁我地就會做得更好！謝謝~~ ---待續--- 聯播之Blog：雯雯 ---  雯雯~~豬  Blog   (未有相關blog文) Joyce --- Joyce旅遊生活日誌 (機場篇)旅遊分享之blog：魚魚 --- 魚魚Cafe blog  (台北遊記day1) 文：阿乃攝：台灣之旅攝製隊Video：阿乃(本影片屬我們版權所有，盜貼必究！)(如想看更多的相片，可到本Blog的相簿 --> "藝遊世界之台灣" 內查看！)

《藝遊世界》-寶島台灣- Scene 1  澳門機場知多D 上一回講左我地出發到機場，今篇我阿乃同大家講下澳門國際機場啦！我相信好多香港人都未使用過澳門機場，亦相信好多澳門朋友都未用過~~而我自己大約都只使用過10次左右，不過我好有理由相信大家會越來越多機會使用，尤其是現在澳門有低成本直航馬爾代夫，遲D仲有低成本直航杜拜、米蘭、里斯本等地！ 唔講咁多，先去片！ http://mymedia.yam.com/@/1411458   睇完片覺得夠唔夠呢？了唔了解澳門機場呢？我下面再Post一d相比大家睇先~~ 呢度係澳門機場禁區，暫時澳門機場只有10個閘口~~下列是3號閘，都算寬敞啦！ 呢個位置係海空轉運站！ 免稅商品營業區~~ 1,2號閘口，而我地就係o係1號閘(好多人果度)等搭車去飛機度！1號閘是沒有連接橋的，需要搭車仔上飛機！係澳門，我幾乎每次都係要搭車，好少試過用著陸橋啦~~ 呢架就係我地乘坐去台灣的飛機啦！我地本次乘搭復興航空！雖然係台灣local品牌，但其實都幾唔錯ga~~不比長榮差！ 各位，真係要離開澳門啦！飛去台灣再同大家見啦！ 希望各位朋友多提意見，咁我地就會做得更好！謝謝~~ 聯播之Blog：雯雯 ---  雯雯~~豬  Blog   (未有相關blog文) Joyce --- Joyce旅遊生活日誌 (機場篇)旅遊分享之blog：魚魚 --- 魚魚Cafe blog  (台北遊記day1)4 blog 均有相關內容，各自不同的睇法及感受，相互配合，讓大家可以一次了解及分享我們的最真實的旅行記錄！ ---待續--- 文：阿乃攝：台灣之旅攝製隊Video：阿乃(如想看更多的相片，可到本Blog的相簿 --> "藝遊世界之台灣" 內查看！)  本 著作 係採用 創用 CC 姓名標示-非商業性-禁止改作 3.0...

《藝遊世界》-寶島台灣- (序) 出發篇   各位大家都期待已久啦！好啦~~而家就正式送上我們的旅程啦！ 『藝遊世界，從澳門出發！』(本節目口號) 正式出發啦！今回首先講下我地 "出發--->澳門國際機場--->Check in"可能今回都會悶小小，不過我可以承諾大家，往後會比較精彩，有好笑的，亦有趣事，也有景點介紹呀！  -序- 出發篇 可以看到本人的坐駕，亦見到我地兩位主持率先登場啦！這是旅程的開始，但不是拍攝編排的一環，是我們當日臨時決定加插的片段！當中有不雅鏡頭，敬請各位留意！http://mymedia.yam.com/@/1411427 -序2- 澳門國際機場 Check in 此篇正正式式是《藝遊世界》的拍攝環節之首，定為序章！我地兩位主持Crystal、雯雯已經率先站於鏡頭前為大家介紹啦！(而我當時梗係jar機啦！我係後面既場次先會出現，如果大家想見我做主持，可以要等多3,2篇啦！不過要聽到我做旁白應該就唔難囉！haha)http://mymedia.yam.com/@/1411433 聯播之Blog：Joyce --- Joyce旅遊生活日誌 (msn blog)魚魚 --- 魚魚Cafe blog 3 blog 均有相關內容，各自不同的睇法及感受，相互配合，讓大家可以一次了解及分享我們的最真實的旅行記錄！ ---待續--- 文：阿乃攝：台灣之旅攝製隊Video：阿乃(本影片屬我們版權所有，盜貼必究！)(如想看更多的相片，可到本Blog的相簿 --> "藝遊世界之台灣" 內查看！)  本...

經過本人一個多月的趕工，短片的後期加工(包括：剪片、字幕、配音、配樂、動畫製作及片頭片尾！)終於係5月10號完成整個影片部分！而相片方面，收集了所有同行者的相片之後，作了一個大結合並重新整理！亦已完工~~多謝各位一直的期待！由於係第一次咁大規模製作旅遊特輯，雖不能與電視台的旅遊特輯媲美，希望各位見諒！主要係Home video + 半專業拍攝為主！亦希望大家多提意見，令我們下一次的旅遊特輯能夠再完美一d！   本人現在正式宣佈，萬眾期待，由阿乃製作的第一個旅遊節目---《藝遊世界》，正式登場！ 藝遊世界，從澳門出發！ 首站目的地係台北，我地四位主持人會帶你以不同的角度，不同的方式去體驗台北！   http://mymedia.yam.com/@/1190801 台灣之旅的第一集將於5月13日隆重登場！屆時於本Blog、雯雯~~豬Blog、Joyce旅遊生活日記內聯播！ 片段主要會於本Blog播出，而其他相片、文字體會就於3 Blog同時張貼，亦因不同的角度，所寫所記會有所不同！所以大家最多就係睇哂我地3個blog啦！ 聯播之Blog：雯雯： 雯雯~~豬  Blog   (遊玩世界播出預告) Joyce： Joyce旅遊生活日誌  (台北之旅 預告) (Msn-blog) 而魚魚剛剛確認加入行列，她會在自己 魚魚Cafe  的 blog內開始post出台灣之行！屆時為4 blog連載啦！各自不同的睇法及感受，讓大家可以一次了解及分享我們的最真實的旅行記錄！ 之前發生了少少問題，導致Joyce 聯播的link有錯誤，請見諒！現在應該能正常轉回你的msn blog！亦因為這問題，Joyce blog那邊會慢一兩天才追回大家的進度，請各位見諒！ 文：阿乃攝：台灣之旅攝製隊Video：阿乃(如想看更多的相片，可到本Blog的相簿 --> "藝遊世界之台灣" 內查看！)  本...

《06'韓國秋葉行》後記：憶述韓國 寫這個遊記也足足有半年的時間！(比起之前最近一次去日本的遊記短了，當然篇數也短了！)首先多謝大家一直支持本人的blog，以及一直觀看blog內的遊記！謝謝！ 這個韓國之行，其實都安排得很倉促，因為只有一個月左右的時間去籌備，就要做完所有的booking、編行程、預算案、兌換貨幣、開旅行會議、搜集資料......真算是能人所不能呀！結果我又克服了~~ 今趟的旅程讓我見識到韓國的變化，前一次去的時候仍是蕭條狀態，現在的韓國經濟、藝文、科技、設計發展迅速，尤其電影電視業！但是我真的不明白那些韓劇迷，韓劇其實一點都不好看，劇情老舊、節奏又慢、戲劇張力少，另外就是大放催淚彈，那個病，這個死！真是什麼奇怪病種都出來了~~十足以前的港劇樣子！(希望我不會給人揍！)我還是喜歡日劇多些，每套11集，節奏又快，劇情又新鮮，戲劇張力強，專業度高~~(果然我是哈日一族！)另外我仍然介意那些當我是韓國人的當地韓國人！可能我真的符合他們的某些特質說不定！但是~~~都不要每次問我路啦！(我還未問你路，你來問我！有問題是不是~~)而且亦有好多朋友說我像韓劇中的韓國人，Sorry~~我都不能接受！雖然日韓人非常相似，但我寧可人們說我是日本人！ 其實旅程還有很多Kuso部分！但基於朋友的封鎖政策，並不會於blog上公佈那些~~hehe~~最後當然係給大家全部篇章一次重溫啦！ 序序2前傳韓國小知識 01 出發篇02 酒店篇03 明洞區晚餐04 南山韓屋村05 仁寺洞大街 06 仁寺洞藝術中心07 鍋村莊08 昌德宮09 昌德宮紅葉篇10 景福宮 11 Aiins World12 再戰明洞&是日晚餐13 首爾大公園14 首爾樂園Part115 首爾樂園Part2 16 首爾秋天的黃昏17 惠化大學區18 南大門&首爾火車站19 德壽宮20 石牆街與貞洞教堂21 市政廳及清溪川22 回程啦！仁川機場 23...

《06'韓國秋葉行》25 - 番外篇 -- 購物樂 又來到購物篇！在旅行遊記當中，有很多朋友都說，為什麼看不到你們去shopping呢？其實我們是有的，不過大多是於晚上10點以後才出去shopping，原因是東大門那邊是韓國最大的shopping集中地，而很多都是營業至凌晨5點鐘！這是我最欣賞的地方，因為可以用盡旅行的所有時間，早上觀光去，晚上購物去！非常的好！   而我們主要的shopping點有2個，分別是東大門(酒店附近)、以及明洞！ 首先我先講明洞，需然有好多衣飾都不錯，但因為價格較貴，而且又凍，所以沒有詳細去逛~~只去了買紫菜，看看下圖，她的檔口給我們買了7成的東西，變空空啦~~ 這是我們的戰利品，圖左的白帽人就是老闆娘啦！(我影相，所以唔見我！) 這是東大門運動場旁的街邊小食及檔攤！ 這就是我們其中一間shopping的地點---Migliore不過這間商場賣的東西都比較貴，而且款式亦較少，所以都沒有什麼收獲~~ 這是好得意的公共建築，我真的不知道是什麼來的！不懂韓文啦！(不要再說我是韓國人，如果係說的很像日本人的話，我會比較開心！) 這間就係最出名的東大門鬥山塔，而且亦是我們幾乎晚晚到訪的一個shopping mall~~haha裡面賣的東西很多，而且分門別類，店舖於不同樓層，又可以講價還價~~買男裝衫還可以接受，因為都是幾百元一件衫or一條褲，但女裝的話就比較貴，都要2,3百一件囉！咁大家就可以衡量下物價與款式囉！(不過到韓國記得 "貨比三家" 呀！否則一定蝕呀！) 呢兩幅就係鬥山塔，是最後一日臨走前拍下的！他們已經準備聖誕裝飾啦！ 講下d戰利品先！首先登場的是護膚品~~一看就知道 Laneige是幫朋友及阿媽買啦！而VONIN是男士護膚品牌，由Rain做代言的，我買了兩set，一set自己，一set弟弟。還有好多the face shop & sample都係送朋友之用的！ 接下來就是食物篇！包括有大紫菜、小包紫菜，以及柚子茶，全部都是手信之用！ 接下來就是精品篇！有送給一對即將結婚的好朋友結婚禮物之用的公仔一對！(真的空運抵澳送給他們的！)有於小人國買下的膠folder & 手機吊飾 (有些朋友會知道我去任何地方都會買folder回來自己用！)有在韓國仁寺洞藝術中心買的星星店飾物 (有一部分送給好朋友，其他的是自己的！)有很多色彩繽紛的韓國小袋，全是送禮之用！還有3條鍊，有些送人的，有些自己的！最後就是10x10 shop的專為旅遊而製成的旅遊記事本！(一些送人一些自用！) 最後當然是自用衣飾篇~~有一個我好喜愛的袋子，上班、閒時都適用！(好多人都說個袋好得！)另外就是所買的衫，一般都OK，不過 "間條衫" 就多了少少！ 好啦！這是韓國之旅的最後一篇！下一篇係後記及意見反映與合輯！希望大家繼續支持本blog啦~~ (待續：後記)編/攝：阿乃

《06'韓國秋葉行》24 - 番外篇-- 爆笑行為藝術 其實爆笑行為藝術就是開一個topic，sell下我地團友d白痴行為ge！廣告牌、街頭雕塑、歌劇......通通都扮一餐！而我地既扮野王得主就是！登登燈櫈-----賣米小姐！而第二名得主係------阿乃！賣米："承蒙各位關照，得到扮野之王，我當之無愧！多謝！" (眾人：拍掌！)阿乃："多謝哂大家係呢個旅程令我成為扮野王二號！希望大家繼續支持！多謝~~多謝山頂既朋友！" (眾人：飛蕉皮、飛蛋、飛番茄！)唔講咁多，去片！   賣米的得獎作品---人型蟹 阿乃的得獎作品----樣衰衰 賣米得意作品---企左埋去都唔覺！(似到100%) 再一張得意作品：辣到變樣！(不忙sell我地本韓國救命天書！之後有同大家介紹過~) 又一輯滿意作品：你今天食左未？ 賣米驚世之作~~~Laneige轉行賣米！ 賣米駭世之作----紫菜沒埋 輪到組合得獎作品！ 得獎作品：你以為去左巴黎？唱歌劇！ 第二名得獎作品：衝出屎塔蓋！ 最後得獎作品：偵探雕刻 (待續：番外篇 -- 購物樂)編/攝：阿乃

《06'韓國秋葉行》23 - 番外篇-- 韓式捷運   我地呢一篇番外講的是捷運，那當然要介紹他們的電子貨幣卡啦！澳門就叫 "IC卡 / 澳門通"香港就叫 "八達通"台灣就叫 "悠遊卡"新加坡叫 "Ez link"咁韓國叫乜呢？ 答案係-------" T-Money " 呢d就係服務台，大家可以係地鐵內呢d counter買T-money卡(大家要記住，請於自由行前plan好計劃，知道自己要搭幾多程，每程幾錢，可到以下網址計一計價錢http://www.smrt.co.kr/english_smrt/cyberstation_smrt/cyberstation.jsp，咁你就知道大約用幾多won，最多買到arm arm好or預鬆少少，因為退係冇得退卡ga！) 另外有單程票的售票機，不過係好難明，所以我並不建議大家使用！而且T-money每程平100won，大約搭8程就已經送左一程比你(discount 10%)！化算好多！ 其實閘口的指引都冇乜特別！ 在首爾搭地鐵，一定要打醒十二分精神，因為佢d指示好混亂，入閘前，入閘後或扶手電梯前都唔同ga！即使你知道你自己搭橙色線，都好亂，分分中行左反方向都唔知！(因為係月台先有中文字，其他地方都係韓文為主！) 1號線，即國鐵 (深藍色)的月台 這是2號線的東大門運動場站，亦是co-op系列酒店的所在站台！由於這個站有3條線，所以是轉乘站來的！(有1、2、4線) 可能睇地圖會清晰一d，列明左不同線的站台！其實它只是將3線合為一個站！ 而3號線因為係主要景點及歷史區，所以月台及車站都好特別，幾乎每個站台都有自己特色！例如景福宮站的浮雕！ 站內的仿日式庭園擺設！ 好似礦場的設計，好特別呀！ 這是通往月台的設計，好獨特~~ 這是3號線月台！ 這是4號線的月台~~ 希望通過我簡單的介紹，大家可以對韓國首爾的地鐵有個初步既了解啦！ (待續：番外篇-- 爆笑行為藝術)編/攝：阿乃

《06'韓國秋葉行》22- 回程啦！仁川機場 話題一轉，好快就來到仁川機場啦！話咁快旅程就完結啦，其實真係有d唔捨得ga，不過冇法啦！因為旅行就是這樣，點都有完結的一天呀！如果沒有旅程的完結，點會有另一段旅程的開始呢？對不對！   我地到左機場，第一件事唔係check in，而係去新韓銀行退Travel Visa Card，大大話話都有成幾千won ga！點可以唔退呢？圖中就是我的passport 同 Visa啦！(等退款丫嘛！) 呢個就係離境大堂我地退卡既counter啦！ 退左卡我地先check in，不過check in好快就完成，仲有大把時間，點好呢？梗係繼續shopping啦！係離境大堂仲有好多shop可以睇，乜野種類都有！當然點都貴市面少少ga啦！ 剛剛又退返d錢，咁梗係shopping埋佢啦！佢地一去到正官庄就停低左買野，當然係買人參啦！而我地其他人就去左唔同既鋪頭買野，我就入左去The face shop睇下野囉！佢地好快又跟住又來，而且仲買埋野tim，你話厲害唔厲害呢？ 買完野仲有少少時間，我就去了Bunger King買左個set，因為都好肚餓！ 係途中就見到見個國際時間表，我覺得幾靚就take張photo先！ 唔同大家講啦！我地要返澳門啦！韓國既旅程完結啦~~一見下圖就知！ 雖然我地既韓國之旅完結，但稍後還有3篇番外，分別講解韓式捷運系統、購物樂等等。希望各位留意埋最後的三篇啦！ (待續：番外篇-- 韓式捷運)編/攝：阿乃

《06'韓國秋葉行》21- 市政廳及清溪川 去完石牆街，已經來到我們韓國之旅最後一站，漫步清溪川啦！首先清溪川與德壽宮那邊好近，只差2個街口，唔需要再搭地鐵，又省錢又省時！   清溪川於2005年重新淨化，亦重新粉飾及美化，變成韓國新的休閒點之一，潺潺流水，空氣清新，絕對係欣賞景色的好地方！ 這是清溪川地標，紫藍大螺一隻，屬於藝術雕塑~~ 旁邊的商廈，非常有時代感！ 非常之有氣勢的瀑布呀！ 再來一幅先！ 藝術性格設計的河川兩岸！ 清溪川中有好多好多小智慧小設計，充份融入河川的感覺，並沒有格格不入的現象！ 清溪川一景！ 另一個清溪川地標："一柱泉" 另一個小小瀑布！ 還有設計小橋，將時尚與自然相結合，不錯呀！ 其實整條路都有好多不同的地標及建設，讓人們漫步清溪川時細細欣賞！而我們當日由於落雨，但最後我們都由市政廳源頭，行到返酒店的東大門區，歷時45分鐘！我簡直係耐力驚人，其他的同行者已經叫哂救命啦！ 終於回到東大門區啦！我地返去鬥山塔頂層的美食廣場食東西先！ 首先呢個係c小姐、鐵人他們點的午餐，兩位一樣，日式烏冬配手卷及壽司。 呢個係賣米佢地點既 "冇味炸雞扒定食"，我都唔明白韓國d炸雞排點解可以整到一d味都冇！ 我就叫左 咖哩飯配炸雞件！個飯超辣，食到大半我已經要放棄！(因為我唔食得辣) 食完野就返酒店get返d行李，去機場啦！仁川機場見！ (待續：回程啦！仁川機場)編/攝：阿乃

《06'韓國秋葉行》20 - 石牆街與貞洞教堂 離開左德壽宮，來到石牆街，其實石牆街只是德壽宮的一邊外牆走道，時至秋天係到石牆街最佳的時機，因為呢個時候係最靚ga！大家看看~~   成條街金黃色葉，彎彎的路以及遍地金黃，靚到傻左呀！ 石牆街與貞洞教堂街上的地面地圖！(比人踩ga！我都踩左幾下！) 來到貞洞教堂啦~~有一座現代化建築教堂，又有一座紅磚式教堂的！門口有兩個警察守住，因為裡面好似有高官係入面，所以有人守住！ 呢隻比較靚的一面！ 去完貞洞教堂，我地準備去清溪川啦！(那是我最期待，亦是我們旅程的最後一站啦！)這幾個景點其實都係附近，只要搭地鐵到鐘閣站，行走呢三個景點之後，就慢慢行落2個街口，就會到清溪川啦！當時又開始落住微雨啦！ (待續：市政廳及清溪川)編/攝：阿乃