環球旅人

《06'韓國秋葉行》12 - 再戰明洞 & 是日晚餐   那晚我們由小人國回來後，我們又去了明洞，但今次我們是先去景點，首先我們來到明洞教堂，但很不幸，它正在維修，看下圖就知道，所以沒辦法進去參觀囉！ 之後我們當然去重點，就是南山公園及首爾塔！我們幾經波折，問路問路再問路，走錯走錯再走錯，最後成功到達上南山公園的纜車站！ 看看在這裡排了長長的人龍呀！我們也排了半個小時以上，才能乘搭纜車上山呀！ 這是從纜車搖晃不定的情況下拍下的相片！(其實這裡的纜車只有兩架，而且有員工操作，每架限定30人！ 終於來到南山公園，一直往前走就是首爾塔！其實首爾塔是進行了一次大維修，早幾個月才重新開放的！先秀一下美美的照片先！首爾塔配秋葉~~ 其實我有小小覺得跟我們澳門的觀光塔很像呀！ 拍完照，我們也去買票！但是，又出狀況，就是原來不是買了票就可以立即上塔，要等50分鐘耶！不是吧！但經過商量，我們最終也是等吧~~ 在附近拍拍照，看看風景！ 好得意的燈，不知道是什麼作用，但我知道是要給錢才會亮起來！ 其實當時是很冷的，不足10度的溫度，加上在一個高山，風非常猛的，我們也覺得很冷，還是趕快進去室內吧！(下圖是很科幻的入口處) 終於來到室內，我們準備上塔啦！yeah~~ 大家就奇怪了！為什麼我沒有拍塔上風景呢？對~~沒錯，就是沒拍，原因如下：1.超級多人在觀景層2.觀景層的玻璃超dirty，全都是手印，矇矇的，好像有霧一樣，根本拍不到照 最後我只拍了觀景層的角落給你們看了！(下2圖) 總結上塔的心得：大家到首爾一定一定不要上首爾塔，因為纜車費時又昂貴，而且上塔的費用超高昂，還有等候上塔時間，且完全沒什麼可看，人又多，玻璃全是手印，想拍照也拍不到！所以大家不是浪費錢、浪費時間呀！ 很快我們就下來！回明洞大街去買食的！首先我們要試試出名的32cm超長雪糕，有很多不同的味道呀！看下圖就知道~~ 這是我們的貪食照！肥魚幫我們拍的！ haha~~不用多說，攪笑相一張~~我幫他們拍的~~看看雪糕我已經食完，他們也食了一半了！(我食冰的東西很快的！) 食完雪糕也是食晚餐的時候！有了上一次的仁寺洞事件洗禮之後，我們當然是不坐下來食啦！我們是2個人上去食店買回酒店食！首先就是出名的百濟參雞湯呀~~ 這是外帶的包裝，好漂亮的，而且做了保溫的措施！ 你看看，是鐵罐來的！回到酒店時還是熱騰騰的！ 拆出來的人參跟雞肉呀！ 第2間我們去買的就是電烤雞，這家最出名！ 第3家是在我們東大門運動場站，酒店附近的炸雞店呀！ 還有就是在明洞、東大門買的街頭小食呀！ 最後看看我人們5個人豐盛的晚餐~~在我房間的廚房跟客廳進食呀！hahahaha~~ 我們食完晚餐就出去東大門買東西逛街啦~~買完東西逛完街又覺得肚餓啦~~所以我們又去買夜宵食！也是街頭小食呀~~ (待續：首爾大公園)編/攝：阿乃

《06'韓國秋葉行》11 - Aiins World 去完果個沉悶既景福宮之後，就急急腳咁搭地鐵去到松內站！之後再轉巴士(下圖為地鐵門口的巴士站)！   我一早就係酒店寫好哂d韓文、中文+英文對照的問怎樣去小人國、乘什麼車去小人國、到站叫我下車等句子，等我到時用得著呀！非常慶幸，所有的句子都用得著！所以多得熱心的韓國人，以及司機的幫忙，我們順利去到小人國世界啦！(下圖) 這是售票處！旅遊書中的價錢已經唔update，而家平左好多好多，只需w8500就可以了！ 買左飛之後，入場就先去食左午飯先，因為勁肚餓！下圖就是小人國世界內的飲食廣場！ 下圖是我選擇的吉列雞扒定食w6000，又貴又冇味！你試想想，你食既雞扒完全冇味，仲要好"諧"，一d都唔吸引！ 這是他們叫的烏冬，絕對係穩陣之選！需然都係唔好食，但都叫做過得去啦~~點都好過我個雞扒啦！ 食完野就出去開始一個多鐘頭的快拍之旅！其實這個小人國跟堔圳那個世界之窗沒什麼分別，而且仲少d野睇tim！但係有佢既可取之處ge！睇下下文就知ga啦！ 首先來一個嚇你一驚既噴泉！ 世界之窗開始啦！英國的巨石陣不思議遺產~ 英國倫敦橋！ 英國國會~ 巴黎艾菲爾鐵塔~~ 凱旋門~~ 可取point1：聖家族教堂。(因為現在都未起好，所以呢個翻版都有建築機械，而且仲識郁呀！唔知佢起好之後，佢會唔會改返呢？) 又唔知乜教堂一間！ 唔太斜既比薩斜塔，hahaha~~真係好直下囉！ 巴黎聖母院~~ 又唔知係乜教堂！ 雅典衛城！ 金字塔呀~~背景係商樓大廈，仲有行車天橋~~haha~~ 約旦的唔知乜鬼！ 富士山呀~~(好唔似囉！) 又唔知係乜囉？(我係唔記得左) 俄羅斯的洋蔥頭教堂！ 可取point2：阿特蘭提斯~~(根本現在人都未見過，真係爆笑！) 可取point3：世界七大奇蹟之一，羅德島港口像！(又係一個現在人未見過既遺蹟！) 澳洲悉尼歌劇院！ 馬雅金字塔~ 又係唔知係乜野東西囉！ 中國的故宮！ 美國的獨立碑，以及林肯紀念堂~ 美國甘迺迪太空中心 美國時代廣場~ 可取point4：帝國大廈上面有kingkong，真係爆笑之作！可取point5：世貿仲係度呀！ 日本的寺廟呀！ 又係日式庭院~~ 睇完哂野，入去紀念品店買左少少野囉！當然又有folder啦~~又平又有紀念性~~之後我地又準備去搭巴士返地鐵啦！當然又唔少得出示我本自己寫韓、中、英對照句子啦！下圖就是叫賣米幫我影的！(扮研究緊d句子！) (睇大圖可以睇到d字ga！) (待續：惠化大學區)編/攝：阿乃

2007年9月2日下午，約了朋友進入剛剛於四天前才開幕，威尼斯人渡假村的大運河購物中心參觀。 下午3時就出發，首先到各點接載各位朋友，然後才一起過去！一到 The Cotai Strip (金光大道)，見到好多好多車呀！之前已經有朋友去過，  他說基本上進不了停車場，因為太多人啦！那我們今天一到就先試試能不能進去！結果，真是不能進去，在門口已經放了一個 "滿" 的牌子！ 之後我們就嘗試再後面的會議中心、酒店南翼入口及發財巴總站那邊的大馬路找尋，整條街都是非法的泊位 (因為那區是新開發的，而且並沒有停車場)，所以所有人都只要泊在街上，整條馬路差不多泊了70多台車，而且附近的馬路也變成泊車的地方，還有附近的合法的泊車位是完全full的~這個威尼斯人效應好恐佈！ 正當我再次折返這條馬路的時候，剛好見到有一台車去完威尼斯人，要走了！我立即去等他的位置，有些不守法的駕車人士想搶桿呀！(ps.澳門其實好多人常常搶他人的位置，還不禮貌的明搶的，尤其是那些不守規的Benz及BMW的新移民)最後我所泊到的是最近發財巴入口的位置！ 當我們下車，行到入口處，我們開始發現它的恐佈之處，因為人太多啦~~來自拱北關閘的、市中心的、蓮花關口的、碼頭來的......那些發財巴好恐怖，台台都是滿座的！ 一進去入口，嘩！人多得太恐佈啦~~而且我們也知道有一大段路才可以到今天的目的地！我們今天的目的地是位於澳門金光大道，首間開幕，世界第二、亞洲第一大的威尼斯人渡假村，裡面的大運河購物中心！ 我們進去威尼斯人的範圍，就發現人多得太離譜，非常怕裡面會更多人呀！好的，前面的鋪陳太多了，現在就帶大家以圖文+影片的方式為大家直擊報道！(不過場裡面實在太嘈雜，所以大家儘量聽吧！我的聲音應該被掩蓋吧！)Let's Start！   這就是南翼入口處！(並不是正門口！基本上如果你不是乘Taxi去的話，都不太會在正入口出入) 這是南翼入口的電梯！(這是去大運河購物中心 / 會展中心的方向) 從電梯上來之後，你會見到Duty free，就要向右走！(直走是去其他地方的！) 大家看看以下的2個Video就知道，向右走的方向！http://mymedia.yam.com/@/1500489 http://mymedia.yam.com/@/1500515 這裡好美的巴洛克式華麗風格，這處有一間叫藍蛙的Bar，見此bar的話，你就知道要用行人電梯再上一層，才可以到購物中心啦！ 就是這條又長又高的行人電梯呀！ 在這先跟大家報告一下！正式全面開放的時候，這裡有多達380間的店舖及食店！現在大約只有180間左右開門了！而且因為太大的關係~~基本上大家如果迷失了路的話，可以在聖馬可廣場or瑰麗堂集合！因為聖馬可廣場是整個購物中心的地標！而瑰麗堂是正中心位置！ 首先看看地圖吧！(入相簿-->澳門賭城之美-->可以看大圖！)下面相片的位置就是地圖Level 3 這個角落的位置~~而它以不同的顏色分了多個區，並有7個區，分別有：聖馬可廣場、嘉德勒廣場、嘉利廣場、名都廣場、大運河區、馬可孛羅運河區、聖路卡運河區。大家冇聽錯，是有3條運河，它流經的地方就是一個區，這是一個創舉。(拉城的威尼斯只有一條)地圖中間的就是瑰麗堂！左上角的藍色就是大運河！上中間就是聖馬可廣場！Level 5 的據說是 古根漢博物館的分部！(但不知是不是真的！) 再來看看這幅購物中心地圖！圖中左邊至右下(紅色線區域)，都是尚未開放，也用了相片上的Masking方法封閉中，進也進不去！還有Level 5 也未開放！ 上去之後直走100米左右，就會見到頭頂有一個牌子，它寫著 "Di Moda Square 名都廣場"。下圖就是踏進去購物中心範圍的第一個區域！(因為暫時只開了55%的地方，其他還未開放的街道，以及店舖分別用不同的方式掩蓋，你是不會發覺的！)好像下圖，就是在10月中才開的區域，它用一個很特別的方法Masking它，所以大家以為是宣傳版。 這就是我們進入聖馬可的街道，有Guess、Nike、Levis...... 看看這段Video啦~~你可以再了解多一些啦！http://mymedia.yam.com/@/1500533 這是聖馬可廣場啦！ 這個白色人像是真人來的！不是雕像呀~~詳情看下面的Video~~ 就在上圖的位置開始拍攝的！http://mymedia.yam.com/@/1500563 聖馬可廣場的餐廳區，好美的！ 這就是聖馬可廣場未端，大運河的源頭呀！這些貢多拉船，每程約15分鐘，成人mop$120、小孩mop$80、包船mop$480(可坐四人)有船夫唱意大利情歌，格調不錯！但因為太多人圍觀，所以不太能感受吧！你看看下圖，成條河周圍人好多，目的跟我一樣，就是拍他們照~~我的朋友說，他們好像動物給人家觀賞~~haha~~ 穿越了整條大運河之後就來到第二個區域，這裡有間Bossini，其實還有很多店舖，但由於未開呀~~所以又用了Masking的技巧，讓大家不以為意！ 這個就是Masking了整條街的入口！不知道的還以為是藝術畫的裝飾，初時我真的給它騙了！直到我看了地圖之後才知道~~ 這是這區的頂部，以及柱子的裝飾~~ 這是平面地圖呀~~很詳盡解釋購物中心的店舖！還有一些在運河邊的電腦地圖，它提供準確的資料，這由於太多人所以才拍不到照！ 這是瑰麗堂頂上的壁畫，當然不能與外國教堂的相比！你一看就知道它好像是噴畫一樣，沒有油畫的質感的！而樓下就是賭場啦~~大家可以看看下面的Video~~ http://mymedia.yam.com/@/1500597 我們逛了差不多2小時了，也差不多逛完現在開放了的地方，這是美場廣場！不過東西實在是太貴了！但我又很肚餓，所以我只在仙跡岩買東西食！一份厚片吐司、一杯奇異果冰已經是40塊錢！真是見鬼的貴~~不過那個天幕已經出現黃昏的景色了！ 看看最後一個Video，這是美食廣場的環境介紹。http://mymedia.yam.com/@/1500645 走的時候看到的天幕景，我好喜歡這幅呀~~ 這是在詢問處get到的一千零一份指南！這樣也是我最不喜歡的一個措施！(因為金沙集團只向錢看，跟永利不同，永利宗旨人才是最重要，所以永利有繁/簡體及英文) 文/相/Video：阿乃本 著作...

《06'韓國秋葉行》10 -  景福宮 由於去完昌德宮之後，大家去了梨泰院買Laneige，再行下！所以冇點樣影相呀！之後就係明洞買d小食返酒店食，之後去了酒店附近的東大門購物區逛逛，就完了day2！   day3一早我地就去左韓國昔日的正宮，主要國家行政工作的景福宮，不過比昌德宮差太遠，完全唔宏偉，亦非常唔靚囉！樹都冇棵~~ 售票處呀！(這絕對是又貴又冇野睇既一個正皇宮) 剛剛是韓國傳統士兵換班儀式呀！ 我地入去啦！(不多用介紹，因為都唔知點介紹好！) 大空地一塊，你睇下d樹，我只能叫佢係樹苗囉！ 比昌德宮差幾遠呀！看看d地下，凹凸不平的！完全唔美觀~~ 呢個係議政主殿呀！ 剛剛又係有表演皇帝走囉！ 殿內環境！ 側面的千秋殿！ 接住介紹既就係雖一可取之處，慶會樓啦！ 在水中央，以前d人點樣入去既呢？ 湖邊紀念品店！(都係勁貴囉！) 旁邊一條比較靚既路呀~~ 同場加映： 請從右邊讀起！(取其音就會係好有趣既字啦！) (待續：小人國Aiins World)編/攝：阿乃

《06'韓國秋葉行》09 -  昌德宮紅葉篇 01 門口不遠處，孤獨楓樹~~ 大家有心理準備一連串看最少十多幅美美的紅葉了嗎？現在去片啦！揀選心水，話返比我聽啦！當然紅葉靚之如，都要個攝影師影得靚先得ga！(我又自誇中......)   02 準備上小山仔的路，亦是昌德宮紅葉路的開始，之後絕對讓大家嘩然！ 03 山路一角 04 火紅楓樹，美呆了！ 05 漫天紅葉，簡直靚到暈左！ 06 另一品種的深紅楓樹 07  宮中昔日嬉戲池，景色怡人 08 厠所旁的孤獨一枝紅 09 下山路的紅葉，較深紅，品種不同！ 10 湖畔紅葉片片落 11 湖畔火紅美景 12 湖畔亭閣與紅葉相映襯 13 不老門外深紅楓樹品種 14 不老的昌德宮相關行過不老門會年輕10年呀！大家快d去行下啦！ 15 其中一個品種的紅葉，比加拿大及日本的為細，大約是手掌大半的size！韓國的小而火紅，形成了橙紅交錯的情況，不會太快變色！加拿大的是大於手掌，而且好快會變褐色！ 靚唔靚呢？大家like邊幾張呢？ (待續：昌德宮紅葉篇)編/攝：阿乃

非凡航空獲民航局臨時批準開辦多個“分專營權”以外的航點後，昨日開辦首班澳門至日本東京的包機航班服務。非凡航空商務董事賴永康表示，期望在今年秋季能開辦最少每周兩班至東京的定期包機服務。 非凡航空開辦首班編號為ZG280東京至澳門的包機，於昨晩六時四十五分飛抵澳門國際機場，非凡航空商務董事賴永康及多名負責人在機場迎接，並向每名乘客致送紀念品。 負責有關包機服務的日本San Marino Airlines行政總裁中村浩一郞指出，澳門在回歸前由於受到治安不穩影響，日本人對前來澳門旅遊望而卻步，但隨着澳門近年有多項大型旅遊娛樂設施落成，加上澳門經濟不斷增長，有越來越多日本人期望到澳門旅遊，因而承辦非凡的包機接載日本遊客到澳門旅遊。 他表示，有關旅行團為三天兩夜行程，主要安排客人在澳門停留，會入住澳門最新的度假酒店，未來一段時間仍有多個包機旅行團到澳門。中村浩一郞期望澳門能進一步加強在日本的宣傳活動，讓更多的日本遊客認識澳門。 賴永康則指出，開通東京的包機服務之後，現正向日本有關部門申請開辦定期包機服務，他期望在今年秋季能提供最少每周兩班澳門、東京的定期包機服務。至於非凡開航以來的營運情況。 賴永康表示，非凡航空現有兩架飛機的運力近期已達到最高，估計在今年年底能再引進兩架波音七六七客機加入機隊，除日本航線以外，非凡下一步會開辦越南和菲律賓兩條新航線，並準備增加韓國釜山的航班班次。(轉載自澳門日報 2007‧9‧2) 

《06'韓國秋葉行》08 -  昌德宮 由仁寺洞行過去昌德宮只需15分鐘，一條直路唔駛轉彎，好易搵ga咋！條街好勁ga！d韓國大企業玩哂打對台ga！大家看看！   現代汽車辦公大樓！ 韓國LG集團旗下 Samsung辦公室 (係正現代對面) 之後見到一個叫 "空間" 的私人藝術空間，由建築及外觀上都好特別，起碼比果d企業辦公大樓來得靚！ 過左果三間建築之後就到昌德宮啦！ 呢度係昌德宮的售票處！ 售票處對面的一棵超美的大樹！ 這是昌德宮的入口---敦化門站在門內的人群是等2:45分的韓語導賞入宮參觀的！因為昌德宮有個規定，就是宮內每日都有安排固定的導賞團，有韓語/英語/國語三種，均不同時間，而遊客(包括旅遊團)只可在導賞開始時入內，並只可以跟隨宮內導賞，不可隨意亂走！而導賞團大約1個半小時的！行走宮內9成的地方，每個導賞都有自己的特定行走路線！大家去既時候一定要睇清楚國語導賞的時間，而且唔好遲到，如果唔係你可能入唔到去ga！ 這個昌德宮係首爾內最靚既宮殿，不論秋葉大自然之美，或是宮廷大建築之美都非常高水準！下圖是昌德宮於每個門上都架上鐵絲網，原因係唔畀d白鴿雀仔係上面停留築巢或痾屎，韓國人呢一招大家應該學下！ 呢個係昌德宮大地圖！(我地結果係行哂ga，導賞姐姐用了個半鐘！厲害~~)韓國宮殿跟中國的宮殿架構上基本一樣，都係三進式朝拜門格式！何謂三進式？就是大門，中門，正門！稱為三進式，另在位者/來訪者/朝臣覺得皇上是高不可攀的自大格局！但同時亦是保安的一環，需經過三重關卡守衛才可入到心臟地帶呀！而家的進善門係第二度門，即是中門！ 有好得意的風景，圖中是一條城內河！ 入了進善門就發現有三階層，中間是正道，供馬車、皇上等行走，旁邊的是其他臣子行走，而沙地部分就沒有限制！我當然行皇上行的啦！haha~~ 一幅三階路的藝術相！希望大家會喜歡！ 仁政殿！是皇上辦公的地方，所以你見到地上好多牌。這些不是神主牌呀！ closeup一下畀大家睇先！係官階上朝的企位，分為正從一至九品，跟中國的一模一樣！由殿開始最前的是正一品，這也是上朝議政的地方！ 但大家可能不知，其實昌德宮唔係正宮，這是副宮！即是正宮"景福宮"有什麼事，或皇帝渡假等先會從正宮大舉遷至 "昌德宮" 辦公！但 "昌德宮" 不論裝修、風格、面積、風景等，樣樣都比正宮好唔知幾多倍！(景福宮都係好唔得囉！) 這是仁政殿內堂的景！真係好中國feel呀！座上有兩個太陽，大家知唔知點解？haha~~一個係皇上，一個係皇后！ 下圖是望春門，向東邊的門！ 這是一幅好美的宮殿與天空的圖！屋簷中間的其實是煙囪位，它是一個壽字！(全個宮殿有四個，每個都有不同的字，分別是 "福"、"壽"、"安"、"康") 韓國古代的地熱暖爐，原來是燒柴呀！那sleep在內的，可能隨時變燒豬呀！ 大造殿大家估唔估到係有乜用途？(從字面就猜到！)沒錯，係皇上與皇后/妃子交合做公子公主的地方！ 同仁門呀！(跟同人堂係冇關係ga！不過佢係宮醫使用的一個機關！) 這是宮內的展示廳！有舊式轎、皇帝的戶外紮營、仲有西洋汽車tim~~真係超勁！ 之後就去宣政門囉！這是宮內雖一使用玻璃青磚瓦式建築的宮呀！(所以你見到同其他d屋簷係唔同色ga！) 之後就去了後宮參觀昔日皇后及妃子所住的地方，其實比較殘舊呀！原因係韓國後宮生活比較平淡！絕對不是大長今那些超靚建築囉！ 呢個係"樂善齋"，係唔知邊一朝的皇妃所住的，之後就係後一代的公主所住的，原因係好似話話公主與外國鬼佬通婚，這是皇室不能接受的事，所以特築起了這個齋給那些皇族居住！亦曾經住過一個有俄羅斯血統的韓國小王子ga！原來以前的韓國已經咁open！真係犀利呀~~ "樂善齋"的大空地庭園！有好多龜背紋為設計重點的龜紋牆，以及大庭園！這是寓意歸於平靜的意思！跟中國人的風水學說有少少相似！ Closeup牌匾！可能大家都會好有疑問，為什麼韓國宮殿係全部中文字呢？原因係以前的韓國，即係高句麗國，以及百濟國都係中國的藩屬國，好多資源，包括文字、曆法、技術等都是由中國借用過去的，所以昔日的韓國流通的是繁體中文，到了二次大戰時期，韓國被日本侵佔後，韓國復國並創立了完全冇人明的韓文，逐漸將中文棄用，使現在到韓國處處都少韓文，中文已經幾乎沒有了！但在韓國的昔日文獻及古藉內，仍是以中文為編寫語言，包括宮殿的名牌都是。所以現在韓國人還在努力的去漢化，立韓文主導的工作，各古藉翻譯工作仍在進行中！ 下圖是導賞姐姐呀！也是來到參觀昌德宮的最後一個景點---不老門！相傳在不老門行過會年輕十年！haha~~我行過三次呀！(仍我咪即係未出世~~haha~~事關我得廿幾歲！) 喂住導賞姐姐就帶我地上山，之後行小路回大門口！(如果下雪、下雨的話，她說是不會上山的！因為d石好滑，大家會好唔安全呀！) 下一篇我會帶大家去看看我係昌德宮所拍下的美美紅葉！(因為我係呢篇cut哂出來！)希望下一篇得到大家的熱烈回應呀！(因為近期回應的人越來越少！但觀看人數沒有明顯的下降呀！) (待續：昌德宮紅葉篇)編/攝：阿乃

《06'韓國秋葉行》07 -  鍋村莊 行完好多人既仁寺洞藝術中心之後，又破哂財咁，都係時候要醫肚啦！今次揀了一間幾出名既店，叫鍋村莊，主要食韓式料理--->泡飯與石頭飯的！   這間店位於仁寺洞大街入口，那間面包店的對面！(看下圖：鍋村莊) 門口需從建築物側面進入！門口樓梯~~ 有牌介紹它的特色食品及種類！請上2樓~~ 店內環境！(注意：需要脫鞋呀！如果有腳臭的人士不要來這影響大家食慾！謝謝！) 這是我們5個人所叫的午餐！(只叫了四個！)韓國人其實是不會share食野，所以他們覺得我們5個人只叫了4個set就好奇怪，而且一直唔走，企在這等我們叫第5個，之後我們跟她說我們夠了，她投下奇異目光看我們，再者跟各伙計說，讓個個伙計都看著我們呢！非常尷尬！亦促成我們以後叫外賣回酒店食的習慣！這是經過本人親身驗證，一人一份的情報是絕對正確的！(因為韓國的東西不太合我們食，款款都辣，我們只有呢間叫d，果間叫d，回酒店先share食！真慘！) 首先就是牛肉碎紅豆拌飯，一定會跟d我們冇人食既泡菜！ 牛肉石頭鍋湯配紅豆飯！又是有討厭的泡菜！ 這個就是泡菜牛柳石頭窩飯！(這個最難食，又鹹又辣) 這個就係我喜愛，亦叫arm大家胃口既穩陣菜色------海鮮石頭烏冬！ 我地係食哂d主菜，跟住先試d怪泡菜，又引來所有伙計一陣狂掃我們這檯，真的太不好意思！趕快食完趕快走！(因為我地不想浪費，所以儘量食呢些泡菜，但有些真的沒辦法，一係辣到噴火，一係鹹到發瘟)終於好快咁離開左呢個比人奇怪注視的地方了！ 我們又回到仁寺洞逛一逛，因為距離昌德宮的3點鐘華語導賞有一段時間！(它一定要導賞才放人進去！)回到仁寺洞又去了看一些攤販售賣的東西，但真係貴到離哂譜，咁梗係冇賣野啦！反而有韓國傳統舞獅及舞蹈，我們就看了一下！附近有一檔買紅豆餅的，我們又去了買來試試！(1000w 9粒) 味道算不錯啦！QQ的，味道略淡，但有紅豆味！ 買完食完就差不多時間啦！我地就開始行過去昌德宮啦！亦拍下沿途的景色！ (待續：昌德宮)編/攝：阿乃

《06'韓國秋葉行》06 - 仁寺洞藝術中心SsamzieGil 係仁寺洞大街行完之後，我地去左位於仁寺洞中術中段的 SsamzieGil，這間藝術中心是我強烈建議大家一定要去一趟，因為好靚又funny囉！   這是正門的招牌，好得意的斜磚式牆壁，配以藝術中心英文名/韓文，仲有果隻抵死公仔！ 一入門口就有一個成4個人高的膠人歡迎你，非常滑稽呀！背景d天空藍色傘都好靚！其實藝術中心係做緊一個裝置藝術的展覽呀！(係呢度都謀殺左我好多memory stick space呀！) 樓梯旁的香蕉牆，我地見到有一隻假蕉跌左落地下，我地走去執返，幫佢貼返上去！haha~~ 門口的另一邊有好多人聚集於一店舖內，唔會仲乜呢？ 哦！原來有人表演搥年糕，但韓國呢隻需然好似日本年糕，但佢應該唔係來的，因為係墨綠色，仲要係鹹鹹地，d味都幾怪！但阿鐵人竟然買左兩盒，話做宵夜喎！(凸眼中...) 樓梯上有好多好爆笑的人仔！的叫佢做吸管人！隻隻矮dut dut~~ 嘩！好美既雲海呀！藝術家係以天空做概念，因而做了這個裝置！以無數印有天空藍+雲的紋色，置於藝術中心的天井頂~~型！ 呢間就係藝術中心內其中一間店，專賣自創品牌-----星星飾品，我係呢度都花費了不少金錢ga！用左幾萬won ga，買了數樣飾品~~(又一次證明韓國除了化妝品之外，真係樣樣都好貴！) 呢度係開工作坊的位置！擺放了各種材料工具在此！ 上到2樓，又用另一角度去看看這片吸引各個入場入士目光的雲海！ 呢度係3樓呀！已經見到個頂啦~~ 3樓設計成一個休閒的園林石路的風格！我好鍾意呢個3樓，因為係鬧市中，通常藝術文化的再生，另一個地方變成都市休閒點，一個綠色空間，真係最好不過！反觀澳門、香港又得唔得呢？d生意人會唔會分一d空間出來建設綠化，回饋社會，給市民一個優靜空間，呼吸一口新鮮空氣呢？ (待續：鍋村莊午飯)編/攝：阿乃

澳門的天空綻放色彩絢麗璀璨的煙花圖案，夾雜著駐足人群的歡呼喝采聲，構成一幕幕浪漫溫馨的情境。 一年一度的「澳門國際煙花比賽匯演」，不僅照亮了澳門的夜空，也牽動了人們心底裡的情懷。市民大眾都熱切期待煙花盛放的時刻，煙花比賽匯演為假期和節日增添熱鬧歡欣氣氛，是澳門一個標記和特色，很多旅客也特意選擇這個時候來澳觀賞煙花，度過既熱鬧又浪漫的假期。澳門十分重視文化遺產。煙花是澳門文化遺產的重要部份。炮竹業曾是澳門三大手工業之一，葡萄牙也是一個擁有悠久煙花歷史的地方。 為了延續美麗的煙花歷史及保存此項文化遺產，旅遊局於八十年代起舉辦一年一度的「澳門國際煙花比賽匯演」，透過綻放的煙花，結合澳門的景物，盡現澳門獨有的情懷。「澳門國際煙花比賽匯演」已成為澳門一項國際性盛事，在世界上同類形比賽匯演中極具規模及地位。由澳門特別行政區政府旅遊局主辦的「澳門國際煙花比賽匯演」始於一九八九年，當時只有五支隊伍參賽。直至一九九五年，煙花匯演向前跨進一步，由原來的五支參賽隊伍增加到十支，每晚由兩支不同隊伍表演。至今已有百多間來自中國、菲律賓、泰國、中國台灣、日本、韓國、澳洲、英國、瑞士、法國、德國、葡萄牙及西班牙等國家及地區的高水準煙火公司曾經參加「澳門國際煙花比賽匯演」。 澳門特區政府旅遊局將繼續致力提昇煙花比賽匯演的水平及其在國際間的聲譽，務求使它成為全球最負盛名的國際煙花匯演。 比賽時間如下：9‧15(六)9:00pm  英國、10:00pm  韓國 9‧22(六)9:00pm  澳洲、10:00pm  台灣 9‧25(二)  中秋節9:00pm  葡國、10:00pm  菲律賓 9‧29(六)9:00pm  美國、10:00pm  日本 10‧01(一)  國慶日9:00pm  法國、10:00pm  中國 如果大家有興趣來澳門睇煙花的話可以根據上述時間來澳門！而最佳睇煙花有：觀光塔觀光層、西灣湖邊、南灣水上活動中心、主教山、環山馬路瞭望點、濠景酒店 文：澳門旅遊局 & 阿乃圖：澳門旅遊局

《06'韓國秋葉行》05 - 仁寺洞大街 去完南山韓屋村之後，搭返地鐵由 331號忠武路站，乘至 328號安國站下車(800w)。往仁寺洞大街出口上走，回到地面，就已經見到仁寺洞大街的入口了！(下圖就是仁寺洞入口的街區地圖牌)   這個是位於仁寺洞街口的觀光查詢站！ 無無聊聊係度影燈柱囉！ 呢個都係o係仁寺洞大街街口(觀光查詢站對面)的大型雕塑！我自己就覺得佢好好笑囉！(有d似千語千尋果隻黑色物體) 有咁多仁寺洞大街的地標，大家應該唔會找不到仁寺洞係邊啦！自己應該有信心找到了吧！請僅記，我地當中係冇人識韓文ga！我都只識日文而已(有些發音基本與日文相同，所以有d聽得明！)亦唔知點解，可能我太似日本人的關係，去度日本就成日畀人當左我係日本人，向我問路(包括本地人)。而去到韓國仲死，又畀當地人當左我係韓國人，狂問我路，我d friends已經狂笑ga啦！ d friends仲抵死到成日講：『你睇下！我地5個人當中，d韓國人淨係揀你來問路，係唔認係韓國人都唔得囉！』(因為我5日來，畀d韓國人問路不下5次囉！)我真的想問，我似韓國人嗎？還是似日本人呢？抑或是兩種都似？ (那我會認係日本人多d囉！) 講左好多廢話tim~~入返正題先！我地係食午飯之後，大家都有少少肚餓~~haha(其實係為食！)於是我地係街邊賣野食囉！首先有賣 "街邊婆婆燴栗子" (3000w)試食後：非常乾，同澳門既甜炒栗子好有分別，韓國既唔太好味囉！(C小姐 同 賣米 係度好得戚咁比我畀佢地相！) 食完栗子，我地係兩三步之隔，有一間面包鋪，佢發出陣陣面包香，我地又忍唔住啦！結果，除了栗子之外，我地又立即去左買成條pizza咁既面包食！(每位於400w)下圖是面包鋪d師傅係度整緊面包囉！(我又係度偷拍囉！我仲扮哂影d friends咁！) 呢隻就係我地分屍個pizza包既圖！你看看賣米著幾多衫，羽絨、頸巾乜都齊；C小姐就冇佢咁多；而我就1件短底，1件薄長衫，再加1年薄外套就行出去啦！仲有呀鐵人W生(冇入鏡)，佢同多都係差唔多囉！但當日其實只有10度左右！ 食完小食之後，終於正式行下仁寺洞大街啦！大家看看仁寺洞大街全景，嘩！美呆了！好靚又好有藝術味囉！ 街道上的一景，竟然有楊柳樹，映襯著街道上的畫紙工具鋪、陶藝鋪，真係好有國畫feel囉！ 街道旁的藝街家擺放作品！以及街道上的特別設計，到現在都未估到佢係乜，以及有乜作用！ 又一特別之處，樹根的裝飾，全部寫哂韓文，唔識睇！不過係幾得意呀！ 仁寺洞的小橫街，好有懷舊風味！ 於仁寺洞中段，見到一個私人畫廊！呢位張曉剛d畫作，之前係澳門都有擺個展覽，咁arm就係我地幾個負責果個展覽既！來到韓國又見佢既畫作，咁係要影影相，回味一下之後一齊做野既時光啦！ 雖然C小姐同賣米已經去了其他行業工作。我亦沒有在藝文館工作，而我回去了原來的藝術館工作，但我地幾個經常出來聚一聚，去下食飯，去下旅行，去下玩咁！都幾好ga~~ 下一回同大家位於仁寺洞的藝術中心，這是我地到仁寺洞的重點，而整區一直都瀰漫著濃厚的藝文氣息，咁又點少得我地去參觀呢？ (待續：仁寺洞藝術中心SsamzieGil)編/攝：阿乃

《06'韓國秋葉行》04 - 南山韓屋村 一大清早，9:30就出門了！開始第2天的行程。我地從東大門運動場站 坐4號線 到423號忠武路站 下車 (800W)，在3號 or 4號出口，步行3分鐘就到！來到了我們的第一站，南山韓屋村 (參觀費用：Free) yeah！   來到這裡，已經發現有一架永安旅遊巴，心想永安d團咁早ga，十點就已經睇緊景點！我地來到門口啦！都唔係好靚o者！可能係冇乜特別的關係，而且都唔係太宏偉，這就是尹建出來給大家看看的主題屋吧！ 門旁有另一小門口，終於見到有中文字啦！因為韓國以前是中國的附庸國，所有國史資料都係用中文來記載，所以韓國以前係識中文的，但先從有韓文之後，政府大力推行 "去漢化"，所以現在的韓國街上已經幾乎看不見中文了！這是它的歷史，不過我覺得冇乜特別，而且真係都幾假下！好彩擺佢係第一o者！因為之後我地去參觀既，真係令我地大開眼界呀~~靚到死呀！ 這是南山韓屋村地圖，其實唔係好大！ 大家又可以估下呢間建築物係有用途既，但現在的真正用途係乜呢？(設係門口ga！) 呢度係入去之後，面前的一條運河仔，都幾靚ga！算係有特色既！ 呢個係一個亭台大舞台！ 有些類似d古代中國大戲既木製大舞台！旁邊仲有d紅葉tim~~ 這是由南山韓屋村遠眺 N首爾塔 的景，你看看都有不少紅葉ga！(不過唔夠我地之後去睇既昌德宮靚) 這是韓屋大操場內！好有沙地feel~~各位親愛的澳門朋友~~是否懷念工人球場呢？(而家變左新葡京啦！唉~) 你地看真一點，d牆其實幾特別ga！石+白灰！ 呢幅又唔同既！d石比較平均，而且d混凝土幾結實！ 呢度係一位韓國皇后寖室的戶外呀！都幾靚呀！d韓國人既房！大家睇大長今、醫道都應該見唔少囉！呢度係果個唔知乜皇后既寖室呢！ 好靚既紅葉呀！ 我地睇完d屋之後行左上山，見到好靚，所以停下來影相呀！呢張我叫佢 "寂寞‧紅葉‧孤燈" 呢張係山腰上一個涼亭，有紅葉襯托，都幾唔錯ga！ 呢幅係亂影，但又影左d藝術出來囉！ 呢條係下山的小水道！(好有味道的郊園景) 係韓屋村見到大公仔，梗係要影返張相先啦！由上而下：我、C小姐、賣米 好快咁睇左1小時左右，準備乘地鐵去安國站的仁寺洞大街睇野啦！今集比較少解說，真係冇乜野可以講！所以畀多d相比你地睇囉！下集會多返d字啦！下集見~ (待續：仁寺洞大街)編/攝：阿乃

《06'韓國秋葉行》03 - 去明洞食晚餐 我們放下行李，整理行裝之後，就準備出發去明洞食晚飯啦！但呢個時候，阿W生竟然要食一個杯面先，真係比佢激死呀！   之後再去到東大門運動場地鐵站內買一張 T-money 電子儲值卡 (可乘搭全線地鐵，以及各線巴士)，儲值18000w，按金2500w！(兌換率為 1000w = 8.2 hkd) 攪完一輪就去明洞啦！ 由東大門運動場站 去 明洞 需要搭 第4線(淺藍色線) 於 424號明洞站 下車！(T-Money需扣 800w、正常買票需900w) 之後我地去了 明洞餃子 食晚飯！(係韓國的食店有一個不成文的規則，如果你幾多人入去，就要叫幾多樣野食，唔可以叫少一樣，但可以叫多，所以亦導致我地以後好多都係叫返酒店開餐！)原因係佢地唔興share野食，興一人一份，所以我地都幾慘！ 明洞餃子 係本本旅遊指南書都有介紹，咁應該都唔錯啦！(仲有就係旅遊書上寫左價錢，佢係可以接受的！)所以我地就根據地圖搵到呢間野啦！入到去真係好多人囉！好彩我地都有位~~ 介紹一下我地叫左d乜先！(由於我地5個人，所以要叫5樣野！)呢間店有個特色，就係叫完要立即畀錢ga！絕對唔係食完先結帳！(怪怪的~~)下圖：兩籠明洞餃子、兩碗雲吞面、再加一個超辣泡菜面！每人都係6000w(約50hkd)，總數係30000w，抵呀！ 其實我地係食唔哂ga！原因係今日大家成日都係坐飛機坐車，都冇乜胃口！加上我由於唔夠訓兼早餐飲左咖啡，又引發左我既"腸胃焦慮症"，成日都胃痛，有時都幾辛苦下！所以更多冇胃口啦！仲有果個W生之前食左杯面，點會食得落先得ga！ 而且我地5個人當中，4個人都唔食得辣，咁叫左果個超辣泡菜面點算？當然就係C小姐負責啦~~因為得佢一個食辣，而我就一定唔可以食，如果唔係明天都唔駛繼續行程啦！佢地幾個就唯有將食完既雲吞湯來過冷河，將d辣過走，再幫忙食！(旁邊d韓國人就已經覺得我地好怪囉！) 大家唔知有冇留意，佢果d籠係膠造的，同我地中國式的竹籠唔同ga！ 食完野之後，我開始好返少少，不竟我已經係酒店食左胃藥，已經好左好多！當然，現在都係8點幾，我地梗係行下街先ga啦！ 明洞最出名，最多人就係呢三、四條購物街啦！你看看，什麼牌子都有，有d似澳門的噴水池，及香港既銅鑼灣囉！(又多人又多街鋪) 我地期間都入左唔少鋪頭，需要佢地都著左唔少衫！(識我既人都知我係熱血青年，唔怕凍！所以我都係1件短底，1件薄衫，再加1件褸就死出去ga啦！) 除左我，團中仲有個鐵人，都係唔多怕凍，佢就係同我同房既W生啦！其他人就梗係羽絨、毛毛、圍巾都出齊ga啦！ 當時雖然都幾凍！(因為早上落過雨，晚上9點左右的氣溫只有-3至-1度左右，但其實間間shop都有暖氣，有時仲熱到我呼吸唔到，因為真係太熱啦！) 但我地就繼續行一行，不竟我地幾日都會來這裡找食呀！所以熟習一下有d乜野買都好丫嘛！ 大家都可以比較累啦！行到10點左右已經開始想走，返酒店休息！加上越來越凍，所以大家都同意！ 這幾張都係o係明洞果幾條街影ga！好多時都係我係門口等既時候影既！ 第一天大家都冇收獲！好啦！我地回酒店啦~~day2見！回程與來明洞一樣，都係搭4號(淺藍色線)...

落坐車，我地梗係要返酒店先啦！ 不過一落車都要周圍問人點去酒店，d韓國人一直指我地向前行，穿過好多巷咁樣，終於出到去大街！雖然我有酒店地圖係手，亦知係向果個方向，但地圖係冇顯示我而家行黎果條路囉！地圖只係叫我地由大街行，我而家行緊d小路囉！so唔知會去左邊囉！(其實未去之前係d討論區已經見到個人都係行小路，話快好多！)好彩最後行到一半之後，我就見到Co-op Residence，咁就好啦~~因為Western Co-op係佢隔隔離咋~~ 最後終於搵到啦！睇下下面呢幾張圖啦~~就係酒店的內貌！ 係大堂裡面仲有兩部電腦，(佢好似日本的Toyoko Inn咁囉！非常唔錯！)可以畀住容免費上網呀！而且我已經係靠牆果部電腦裡面set左中文，可以用速成打中文，而靠路口果部我冇set到，好似打唔到中文！ 好啦~~之後講下房間先！呢度就房間既玄關位！ 呢度係廚房區！有張可伸縮的檯，又有微波爐、抽油煙機、碗碟筷子、杯、水煲、爐頭、平底獲、洗潔精同易潔布，亦有好多廚櫃比你擺野！ps.檯面既杯面、餅乾係自己帶去ga~~ 呢度係書房區，都係有好多櫃比你擺野呀！ 呢度係由睡房區影出去，佢有拖鞋比ga，而我就慣左唔著拖鞋，因為韓國興地板裝暖管，地板好暖呀！係地下既行李箱係我，雖然帶左厚衫&暖包，但完全冇用過，都係著返d薄衫就已經OK啦！(因為韓國天氣係有風凍，冇風唔凍，不論係零下定係幾度，而且度度都有暖氣，如果你著住好多衫，你一入室內就會焗桑拿咁，抖唔到氣呀！) 跟住呢度係睡房區既電視櫃！ 呢度就係睡床！最唔好就係雙人房張床勁close，只係得一隻腳咁粗既空位，同一張雙人床冇乜分別囉！ 好啦！現在介紹厠所啦！麻雀需小，五臟俱全！又有一對浴室專用拖鞋！佢真係好鬼死似日式咁ga~~ 呢間有大、中毛巾各兩條、備用厠紙、梳、風筒、肥皂等！(唔好以為我點解講得咁仔細，事關韓國既酒店係唔設有風筒、毛巾、拖鞋同沐浴用品ga！)但呢間就有啦！不過要自己帶沖涼液、洗頭水、護髮素！ 浴室位置~~ 沐浴水龍頭呀~~以及一旁既架層！ 最後要同大家介紹，玩左我地一日既 " 沖涼熱水 兼 地板暖氣 再兼時間及顯示器"，完全韓文，初時完全唔明點用！結果研究左好耐就找到一張英文版圖，但睇住張圖都係唔係好識用，就問左酒店職員。 原來右邊米粒制要開哂佢(著綠燈叫做開左，而唔係英文圖示的Very hot)右邊第四粒制就係沖涼時先要開，係煲熱水用的，否則就冇熱水沖涼ga啦！(亦唔係英文所說的Quick Boiling)右邊樓下著紅色燈係代表水溫(英文版終於arm返一次)到左邊頭三盞燈，係冇著過ga！(so唔知英文arm唔arm)之後大扭制係控制地板既溫度，我通常開55-60度，咁成間房先會暖囉！(英文就冇講係乜野既溫度)最後左下角的timer冇用過(都唔知佢係控制煲水定地板，又唔知係分2,4,6...分鐘定係2,4,6...個鐘) 總結：張英文版有都等於冇，呢解釋有5成錯，3成唔清楚！即係等於廢物！(真係我地唔問過都唔識用)酒店就真係非常唔錯！又有書房同廚房！建議最好跟package book，否則一晚要成4百幾5百蚊，如book一個月就平d囉！Western Co-op 比 齋Co-op 大一倍，設備齊好多，只不過係隔隔離，所以建議住Western~ 其實好多friends睇完d相之後都話佢唔似酒店，似宿舍多d，但係真係酒店，有d類型酒店式住宅，而且仲有gym、洗衣乾衣室 ga，不過唔知幾樓！係4星酒店來的！不過我就好滿意囉！綜合評價比佢93分啦~~之後介紹下酒店周邊風景及便利店！係韓國最多就係GS25便利店，係屬於LG集團，大家要知，而LG呢個品牌，係韓國已經改哂為GS啦！所以GS25就係以前的LG25便利店！而LG油站等都改哂名！韓國冇LG ga啦！LG係中國牌黎ga啦！ 呢度係對面果個公園囉！ 呢d係韓國既燈柱街招廣告！ 呢個係附近d大型批發及零售商場既多棟大樓~~ 呢個係從酒店窗外影的東大門夜景！右邊的就是東大門多間大型批發零售商場！由早上10:30開門直至凌晨5:00 ga！所以行街可以留返夜晚，白天可以去下樂園，逛逛宮殿及文化遺產，抑或去去博物館都可以！(大多博物館、宮殿等，秋冬天都係5點、6點左右close ga！)(待續：明洞街道及晚餐篇)編/攝：阿乃

大家等左好耐既韓國遊記出爐啦！唔好意思~~真係近排比較忙，整理左少少就post出來先啦！今次我係去左5日(自助遊，06年11月份)，上幾篇都有一d我去韓國既資料同一d小知識及一些見聞！今篇開始就有遊記同相啦~~ 同上一次去日本一樣，又係搭早上9點多的飛機(搭國泰機)，不過係飛韓國仁川，唔係飛日本成田o者！果晚又係冇sleep到，上網、msn、打blog，之後去沖涼，執埋少少野就差不多凌晨3點啦！仲有一樣野係勁攪笑，係keith目送我離開屋企出發ga！(係msn度)之後就搭凌晨四點船過香港上環，再轉機鐵入機場！ 入到機場都係6點幾，去左Super sandwichs食我至愛既早餐~~再過對面買書上機睇，之後就返上去A區get air ticket去check in啦！ check完in都已經8點左1右，就入閘行下，因為未試過行機場禁區d店，我行書店比較多，d friends就行迪士尼專門店！9點多去到閘口排隊上機囉！ 今次我地5個人，分別係我、W生、C小姐、賣米 & 肥宇 (其實都係以前d導賞員同事黎ga！今次係第一次一齊去旅行~~) 上到飛機，我又開始黎啦~~黎乜？事關我都講過，我驚離心力，而且我更驚不安全感，雖然我知道空難機會比任何交通工具要低，但亦知道一出事都一定冇得救。所以Take off、landing、遇氣流、天氣不佳的情況我都好驚，又好擔心！(絕對會出洋相)此終隻隻天蠍都係成日覺得唔安全ga嘛！只有能掌握既野先係最安全~~ 呢幅係係機上面，已經飛定左既時候影ge！有出入境表、衛生檢疫表、飛機餐牌等~~(我最唔欣賞就係飛機餐~~搭咁多次國泰都唔arm我口味！)(我比較鍾意長榮、ANA、澳洲航空d飛機餐，好arm我胃口) 機上廣播資訊呀~~ haha~~又見到我隻手同部相機呀~~反光丫嘛~~機外陽光太猛~~ 搭左4個小時多，終於落地啦~~第一日，韓國的天氣比較凍，係-1至9度，而個天既顏色好特別，係水藍綠色既~~我好鍾意呢隻顏色，因為好特別！下圖係arm arm落左機既走道上面影ga！(注意：現在仁川機場現正進行擴建工程) 呢隻就係我地剛剛坐黎韓國既飛機啦~~已經落緊d行李啦！好快~~ 呢度係落機後的走廊~~ 歡迎到仁川機場~~隻公仔好得意呀！ 辦理完海關手續之後，我就去左拎返d行李，之後佢地仲要去換錢(因為係澳門換唔夠)~~換左錢之後，出左禁區，我地就先去information度問一問邊度有KTC (Korea Travel Card)~~搵左一輪，終於找到Shinhan Bank (新韓銀行) 既辦事處，咪入去問囉！點知佢地話呢間冇，有個好心職員就帶我地去左另一間，路途好遙遠ga~~之後終於到了，真係有得攪KTC，但係有兩種，一種係紅色(不能退款)，另一種就綠色(可以退款，但需多付按金20000won)，我地個個都係買200,000won~~加埋張卡2000won、再加按金20000won，總數就係222,000won啦！ 但係佢地d英文真係好唔掂，竟然連一d好淺既英文都唔明，只識單字，之後個職員叫左店長黎用英文講，太好啦~~終於有個識少少英文ga~~亦解釋左少少資料比我地，個個賣完哂自己張卡啦！Yeah~~ KTC試用後建議： - 不過我唔太建議大家用，雖然係方便，但除左機場銀行方面，其他地方好似都冇乜見過呢隻卡，就連自己銀行既市內分行都唔知。 - 另外d人英文好唔得，好難溝通，勁浪費時間囉！ - 再者你如果用唔哂d額，你都只可以退面額的20%，再加埋按金！(仲一定只可係機場既新韓銀行先有得退！)你話幾麻煩呢！ - 而且佢暫時唔可以當T-money (首爾八達通)，比舊版本功能更差囉！ 呢張就係KTC咭，另外就係我本Passport (我係葡國護照) ps.有好多香港人都唔知，澳門人用既葡國護照係真真正正的，唔係好似英國咁出d海外護照畀d香港人ga！即係話我地同葡國人jar住既護照係一d分別都冇！(呢個係唯一葡國比英國做得好既地方)所以去亞洲地方既時候成日d海關都會問問題，因為佢好奇怪點解d中國人用葡國本土既護照ga呢？ 之後就買左機場巴士既車票，我地搭既係602號機場巴士，去東大門綜合市場落車！(8000won)大約需時90分鐘左右先到東大門綜合市場，因為首爾市無時無刻都勁塞車囉！下圖就係車最後排影出去ga！ 拿~~我唔係跟團ga！(個個睇到呢張都話我跟團！)呢架係機場巴士黎ga~~各位！唔好攪錯！ 機場巴士 乘搭後建議：每一個站聽清楚下一個係乜站，因為佢d廣播係勁細聲，而且英文果段又唔係好清楚！最好睇住車上面個巴士站地圖，再估下佢講緊邊個站！(因為英文廣播係先講今個站，再講下一站)但巴士站地圖係架車既中間座位(上圖我左上位)，得一張咁大把囉！萬一過站或未到你就下車就慘啦！ 如各位住Western...

各位，讓大家久等了！我終於係韓國回來了，韓國現在滿街都秋葉片片，非常漂亮！ 我總共去了5天，在旅行期間我有check過blog，見到好多好多blog友同friends都留左言，所以忍不住回了一篇最新既blog文下的留言！其他的blog文留言，今天才有機會回應各位，真不好意思！ 剛剛執完行李，整理好戰利品呀！haha~~現在成檯一袋二袋手信，資料又一份二份，好似係房打仗咁囉！分緊手信比各位朋友啦！大家唔好急啦！ 至於相片方面，今次大約影左800多張，當中亦拍了影片，但由於本次屬於每機分工，所以我有一部分的相於其他團友的相機中，所以所有相片整理需時！預計最快12月頭，韓國遊記就可以同大家見面啦！(現在先睇埋日本既遊記先啦！) 今次去韓國，終於d野冇咁難食啦！(可能係我地揀合適大家的食肆掛！)因為我地5人當中，只有2人係食辣，但當中4個人都唔食泡菜，而且4個(包括我)極度恐懼那泡菜的味道，所以每餐的泡菜，就落在第5個人身上啦！ 韓食習慣方面，佢地首先係鍾意一人一份餐，並不喜歡share食，如果我地5個人，就一定要叫夠5份，個waiter先會走開，如果唔係佢會用好奇怪既眼神，而且返去同其他waiter竊竊私語囉！(因為我地試過一次)。另外就係佢地樣樣都有泡菜作為前菜，又唔鍾意人地食剩野，咁點算？我地既經驗係一定要清哂d主食，至於d泡菜就食得幾多得幾多囉！其實係韓國食野比日本仲要貴囉！小食基本由350w至2000w不等一客/枝(兌換價：1000won = 8.3 hkd)一份餐基本由5000w至13000w不等而快餐店的2人餐約15000至20000w不等當地人都幾鍾意食炸野，有好多炸雞店，10件炸雞需要15000w囉飲品大部分一罐700-900w佢比日本更麻煩，需要日本人都唔鍾意人地剩野，但唔會迫你有幾多人就叫幾多野囉！ 韓國溫度方面，而家大約係 -2 至 15 度 之間，每日不同！需留意韓國氣象局的預測，好準ga！話12-15點落雨，佢就真係落雨，其他時段都唔落雨，澳門氣象局要學下啦！唔好成日報d山埃報告先得ga！不過我日日都係3件衫，冇著厚褸囉！只係普通短袖tee + 一件長袖抓毛 + 一件普通褸 就出街ga啦！因為間間店舖都開暖氣，有時係熱到暈囉！ 韓國shopping方面，比想像中貴，它已經再不是購物天堂了，除了化妝品同護膚品外，其他東西都好貴囉！你可以去明洞衣類執到好平既野，亦可以去東大門的Doota講價買野(其他幾間都偏貴，而款式同doota差不多)，但其他既都幾貴下囉！買紫菜、泡菜、柚子茶、辣椒醬做手信就可以去南大門、首爾火車站的Lotte Mart。買Laneige化妝護膚品可以去梨泰院Laneige Outlet，佢有八折，而且有廣東話既服務員！ 韓國人及街道方面，佢地真係好熱情，你唔識路的話佢真係會帶你去，好多都好好人！至於街道呢，就好似返左大陸咁囉！真係好似，又有人吐痰~~(勁噁心x n)，連d地磚呀、巴士站都好似大陸廣州、拱北咁囉！同埋要找一個垃圾桶係好難ga！ 韓國交通方面，跟大陸簡直係一模一樣，見位就攝，冇車時又飛車過線，嚇到你半死，又唔多跟燈號！行人路jar電單車，仲唔會Bi你囉！你係唔會知道有電單車係你後面想撞你囉！首爾市係好塞車囉！不過一樣見車過車，一有位就攝！連機場巴士都係周圍攝！大家搭機場巴士出市區就要睇清楚同聽清楚下一站係乜，如果唔係好容易miss左落車ga！(因為佢地冇電子牌，亦冇中文英文顯示ga)要靠自己囉！ 韓國人語言方面，它們真係英文很差，比日本的更差，冇人識英文咁滯！我地都係有手指韓語書、手抄韓文、身體語言去溝通呀！相反，韓文就有d音同日文好似，所以我有d聽得明！ 韓國人樣方面，韓國d女性好多都係好村姑feel，男既就好農民feel，真係好係返左大陸咁！不過佢地連一個掃地阿嬸、執垃圾阿嬸都係會化妝ga！而有d後生仔係算好樣囉，但唔算靚，又唔算型！靚女簡直係萬中無一，如果有既應該都去左做明星，街上面都見唔到！ 好啦~~報告完畢！係時候要繼續分手信比人，同食紫菜啦~~ 編：阿乃

阿拉伯聯合酋長國斥資10億歐元（逾102.5億港元）買下法國羅浮宮招牌30年使用權，連帶購買法國博物館運作知識和借出珍藏文物藝術品，將建造一座「阿布達比羅浮宮」。不過，此舉引發法國文化界的強烈反對，認為國家歷史文物不宜任意長期出借。據中央社報導，法國文化部長多納迪歐當地時間7日在巴黎部長聯席會議上，公佈在阿布達比簽訂的「阿布達比羅浮宮」計劃合約，阿拉伯聯合酋長國將投入10億歐元，建造一座「羅浮宮」博物館，預計於2012年開幕。 高價買30年使用權雙方協議在30年期間，阿布達比分館每年可以借展包括羅浮宮、龐畢度中心、奧塞美術館等一級博物館的300件展品。阿布達比羅浮宮預定地位於沙迪雅島，佔地2萬4千平方公尺，將以飛躍的茶盤型為藍圖，由法國建築大師努維爾操刀，預計5年後開幕。根據合約，最大受益者是羅浮宮博物館，獲4億歐元回饋，額外再獲贈2,500萬歐元贊助，協助修建弗婁爾（Flore）館，條件是未來弗婁爾館內部廳室需以阿聯酋人士的名字命名。法國文化界反對意見主要強調國家歷史文物不宜任意長期出借。文化部在「阿布達比羅浮宮」計劃中明訂，各博物館出借收藏品最長不超過2年，參與特展的收藏品則在2個月到4個月之間。 文化界斥：出賣靈魂有好幾十位法國博物館館長和藝術史學家等4,650人連署抗議，批評羅浮宮把價值連城的收藏品出借海外，形同「出賣靈魂」。這項合約招來法國藝文界人士大肆抨擊，是因為合約還包括賣給阿聯酋40架A380空中巴士及80億歐元的裝備武器，根本就是拿文化包裝經濟外交利益。對此，法國文化部長多納迪歐解釋說：「我不認為我們賣出羅浮宮美名，我認為我們是把羅浮宮之美傳送到阿布達比，也就是說把羅浮宮精神以一種任務轉變成全球博物館。」羅浮宮館長羅赫表示，這是名稱使用權合理的價錢，這有助於宣揚法國文化，也對法國的博物館有經濟助益。 阿拉伯聯合酋長國這個以石油致富的富裕國家，國民平均生產毛額達3萬3千美元，曾經發下豪語要成為世界經濟和觀光中心。 文：來自多處消息相：來自網路

今日我0:00am就出左去get左d船飛先，點知去度碼頭服務部，佢話一定要get即班船，唔可以get其他班次！超cheap呀~~(成日d 0400船畀d黃牛黨get哂，一出去就已經要0600啦~~) 之後我咪走左去葡京既服務部get船飛，係！沒錯，佢係畀我get船飛，但每人限取3張！(o下！呢d乜規舉黎ga！點解只可以get3張，而唔係4張呀！一定都唔合邏輯~~) 最後我只get左3張，叫我阿爸再入去get1張~~真係麻煩ga~~不過係就係平少少，都唔駛咁既怪規則ga！ 唔比d衰野影響心情！小弟出走首爾啦，閒遊5日，大家5日後再見啦！ 我又係搭凌晨4點船，早上9點幾機！同上次去日本、新加坡係一樣的出發時間~~ 文：阿乃

---序---仲未寫哂d日本遊記又要出發啦！今次我唔係去日本，而係去韓國自助遊。冇錯，係去韓國自助遊呀！由於之前東x遊乜都未confirm我，所以我都未知去唔去得成，咪唔夠張揚住囉！結果星期五通知我要改早幾日先有得出發，要由19號凌晨出發，更改至17號早上出發先可以去！淡季真係差d，結果同行朋友一干人等都要請多一日假，可以成行啦！我地仲蝕左半日比佢tim~~   因為東x遊話，雖然我地係自悠行package，但我地都係已團體票方式出機票，如果你地揀果日唔夠人，就會將你地改早或押後至可以成行為止！(但佢之前冇講清楚！係人都以為係普通既自悠行ga啦！) 最後到今日，佢都仲唔肯叫我去get d房間入住單 同 其他資訊，我呢幾日已經勁打電話去問，佢就一直死拖話香港d資料未寄到囉！之前已經有同行者去鬧左佢一次，今日就到我去鬧佢。都唔知點做野ga，出發前一日都未有房單機票jar手，勁過份呀！之前佢話係澳門呢邊印d資料比我，我咪問佢同香港果邊d資料有乜唔同囉！佢話只係冇左d小錦囊，而d房單都一樣有效！嘩~~~~我咪立即%(^$^_佢，有冇攪錯，咁點解唔一早係澳門出比我，等乜鬼香港呀！係咪出發前都收唔到我都要繼續等到個旅程過左，我都去唔到先？？？ 我有好多friends話，澳門東x遊d旅行團就好好service，完全冇問題。但package同出機票果個部門，10個有9個顧客都勁嬲，成日拖都唔知拖乜？貼錢買難受，仲要成肚氣！下次我都係去返康x同x華呢兩間好過~~ 不過就好攪笑囉！變左搭CX(國泰機)，唔係搭KE(大韓機)！真係一波三折才可以出發，希望今次旅程順順利利，返來寫返D詳盡既遊記比大家睇呀！   ---行程安排---DAY 1   2006‧11‧17澳門--> 香港--> 韓國仁川機場 -->東大門(酒店) -->明洞(明洞聖堂、南山公園、首爾塔) DAY 2   2006‧11‧18忠武站(南山韓屋村) --> 安國站(宗廟、昌德宮、仁寺洞) --> 梨泰院 --> 夜遊東大門 DAY 3   2006‧11‧19景福宮站(景福宮、國立民俗博物館、慶會樓) --> 松內站(Aiinns小人國世界) --> 惠化...

早前太多工作不如意，所以決定離開那個是非地，已經休息左一會！於早前同友人商量，決定冬遊韓國，感受秋冬氣氛。而且我去過咁多地方，從未試過係淡季(即10,11月)去旅行！   今次選擇出走首爾，踏足呢個分別於10年前、及6年前到訪過的國家，未知今次d野係咪仲係咁難食，樣樣都食唔到，最後要返酒店食杯面呢？(希望唔會啦！) 已經plan好哂d行程，大家亦確認了行程，應該唔會再有大改動啦！好多謝朋友咁信得過我，又係交哂d 行程安排、訂票訂房、計價、旅遊保、船票、機鐵等畀我處理，大家出來開下會dissus左四次就可以完成！算係比較快GA啦！因為此終人多，意見就多，要組合一個滿足哂各人需要的行程不容易啦！ 除左行程安排及預算案，當然唔少得，今次又係由我充當領隊兼導遊啦！但我唔識韓文，所以一定要去之前搜集好哂d資料，唔識去的話，就大家齊齊問路啦！增加左旅程的挑戰性同冒險性~~好期待呀！ 由於朋友們都未試過自助遊，所以要同佢地做多d心理建設，講多d注意事項，等佢地冇咁驚！ (待續：序2 - 行程安排及預算)文：阿乃

一個7天的日本之旅，讓本人創了壯舉， 寫下了一連50篇的遊記，相片近千多張， 比前一個日本遊記多出一半以上的篇章， 又由06寫到07，前後有半年時間， 謝謝各位的耐心，呆等我寫完為止， 好高興各位的熱烈回應，以及給予的各位意見及交流， 讓本人的遊記更添精彩，相互留下旅行足跡。 閣下的支持，就是本人的動力。----------------------------------------------------------------------------------- 如果你是現在才到訪我blog的朋友，或中間才看的朋友，不用怕，現在就來一個合輯！可以補回之前未看的，或miss左的部分！00 向東京出發在日手記01 前傳02 迷濛與晨曦03 驚嚇航程4小時04 成田機場飛奔池袋05 池袋北口Toyoko Inn(東橫Inn)06 Day1晚餐 & 夜遊池袋東口07 橫濱路途遙遠......08 中華街/山下公園/冰川丸09 新橫濱拉麵博物館 Part110 拉麵博物館 Part2 11 日清食品展覽館 12 購物大割引の新宿閒逛13 Day2 晚餐 京風百花日式燒餅14...

這篇是2006真夏東京的遊記，最後一篇番外！謝謝各位一直對本人的日本遊記給予支持！ 下面放有三段短片，都是由N小姐、C先生兩位所拍，本人所拍的由於file太大，不能放了yahoo video內！而這三段片都是一些旅行的零碎片段與記錄，其實我現在睇返都幾好笑，大家d對話呀！拍攝者的自言自語呀！被拍下的醜態呀！仲有d漏網鏡頭都有！ 大家笑還笑！畀下面呀！唔好笑到！ 呢段係N小姐所拍的，是講述剛到成田，搭skyliner去池袋，在列車上的鏡象！http://us.i1.yimg.com/cosmos.bcst.yahoo.com/player/media/swf/FLVVideoSolo.swf 呢段係由C先生拍的，講述第一日剛剛checkin完，放低行李就去了松屋食飯！(個個d殘樣、攰樣都浮哂出來！包括我在內！)http://us.i1.yimg.com/cosmos.bcst.yahoo.com/player/media/swf/FLVVideoSolo.swf 呢段都係由C先生拍的，是在台場的venus fort內，睇完個噴泉之後，大家搵路走！因為好似個迷宮咁！http://us.i1.yimg.com/cosmos.bcst.yahoo.com/player/media/swf/FLVVideoSolo.swf 呢段都係C先生拍的，o係銀座拍，拍低左我地既購物樣，亦拍低左K小姐要買童裝著的秘密~~haha~~http://us.i1.yimg.com/cosmos.bcst.yahoo.com/player/media/swf/FLVVideoSolo.swf (待續：最終回 - 後記)詳盡相片資料及其他沒貼文的相片於 內。編：阿乃錄像：N小姐、C先生 本 著作 係採用 創用 CC 姓名標示-非商業性-禁止改作 3.0 授權條款授權.

上一篇講左好多戰利品，今篇就講講特色地磚及矮柱啦！同我之前寫過的一篇日本坑渠蓋一樣，不過今次我去就發掘到地磚同矮柱仔！ 去片，呢幅係橫濱山下公園附近的的路面，畫左好多西洋野既地磚！why呢？原因：大家讀歷史應該都記得日本曾經鎖國ga！開放之後，橫濱就係一個主要的對外港口，好多洋人都會來這裡登岸，所以呢度都幾有日西特色ga！係山下公園的庭園及街燈就已經知啦！ 呢幅地有9格，全4款的圖案！包括有橫濱燈塔、西洋人、遠洋船同外交使館四圖！ 這是每行數十米就有一格！ 可惜我找不到第四款的外交使館！不過算啦！有幅全圖都當有齊ga啦！ 之後就係到上野部分，大家可能去上野血拼多，但可能冇留意地下有好多正野ga！都好特色下，起碼第二個區見唔到囉！圖中就係日式亭閣與荒草地！大家知唔知其實東京都係有 上野、中野、下野三地，佢地其實都係附近，昔日上野係當時江戶貴族的地方，而中野屬於中層人士的居住地，而上野就是當時的平民窮民住的地方！那你們應該明白當時江戶的分佈了！也亦估到其他區域的起源or中心地位是怎樣來的！再唔知就打開日本東京地圖看看啦！我不多說了！(我唔想讀歷史地理悶死大家！比個概念大家就夠了！) 另一幅就是熊貓！haha~~唔好問我佢點解會出現！我都答你唔到！我只係知道上野有個上野動物園，可能係咁既關係啦！ 之後就到矮柱仔啦！全部都係上野的阿美橫町的尾段 (即近yamashiroya那一段內)將日本本州的縣刻畫出來作街道裝飾，一來可以美化，二來可以讓遊客觀賞，仲有可以比d小朋友學本國地理，都幾唔錯呀！而每一個縣都有佢既特色係度ga！下圖係青森縣~ 這是岩手縣！ 還有秋田縣~ 仲有宮城縣~~ 同埋山形縣等~~ 我就冇影哂，只影左一部分！有些港澳人會比較陌生，因為大部分都係日本的東北數縣來的！有好多時見d旅行團有日本東北，就係指呢一堆啦！位於本州上半部分，再上就為北海道。如果有你搭JR 東京-->札幌的話，一定會經過呢幾個縣！ (待續：番外篇の行程記敘Video)詳盡相片資料及其他沒貼文的相片於 內。編/攝：阿乃 本 著作 係採用 創用 CC 姓名標示-非商業性-禁止改作 3.0 授權條款授權.  

一連3篇都係番外，各位準備定比人嚇親囉！今篇係手信及戰利品篇~~由於真係買左太多太多野，so分左好多次先影得哂！但其實所以戰利品+手信都唔超過4000蚊港紙呀！(果個名牌除外，因為係朋友叫我幫佢買！) 首先來第一張大合照 "A號" ！ (只係得食品、公仔、小手信、扭蛋、袋仔、男裝和服) A號 close up 01有我覺得好爆笑既 "雨衣屠蛙"，又有 "白色肥蛙"，當然仲有好多手信食品如芝士帆立貝、炭燒芝士狗、草餅、人形燒、日式燒餅、扭蛋、四方豬、giroro頭、自己設計既杯面啦...... A號 close up 02勁多送禮手信人形燒，仲有d仿平安符手機繩、夾返來既公仔、蟹肉腸、魷魚魚餅、青蛙頭手機繩，當然仲有我特登幫某三位好好朋友求的日本平安符(分別係淺草寺同平安神宮求ga！)你地要好好保管呀 第二張 B號 衣履類你看看，幾多衫同褲，上面係恤衫、中間係T-shirt、最底係褲同sock，兩旁係日本新科技透氣速乾衫，以及男裝和服！(一部分係台場買，其他都係日本uniqlo買，尤其d t-shirt全部都係日本uniqlo同其他牌子合作的日本區獨有的crossover，而且係勁平，900yen一件) 再來第三張 C號 其他潮品及藥品類首先看到居中的巴斯，就係我去看Pixar動畫展，因為唔可以take photo，所以個個都買左一本展覽書回家，入面有哂展覽既資料同展品，仲有解釋，正！(不過要成150元港幣)之後左上角就係日本傷風感冒藥，勁得ge！分有粉裝同粒裝！(間間唔同價，即使係同一商店，區域不同價錢不同，需留意呀！)，仲有日本其他牌子的寶礦力粉裝。右上角就係七色幻彩燈(for沖涼泡泡浴的)、扭蛋等！下半部分(從左)有：Home star微細版(買比細佬呢個天文愛好者)、又有電離子牙刷、UV偵測手機繩(女士最arm)、晴天公仔手機繩、喉痛舒緩噴劑、Color Cube係一個自動轉七種顏色的正方盒，是造型燈。仲有右下角的分別是酸素，即係純氧氣(應vincent要求買，你睇下我幾好人丫，務住佢會爆既危險買比你)，仲有果個龍捲風筒(係喉痛隔離，要攪下佢先有ga得睇ga！)，仲有海泥溫泉浴鹽。最後仲有一份包住既就係一隻鮮橙色既橙人公仔！ C號 close up 01 另一牌子寶礦力粉裝！ C號...

威尼斯人酒店開幕典禮表演活動，吸引一萬人入場。表演嘉賓來自何方？有哪些巨星？一直是坊間最想知道的“八卦新聞”。但有關方面公關保密功夫做足，一直秘而不宣。 直到表演前一刻，大部分入場者才從司儀口中得知，紅遍內地港臺的“辣妹”張惠妹、被喩為深具音樂才華的陶喆、勁歌熱舞的草蜢、樂壇校長譚詠麟、國際巨星Diana Ross等，會一一獻上經典名曲。將於十月進駐酒店劇院表演的索拉奇藝坊，亦會表演“空中飛人”絕技，果真星光熠熠。 拉斯維加斯金沙集團股份有限公司主席及行政總裁艾德森表示，澳門威尼斯人度假村酒店是他在亞洲發展大型旅遊娛樂項目夢想的第一步，但隨着其構想逐步實現，定將原本是“一潭水”的路氹城發展成亞洲拉斯維加斯。 當時以為特區政府將他們這些外來投資者驅逐到荒蕪之地。但當每項構思逐步落實、各種問題都解決後，其在澳門建立另一個拉斯維加斯的夢想便開始實現。 艾德森表示，亞洲地區一直沒有發展成為大型綜合旅遊娛樂目的地，拉斯維加斯已是旅遊娛樂首都。因此，當有機會到亞洲發展時，便決心將所有拉斯維加斯的娛樂元素帶到亞洲。今日開幕的澳門威尼斯人度假村酒店，便是其集團在亞洲發展大型旅遊娛樂項目的第一步。 艾德森指出，當金光大道的酒店在未來一年逐步落成啟用後，便可為本地區提供逾二萬間客房，以及逾一百二十萬平方呎的會展設施，還包括其他休閒娛樂設施等。各酒店之間會以行人自動輸送系統和有蓋天橋接駁，他很有信心能滿足各界的所有期望。在船伕歌聲中，拉斯維加斯金沙集團主席及行政總裁蕭德·艾德森主持了貢多拉的下水禮，象徵澳門威尼斯人度假村酒店這一“航空母艦”正式開航。午後排長龍萬人空巷 總投資達一百九十二億元（廿四億美元）的澳門威尼斯人度假村酒店昨日開業。晩上七時十八分，在有一萬五千個座位的綜合館內，行政長官何厚鏵、中聯辦副主任高燕、外交部駐澳門特派員公署副特派員王松甫，與艾德森、營運總裁威廉·懷德等酒店高層共同主持開幕典禮，與三千境內外嘉賓共慶“威記”開業。 隨後，這個位於路氹城佔地一千○五十萬平方呎、號稱“全球第二、亞洲第一”的綜合度假村酒店正式對外開放。從下午開始輪候的數千旅客、居民魚貫入場，秩序良好，沒有出現當年“萬人迫爆金沙”的亂象。至深夜入場者逾萬人，場面墟冚。 本澳多家博彩企業領導層應邀出席盛會。面對美資首個眞正綜合度假村，在本澳博彩市場尙佔“半壁江山”的澳博行政總裁何鴻燊笑口盈盈，重申不怕競爭，也歡迎競爭。 強調與其他博企共榮 澳門威尼斯人度假村酒店是亞洲最大型的單幢式酒店及世界第二大建築物，規模媲美拉斯維加斯，同樣具備飮食、博彩娛樂、酒店消閒、會議展覽等頂尖商務及旅遊元素。 艾德森認為，該酒店的開幕是史無前例的創舉，更是澳門經濟發展及亞洲旅遊業未來發展的一個重要里程碑。他有信心透過多元娛樂，拓展不同地區的客源，使澳門發展成為一個可以令旅客逗留數天的旅遊目的地。 艾德森表示，澳門博彩業仍未飽和，相信澳門明年的博彩收益將繼續超越拉城。由威尼斯人牽頭的“金光大道”十四家酒店，亦將在明年起陸續落成，未來總共提供二萬個酒店房間，逾三十萬平方呎的購物中心及近三萬座位的綜合娛樂設施。 威尼斯人在亞洲的崛起已引起本澳業界及鄰近地區的關注，但艾德森說，希望與其他博企共同繁榮，共同提升服務質素；與香港的會展業將是“互補關係”，不會構成競爭。 千二記者採訪甚墟冚 “威記”向世界引客的訊息，在整日開幕活動上甚為彰顯。艾德森在記者會上坦言，繼澳門、新加坡之後，下一站有興趣的是印度市場。此外，威尼斯人也專門安排了三對分別來自韓國、馬來西亞、泰國的新人，接受艾德森伉儷的祝福。多達廿七個國家和地區逾一千二百名記者報名採訪。 艾德森日前接受法新社專訪時表示，他有信心中方會批準更多旅客到澳門旅遊，不擔憂內地收緊居民訪澳；同時，會設法找其他國家的旅客來澳。 有消息稱，在“威記”開幕前，艾德森已頻頻派員到韓國、新加坡等地，考察當地市場並着手制訂策略，吸引當地人來澳。 http://mymedia.yam.com/@/1486875巧妙佈局雕塑藏拙 大運河購物中心，藍天白雲的“天幕”下，威尼斯的格調、一線的租金、高檔的品牌、“豪華”的印象，不期然在腦海冒起。這個超大的購物中心，能否迅即被人接受？當很多人在聖馬可廣場“爭位”影相，美食廣場排長龍，每當貢多拉經過，鎂光燈閃個不停，這已說出答案。 進入威尼斯人，放眼望去的賭檯，已讓不少人駐足。踏上扶手電梯再上一層樓，逼眞的“藍天與白雲”在柔和街燈的映襯下，配以古典的威尼斯人建築風格，歐洲復古味濃。在一間間名店的櫥窗燈光反照下，極有繁華的氣氛。踏進名店，一句普通話的“歡迎光臨”；出門時，再說廣州話的“多謝再來”。澳門，果然與別不同。 雲集數百家名店，讓人慕名而至。據官方公佈，率先開幕的只有百多家，名錶、時裝、珠寳等屈指一數，尙有一半還未開業，豈非很多尙在裝修中？不過大會巧妙的“掩眼法”，把所有“空位”塡滿了。在還未開幕的二期店舖前，佈局成“此路不通”，並放置一個龐大的手錶雕石作裝飾，若不細心觀察，不會看到“裝飾”的目的。 http://mymedia.yam.com/@/1486890閒逛購物時光飛逝 購物中心另一焦點是三條大運河，還有粉墨登場、唱着迷人情歌的意大利船夫，撑着貢多拉，一邊唱着嘹亮的歌曲，極有明星風範，迷倒了兩旁的遊人。不過，大家喜在拱橋上欣賞、揮手，多於花費一百二十元嘗試在大運河上泛舟。然而，船夫相當投入，不時揮手、擺甫士，極為專業。 大運河着實“大”，光走一圈已不容易。偌大的環境、迂迴的走廊，仿如迷宮的設計，那邊是時裝店、另一區是名錶珠寳，中間又穿揷着美食廣場，令人方向感頓失。只是走到不同的角落，總看到往“聖馬可廣場”的指示，看來眞的容易迷路。加上“永不日落”的藍天，讓人越逛越不知時日。 環境舒適有空再來 不過，肚餓的“鬧鐘”卻會準時提醒。昨晩七時半開放讓人入場，“食飯時間”到，人人衝往美食廣場“醫肚”。這裡的日式料理、韓餐、燒味及粉麵皆有，如何選擇？很多人先望望“價錢”，最平都要二十多元，叉燒飯三十多元，白飯也要十元，着實是“豪華”的消費，不過仍舊排長龍。 有旅客說，環境好舒服，有空會再來。消費？這要看看賭檯上的運氣了。待客通路及揭載方法大破解澳門威尼斯人度假村——酒店雖地處路氹城，現有的交通網絡未能很好地配合，但該公司已做好本身的交通配套規劃，除了有接駁巴士及貴賓房車隊外，還配備了船隊及機隊，以接載更多客人來澳。 拉斯維加斯金沙集團執行副總裁百利 · 史東表示，該公司已與特區政府溝通，希望能配合金光大道的發展，配備較完善的交通網絡。該公司已主動購買船隊，並獲批碼頭泊位，預計十月份可投入渡輪服務。公司亦配備了高質素的巴士隊伍，穿梭酒店與澳門市中心及各口岸之間，直接載旅客到酒店。此外，公司亦已購置了機隊，以便將更多不同地區的旅客帶到澳門，補充澳門航空事業的不足。 據拉斯維加斯金沙集團早前表示，該集團來往澳門至香港的渡輪服務將於十月十八日正式投入服務。該集團將使用位於北安的臨時碼頭，已購入十艘渡輪，每艘渡輪可接載四百二十名乘客，於今年十月至明年三月間陸續投入服務。 此外，為配合今次澳門威尼斯人度假村——酒店開幕，該公司動用了大型波音七四七、七六七、七三七客機各一架，以及兩架小型私人飛機接載賓客來澳出席開幕活動，相信該公司的機隊規模還會進一步擴大。(轉載自澳門日報)文：阿乃  綜合新聞相：威尼斯人新聞媒體網片：澳門電視台新聞報導