『佈展‧今天』
2006-05-27昨晚食錯野,攪到個肚唔舒服,完全冇sleep過咁滯~~勁黑仔!一早起左身,個肚仍然唔妥,但係今日有mid-term,所以唔可以唔返啦~~結果頂硬上,mid-term梗係唔多好啦!之前真係頂唔順啦~~肚痛越來越勁,咁就立即返屋企拎藥食,以及去排毒(嚴格來說是肚疴啦!)
本來要2:30到會場,到我去到會場已經係3:00啦!(我承諾我真係儘趕ga啦,但泊唔到車,在此多謝amy佢地早d去打點一下。)
今天整個下午都在會場做佈展(佈置展覽及move in工作),為了明天的備忘戰爭澳門站而做的。做了好多好多野,亦多謝哂所有有份參與的會員、幹事幫忙,冇你們,我地幾個絕對不能成事呀!亦多謝外出買材料的同事帶來的下午茶,讓我可以有野落肚(因為冇食午飯呀!)
排相、度相、量高、掛相、裝裱、攝影、擔擔檯檯等~~大家同心協力幫手,好快就做了個初型出來,最後連d back drop、banner、intro都攪掂哂,明天要準備的東西已經不多了!太好啦!
對於一個身體不適的我,撐到做哂d野已經好厲害,因為有幾次想嘔,不過最後都冇事。
明天下午3點正式開幕,希望唔好有咩特別事發生,一切平平安安完成開幕啦!因為預計明天有好多傳媒,亦有政府高官、香港藝人嘉賓、各大社團人士、會員及顧問等,都希望可以留一個好印象給他們!
其實我現在好累咁打呢篇野,就黎sleep著啦~~唔同大家講住,我要沖涼訓覺,明天早起。仲要攪埋d手尾呀~~
連結:開幕當日
P.S. 金黃色衫的人正是本人~~編:阿乃攝:Nicole
本 著作 係採用 創用 CC 姓名標示-非商業性-禁止改作 3.0 授權條款授權.
“伙炭藝術村”參觀記敘 (三)end
上回講到我們一干人走到華聯的B座15樓,參觀一間名叫 "Cut_N_try Gallery"的工作室。一進門口本人被那個工作間招牌吸引,(下圖)孤住一宅‧照亮生活名字又得意,且非常易明,一看就知燈具裝置藝術的展覽啦!
一走進去,見到很多特別的燈具(下面的圖),有的用沐浴露及柔順劑的樽來製作,好特別ga!而且又碰到設計師在,所以她亦都詳盡地解釋給我們聽,又任我們提問解答,在此又要多謝哂啦!
離開孤住一宅,我們就向第二楝工業大廈出發,今次的叫"華樂工業大廈",主要參觀了A座的1420、以及2022兩室工作間,由於人多,所以在此兩室沒有拍照給大家看,就等本人形容一下啦!
首先參觀的是2022,它由3人一同擺展覽,而最吸引我的就是像真度極高的油畫系列,亦由負責人講解構圖、風格、作品繪畫的三時期及其作品,令團友均得益不少!之後到了1420,主要是年青人為主的工作室,由多個年青藝街家合租的,一進工作室就有種簡樸及科技的感覺,有很多新穎的藝術表現手法,如:以電腦重覆印製出多覆作品,呈現科技與現今生活組合;另有趣味的自製jelly(下圖),又有一些好好玩的小玩意,非常創新的設計喲!
參觀完1420之後,我們就去同幢工業大廈的F座11樓參觀一個版畫工作室,名叫 "弘藝版畫工作室",到達這裡己經4:30pm左右了,負責人非常熱誠地介紹版畫的製作方法、用具等,團友亦有提問,負責人均一一解答,非常感謝!
(團友與負責人討論中.....)
(又黎一個大合照先!)
(圖左:石版畫製作機)
離開版畫工作室之後,我們就向既定行程的最後一站---豐利工業中心 。團友當中的陶藝班學生已經來過這裡上課啦,這裡有齊各種各樣的製陶瓷的機器,亦有製成品供販賣,一進去第一樣野就係要小心行走,好驚打爛野呀!製成品有好多好靚呀!插播一則趣事:團友在工作室光顧最多的是----人地個toliet。(原因行左咁耐都未去過toliet。haha!)而工作室的工作人員亦熱心地講解各種工具的用法、術語的解說、燒瓷的種類等等,所以好多團友都有興趣啦!
在自得窯工作室走出來之後,天已漸黑,風也漸大,部分團友已經於早前自行離隊,而畢sir就帶陶瓷班的團友繼續去另一個陶瓷工作室。剩下的團友亦顯露疲態,所以本人就帶剩下的團友乘車離開火炭回九龍及香港,而是次的參觀亦宣告完滿結束了!工作亦順利完成!太好了!
-全遊記完-
預告:澳門藝術事務學會將於3月中旬舉辦廣州藝術之旅,參觀廣東美術館,了解中國內地近年的藝術文化發展及博物館的規劃與管理模式,如有興趣參與可瀏覽www.maai.org.mo !文:阿乃 本 著作 係採用 創用 CC 姓名標示-非商業性-禁止改作 3.0 授權條款授權.
《是日開幕》
籌備及工作了二個多月,展覽終於開幕啦!
5月28日 上午十時半下著超密的暴雨,亦掛著雷暴警告。這時我已整裝待發,準備出門去!一出門,簡直係滂沱大雨啦~~我上車前已經係鞋、襪、褲、袋及雙手都濕透,只有上身及頭冇事。原先計劃大家一起吃中午飯,但因為太大雨,各人致電不來了!(只剩下我與另一位同事......唉)也沒辦法,因為原先約好,就算冇人來我都要去,費事萬一有同事來那怎辦呢?
中午十二時我跟同事食完午飯,雨已停得差不多,準備行去會場做準備啦!經過大會堂門口,看見已經有人排緊隊買"達文西密碼"的票,但COUNTER未開,真係幾恐佈,就比個電話另一位同事,叫佢幫手排隊買票!到了會場,香港無國界的同事已經到齊做準備,我們澳門藝術事務學會的同事亦陸續隨我們之後到場,進行最後的佈展工作。
下午一時大部分同事已經到齊哂,就開始做briefing,同大家講一講會場的展覽及各項資料,而我就去跟其他野,及做其他的準備工作!
下午二時各位進行小組準備及分配工作,大家亦可以小休10多分鐘,即將準備開始工作!
下午二時半開始有人不斷湧入,傳媒、兩會會員、嘉賓、公眾及其他人士都進入會場,令到會場即時熱血沸騰,最高峰的入場率是一小時多達200人次進場,單是開幕日已有500多人次。
下午三時正展覽正式開幕,我已經將手頭中好多工作交予其他同事負責,除了招待來賓及貴賓之外,當日我仲要接受 / 給予紀念品給無國界醫生香港辦事處主席。大家工作人員及傳媒的閃光燈一直閃爍不停,尤其是藝人嘉賓梁漢文上台講野既時候,簡直係前面一片白光~~haha~~明星即係明星,謀殺memory card的指數達至10級。
下午三時半開幕式完成了,我們只有10分鐘將開幕式的區域立即轉換成分享會會場,又set projector、又set40張櫈,仲有投射幕、檯、mic等,趕到死死下,又碰上好多技術問題,真煩人。不過好彩,全部於10分鐘內完成,終於鬆一口氣。
可以休閒片刻,去酒會果邊食少少野,同d同事影下相,來n個合照(我已經比人封做攝石王啦,有相影就狂攝,haha),等分享會的時候才有機會同到來的Friends & 熟人合個照。
跟住梁漢文就準備走人,那我地呢d梗係第一時間入去休息室同佢影個相留念啦!haha~~
下午四點九分享會完了,同事幫忙收拾會場,而我們就在前台部分執野同整理d宣傳品及場刊,又幫會場的環境及佈局拍一攝相留紀錄。大家正式可以慢慢relax,因為隨著分享會的結束,忙碌的工作得以舒緩,而大家亦慢慢做其他野,又傾下計,講下笑。會場仍有不少的公眾索取資料、觀賞展覽等,我們同事亦落力為其提供服務及引導!(因為本會的重任就是對公眾的服務及行政工作)
下午五點半 至 下午七點半有些有要事做的本會同事,以及無國界的同事都處理好工作並離去,我們數位留守至是日close door為止,期間大家再整理前台,加插展覽留言訊息功能、休息坐位等,待展覽close才離去!
(上圖:本人獨照~~haha~~Photo by Chantelle)
雖然下雨,但亦有好多朋友到場參觀,非常感謝他們的到來,在此各位來賓說一聲謝謝!你們的到來是我們工作辛勞的鼓勵!在此亦多謝無國界醫生給予本會一個機會主辦那麼大型及世界性的寫實相片展,這麼有意義的活動應該在澳門加大宣傳,讓更多人知道外面的世界,不一樣的天空!
最後亦謝謝本會的各位會員同事、幹事、朋友的幫忙,有你們,展覽才精彩!及後至6月5日,大家繼續努力啦!
連結:5月27日 佈展。今天
編/攝:阿乃
本 著作 係採用 創用 CC 姓名標示-非商業性-禁止改作 3.0 授權條款授權.
今天為展覽開傳媒記者會
今天主要是為學會於星期日合辦的 『備忘:戰爭--剛果民主共和國』巡迴圖片展 澳門站,開設一個傳媒招待會,為無國界醫生在澳作推廣,及展覽作一個宣傳!
當然在開展覽及記者會之前,有好多前期工作及行政工務要做啦!有時仲係好趕,又或者同一時間有好多野堆過來,少d精力都唔得!
今晚的澳視新聞,明天的各大澳門報章,應該都會有報導!各位可以睇到!
由於今次係由本會(澳門藝術事務學會)的陳會長作本會代表,所以出鏡及發言梗係交比佢啦!本人只作參謀、導賞與分享會預約、以及負責其他行政相關工作!(不過可能鏡頭都會掃過我一秒咁多ge!)
各位澳門人可以多多支持下我地啦!屆時到場參觀~~開幕當日有梁漢文任嘉賓。如參與分享會或公眾導賞可於本會網頁取得資訊及報名!希望到時見到你地啦!而香港的朋友,其實較早前這個展覽已有香港展出過了,澳門係第四站,之後個展覽仲會去澳洲、歐洲等地,它們亦都有網址ga!
未來這兩星期,都會同大家分享一下做展覽策展人的工作ga!記住多d棒場啦!如果有興趣加入我會(澳門藝術事務學會)為會員,我們都無任歡迎ga,www.maai.org.mo !好,我唔賣廣告啦~~唔想比人打呀!hehe~~
詳情: 『備忘:戰爭--剛果民主共和國』巡迴圖片展澳門站
編:阿乃 (2006-05) 本 著作 係採用 創用 CC 姓名標示-非商業性-禁止改作 3.0 授權條款授權.
澳門時裝週Fashion show
星期六(2007年6月30日),CPTTM及多個澳門服裝設計團體於觀光塔舉辦了為期三天的一個澳門時裝週。我有幸受其中的設計師畢子融教授,邀請到場觀賞開幕的fashion show!
那我當然也叫來我會的其幹事一同出席啦!
下圖是會場入口
我在等他們的時候拍的!
這是我的請柬,以及一些資料~~
我同會內的幹事坐在天橋右邊第二排,視野算清楚囉!
嚴格來說,這一場fashion show並不是真正的fashion show,而是大集合展示show!因為除了Fashion,仲有家品、檯櫈、袋、手飾、陶瓷等的展示,不是完全的fashion show囉!so,要睇下你點樣去睇呢個show囉!總括來說,我覺得ok呀!只要你不當它是fashion show,你當是Product display show就絕對係ok呀!
所以請那個無知的朋友(不便透露是誰),不要坐在我場後面不停咁講:"o下?乜咁都叫fashion show呀?"、"唔係呀,咁都好影?"
我只會覺得你係不知所謂,虧你係讀藝術的,又是一名藝術老師,思考角度與觀點狹窄得可憐!如果你係咁唔認同的話,你可以先行離場,唔好坐係度囉!影響哂其他人的心情~~你教書,我覺得你會誤人子弟囉!(偏偏又冇人覺得你係藝術方面有什麼成就囉?有攪過展覽嗎?懂得fashion show?唔識就唔該shit up囉!)簡單就一句話就係:"你無知!",有時做人要有咁大個頭先好戴咁大頂帽!
sorry~~講左好多我對那個無知的人的感受!因為我覺得主辦單位、各設計師、參展單位都好用心去攪好個展覽,在我一個觀眾而言就是欣賞!可惜有個無知的人說出一些這樣鄙視的話(但他自己又唔顯得有才華),我係觀眾我都覺得好不爽囉!如果製作單位聽到的話,都唔知會點呀!
唔講啦!有一齊去既人都應該會知我講緊係邊位人兄!
跟住呢幅就係好得意既服裝設計呀!我都幾鍾意呀!因為都幾色彩繽紛~~
呢d就係畢子融教授的陶藝設計!都係同fashion有關ga!
大會天橋舞台~~
個fashion show完左,大家上台拍照囉!
我(左上角)、畢子融教授(左上2),以及我會的幹事 大合照
呢張係臨走時係門口影ga!我地個個都著得好fashion 呀~~ (尤其是我!)(眾:夠啦!你自大完未呀?)
文:阿乃攝:阿乃、vincent
本 著作 係採用 創用 CC 姓名標示-非商業性-禁止改作 3.0 授權條款授權.
“伙炭藝術村”參觀記敘 (二)
之後來到同一幢的15樓,這裡總有3個藝術工作室開放。我們大隊首先到達"一流畫廠"(右上圖)。下圖是本人於門口的水樽留名,大家仔細看一看,我的衣服跟畫家的畫作一樣都是直線條,所以好多團友當我一走近畫作就立即以相機將我&畫一起拍下,大家都說"專登"影埋我,因為我同d畫好襯,真係唔知好嬲定好笑!
這是一流畫廠的主人呂振光先生的工作室一景(下左圖),有好多工具呀。又有一個閣樓狀的建設(下右圖),樓下是小廚房般的酒吧,名叫"失身忘我吧",樓上是休息及藏書的地方。而呂振光先生更詳盡地介紹他的畫作,而且更解釋有關的技法(流淌)、概念。令各位有所得益,而右下圖的那位就是呂振光生先啦!
接下來我們到了媽丙童房(下2圖),就在"一流畫廠"隔廠隔壁,畫作是粉紅粉藍為主調,格調清新,有點兒童感覺,繪畫一些大自然、風景等,而亦非常之好的是,主人家區凱琳小姐親自為各位澳門團友解釋,又隨團友拍影,好好人!門口有一個怪怪的類似屏風(下圖),我覺得好靚,以及好有味道囉!
離開媽丙童房之後,我們去了號稱伙炭藝術村最靚最豪華的藝術工作室---"the gallery Mill",它是由一位中國人及一位日本人負責的。有飾物、家具及陶製產品展出。唔夠你唔知下圖的樹葉裝置是用陶製成既作品,真係好似樹葉ga,唔知大家數唔數到有幾多塊呢?
參觀後之後,我們一干人等就動身離開A座,準備去隔離B座的15樓看一看最吸引我的 燈飾裝置 及 攝影作品,有專門製成的燈飾,另我大開眼界的是原來一些我們以為沒用的廢物,竟然可以成為......燈飾。想知嗎?請留意下一篇貼文啦!
(待續)文:阿乃 本 著作 係採用 創用 CC 姓名標示-非商業性-禁止改作 3.0 授權條款授權.
香港舞台設計之旅1015 PART1
(上圖:演藝學院門口大合照) (Louis攝~)
其實我係2006年的10月15日又帶了一班澳門的朋友去香港進行參觀活動呀!不過早排比較忙,未能及時post出來囉!等到而家先post出來~~不好意思啦!
講返先,其實今次又係本會(澳門藝術事務學會)所舉辦的 香港舞台設計之旅,一行共15人,本會幹事成員佔一半,另一半就是朋友、對舞台設計有興趣的澳門人,而隨團的有本會顧問畢子融教授,亦有香港的舞台技術及設計人員協會的主席李瑩小姐隨團導賞。
當然仲有本人啦!今次都係做領隊一職,亦有學會的Amy、雯雯兩位幫手。
一行15人 10:45am到達香港演藝學院,進行參觀活動~~一到門口就有演藝學院的人員接待我地啦!佢叫Louis呀~~係我地參觀演藝學院既導賞!之後係門口草草影了張合照就入內參觀,因為時間太緊迫啦!
一進去就係學院的大堂位置,(下圖)Louis為大家介紹學院的學系及概況。
之後大伙兒步上樓梯,進入樓層內,相中的是學生們的Locker,而紅色的門就是戲劇系的同學上課的課堂啦!
呢條路既每一間課堂都係有集團or人士贊助的,所以每間都有個銀色牌寫住。(好似d節目咁,xxxx集團特約 xx室)
跟住就去到一個大平台,有一幅不平凡的牆呀!叫演藝星河,如果用心睇,你會找到好多好多明星及名人的名字在上面呀!
大家都係度搵緊呀!haha~~
係演藝星河隔離有一幅玻璃幕牆,覺得好靚就影低左佢!
以下落黎,有好多都係經過特准才准許拍攝,其他人入到舞台都唔可以影相ga!大家請記住!亦據Louis講,我地都係第一隊人可以入去一d其他參觀團從未入過既地方!都係經過特准ga!
呢個冇記錯就係大劇院啦!有隔火帳ga!相信讀戲劇、舞台既一定會知啦!唔駛我多解釋!相中的是人,不是鬼影,大家都唔駛驚!
呢個係大劇院內的樓座燈bar位~
一轉眼我地就去左Black box啦,呢d係專做實驗劇為主的劇場仔,可以因應不同話劇,隨意調動位置ga!
Black box台上的四方燈bar位,係咪有d似演唱會feel呢!
又來一張合照,由於比較黑,請見諒!(Louis影ga)
呢度就係Black box既燈光控制室!
再一轉眼就來了歌劇院啦~~"新傾城之戀" 呢d都係o係呢度做ga!
呢度就係歌劇院舞台範圍的SM desk,由李瑩小姐為大家解說中~~
呢個係歌劇院的棚頂,上面有人做緊野ga!
放置於旁邊的燈具~~
之後又到了另一個劇院的後台準備室參觀!(Louis就係最左畀我cut左一半身果個人)
呢度係入去製作工場的內走廊通道,我地係第一隊可以進入的參觀團呀!
這是工場的塗漆材料區!
這就是製作工場啦!現在係度整緊一d畫同一個台板呀!
拿~~呢張清晰d,見到成個Louis啦!(相中間,棕黃色系服飾,笑笑口果個男仔)係工場為大家介紹緊!
呢張係Louis爬上一張梯度,幫我地影返落黎,全體大合照!(Louis~~唔該哂!你都辛苦啦!小心d,唔好跌落黎呀!)
呢度就係出路啦!如果唔係跟住Louis,我諗我地一定走唔出呢個迷宮囉!
出口呀!呢幅牆就非常正,立即影低左佢!好快地就完成了香港演藝學院的參觀活動,用了約40分鐘,非常的趕,走馬看花,Louis都趕得好辛苦!在此借呢度再多謝一次Louis為我地導賞整個演藝學院,讓大家對香港演藝學院有個認識,亦讓大家知道,我地澳門的演藝場地及有關學院是相當的渺小呀!由於Louis唔會跟我地一齊過去尖沙咀睇舞台設計展,所以在門口就交換左卡片,留上聯絡方式,再一次多謝Louis,希望Louis下次來澳門,我地再帶佢遊下澳門啦!
(待續:Part2 舞台設計展)
編/攝:阿乃攝:Louis 本 著作 係採用 創用 CC 姓名標示-非商業性-禁止改作 3.0 授權條款授權.
《香港火炭藝術村 參觀之旅》
了解香港創意設計文化發展,藉此點燃澳門創業產業。
背 景 : 澳門近年的藝術文化發展快速,另外還有申遺成功的澳門歷史城區,加速藝術文化、旅遊等與週邊地區的融合及接軌。香港火炭工業區近年有多個獨立設計師進駐於此,成為香港近兩年的藝術文化重鎮,而香港政府於施政報告中亦提及發展火炭創意產業區,保護創意產業的發展。
目 的 : 反觀澳門近年因經濟發展迅速而使得本地創意產業漸露頭角,望德堂更銳意成為澳門創意產業區,打造澳門創意品牌的旗幟,所以本會藉是次參觀,了解香港火炭創意產業區的發展及策略,從而為本澳創意藝術發展取經。
主辦單位 : 澳門藝術事務學會,詳情可查詢: www.maai.org.mo (澳門人進入)
對 象 : 本會會員、本澳藝術工作者、藝術事務導師課程學員、本澳市民
參觀時間 : 2006年1月15日(星期日)
地 點 : 沙田火炭,香港
團員人數 : 預計不多於20人
費 用 : 全程自費 (本會只作是次活動統籌,以及當日嚮導)
-------------------------------------------------------------------------------------
(香港人及其他人士亦可於開放日自行前往)
火炭開放日:www.fotanart.com
[藝術工作] 早前帶隊遊澳門
上星期二(2006年7月18日)應畢sir的詢問,本人接下了一件義務工作!
工作性質:1.7月17日帶領其探路人員共2日,先行澳門需要到訪的地方及照顧所需2.於7月18日帶領共40人的一團 (他們是香港專業教育學院的講師、教授及院長們)3.沿路講解澳門歷史、地名來由、景點介紹,以及解答各位對澳門的問題4.安排到訪時間及行程變動安排
對我來說,其實都非常容易,所以就應承了畢sir這次任務!7月17日駕車接了先頭部隊,去了必到的地方之後就與畢sir會合食個lunch,之後車他們回酒店,去了要去的景點,食個下午茶,就去接他們的一位院長回酒店並食晚餐,最後帶他們與畢sir夜遊一圈澳門之後就完成了首日工作。
7月18日一早就到酒店接他們3人去碼頭會合IVE的其餘37人,他們全部都是大學講師、教授,以及院長,所以初時我都有d怯ga~~要我帶一班大學教師播~~
早上集合之後,帶他們先到澳門中西創新學院(我所讀的大學),出來迎接並舉行一個小講座就是副院長霍教授,他是港澳史專家,亦為各位到訪者做了一個澳門歷史的入門,好讓我之後我帶隊節省不少功夫。之後就到畢sir進行演講,完成後就出發到澳門博物館參觀。
參觀完就步行到新馬路的新帆船餐廳食午飯,下園就是食飯既時候畢sir送禮時間,我此時有空閒,所以就拍了幾幅相啦~~haha~~我地總共book了新帆船的一大區域,43位~~真係厲害,場面都幾墟撼ga!
午飯後我就帶他們行一行文化之路其中一段,就是崗頂劇院、聖奧斯定堂、聖若瑟修院、聖老楞座堂、何東圖書館、澳督府,之後就上返旅遊巴,坐坐冷氣巴咁去遊覽澳門西灣湖、觀光塔、西灣大橋、"乙水"仔的路"乙水"城、澳門蛋、澳門國際機場、遠眺媽祖像。
之後就行友誼大橋返澳門,去了漁人碼頭停留10幾分鐘,就去了藝術博物館參觀啦!我有三位同事出來幫手作講解,我非常多謝他們~~令我可以有空休息30分鐘左右,我可以好放心交低畀他們,5:45已經完結了~~我們坐返旅遊巴就車一行40人回碼頭啦~~
到了碼頭,有一部分人下了車,準備返回香港。不過都要同大家講句唔好意思,因為時間緊迫,所以沒有買手信的時間給你們!另外仲有一部分人留在車上,因為他們有些book左係澳門的陶陶居晚餐。有些想去路環的法蘭度餐廳晚飯,有些想去官也街買手信同食水蟹粥呀!
而我就係碼頭呢站同各位say goodbye啦!因為我的私家車泊在碼頭,所以我在碼頭送一部分人入閘之後,我的工作就完結啦!jar車回家sleep~~因為好累了!
編/攝:阿乃
本 著作 係採用 創用 CC 姓名標示-非商業性-禁止改作 3.0 授權條款授權.
導賞是什麼?
導賞,其實是一種職業,同時也是一種專業。
他們服務於博物館、美術館、科學館等具有收藏蒐集物品並展示的空間,提供大眾、團體等暢遊整個館或一特定展覽的服務。簡單來說,同導遊差唔多,只不過他們只是在館內進行導覽工作而已。
不經不覺,本人從事這行工作已經踏入第三年了,從初初04年培訓到實習,直到正式成為導賞員,時至今日的薄有經驗的導賞員。在這兩三年來,我所帶過的導賞團近200多團,當中有幼稚園、小學、中學、大學、外地交流團、一般市民大眾,也有國內遊客,高官,學者等,挑戰性好大。
因為面對不同的觀眾,背景不同,學歷不同,語言及措詞不同,你便要通常互相交流中即時tune返適合他們的水平及程度為其提供導賞服務。是一份反應、危機意識及機動性強的職業,稍一不慎都有可能出錯。
其實 "導賞" 在澳門的歷史並不太長,只有10年左右的時間,而提供導賞服務的只有數間澳門的博物館。所以一直以來導賞行業的生存空間有限,亦是以義工形式出現,但現在某些博物館已經將其規範化了,提供了微薄的車馬津貼,令導賞行業得以繼續發展。而近年更有增大導賞員的趨勢添!
我所參與過的展覽有好多,有故宮的多個大型展覽;又有法國大展;也有名家米羅、畢加索展覽;亦有有關澳門歷史的展覽;同時又有當代藝術、藏傳佛教珍品......很多展覽,令我學到好多好多知識,豐富了人生。
現在又為2個新展覽(韓國雕塑、中國當代藝術)進行導賞服務工作啦!而往後的日子,我會繼續貼文,回憶及記下以往現在的導賞經驗、趣味、臭事等等~~希望大家多多支持啦!
--------------------------------------------------------------------------------------------------------------本人在澳門藝術事務學會內開設了導賞員部,為自己學會舉辦展覽提供導賞服務,本人更擔任其導賞培訓導師及主管工作,以下是我為他們製作出來的導賞員網址(暫只有導賞訪談系列):http://blog.yam.com/maai 有興趣可以去看看,我們學會的8位新晉導賞員的感想及趣事!--------------------------------------------------------------------------------------------------------------
編:阿乃 (2006-04) 本 著作 係採用 創用 CC 姓名標示-非商業性-禁止改作 3.0 授權條款授權.
香港舞台設計之旅1015 PART2
上回講到我地好快咁參觀完香港演藝學院,我地就要由演藝學院走去灣仔碼頭,搭渡海小輪去尖沙咀文化中心呀!
你睇下我地有幾趕!(我地呢幾個團友已經係飛快咁落船ga啦!)
我地上哂船,船就起板出發啦!
你睇下我地既會員幾happy~~好似未搭過船咁呀!haha
跟住好快咁就到了尖沙咀啦!我地影返個鐘樓先啦!代表性丫嘛~~haha呢個係文化中心外的一個雕塑呀!又係留影時間,我地參觀香港舞台設計展時留影!
看看,好多香港舞台技術及設計人員協會的會員都來為我們導賞,以及與我地食個午餐啦!仲有舞台技術課的miss都有來呀!非常多謝你地呀!
呢位就係為我地擔任導賞的袁玉英小姐,佢係專程來為我地進行講解ga!多謝哂!香港既舞台朋友,應該都認識袁玉英小姐啦!(近期我睇既十二怒漢都係袁玉英小姐做服裝指導ga!)而且亦有多套她所設計的服飾有展出呀!
大家看不看到呢衫既設計呀!馬賽克格仔,遠看其實是一個人面的畫像來的!之後就到另一位香港舞台技術及設計人員協會的會員為大家講解舞台設計的部分!大家都好用心聽呀!佢亦會係澳門明愛黎緊既舞台設計課程的導師!
下幾張圖都係舞台設計展的部分舞台模型作品!最後我地參觀完,就全部團友,再加上香港專程趕來的朋友一同食午餐,大家在席上都問了好多問題,傾了很多的問題,讓大家都有交流的機會啦!是次活動於下午2點半完滿結束!
至於下午2點過後,我地梗係去shopping啦~~而且我地約左香港果3隻嘩鬼呀!
編/攝:阿乃 本 著作 係採用 創用 CC 姓名標示-非商業性-禁止改作 3.0 授權條款授權.