《藝遊世界》-寶島台灣- Scene 4 西門町
《藝遊世界》-寶島台灣- Scene 4 西門町
去完紅樓劇場之後,我地出來,發覺距離集合時間只剩個半鐘,但我地仲有好多地方要行,咁之後我地就快步逛街啦!
先去我地第一個目的地,好似叫 "萬華商場",係一幢外貌好國產feel的舊商場,但內裡就好新,而且什麼都有得賣。逛地面果層時,見到有一間精品店有好多叮噹既精品,成間鋪差不多有8成貨品都係叮噹!有一套12星座既叮噹水晶超得意,不過就幾貴,冇買到囉!而雯雯佢好似有收獲ga!買左幾樣野tim~~嘩我唔可以旅程一開始就駛咁多錢ga,否則往後咪冇錢買野!之後就見到好多香水專賣&西裝店,不過冇時間唔入去睇!直接上左2樓的男士區。男士區有好多鋪頭賣d hip pop feel既衫褲,唔arm我!我走休閒路線的~~行行下發現左一間買日劇既店舖,我地就衝左入去,結果我掃左2套日劇,都係$400台幣有找!而佢地都有掃d日本卡通同日劇囉!行左一陣又見冇乜特別arm既野,就走了,不要浪費時間於一幢商場內!
之後我地開始攻入內街,先去 "老天祿" 買鴨舌 同 梅子粉(NT$40),之後再逛小食街,看看有什麼東西好食呢?有炭燒麻糬呀~~不過大排長龍呀!
有炸雞~~不過一開頭就食炸野,去旅行又一定sleep得少,一定變月球表面啦!
仲有臭豆腐tim,不過唔係好臭囉!頂得住!
買完一輪野,又逛過小食街之後,我就衝左入去 "雜誌瘋" 呢間shop,這shop主要是sell中外雜誌為主,但逛後發覺冇特別,誠品都多過佢齊過佢!本著費事拎既心態,都係留返去誠品先買啦~~hehe去完雜誌瘋,我地就去左係西門町都幾出名既食店 "鴨肉扁" 度食野啦!
佢只有一間店,並冇任何分店及分銷點,就只有西門町這裡!咁我地就快d坐低左,點哂餐,阿crystal就坐係度唔郁,而我就出左去影返d相!雯雯竟然又出去shopping,買多兩個袋返來!(購物瘋狂程度令人傻眼)都唔知佢剩係一day用左幾多錢呀~~haha~~
餐來了,這就是我點的菜!鴨肉扁跟三碗米線!(3人合共$650台幣,抵呀!)
Scene 4 鴨肉扁 大家有冇試過啖啖肉既鴨呢?一齊來看看我們的試食介紹吧!http://mymedia.yam.com/@/1421886
食完野,剩返4個字時間,我地就去左誠品116度行下!我見到果個台灣品牌---Bee's Burt,跟住我就買左一set body lotion旅行裝,內有3支不同的body lotion!佢地亦有買野啦~~點會小得 "瘋顛購物狂~~雯雯" 呀!之後我既一set body lotion仲成日畀佢地笑!笑乜?你聽下以下對話就知!眾:"你係Bee's Burt買左乜呀?"乃:"Body lotion囉!"眾:"裡面有d乜呀?"乃:"body lotion, body lotion & body...
《藝遊世界》-寶島台灣- Scene 3 電影工業,文化再造–紅樓劇場
《藝遊世界》-寶島台灣- Scene 3 電影工業,文化再造--紅樓劇場
我地由酒店出發到西門町,一出地面,個個即舉機齊影,動作為之壯觀。試想想六個人一齊舉機,一字排開,每取角度拍照,仲要係正地鐵站口,阻哂街咁!你都咪話唔恐佈呀~~haha
影左一輪相,終於去我地既台北旅程第一站 西門町--紅樓劇場啦!而我地已經用左一個好好的方法去善用時間,不竟因為機場的緩慢工作及天雨關係,而delay左不少時間啦!所以我地要換返d時間返來!
我地用左乜野方法?就係大家成日用既 "分開行法" (眾:噓聲四起!)冇錯,因為有人唔入紅樓,有人想去買野,有人想食野,所有大家分開行就最好!之後約返一個地點集合就好啦!(所以大家要去Joyce、魚魚cafe個blog補睇返其他西門町的部分!)(因為他們是屬於分開行ga,大家去既買既食既地方&相都會有唔同呀!)唔講咁多,去左片先再講!
我地進入紅樓劇場啦!大家準備好未?第三集立即為你播出~~
--Scene 3 電影工業,文化再造 ~ 紅樓劇場-- 終於由酒店去到西門町啦!我地去西門町的第一站係紅樓劇場,唔知大家有冇去過呢?定係淨係掛住行街呢?不太建議於西門町買衣服,因為都比較貴!其他的就冇關係~~如果係去西門町買衫的話,我建議大家睇下我地往後會播出的五分埔,因為西門町的shop都係由果度d批發供貨ga!而且五分埔果邊有成十幾條街全部都係衣服街,我地行左3個幾鐘就未行哂!(由於拍攝當晚較黑,拍攝質素會比較差,請大家將就一下,而且可能需要加大d個音量先聽到!)http://mymedia.yam.com/@/1411514
這是紅樓劇場的門牌位置圖~
入口有個印仔,據旅遊手冊所講,台北有很多有特色的文化點及建築、風景等,都有呢d印仔,係畀旅客留為紀念的!so我地又走去印!(因為我次次去旅行都會帶本簿仔去記低d特別事、價錢、車費、每日記事、花費及手信派發等!)所以我會印係本簿仔度,好有一個台灣的回憶。如果冇果本簿仔,返來邊記得咁多野,寫返畀大家睇呢!
呢個就係放係門口既 "鎮場之寶" ,日本製電影放映機!片中已經有講,這裡不便重複!
紅樓1樓的內部,有好多特色既野買ga!
又有好多特色立體拼圖呀~~飾櫃都好靚呀,而且唔係好貴!所以我係呢度都有斬獲!我相信有些朋友收到我畀的 "紙雕立體建築物明信片",就是這裡買的!張明信片可以變成一個立體的建築物ga!
呢邊賣既就古色古鄉一d囉!都唔係好貴ga咋!
呢d係飾櫃內的小小小精品,不過就好貴啦~~真係靚多過買囉!
呢度相信大家剛剛於片中已經見過,係展覽區!主要介紹紅樓的歷史,以及台灣的本土歷史ga!好有教育意義,而展示方法亦非常之好!一目了然~~
呢個係我最欣賞的裝置,原理是於魚缸中放置已往及現在的相,亦放置了現今的電影小張等!利用魚缸的水力,令相片等不斷在其浮動,意義在於隨波逐流!好好的一個概念!(片中亦有提及!)
今集就講到呢度!下集我地將會帶大家去西門町其他位置又買又食!仲介紹西門町好出名的鴨肉扁呀!而阿宗麵線就需要去Joyce blog啦~~---待續---
聯播之Blog:雯雯 --- 雯雯~~豬 Blog (未有相關blog文) Joyce --- Joyce旅遊生活日誌 ( 臺北之旅day1-夜間自由行上 )旅遊分享之blog:魚魚 --- 魚魚Cafe blog (台灣遊記day1)
文:阿乃攝:台灣之旅攝製隊Video:阿乃(如想看更多的相片,可到本Blog的相簿 --> "藝遊世界之台灣" 內查看!)
本 著作 係採用 創用...
《藝遊世界》-寶島台灣- Scene 2 歐華酒店
《藝遊世界》-寶島台灣- Scene 2 歐華酒店
今集我地終於從台灣桃園國際機場乘大有巴士西線,來到我地4日來下榻的飯店!四星級的精品酒店----歐華酒店 Riviera Hotel
--Scene 2 歐華酒店-- 想知我地住既酒店係點既樣?咁就要睇睇段片啦!而且仲有一d好得意既野tim~~我地住行政套房,仲有健身房、行政樓層專享的曜座花園等!由我阿乃來為大家介紹一下啦! 去片~~(由於拍攝當晚較黑,拍攝質素會比較差,請大家將就一下,而且可能需要加大d個音量先聽到!)http://mymedia.yam.com/@/1411474
相片記敘篇:
其實《藝遊世界--台灣》的第二集影片中,並沒有拍攝酒店大堂及外部環境~~那現在就用相片為大家作介紹吧!下圖是酒店大堂,有好多雕塑、花框、花卉,又有好多羅馬柱,真係好歐陸同好藝術feel囉!
佢亦有自己既麵包房,你睇下佢自己個麵包shop,好歐洲,而且好似好好味tim~~當然價錢都非常好~~~貴囉!
這是位於大堂後側的餐廳,好靚ga!又有特色~~不過都係好貴,一個早餐都要成70蚊澳門幣囉!Crazy~~
而餐廳內仲有一座鋼琴,我地第一天來check in時,剛剛有人現場彈奏呀!(可能係其他人的blog度會有人彈奏中果張相!)
可能係因為有人book左場做飲宴,所以條長樓梯有好靚既佈置啦!
Lobby Reception Desk的靚靚花卉裝飾!
這是由上面樓層影落去!整間酒店係好開揚,同非常d綠化及歐洲味濃的酒店!(其實我真係好滿意呢間酒店,不論服務質素、環境、價錢等!)
每層電梯出口就會有好寬大既sofa,供大家閒坐聊天的!
這是我們七樓行政樓層的中國式楦木陳設!
這是我們七樓的行政專享花園----曜庭花園。 曜(音:耀,即星期,星宿的意思!)
我同Crystal就係曜庭花園既呢set梳化為大家主持台北早晨呀!(遲d會播出ga啦!敬請繼續留意!)
曜庭花園既呢邊就係由雯雯& Crystal為大家主持另一part既台北早晨ga!(都係遲d播出!敬請留意!)
曜庭花園內的另一角,呢度好好好園林的感覺,超舒服的設計,我亦超like呢一張!我影得實在太好啦!(眾:夠啦!呢位先生~~自大完未呀!)
呢張就係上圖個頂!
好啦!到左我地間房啦!719號
有3張床啦!video有講~~而且仲特別免費幫我地加床!(原本要收費!)
我地房的浴室都好大ga!有3枝水免費ga~~唔駛日日買水飲,good~~另外所有野都係3份ga~~
淋浴位置,都係好大好長既浴缸囉!
大家可能會發現有不同的相框,其實係識別了不同人所拍攝的!係每張相的右下角就會有我們的名字!包括有我阿乃(Benjamin)、Crystal、Joyce、Stella、(魚魚)Irene、(雯雯)Dilys等!好眼力既你絕對睇到係邊個影ge,就算睇唔到,認框都得,個個的框都唔同ga!
今集就講到呢度!下集西門町見啦!---待續---
聯播之Blog:雯雯 --- 雯雯~~豬 Blog (未有相關blog文) Joyce --- Joyce旅遊生活日誌 (酒店篇)旅遊分享之blog:魚魚 --- 魚魚Cafe blog (台北遊記day1)
文:阿乃攝:台灣之旅攝製隊Video:阿乃(如想看更多的相片,可到本Blog的相簿 --> "藝遊世界之台灣" 內查看!)
本 著作 係採用 創用 CC 姓名標示-非商業性-禁止改作 3.0 授權條款授權.
《藝遊世界》-寶島台灣- Scene 1b 台北桃園國際機場
《藝遊世界》-寶島台灣- Scene 1b 台北桃園國際機場
今集沒有拍下影片給大家看!只提供文字及照片,影片下集才繼續播出!
大家期待好耐,亦都催促我快d出台灣既野!各位,你地等到啦~~我地終於來到台北桃園國際機場啦!現在位置係1號航廈的行李認領處~~
由於台北的移民局官員真係慢得太離譜既關係,需要成1小時之久才可以順利通關!如果係澳門同香港發生咁既情況,我諗已經上左頭條,要求政府向公眾解釋啦!
真係慢到離哂譜,他們平均3-4分鐘先可以過一個人!點解?佢地做野慢之如,仲要逐隻字打入電腦,再scan你護照,再反覆查看,之後仲要蓋得個印好靚仔,係正護照的左/右上角!我仲見到隔離條link果個移民官,好似搽指甲油咁為個蓋章搽墨囉!呢個世界好似發明左印臺好耐ga啦!總之就因為佢地既慢慢慢~~令我地既行程拖延左數小時呀!
我地經過1個多小時的排隊,終於出到黎啦!但雯雯、Irene&她媽媽佢地要get落地簽證,所以比我地更慢!
行李認領帶留影!
其他d人係度get行李呀!
行李認領帶附近的銀行兌換店就可以!
我地終於齊人啦!準備過海關檢查啦!
出到黎,我地需要乘搭大有巴士西線(每位NT$110),去園山站的歐華酒店!
這是巴士附近的行李車放還處!仲有一個吸煙(菸)室呀!
呢架係長榮Hello Kitty直通車!
呢度係所有巴士、直通車的站台!
呢一邊就係勁多台灣人排隊搭的公共巴士,由於太多路線,又太多人排隊,所以我地都係揀返最易最唔錯既方法去我地既酒店!
唔講啦!等左成40分鐘,終於來車啦!等我地放行李上車先!我地坐都最後面,由於我地成7個人,所以我地包左最後排5個位+一個雙坐位啦!你睇下d人幾緊張!剛剛上車,唔駛等落車呀!有排都未到呀~~
我地係第一批落車既,因為大有巴士西線入市區後第一站就已經係 "圓山捷運站" 啦!我地係落車前先take 張全人類大合照先!sorry,係冇我啦~~因為我jar機中~~
落了車,我地一行七人拖住個行李箱,又落住微雨,行左8分鐘左右先到我地既酒店---歐華精品酒店!唔講住,下一集阿乃將會帶你進入歐華酒店,了解什麼是精品酒店,與其他普通酒店有什麼不同呢?咁就要期待阿乃介紹歐華酒店d靚靚設備同我地間房絕密大公開!各位唔好錯過啦!
希望各位朋友多提意見,咁我地就會做得更好!謝謝~~
---待續---
聯播之Blog:雯雯 --- 雯雯~~豬 Blog (未有相關blog文) Joyce --- Joyce旅遊生活日誌 (機場篇)旅遊分享之blog:魚魚 --- 魚魚Cafe blog (台北遊記day1)
文:阿乃攝:台灣之旅攝製隊Video:阿乃(本影片屬我們版權所有,盜貼必究!)(如想看更多的相片,可到本Blog的相簿 --> "藝遊世界之台灣" 內查看!)
《藝遊世界》-寶島台灣- Scene 1 澳門機場知多D
《藝遊世界》-寶島台灣- Scene 1 澳門機場知多D
上一回講左我地出發到機場,今篇我阿乃同大家講下澳門國際機場啦!我相信好多香港人都未使用過澳門機場,亦相信好多澳門朋友都未用過~~而我自己大約都只使用過10次左右,不過我好有理由相信大家會越來越多機會使用,尤其是現在澳門有低成本直航馬爾代夫,遲D仲有低成本直航杜拜、米蘭、里斯本等地!
唔講咁多,先去片!
http://mymedia.yam.com/@/1411458
睇完片覺得夠唔夠呢?了唔了解澳門機場呢?我下面再Post一d相比大家睇先~~
呢度係澳門機場禁區,暫時澳門機場只有10個閘口~~下列是3號閘,都算寬敞啦!
呢個位置係海空轉運站!
免稅商品營業區~~
1,2號閘口,而我地就係o係1號閘(好多人果度)等搭車去飛機度!1號閘是沒有連接橋的,需要搭車仔上飛機!係澳門,我幾乎每次都係要搭車,好少試過用著陸橋啦~~
呢架就係我地乘坐去台灣的飛機啦!我地本次乘搭復興航空!雖然係台灣local品牌,但其實都幾唔錯ga~~不比長榮差!
各位,真係要離開澳門啦!飛去台灣再同大家見啦!
希望各位朋友多提意見,咁我地就會做得更好!謝謝~~
聯播之Blog:雯雯 --- 雯雯~~豬 Blog (未有相關blog文) Joyce --- Joyce旅遊生活日誌 (機場篇)旅遊分享之blog:魚魚 --- 魚魚Cafe blog (台北遊記day1)4 blog 均有相關內容,各自不同的睇法及感受,相互配合,讓大家可以一次了解及分享我們的最真實的旅行記錄!
---待續---
文:阿乃攝:台灣之旅攝製隊Video:阿乃(如想看更多的相片,可到本Blog的相簿 --> "藝遊世界之台灣" 內查看!)
本 著作 係採用 創用 CC 姓名標示-非商業性-禁止改作 3.0 授權條款授權.
《藝遊世界》-寶島台灣- (序) 出發篇
《藝遊世界》-寶島台灣- (序) 出發篇
各位大家都期待已久啦!好啦~~而家就正式送上我們的旅程啦!
『藝遊世界,從澳門出發!』(本節目口號)
正式出發啦!今回首先講下我地 "出發--->澳門國際機場--->Check in"可能今回都會悶小小,不過我可以承諾大家,往後會比較精彩,有好笑的,亦有趣事,也有景點介紹呀!
-序- 出發篇 可以看到本人的坐駕,亦見到我地兩位主持率先登場啦!這是旅程的開始,但不是拍攝編排的一環,是我們當日臨時決定加插的片段!當中有不雅鏡頭,敬請各位留意!http://mymedia.yam.com/@/1411427
-序2- 澳門國際機場 Check in 此篇正正式式是《藝遊世界》的拍攝環節之首,定為序章!我地兩位主持Crystal、雯雯已經率先站於鏡頭前為大家介紹啦!(而我當時梗係jar機啦!我係後面既場次先會出現,如果大家想見我做主持,可以要等多3,2篇啦!不過要聽到我做旁白應該就唔難囉!haha)http://mymedia.yam.com/@/1411433
聯播之Blog:Joyce --- Joyce旅遊生活日誌 (msn blog)魚魚 --- 魚魚Cafe blog 3 blog 均有相關內容,各自不同的睇法及感受,相互配合,讓大家可以一次了解及分享我們的最真實的旅行記錄!
---待續---
文:阿乃攝:台灣之旅攝製隊Video:阿乃(本影片屬我們版權所有,盜貼必究!)(如想看更多的相片,可到本Blog的相簿 --> "藝遊世界之台灣" 內查看!)
本 著作 係採用 創用 CC 姓名標示-非商業性-禁止改作 3.0 授權條款授權.
《藝遊世界》-寶島台灣- 播出預告
經過本人一個多月的趕工,短片的後期加工(包括:剪片、字幕、配音、配樂、動畫製作及片頭片尾!)終於係5月10號完成整個影片部分!而相片方面,收集了所有同行者的相片之後,作了一個大結合並重新整理!亦已完工~~多謝各位一直的期待!由於係第一次咁大規模製作旅遊特輯,雖不能與電視台的旅遊特輯媲美,希望各位見諒!主要係Home video + 半專業拍攝為主!亦希望大家多提意見,令我們下一次的旅遊特輯能夠再完美一d!
本人現在正式宣佈,萬眾期待,由阿乃製作的第一個旅遊節目---《藝遊世界》,正式登場!
藝遊世界,從澳門出發!
首站目的地係台北,我地四位主持人會帶你以不同的角度,不同的方式去體驗台北!
http://mymedia.yam.com/@/1190801
台灣之旅的第一集將於5月13日隆重登場!屆時於本Blog、雯雯~~豬Blog、Joyce旅遊生活日記內聯播!
片段主要會於本Blog播出,而其他相片、文字體會就於3 Blog同時張貼,亦因不同的角度,所寫所記會有所不同!所以大家最多就係睇哂我地3個blog啦!
聯播之Blog:雯雯: 雯雯~~豬 Blog (遊玩世界播出預告) Joyce: Joyce旅遊生活日誌 (台北之旅 預告) (Msn-blog)
而魚魚剛剛確認加入行列,她會在自己 魚魚Cafe 的 blog內開始post出台灣之行!屆時為4 blog連載啦!各自不同的睇法及感受,讓大家可以一次了解及分享我們的最真實的旅行記錄!
之前發生了少少問題,導致Joyce 聯播的link有錯誤,請見諒!現在應該能正常轉回你的msn blog!亦因為這問題,Joyce blog那邊會慢一兩天才追回大家的進度,請各位見諒!
文:阿乃攝:台灣之旅攝製隊Video:阿乃(如想看更多的相片,可到本Blog的相簿 --> "藝遊世界之台灣" 內查看!)
本 著作 係採用 創用 CC 姓名標示-非商業性-禁止改作 3.0 授權條款授權.
重現圓明園美景
圓明園是我國園林藝術的瑰寶,有“萬園之園”的美稱,原為清代舉世無雙的皇家御苑。從1709年開始營建,至1809年基本建成,歷時一個世紀。此后的嘉慶、道光、咸豐三代屢有修繕擴建,歷時150多年。人們習慣上所稱的圓明園,實際上是由圓明、長春、綺春(后改名“萬春”)三園組成,總面積達347平方公引。它的陸上建築面積比故宮還多1萬平方米,外圍周長約10公里。水域面積等於一個頤和園。 圓明園系一座水景園,水面占全園面積一半以上。在山環水繞之中,分佈著140多個景區,匯集了當時江南若干名園勝景的特點,融我國古代造園藝藝術精華,以園中之園的藝術手法,將詩情畫意融化於千變萬化的景象之中。其中有50多處景點直接模仿外地的名園勝景,如“平湖秋月”、“蘇堤春曉”、“三潭印月”、“曲院風荷”等,都來自於杭州的西湖十景,不僅模仿建築,連名字也照搬過來。還有仿桃花源的“武陵春色”、仿廬山的“西峰秀色”、仿獅子林的“疊石迷宮”等等,匯集了無數天下勝景和名園的精華。 圓明園中還建有西式園林景區。最有名的“觀水法”,是一座西洋噴泉,還有萬花陣迷宮以及西洋樓等,都具有義大利文藝復興時期的風格。 圓明園不僅有極為精美的陳設、裝飾,還收藏和陳列著全國罕見的珍寶、文物、名人字畫、秘府典籍、鐘鼎寶器、金銀珠寶和稀世文物,集中了古代文化的精華。圓明園不僅是一座皇家的大園林,還是一座綜合性的藝術寶庫;一座宏大的博物館。 1860年和1900年,圓明園被英法聯軍和八國聯軍搶掠並付之一炬。
《圓明園》三維風景劇照--正大光明 正大光明是皇帝在園內舉行朝會、接見外使的行政區域。功能類似故宮太和殿、保和殿,亦是皇帝駕崩后停靈之處。占地10萬平方米,建築面積7000平方米。正大光明殿建成於1725年(雍正三年)內檐高懸雍正御書“正大光明”四字匾
《圓明園》三維風景劇照--遠瀛觀 遠瀛觀西鄰海晏堂,在長春園南北主軸線與西洋樓東西軸線交會處,是最為壯觀的歐式噴泉景觀,1793年(乾隆五十八年)英使馬戈爾尼,曾至此處游賞。遠瀛觀分為三部分,分別為︰遠瀛觀主體樓、大水法、觀水法《圓明園》三維風景劇照--觀水法 南邊朝北建有專供皇帝觀賞噴泉用的寶座和石雕屏風,名曰觀水法。《圓明園》三維風景劇照--線法亭 線法亭位於大水法之東,在圓形土丘上建西式漢白玉八方亭。"線法"意指西洋透視法。此山曾是乾隆帝跑馬登山處,俗稱轉馬台。《圓明園》三維風景劇照--萬花陣 萬花陣: 即迷宮,現已經重新複建。黃花陣花園門為西洋座鐘形,黃銅雕刻花紋大門兩扇。花園迷宮中央為石亭,內設西洋式座椅。每年中秋節皇帝坐在亭子裡,宮女們手持黃色蓮花燈從迷宮入口進去,誰先到達亭子,就可以得到賞賜,所以又稱黃花陣《圓明園》三維風景劇照--萬方安和 萬方安和是以國家統一、天下太平為意境的一組景觀, 位於圓明園中心景區后湖的西北側。雍正時稱“萬字殿”,俗稱萬字房, 乾隆時稱“萬方安和”。主建築位於湖中,外觀為 字形,共33間殿宇, 萬字型建築是我國建築史上的特例。《圓明園》三維風景劇照--蓬島瑤台 蓬島瑤台:建於1725年(雍正三年)前后,時稱蓬萊洲,乾隆初年定名蓬島瑤台。位於福海中央,為相連的三座湖心島,仿神話中一海三山之意,水霧中的蓬島瑤台如仙境一般。《圓明園》三維風景劇照--牡丹台 牡丹台,就是后來圓明園四十景中的“鏤月開雲”。牡丹台位於后湖東岸,南臨曲溪。殿為三間,殿前以文石為坡,種植牡丹數百本.康熙六十一年,康熙來圓明園的牡丹台觀賞牡丹。主宰中國命運長達130余年的康雍乾三朝天子,在牡丹台會聚一堂,傳為佳話《圓明園》三維風景劇照--九州清晏 九州清晏為圓明園中最早的建築物群之一,部分建築物為康熙年間所建。雍正初年,此部分景區成為帝王重要的寢宮區.歷史上著名的西太后(慈禧)為“懿嬪”時居住在此。九州清晏位於圓明園九州地區的中軸線上,此處是“上元三宴”之首宴的地方。此處也是各地衙門,向皇帝呈覽貢品、物件、畫冊的地方《圓明園》三維風景劇照--鴻慈永詁 鴻慈永詁,亦稱安佑宮,圓明園四十景之一,位於月地雲居西北,為清帝御苑的皇家祖祠,主要供奉御容畫像,是一處大型的寺廟園林,占地6.5萬平方米,築面積3600平方米《圓明園》三維風景劇照--海晏堂 海晏堂由正樓和后工字蓄水樓組成,是最大的一處歐式園林景觀。海晏堂正樓朝西,上下各十一間,樓門左右有疊落式噴水槽,階下為一大型噴水池,池左右呈"八"字形排列著我國十二生肖人身獸頭銅像。每晝夜十二個時辰,由十二生肖依次輪流噴水,俗稱"水力鐘"。《圓明園》三維風景劇照--方外觀 方外觀,建於1759年(乾隆二十四年)。為三開間用刻有回紋圖案的大理石貼面的歐式小宮殿.上下各三間,兩側有半環形石階通往二樓。“方外觀”為一座清真寺,據說此樓曾是乾隆帝維族愛妃(容妃,俗稱香妃)作禮拜的地方,方外觀西南橋外有一座西式八角亭《圓明園》三維風景劇照--方壺勝境 方壺勝境︰在福海東北岸灣內,1740年(乾隆五年)建成是圓明園中最為美麗的建築。此景前部的三座重檐大亭,呈"山"字形伸入湖中,中后部的九座樓閣中供奉著2000多尊佛像、30余座佛塔,建築宏偉輝煌,是一處仙山瓊閣般得著名景觀,主題閣樓實為一座寺廟建築《圓明園》三維風景劇照--澹泊寧靜 澹泊寧靜俗稱田字房,又名淡泊清淨。此景雍正5年1727年已建成。這座宮殿的外型是一個漢字的形狀︰“田”。“田”的意為耕地,農業是封建帝國的命脈,皇帝每年都要在這兒舉行犁田儀式《圓明園》三維風景劇照--別有洞天 別有洞天︰在福海南岸,位置隱祕,經城關出入,有納翠樓、水木清華之閣、時賞齋、石舫。雍正時期曾在此處開爐煉丹,乾隆(1736-1795年在位)、嘉慶(1796-1820年在位)二帝常在此園居住。現今遺址處還留有石舫的基座
文/圖:來自網路
大陸地鐵站的屎驚魂
早前係雞絲汀娜果Blog,睇到一篇有關海關的恐佈野,就係有人痾屎係關卡通道上,心想那個人唔係急成咁下嘛!真係變態都冇人有!
其實我都係澳門見過,都係大陸人所為。大陸真係冇奇不有,乜都有,d人又特別過人,乜都做得出。佢竟然當街搵左一個角落的坑渠去痾屎!你話死未,佢仲扭轉背,佢可能以為佢睇唔到我地d行人,人地就睇佢唔到!你話幾離譜呀~~如果當時附近有警察,我實報警,話有人係街度作出裸露及猥褻性行為,捉佢入去警局痾到夠啦!
現在再貼一圖給大家看看,相片來自中國大城市某一地鐵站內,一位年青人在坑渠邊痾屎 (大家留心d就睇到舊屎),真係好恐佈!我想地鐵有toilet姐,點解要係當街當巷度痾呢?
(我有少少潔癖,所以我真係接受唔到!)唔知大家接唔接受得到呢?
編:阿乃圖:轉載自電郵
澳門特區成立日 遊 海洋公園
其實係未去之前,已經知道20號係有勁多澳門人都會過香港,不過目的地不盡相同,有的去迪士尼,有的去海洋公園,有的去添馬艦嘉年華。還有的因為請了21號的假,湊成20-25號 / 20-26號的六日或七日假去一個中長線旅行!而我係澳門碼頭已經撞到好多朋友,有大部分都話去迪士尼,有少部分去海洋公園啦!而係海洋公園梗係都撞到d friends啦!
其實係未去之前,已經知道20號係有勁多澳門人都會過香港,不過目的地不盡相同,有的去迪士尼,有的去海洋公園,有的去添馬艦嘉年華。還有的因為請了21號的假,湊成20-25號 / 20-26號的六日或七日假去一個中長線旅行!而我係澳門碼頭已經撞到好多朋友,有大部分都話去迪士尼,有少部分去海洋公園啦!而係海洋公園梗係都撞到d friends啦!
而我就選擇了去海洋公園,其實已經十幾年冇去過ga啦!haha~~一去到就去了聖誕特設區域先啦!
參觀了愛斯基摩村!
今趟的兩位tourguide(Kieth、阿當),仲有一齊過去香港的amy~
聖誕老人屋!
之後amy話要玩攤位遊戲,只需數分數,花了30hkd,就中了兩隻中公仔,一隻細公仔!(這裡的攤位容易過澳門美食節的好多好多,而且公仔款式又多又靚,絕對不是澳門那些長手長腳怪物)
之後又入左去一個透明波,呢個透明波太恐佈啦!一陣臭味都唔在講,仲要成30幾度,變態ga!叫阿Keith快d影完,快快咁出返來!
跟住又去左玩果隻唔知什麼船,總之就係一野衝下去,成身濕哂果隻啦!(我唯一夠膽玩ga!係極限黎ga啦!再多少少離心力就要又急救站ga啦!)
我玩完成身濕哂!好在我包到實~~如果唔係頭都濕埋!(仲比人話係巴基斯坦人,真係)
之後就去了越礦飛車,只有Kieth 同阿當兩個玩!我死都唔會玩,寧願打死我!haha~~
之後又去了海盜船!都係一樣,又唔玩!我呢d老人家,經唔起刺激呀~~
我就係附近影下相囉!
食過午餐!(我、Amy食M記,阿當、Keith食金香雞)原來海洋公園M記係冇套餐,而且每樣食品單價都貴30-40%而且排隊都要排好耐tim~~
之後去了海洋館,再去水母館!見到好多水母,影左d相呀!
七彩的水母櫃!
睇完水母又坐纜車去山下啦!到了山下部分,去了兒童王國、熊貓館、海豚飼養場,以及阿瑪遜幻影森林,仲係獨木橋影相tim!
最後成6點幾就離開海洋公園啦!指定動作係o係門口影相~~仲狂搵附近d人來幫忙拍照,人地又叫我地幫佢地!其實一連串你幫我影,我幫你影都幾惹笑ga!
離開海洋公園!我地坐的士去銅記既時代廣場,又係果度影相!
又係一班人要我地幫佢地影,之後又幫返我地影!
7點幾就開始去時代廣場shopping啦~~阿當話要換果個月曆,如佢所願,我一張單夠五百元,佢可以換啦!又去了馬莎、JC Shop。而我就去Fancl看看有沒有我想要的 "抗鼻敏紫蘇",因為我鼻敏感又開始作怪,諗住澳門fancl冇,香港會有啦!誰不知佢話唔出啦~~而家只有 "抗敏元氣",咁我梗係返澳門先買啦!
當然我又去了無印啦~~我發誓,我唔會再好似上一次咁,買到痴左,張單長到......,阿當、Kieth佢地上次驚訝到 O 哂嘴!那我今次都係百幾o者!唔係再話我瘋狂啦~~知唔知道?
買完野又睇完野!成9點幾,我地買了10:30船返澳門(因為今日係澳門假期,所以會勁多人果d時期返澳,而且我地晨早買ticket時,都只有10:30pm、12:30pm、4:00am我地揀,真係好恐佈!)
最後9點幾我地就決定返碼頭先食飯!阿當、Keith就等朋友收工再自己去食!就咁係時代廣場分別啦!不過好快又見ga啦!
我地回到碼頭已經9:50分,我立即去吉野家快速食晚飯,我叫了新出品《牛肉火鍋》,只需hkd 39,我都覺得幾好味!但澳門暫時都未有吉野家,係日本就食得多,係香港都食過幾次啦!發現香港《牛肉火鍋》比較貼近日本的品質及味道,其他的真的有待改進!
同場加映海洋公園發現兩極品:迷人Pink Lady~~(照片經特別處理)
以及烈焰紅唇!(照片經過特別處理)
仲有一d相及其他部分可以去阿Keith果邊看!
編/攝:阿乃另攝:Keith、阿當、Amy、以及多位路人甲
一號風球下的旅程—香港
各位:
前幾天較忙,而昨天過了香港,所以好累,沒有時間更新及回應大家,不好意思啦!昨天過了香港啦,正是颱風 "珍珠" 打到入港澳800公里範圍內,所以傍晚澳門已經掛起1號風球!
一大清早8點幾就起身,執好野,帶好錢、證件及車匙就出門口啦!jar住駕車泊落去碼頭個"泊港停車場"度,呢個停車場由一開始營業至今就沒有通風設備,簡直熱到焗桑拿咁啦!9:30去船部取票搭上9:45分的船,過去香港,準備開始香港shopping一天遊~~
到了香港已經近11:00點,但天氣並不差,有少少強烈的風,其他沒有大的特別,非常好彩。我的首站是銅鑼灣,一到銅鑼灣我就見到來自我地澳門的義順牛奶~~haha~~其實我成日都過來香港,平均3個月左右,有時有野做仲會過得幾密tim~~之後行左一陣見到本學會將會合辦展覽的機構---無國界醫生的同事在街上工作中。就我發現,原來平日的香港都有好多人係條街度行,同澳門好唔同,因為上班時間真係冇乜人行,除了sjm及師奶買餸囉!但係香港見到既可能係好後生的,並悉心打扮去行街街,所以都唔係好明!係銅鑼灣地帶附件買了杯叫"活力能量"的東西飲,其實只不過係用d生果肉溝芒果汁打埋一杯,有d似澳門漁人碼頭的Nature's的飲料咁。之後去了時代廣場睇下野,因為好多商場未開,又早來了,沒辦法啦!行馬莎、JC Shop以及對面的Esprit及無印良品,當然我有斬獲啦,亦成日怨無印點解唔來澳門開分店~~到了中午時段,又去了時代隔離既Keilh's 、 LANEIGE、DHC,幫朋友幫了LANEIGE既水份sleeping pack(加強版),其實都唔錯啦~~我自己都有用,用完之後塊面好左好多,對我地d油性皮膚來說,仲要係冇油光滿面,所以d朋友搭我買。
1:30pm就開始肚餓,咪食左附近間 "築地TACO燒",25蚊(6粒)就幾貴下,澳門當時係10蚊3粒,變成現在的5蚊3粒,真係冇得比,但係人地 "築地TACO燒" 係日本開過來,而且用料真係十足,所以都ok呀!食完就落左地鐵搭車去旺角,開始我的 "喪買行動",haha~~~
一到旺角我就先去尋找Laosmiddle,因為要去買袋,但係之前去開果間變左One2Free,咁諗住唔通又轉左第個位呢?你地都知旺角d鋪,變得有幾快ga啦!之後有香港朋友帶路去了毓民間食店,叫左d野食,不過我覺得唔多好食,而且都幾算貴下(相比質素而論)!及後個friends就去了旺角中心買野,再去先達睇下d PSP價錢,同D game等等,現在賣緊既多數都係2.6ver為主,冇得download game玩,不過對我來說冇所謂~~haha睇完psp跟住就要同我細佬買手機,佢要Vodafone 803T 日版,幫佢格哂價同搵之前買開果間去買,起碼有保障丫嘛~~對不對!用了2040就可以了!
買買下就到了5點幾,先去了旺電買SD卡,之後我先去星際3樓的DC fever鋪頭查詢一下Canon Powershot A700的價錢,佢竟然比了一個好低價我,而且可以唔收附加費簽卡,又送512card,只收2550hkd(澳門要2750),那我考慮了一會就決定買,亦為自己7,8月去旅行添置新的攝影器材。買完相機同就要去兆萬、家樂果邊,因為我個friends要去買食玩,而我要去買水溶性香薰驅蚊。一到兆萬我個friends好似carzy左咁,其實我都"好",但沒佢咁carzy,逗留左半個幾鐘我準備捉人走啦~~走出兆萬後我發現有間Laosmiddle,原來一街有2間,我唔記得左呢邊有一間,所以我興奮入去買左個袋啦~~最後去了家樂商場買了茶樹水溶性香薰 (因為本人好野蚊,所以一定要驅蚊,但一般蚊燈、蚊油及超聲波都冇效),之後又約左d friends食晚飯,所以去chin之堡同荷里活去買返d恤衫。
到了晚飯時間就去了個friends所講雅蘭中心隔壁的沙嗲王,叫左好多野食,而且d野都好好吃,又唔係貴,比毓民好得多~~不過我唔知佢d野飲有jelly,等我仲以為佢冇攪沉哂底,咪起勢咁攪,攪到d jelly上哂頂,跟住我d friends笑到死~~貼d圖比大家睇啦!
食完就搭地鐵回碼頭搭10點船返澳門啦!返到澳門,知道香港也掛了1號風球了!果然是一個颱風下暢遊了香港一日,但並沒有受珍珠的影響~~haha~~只係回澳jar車時就開始下大雨。
(用手機的拍攝質素真的不太好,請大家將就一下吧!)編/攝:阿乃