05b.東方風物誌

《06'韓國秋葉行》21- 市政廳及清溪川 去完石牆街，已經來到我們韓國之旅最後一站，漫步清溪川啦！首先清溪川與德壽宮那邊好近，只差2個街口，唔需要再搭地鐵，又省錢又省時！   清溪川於2005年重新淨化，亦重新粉飾及美化，變成韓國新的休閒點之一，潺潺流水，空氣清新，絕對係欣賞景色的好地方！ 這是清溪川地標，紫藍大螺一隻，屬於藝術雕塑~~ 旁邊的商廈，非常有時代感！ 非常之有氣勢的瀑布呀！ 再來一幅先！ 藝術性格設計的河川兩岸！ 清溪川中有好多好多小智慧小設計，充份融入河川的感覺，並沒有格格不入的現象！ 清溪川一景！ 另一個清溪川地標："一柱泉" 另一個小小瀑布！ 還有設計小橋，將時尚與自然相結合，不錯呀！ 其實整條路都有好多不同的地標及建設，讓人們漫步清溪川時細細欣賞！而我們當日由於落雨，但最後我們都由市政廳源頭，行到返酒店的東大門區，歷時45分鐘！我簡直係耐力驚人，其他的同行者已經叫哂救命啦！ 終於回到東大門區啦！我地返去鬥山塔頂層的美食廣場食東西先！ 首先呢個係c小姐、鐵人他們點的午餐，兩位一樣，日式烏冬配手卷及壽司。 呢個係賣米佢地點既 "冇味炸雞扒定食"，我都唔明白韓國d炸雞排點解可以整到一d味都冇！ 我就叫左 咖哩飯配炸雞件！個飯超辣，食到大半我已經要放棄！(因為我唔食得辣) 食完野就返酒店get返d行李，去機場啦！仁川機場見！ (待續：回程啦！仁川機場)編/攝：阿乃

檳城的喬治市（George Town）是一座歷史城市，街道上大部分也是兩、三層的排屋（與澳門新馬路非常類似），但同時也是一個現代化的都市，當然也擁有現代化的大型商場。在檳城市內有一間商場大廈叫光大廣場（Komtar Complex），算是檳城的地標之一，每個檳城人都知道的......

《06'韓國秋葉行》14 - 首爾樂園part1 終於來到首爾樂園啦！由於當天是平日，而且旅遊淡季，冇乜人囉！計左我地5個人，都只有10個人左右，可以話包場兼完全唔洗排隊呀！lucky~~   這是入口呀！ 入閘處，你看看幾冷清呀~~ 入了樂園後先會經過一道橋先會入到樂園範圍！ 這裡就是樂園範圍，相等於迪士尼的美國大街囉！ 不過佢係歐陸大街囉！ 你睇下有幾多歐陸建築~~有丹麥，有英國、有法國，也有德國...... 呢款就似柬埔寨的建築風格！ 這是大街中央的舞台，工人正在搭建，可能趕緊聖誕節的到來，大show的舞台呀~ 這是我地會食午餐的地方，日本、韓國都有的Lotteria，類似M記的店，當然比M記好食得多囉！ 又係一個比薩斜塔！唔知d韓國人係咪特別like斜塔ga呢？ 呢個好明顯係日式建築啦！ 由美國大街就轉入去美國大陸區，他們已經準備去玩啦！ 這裡的紅葉並不比首爾大公園的紅葉差呀！ 係呢d紅葉旁，佢地玩左一個小兒科過山車，當做熱身！佢要連玩兩次，你話死未！ 佢地第一項挑戰的是超長時間海盜船，勁慢長的差不多有成4-5分鐘之久，而且仲要180度來回，所以佢地叫到係遠處既我都聽到呀！ 之後佢地又去挑戰水艇飛濺，程度比海洋公園果個勁ga！因為有波浪型咁衝落去！ 最後仲要噴水tim，問你死未！我當然冇玩啦~~你地都知我驚離心力ga啦！ 通過呢條走道，我地準備去第二個區域啦！ 勁爆笑，仍然係呢度找到衝出水世界的promote proof~~haha~~ 到了童話世界啦！見唔見到個城堡呀！我地係呢度玩左碰碰車、腳踏車圈圈等！ 不愉快的是，賣米係碰碰車環節整爛左個名牌太陽眼鏡囉！不過最後回到澳門都整得返~~ (待續：首爾樂園part2)編/攝：阿乃

去首爾是否找不到什麼新意？想找一些新鮮感？小編推介你去濟州島，因韓國首個重力賽車公園已登陸濟州島。#981Park 重力賽車公園於今年6月15日已經開幕，為遊客提供了新鮮好玩的玩樂設施，讓大家又多了一個去濟州的理由......

DAY 2   2005‧8‧6牛車水、魚尾獅公園、Citylink Mall、新達城這天我們只有3個人一同遊新加坡，因為另外的人今天需要參加會議及課程，我們不用，所以我們就一齊出去囉！今天大家所計劃的行程都很豐富的！暢遊多個區域，而且我們主要使用捷運系統為交通工具，已經可以去大部分的景點啦！ 我們由於早上在酒店的泳池游泳及曨太陽的關係，所以我們中午才到達牛車水。牛車水是新加坡昔日華人集居地，新的捷運紫色線可以直達牛車水站。這裡到處都是中文字，滿街都是華人與遊客，由於是這樣，所以很多東西都好貴，一點都不便宜，有佛像、古董、絲絹、雕刻及中文花字等，它對我們華人來說是沒什麼吸引力！(紫色新線的雕塑畫)而且這裡是因為配合旅遊發展，所以已經重整了，現在的牛車水已經很商業化，沒有了從前的古早味道了！唯一吸引我的是牛車水的美食及一間好奇怪的寺！這間寺好有殖民性色彩，但上面充滿了很多印度教的神像雕刻，而且有些很恐佈的樣子！看了一陣子，大家都已經開始餓啦~~於是大家都到後面街的美食廣場吃東西，其實我們叫了很多很多美食，有炒粿條、喇沙......而且都很美味的！大家都好滿足，之後再行了一會兒，買了少少零嘴就搭捷運去Ruffles站，去看看一間特別的酒店及新加坡地標---魚尾獅。Ruffles站(箂弗士站)，這裡是新加坡的商業區，最多的是銀行大廈，包括中銀、匯豐、Citibank、星展銀行，還有本土的MayBank大廈！而下圖所見的就是一間五星級的華麗酒店！再一次暢遊新加坡河！行了大約10多鐘就到了魚尾獅！原因是這幾天是新加坡國慶前夕，所以有軍事演習及封路，令大家都要繞路抵達！這個就是濱海藝術中心啦~~大家都覺得它似一個榴槤的樣子！看完這兩個景點，也差不多6點了，我們決定到附近的Citylink Mall走一走，順道享受冷氣，因為真的很熱了！大家也是Citylink Mall看看買買，之後又到附近的新達城買東西，食完東西才回酒店！這時其他的朋友已經開完會議並在酒店待著等我們一起出去食宵夜及逛夜市了！編 / 攝：阿乃(Benjamin)各位可到相簿內---> "新加坡國度2005"  查看更多的相片。本 著作 係採用 創用 CC 姓名標示-非商業性-禁止改作 3.0 授權條款授權.

新加坡市中心索菲特酒店將於 2017 年 10 月開業，酒店的周圍環繞著充滿歷史氣息的商舖和高聳的摩天大樓，酒店設計優雅，不僅展現了新加坡豐富的文化歷史，同時也保留了引人入勝的法式風情......

可能很多人都不知道已經落戶澳門十五載的亞洲航空，在馬來西亞吉隆坡國際機場的總部 RedQ 亞航城是怎樣的？今集就由環球旅人帶大家參觀亞洲航空馬來西亞的總部，深入這個基地......

---序---仲未寫哂d日本遊記又要出發啦！今次我唔係去日本，而係去韓國自助遊。冇錯，係去韓國自助遊呀！由於之前東x遊乜都未confirm我，所以我都未知去唔去得成，咪唔夠張揚住囉！結果星期五通知我要改早幾日先有得出發，要由19號凌晨出發，更改至17號早上出發先可以去！淡季真係差d，結果同行朋友一干人等都要請多一日假，可以成行啦！我地仲蝕左半日比佢tim~~   因為東x遊話，雖然我地係自悠行package，但我地都係已團體票方式出機票，如果你地揀果日唔夠人，就會將你地改早或押後至可以成行為止！(但佢之前冇講清楚！係人都以為係普通既自悠行ga啦！) 最後到今日，佢都仲唔肯叫我去get d房間入住單 同 其他資訊，我呢幾日已經勁打電話去問，佢就一直死拖話香港d資料未寄到囉！之前已經有同行者去鬧左佢一次，今日就到我去鬧佢。都唔知點做野ga，出發前一日都未有房單機票jar手，勁過份呀！之前佢話係澳門呢邊印d資料比我，我咪問佢同香港果邊d資料有乜唔同囉！佢話只係冇左d小錦囊，而d房單都一樣有效！嘩~~~~我咪立即%(^$^_佢，有冇攪錯，咁點解唔一早係澳門出比我，等乜鬼香港呀！係咪出發前都收唔到我都要繼續等到個旅程過左，我都去唔到先？？？ 我有好多friends話，澳門東x遊d旅行團就好好service，完全冇問題。但package同出機票果個部門，10個有9個顧客都勁嬲，成日拖都唔知拖乜？貼錢買難受，仲要成肚氣！下次我都係去返康x同x華呢兩間好過~~ 不過就好攪笑囉！變左搭CX(國泰機)，唔係搭KE(大韓機)！真係一波三折才可以出發，希望今次旅程順順利利，返來寫返D詳盡既遊記比大家睇呀！   ---行程安排---DAY 1   2006‧11‧17澳門--> 香港--> 韓國仁川機場 -->東大門(酒店) -->明洞(明洞聖堂、南山公園、首爾塔) DAY 2   2006‧11‧18忠武站(南山韓屋村) --> 安國站(宗廟、昌德宮、仁寺洞) --> 梨泰院 --> 夜遊東大門 DAY 3   2006‧11‧19景福宮站(景福宮、國立民俗博物館、慶會樓) --> 松內站(Aiinns小人國世界) --> 惠化 -->明洞 DAY 4   2006‧11‧20會賢站(崇禮門)--> 大公園站(首爾樂園) --> 梨大 --> 夜遊東大門 DAY 5   2006‧11‧21市政廳站(德壽宮、石牆街、現代美術館、貞洞教堂)-->...

雅高酒店集團旗下布吉島 Novotel Phuket Phokeethra 開業，致敬布吉島的悠久歷史。酒店座落於古鎮附近，周圍古建築、佛寺和道教聖地林立，充滿好奇心的旅客將有機會沉浸於布吉島首次繁榮發展的歷史時期。了解當時來到此地的，並非旅客而是來自阿拉伯半島、中國、印度和葡萄牙移民所留下的豐富文化遺產和多元歷史建築......

在我們去 Galle 加勒古城的途中，我們會經過一個 Weligama 瓦勒迦瑪地區，出名的是高蹺垂釣，但漁夫只是做Show，沒有真釣魚嗎？

《06'韓國秋葉行》04 - 南山韓屋村 一大清早，9:30就出門了！開始第2天的行程。我地從東大門運動場站 坐4號線 到423號忠武路站 下車 (800W)，在3號 or 4號出口，步行3分鐘就到！來到了我們的第一站，南山韓屋村 (參觀費用：Free) yeah！   來到這裡，已經發現有一架永安旅遊巴，心想永安d團咁早ga，十點就已經睇緊景點！我地來到門口啦！都唔係好靚o者！可能係冇乜特別的關係，而且都唔係太宏偉，這就是尹建出來給大家看看的主題屋吧！ 門旁有另一小門口，終於見到有中文字啦！因為韓國以前是中國的附庸國，所有國史資料都係用中文來記載，所以韓國以前係識中文的，但先從有韓文之後，政府大力推行 "去漢化"，所以現在的韓國街上已經幾乎看不見中文了！這是它的歷史，不過我覺得冇乜特別，而且真係都幾假下！好彩擺佢係第一o者！因為之後我地去參觀既，真係令我地大開眼界呀~~靚到死呀！ 這是南山韓屋村地圖，其實唔係好大！ 大家又可以估下呢間建築物係有用途既，但現在的真正用途係乜呢？(設係門口ga！) 呢度係入去之後，面前的一條運河仔，都幾靚ga！算係有特色既！ 呢個係一個亭台大舞台！ 有些類似d古代中國大戲既木製大舞台！旁邊仲有d紅葉tim~~ 這是由南山韓屋村遠眺 N首爾塔 的景，你看看都有不少紅葉ga！(不過唔夠我地之後去睇既昌德宮靚) 這是韓屋大操場內！好有沙地feel~~各位親愛的澳門朋友~~是否懷念工人球場呢？(而家變左新葡京啦！唉~) 你地看真一點，d牆其實幾特別ga！石+白灰！ 呢幅又唔同既！d石比較平均，而且d混凝土幾結實！ 呢度係一位韓國皇后寖室的戶外呀！都幾靚呀！d韓國人既房！大家睇大長今、醫道都應該見唔少囉！呢度係果個唔知乜皇后既寖室呢！ 好靚既紅葉呀！ 我地睇完d屋之後行左上山，見到好靚，所以停下來影相呀！呢張我叫佢 "寂寞‧紅葉‧孤燈" 呢張係山腰上一個涼亭，有紅葉襯托，都幾唔錯ga！ 呢幅係亂影，但又影左d藝術出來囉！ 呢條係下山的小水道！(好有味道的郊園景) 係韓屋村見到大公仔，梗係要影返張相先啦！由上而下：我、C小姐、賣米 好快咁睇左1小時左右，準備乘地鐵去安國站的仁寺洞大街睇野啦！今集比較少解說，真係冇乜野可以講！所以畀多d相比你地睇囉！下集會多返d字啦！下集見~ (待續：仁寺洞大街)編/攝：阿乃

Siam Piwat 將為旗下三個商場進行顛覆性的革新工程，重新打造成 Siam Center、Siam Discovery 及 Siam Paragon，將其塑造成泰國的全方位一站式購物新地標，為追求多元化、與別不同的香港人帶來非一般的購物新體驗。此外，Siam Piwat亦推出旅遊折扣卡於三個商場內同時使用，讓大家能全情投入由 Siam的購物世界......

亞洲航空印尼公司（代碼QZ）今天正式開售中國澳門直飛印尼雅加達的航班。這是繼亞洲航空印尼公司飛往吉隆坡、檳城、曼谷和新加坡航線後第五條國際航線，也是亞洲航空澳門直飛印尼的首條航線......

【環球旅人報導】台灣虎航2018年夏季航班早鳥優惠，預計將於週二(12月5日)開賣，同時提供促銷代碼「ITSUMMER」可使用，機票優惠價格再享 9 折優惠......

《06'韓國秋葉行》16 - 首爾秋天的黃昏 由首爾樂園出來，回到首爾大公園的範圍，我們見到屬於冬日的黃昏！萬里晴空，枯樹獨傲！相映互搭，構成絕景！   唔講咁多廢話，畀大家欣賞下屬於韓國大自然的黃昏景色！ 1號  枯樹獨傲 2號  劃破長空 3號  天空際線 4號  相映互搭 5號  燈杆聳立 6號  雙映成趣 7號   天石殞落 8號  雲霞天際 9號  變幻尋常 (待續：惠化大學區)編/攝：阿乃

檳城最有名的是喬治市，皆因到處都有上百年的歷史建築，而且由歷史建築改建成的酒吧、餐廳、酒店，在喬治市真的比比皆是。小編這次檳城下榻的酒店－The Edison George Town, Penang，就是一間上百年的歷史大宅改建而成......

《06'韓國秋葉行》22- 回程啦！仁川機場 話題一轉，好快就來到仁川機場啦！話咁快旅程就完結啦，其實真係有d唔捨得ga，不過冇法啦！因為旅行就是這樣，點都有完結的一天呀！如果沒有旅程的完結，點會有另一段旅程的開始呢？對不對！   我地到左機場，第一件事唔係check in，而係去新韓銀行退Travel Visa Card，大大話話都有成幾千won ga！點可以唔退呢？圖中就是我的passport 同 Visa啦！(等退款丫嘛！) 呢個就係離境大堂我地退卡既counter啦！ 退左卡我地先check in，不過check in好快就完成，仲有大把時間，點好呢？梗係繼續shopping啦！係離境大堂仲有好多shop可以睇，乜野種類都有！當然點都貴市面少少ga啦！ 剛剛又退返d錢，咁梗係shopping埋佢啦！佢地一去到正官庄就停低左買野，當然係買人參啦！而我地其他人就去左唔同既鋪頭買野，我就入左去The face shop睇下野囉！佢地好快又跟住又來，而且仲買埋野tim，你話厲害唔厲害呢？ 買完野仲有少少時間，我就去了Bunger King買左個set，因為都好肚餓！ 係途中就見到見個國際時間表，我覺得幾靚就take張photo先！ 唔同大家講啦！我地要返澳門啦！韓國既旅程完結啦~~一見下圖就知！ 雖然我地既韓國之旅完結，但稍後還有3篇番外，分別講解韓式捷運系統、購物樂等等。希望各位留意埋最後的三篇啦！ (待續：番外篇-- 韓式捷運)編/攝：阿乃

《06'韓國秋葉行》03 - 去明洞食晚餐 我們放下行李，整理行裝之後，就準備出發去明洞食晚飯啦！但呢個時候，阿W生竟然要食一個杯面先，真係比佢激死呀！   之後再去到東大門運動場地鐵站內買一張 T-money 電子儲值卡 (可乘搭全線地鐵，以及各線巴士)，儲值18000w，按金2500w！(兌換率為 1000w = 8.2 hkd) 攪完一輪就去明洞啦！ 由東大門運動場站 去 明洞 需要搭 第4線(淺藍色線) 於 424號明洞站 下車！(T-Money需扣 800w、正常買票需900w) 之後我地去了 明洞餃子 食晚飯！(係韓國的食店有一個不成文的規則，如果你幾多人入去，就要叫幾多樣野食，唔可以叫少一樣，但可以叫多，所以亦導致我地以後好多都係叫返酒店開餐！)原因係佢地唔興share野食，興一人一份，所以我地都幾慘！ 明洞餃子 係本本旅遊指南書都有介紹，咁應該都唔錯啦！(仲有就係旅遊書上寫左價錢，佢係可以接受的！)所以我地就根據地圖搵到呢間野啦！入到去真係好多人囉！好彩我地都有位~~ 介紹一下我地叫左d乜先！(由於我地5個人，所以要叫5樣野！)呢間店有個特色，就係叫完要立即畀錢ga！絕對唔係食完先結帳！(怪怪的~~)下圖：兩籠明洞餃子、兩碗雲吞面、再加一個超辣泡菜面！每人都係6000w(約50hkd)，總數係30000w，抵呀！ 其實我地係食唔哂ga！原因係今日大家成日都係坐飛機坐車，都冇乜胃口！加上我由於唔夠訓兼早餐飲左咖啡，又引發左我既"腸胃焦慮症"，成日都胃痛，有時都幾辛苦下！所以更多冇胃口啦！仲有果個W生之前食左杯面，點會食得落先得ga！ 而且我地5個人當中，4個人都唔食得辣，咁叫左果個超辣泡菜面點算？當然就係C小姐負責啦~~因為得佢一個食辣，而我就一定唔可以食，如果唔係明天都唔駛繼續行程啦！佢地幾個就唯有將食完既雲吞湯來過冷河，將d辣過走，再幫忙食！(旁邊d韓國人就已經覺得我地好怪囉！) 大家唔知有冇留意，佢果d籠係膠造的，同我地中國式的竹籠唔同ga！ 食完野之後，我開始好返少少，不竟我已經係酒店食左胃藥，已經好左好多！當然，現在都係8點幾，我地梗係行下街先ga啦！ 明洞最出名，最多人就係呢三、四條購物街啦！你看看，什麼牌子都有，有d似澳門的噴水池，及香港既銅鑼灣囉！(又多人又多街鋪) 我地期間都入左唔少鋪頭，需要佢地都著左唔少衫！(識我既人都知我係熱血青年，唔怕凍！所以我都係1件短底，1件薄衫，再加1件褸就死出去ga啦！) 除左我，團中仲有個鐵人，都係唔多怕凍，佢就係同我同房既W生啦！其他人就梗係羽絨、毛毛、圍巾都出齊ga啦！ 當時雖然都幾凍！(因為早上落過雨，晚上9點左右的氣溫只有-3至-1度左右，但其實間間shop都有暖氣，有時仲熱到我呼吸唔到，因為真係太熱啦！) 但我地就繼續行一行，不竟我地幾日都會來這裡找食呀！所以熟習一下有d乜野買都好丫嘛！ 大家都可以比較累啦！行到10點左右已經開始想走，返酒店休息！加上越來越凍，所以大家都同意！ 這幾張都係o係明洞果幾條街影ga！好多時都係我係門口等既時候影既！ 第一天大家都冇收獲！好啦！我地回酒店啦~~day2見！回程與來明洞一樣，都係搭4號(淺藍色線) 回 422號東大門運動場！(都係T-money 800w)大家雖留意！有些站會有2個或以上號碼，原因係該站有不同線路，即為轉乘站，所以有不同的no.如東大門運動場站，有3條線，屬於大站來的。它分別有422號(淺藍色4線)、205號(綠色2號線)、536號(紫色5號線)。所以你要搭去邊，先睇顏色，再搵站no.，easy好多啦！(仲有就係全線地鐵都有中文，大家唔駛驚！) (待續：南山韓屋村)編/攝：阿乃

宜必思馬六甲酒店（ibis Melaka）登陸世界遺產城市馬六甲，共設有 249 間現代化客房，供應宜必思標誌性 Sweet Bed 寢具、免費 WiFi、平板電視和室內配套設施。酒店距離多處熱門旅遊景點僅有幾步之遙，比如荷蘭廣場、基督堂、雞場街和青雲亭......

朝鮮必食國民料理｜今篇就讓特約作者 KW.Wong 帶大家去試試最受朝鮮國民歡迎的國民料理——朝鮮冷麵。而吃這道名物，最有名的地方，就是平壤玉流館......

去旅行除咗感受和而不同嘅文化之外，當然要試當地美食啦！馬來西亞嘅美食真係十隻手指都數唔晒，咖喱叻沙、椰漿飯、沙嗲串燒等，聽到都已經想出發啦！而家AirAsiaGo推出馬來西亞4日3夜套票$710起，酒店6折起，12月及1月等旺季均有優惠!唔使再睇圖嚟望梅止渴啦，立即訂購酒店同套票出發啦......

AirAsia對世界旅行復甦的進度樂觀！馬來西亞於本周啟動COVID-19疫苗接種計劃，這是全球旅行重新啟動的第一個關鍵指標。而AirAsia的主要國際市場包括印尼、新加坡、中國和澳洲在內的疫苗接種計劃也進展順利；泰國和菲律賓等其他國家也即將開始疫苗接種計劃......

炎熱的天氣漸漸被秋風取代，又到了每年出國賞楓的季節，但今年夏天比以往炎熱，從紅葉預想情報中可見，最佳賞楓期都延後至 10 月中至 11 月底。為你推薦台灣及南韓的精選賞楓熱點......

環球旅人本次選乘柬埔寨吳哥航空 Cambodia Angkor Air，由香港直飛柬埔寨暹粒，吳哥窟的所在地。當日並入住暹粒一間富有法式＋柬式風情的酒店 — Heritage Suites Hotel，也品嚐了法式晚餐及高棉早餐，帶大家好好遊覽一下酒店內部，以及環球旅人每次到柬埔寨的趣事......

宿霧作為 Travel + Leisure 雜誌讀者票選的世界最美海島之一，從新落成的「度假村式航站樓」麥克坦－宿霧國際機場開始，為遊客提供最佳的休閒度假體驗......