fbpx
26.1 C
Macao
星期四, 28 3 月, 2024

Episode 3 – 葡萄牙護照簽證一覽表 (更新: 2016/4/11)

0
本篇是講述持有葡萄牙護照的人士,外遊是那些國家需簽證,那些國家不用簽證的細明表! 希望幫到每位葡藉的澳門人!   Afeganistao  (阿富汗)簽證 Africa do Sul  (南非)免簽證 Albania  (阿爾巴尼亞)簽證 Alemanha  (德國)免簽證(歐盟成員國) Andorra  (安道爾)免簽證 Angola  (安哥拉)簽證+黃熱病注射證明 Antigua e Barbua  (安提瓜和巴布達)免簽證逗留6個月 Arabia Saudita  (沙特阿拉伯)簽證 Argelia  (阿爾及利亞)簽證 Argentina  (阿根廷)免簽證逗留90日 Armenia  (亞美尼亞)簽證(落地簽證) Australia  (澳洲)簽證 Austria  (奧地利)免簽證(歐盟成員國) Azerbeijao  (亞塞拜彊)簽證 Bahamas  (巴哈馬)免簽證 Bahrain  (巴林)簽證(落地簽證) Bangladesh  (孟加拉)簽證 Barbados  (巴巴多斯)免簽證 Belgica  (比利時)免簽證(歐盟成員國) Belize  (貝里斯)免簽證 Benim  (貝寧)簽證 Bermudas (百慕達)免簽證 Bielo-Russia  (白俄羅斯)簽證 Bolivia  (玻利維亞)免簽證逗留3個月 Bosnia-Hezergovina  (波斯尼亞)免簽證,須填寫入境申報表 Botswana  (波紮那)免簽證 Brasil  (巴西)免簽證逗留90日 Brunei  (汶萊)簽證 Bulgaria  (保加利亞)歐盟成員國護照免簽證逗留90日 Burkina...
80年代的澳門噴水池

Episode 2 – 80年代的澳門小城風味!

0
各位在澳門土生土長的澳門人,澳門、氹仔及路環的原住民,會否跟小編一樣,同樣記掛著昔日的澳門小城那種寧靜、休閒、舒服、歐陸的感覺呢?還記得葡京迴旋處的銅馬像、昔日的南西灣景色、新馬路街景、人力車盛況、氹仔的小鎮風情、下環街的漁民生活嗎?

澳門輕軌最終拍板,2011年建成啟用!

0
過去幾年,社會各界以輕軌方案作為緩解市內交通,已有共識。經多年諮詢收集意見後,我正式宣佈,澳門的輕軌首期路線方案正式拍板。硏究逾五年、首期估算造價約四十二億元的輕軌系統首期方案計劃,昨日經運輸工務司司長劉仕堯的宣佈一槌定音。輕軌首期爭取於明年公開招標及動工興建,預計於二O一一年底竣工投入運作。  http://mymedia.yam.com/$/78359br />輕優方案造價四二億 首期路線沿用輕優方案,沒有驚喜。在爭議性的“首期不延伸至西北區”問題上,政府稱在首期工程中,假如有條件會在西北區同步設點;同時透露在區內首設自動步行系統或公交服務轉乘設施,擴大集運效能。特區政府還決定成立專責部門跟進協調和推行管理計劃。 劉仕堯昨日主持“輕軌首期路線總結介紹會”時表示,首期輕軌計劃經廣泛諮詢和收集意見後,興建條件已基本就緖。特區政府將盡快啟動相關工程招標工作,包括在今年底啟動邀請國際顧問公司程序,委託國際顧問公司草擬標書,明年公開招標,爭取在下半年正式動工。 劉仕堯表示,為更有效地推動輕軌系統的落實,政府將成立專門的項目組,負責統籌、協調、跟進與管理輕軌計劃。項目組直屬於運輸工務司,並將與廉政公署、審計署緊密合作,引入廉政、審計意見。 啟動西北線深化硏究 按照首期工程規劃,主要構建連接澳門半島及離島的路線。但政府同時表明,當首期輕軌建設主體框架工程完成時,在評估施工對交通網絡可承受狀況後,在具備條件的情況下,將爭取第二期(西線)輕軌部分站點優先落實興建,以便加快本澳公共交通的建設進程。 對於延伸西北線的意見,政府主要考慮到關閘口岸作為本澳人流與車流集中地,倘左右兩翼二期工程同時動工,必定影響上述路網的負荷和交通,但會透過硏究設置自動步行系統或公交轉乘服務設施,以期達到同步興建、同步建設,發揮輕軌首期最大的運載量。 政府經初步評估後也認同西北線的需要性,故承諾一旦落實首期工程動工後,將啟動第二期深化可行性方案硏究,並於明年內提出可行性方案讓公衆知悉及討論。 可創造三千就業職位 政府稱,於七月中啟動為期四十五天的輕軌系統優化方案諮詢推介,廣受社會討論和關注,期間收集了一百三十多份意見。普遍支持特區政府興建輕軌,部分則同時關注到系統的走線、車站設置和社會效益等問題,政府已在公佈方案上相應微調或跟進。 首期輕軌方案全長二十公里,共設有廿三個車站,雙組列車行走單向每小時載客量約八千人次,施工期約四十八個月,預計於二○一一年投入運作。 首期方案起點由關閘口岸至終點氹仔客運碼頭,途經人口密集的北區、外港碼頭、旅遊景區、市中心商業區、機場、路氹城等地點,是連接澳門與離島的重要交通線;具有低污染、低噪音、高載客量等特點。 首期路線途經外圍道路及新塡海區,施工條件較成熟,對居民影響較低。工程分階段可創造三千個就業職位。當局認為,輕軌系統可推動城市的可持續發展,包括已預留條件與未來的港珠澳大橋系統接駁;特區政府也將透過粵澳聯絡機制,硏究澳門輕軌系統接駁珠三角城際高速快線的問題,希望加強與周邊地區融合發展。 總結會昨日下午三時半在科技發展基金會會議室舉行,出席者還有建設發展辦公室工程師周惠民、李安德,土地工務運輸局工程師鄺偉卓,環境委員會高級技術員葉擴林。 (轉載自澳門日報)文:阿乃

Episode1 – 持葡國護照的澳門成年男仔要服兵役?

0
其實澳門所有持有葡萄牙護照的男性(即是葡籍人士),年滿 18 歲就需要到葡國服兵役,這是香港人沒有的。為什麼?因為英國的是海外公民護照,並非英國護照。不同於澳門的葡萄牙護照,所以澳門的葡籍人士跟居住在葡萄牙的公民一樣......

威尼斯文化節展水鄕風情

0
威尼斯文化節由今日起至下月廿一日期間,分三個階段於澳門威尼斯人度假村酒店大運河購物中心舉行。期間設有一連串以威尼斯特色的藝術與文化表演,包括玻璃吹製加工、貢多拉船製作工作坊、廚藝表演及品嘗美酒等。 由澳門威尼斯人度假村酒店主辦的威尼斯文化節昨日在酒店大運河購物中心舉行開幕式。意大利商務專員公署專員鮑朗思、威尼托大區農業旅遊部處長華特·布朗奴及威尼斯人度假村酒店旅遊市場發展高級副總裁何陳美虹等出席。 鮑朗思表示,現時約有三百家意大利公司在港澳從事經貿業務,澳門雖然地方較小,但隨着近年的發展,出現了大量的商機,相關公司已逐漸增加在澳門的投資。澳門給了遊客很好的威尼斯風情體驗,隨着威尼斯國際機場的擴建,為航運提供便利,可促進兩地遊客的往來。 布朗奴表示,威尼斯人酒店將威尼斯享負盛名的最出名特色帶來澳門,他期望透過由此帶動遊客欲一睹眞正威尼斯的願望,到威尼斯親身體驗著名的建築物、橋樑和運河。 澳門金沙娛樂場及澳門威尼斯人度假村酒店總裁馬文邦在新聞稿中稱,澳門威尼斯人的設計建築概念:華麗的建築美學、浪漫運河上的貢多拉、唱着意大利情歌的貢多拉船伕、西洋藝術名作等,可讓遊客感受舉世聞名的浪漫水鄕神韻。 文化節期間,遊客可以親身體驗威尼斯文化的精髓,包括藝術玻璃工藝的創作、貢多拉船的製作過程,以及令人心動的威尼斯美酒和佳餚等。遊客亦可與街頭藝術表演者同樂,或欣賞駐場意大利歌舞表演。 活動由中午開始至傍晩時分,日期由今日起至十月七日,十月十二日至十四日,十月十九至廿一日。文化節舉行期間設有抽奬活動,遊客有機會贏取豐富奬品。 (轉載澳門日報)

三輪車宜駐澳氹舊城區,讓企業承包業務

0
有學者表示,澳門社會不斷發展,交通壓力越來越大,加上三輪車停泊空間有限,難像以往那樣“穿街過巷”,發揮代步功能。長遠而言,希望當局大力支持三輪車可以持續營運,提出良策以求發展。 可考慮安排三輪車進駐澳門及氹仔的舊城區,專責運載遊客暢遊其中,更好感受小城風貌。倘三輪車行走舊城區之間,可直接帶旺區內經濟,並切實解決該項特色交通工具的運作與生存問題。 儘管近年旅澳遊客多選搭賭場公司的“發財車”代步,致令存在已久的三輪車行業日漸式微,營運方面困難重重。有學者說,三輪車可謂與小城“共成長”,見證社會的發展與變遷。縱觀如今交通壓力大,三輪車不太適宜行走於主要幹道。且現今的三輪車伕常聚於葡京及出入境碼頭候客,欠缺理想的泊車空間,經營存局限,嚴重影響生計。   政策扶持統一管理 旣然三輪車總不如的士或巴士具有一定的承載功能,為更好地保留這種特色交通工具,有必要得到當局的大力支持。澳門作為國際知名的旅遊城市,倘當局有決心、有計劃地保留三輪車,可使其不至於被“自然淘汰”,及時統一管理,還原三輪車原有的特色,以實際行動、切實的政策扶助三輪車業再發展。   澳氹選點作泊車區 在選點候車方面,學者認為三輪車有條件行走澳門及氹仔的舊城區之間,當局可覓地點在澳門及氹仔適當位置建立三輪車停泊點。在遊走澳門舊城區方面,可考慮在福隆新街一帶選取泊車點,讓途經該處的遊人有機會選搭三輪車暢遊。 當局同時可還原區內的文化特色,復原一些舊店舖門面,沿街並設本土特色美食區,讓遊人品嘗地道美食,定將使遊客流連忘返。倘安排三輪車遊走於世遺景區,不太適當,因部分景點路面難走,人流亦多,易生意外。 安排三輪車進駐氹仔嘉模市集一帶,可在區內選點設置三輪車泊車區,讓遊客購買手信後,選搭三輪車到舊城區內遊覽,但前提是必先確立行走路線。   可兼走南西灣路線 另有學者指出,三輪車具有濃厚的本土城市文化特色,應予保留,當局的決策與保留意識有重要作用。讓這批三輪車得以正常營運,擬定固定的行走路線,顯然重要,一切更應以安全為本。不少遊客多選搭賭場車出入,三輪車祇能退居其次,偶爾才有專為感受小城文化風情的搭客。 故此,三輪車除有計劃安排到澳門及氹仔的舊城區營運外,或可考慮兼走西灣、南灣的路線,載客沿途飽覽海岸一帶的風光,但相關的停泊站宜設多個,以應所需。   豐富澳門旅遊內涵 目前,三輪車遊覽並沒有固定路線,故不時會在新口岸及新馬路等交通繁忙要點看到三輪車行走。旅遊業議會理事長胡景光表示,三輪車是澳門的特色旅遊資源,與澳門小島風情相投,豐富澳門旅遊內涵,當然有其存在價値。倘能盡善發揮,引客力更不可小覷。 不過,目前三輪車遊覽澳門旣無固定路線,行走於繁忙路段,易生意外。他認為相關業務倘能“綑綁”由私人企業承包,將更有利發展。 胡景光建議,如香港的人力車,全數集中於天星碼頭,讓旅客可拍照留念,一來原有的自營車夫飯碗可保,由商業機構整體經營,則有利發展。亦可規劃行走路線,讓三輪車遊走於澳門安全地帶,讓旅客更有信心。   易於外地推廣宣傳 澳門靑年國際旅遊有限公司董事長張志民亦指出,由企業承包三輪車業務可配合旅遊業發展,更易於在外地推廣宣傳。比方說,在外地的澳門旅遊推廣攤位,附設三輪車遊覽推廣小冊子,負責收費及安排旅客乘坐等。 相反,車夫自營卻不能收此效。與此同時,車夫受僱企業公司,每天收入可更穩定。 張志民表示,即如目前,澳門的道路交通環境已不如以往,如新口岸及新馬路車多繁忙,所以最好可以規劃出路線,如劃定三輪車行走在西環湖畔至媽閣一邊,沿路一帶環境與三輪車的特式韻味相配合,別具一格,且此路線行走亦相對安全,給旅客信心。

澳門人全球第二長壽

0
外地傳媒引述美國中央情報局各國各地區概況資料顯示,在全球人均壽命排行榜中,澳門人均壽命八十二點二七歲位居第二位。排首位的是安道爾,人均壽命八十三點五二歲;日本第三,人均壽命為八十二點○二歲。 報道稱,排第四的是歐洲小國聖馬力諾,新加坡和香港緊隨其後。新加坡排第五位,人均壽命為八十一點八歲;香港排第六位,人均壽命為八十一點六八歲;美國第四十五位,人均壽命為七十八歲; 臺灣第五十一位,人均壽命為七十七點五六歲;中國內地第一百○三位,人均壽命七十二點八八歲。全球中居民最短命的是斯威士蘭,人均壽命只得卅二點二三歲,這跟愛滋病人數衆多有關。 美國中情局於○五年的全球人均預期壽命報吿曾指出,○五年澳門人均壽命八十二點一二歲,位居全球第二。 (轉載自澳門日報)

澳門的3D網上地圖

0
大家是否習慣在網上查詢地圖呢?近日發現了一個好好的地圖,而且它有不同的地區,但我發現有澳門的全境地圖! 為什麼我要介紹,它有什麼特別呢?對,它就是特別在3D。沒錯,它是3D地圖,而且像真度好高,而且好美的地圖!絕對比Google的還要美,而且比Google的還要新(大家都知道澳門近年景觀及面積變化好大)   不信呀?大家來看看下面的取擷圖啦~~ 看一看啦~~認出這裡是那兒吧!這就是新葡京、英皇酒店、永利酒店區域 這就是金沙賭場、漁人碼頭一帶呀~~那上遊艇還是動態的,隨時進進出出的!好像在玩Simcity(模擬城市)一樣的感覺! 這裡就是好似香港赤蠟角機場的澳門關閘及北區一帶呀~~ 是不是好精彩呢?其實這個網上地圖是中原地圖 跟 都市圈一起製作而成的!現在除了澳門,還有上海及多個內地的城市,但香港暫時沒有~~ 而且它的還有實際照片及該建築物的資料!道路亦有中葡兩語(only in macau map)。 還等什麼呢?還不快去看看~~http://macau.o.cn/?locale=zh_tw   文/圖:阿乃 本 著作 係採用 創用 CC 姓名標示-非商業性-禁止改作 3.0 授權條款授權.

036 澳門人講飲講食:富仕葡式美食 (澳葡菜)

0
036 澳門人講飲講食:富仕葡式美食 (澳葡菜) 今天跟大家介紹一間歷史悠久,位於舊區的好店,它就是富仕葡國餐啦!它正確的位置在雀仔園內,店內只有7張檯,所以大家每次去食飯一定要早一點打電話去訂座呀!因為它每到晚飯時間,必定滿座! 我曾經因為沒有訂座,在門口等了足足1小時30分才有位置給我們吃!結果那次我地9點才吃晚餐呀~~(不過是美食就值得啦!)地址: (澳門雀仔園內)羅憲新街16號 電話: 28353797 大家先看看我的介紹餐點: 首先就是每檯必點,超高人氣的 "忌廉薯茸焗馬介休",這個是我的最愛,每次點這個,大家都會一點不漏的吃完,完全不浪費的!價錢是MOP $65。我的評分: 第二就是 "葡式燒雞釀飯",這個也不是處處都有得食呀!不過我平時去余榮記吃,因為余榮記比較好食!so,我會建議大家去富仕吃 "海鮮飯" ,雞釀飯就去余榮記吃!我的評分: 第三,這是都很不錯呀!是 "西班牙吉列雞扒",酸酸甜甜都ok呀!其實我不太喜歡酸甜的東西,但這個我覺得不錯呀!脆脆的口感,但不會乾乾的感覺!價格Mop$70~我的評分: 這個就比較一般,就是葡式燒牛肋骨!味道不錯,但比較韌了一點!我的評分: 這個葡式焗雜菜,我覺得好好吃!因為它的汁液調得比較好!好香椰子汁跟葡汁的味!價格Mop$54我的評分: 我們當天就是坐在樓上的!而且那座樓梯很斜,所以我好驚呀~~我最怕滾下去囉!它每一階的空間好少,不足夠我一隻腳的大小,所以我更怕! 總結評價:90分食物品質---食物種類---食物價格---食店環境---交通便利---服務品質--- 文:阿乃攝:阿乃 本 著作 係採用 創用 CC 姓名標示-非商業性-禁止改作 3.0 授權條款授權.

035 澳門人講飲講食:C.C.Cafe 偲偲咖啡 (特色cafe)

0
035 澳門人講飲講食:C.C.Cafe 偲偲咖啡 (特色cafe) 5‧19那天,我約了一齊去台灣的朋友出來午飯,而目的是向他們派發我製作了成個幾月的台灣之行紀念光碟。而另一目的就是去試一間新開的食店! 食店名稱: C.C.Cafe 偲偲咖啡地點:澳門白馬行信達城 3樓 創意露天區每餐價格:約mop$50~70   呢張係佢地溫室屋內的sofa,好舒服ga!因為我地都係坐呢d!仲有虎紋cushion tim~~好wild呀! 我地果檯有朵花tim~~好爆笑呀!圖中的就是我部PMP,播放黎d 短片比各同行者觀賞~~看看效果! 係時候介紹下d野食野飲先!我點的餐:咖哩牛肉飯套餐 (mop$50 包飲品一杯)  食物評價:評語:好香咖哩味,牛肉係肥牛,好多肉,飯ok夠食,食完成個飯d餸都未食完! 我跟的飲品:紅蘋果梳打 (特色飲品需+半價配餐,so只需mop$12) 食物評價:評語:飲到尾的時候好多榨囉!味道清甜,淡淡蘋果味,應該冇溝水! 朋友D & J 點的餐:菠菜三文魚蟹子意粉 (mop$52 包一杯飲品)食物評價: 朋友D的飲品:熱泡沬咖啡 (特色飲品需+半價配餐,so只需mop$18)食物評價: 朋友I & M 的餐:日式滑蛋雞扒伴軟腳蟹飯套餐 (mop$55)食物評價: 朋友I 的飲品:意大利雪糕咖啡 (特色飲品需+半價配餐,so只需mop$18)食物評價:店內的環境~~ 有分露天區與室內區ga!我地知果日唔多好天,梗係一早入左室內啦~~ 與對面的舊式建築相映成趣呀! 特色套餐餐牌呀!都ok抵ga~~唔平唔貴,但食物水準好好囉~~ 它的餐牌:(大家可以參考一下它的價錢!) 總結評價:90分食物品質---食物種類---食物價格---食店環境---交通便利---服務品質--- 文:阿乃攝:阿乃 本 著作 係採用 創用 CC 姓名標示-非商業性-禁止改作 3.0 授權條款授權.

034 澳門人講飲講食:葡京不夜天 (自助餐)

0
034 澳門人講飲講食:葡京不夜天(自助餐) 話說有一天友人突然興致勃勃地說要去食buffet,咁我就推介去葡京不夜天!其實我已經去過2次,我覺得佢d野食水準好好!而且好多我都arm食(因為我唔食生野,又唔好海鮮)~而佢地又未去過,咁就去啦! 葡京不夜天係 舊葡京,不是新葡京呀!(新葡京果個係自助山)不夜天 需要預早訂位,如果唔係到時一定係冇位ga!價錢:$128 (需另加服務費10%) = mop$140食物:以中式點心為賣點,再有日式魚生壽司、意大利粉面、中式湯粉面、中葡式熱盤、沙津吧、甜品吧、中西式養生湯及糖水、西式甜品吧、法國雪糕專櫃及朱古力噴泉   絕對不俗,環境食物都好唔錯!食物種類:食物品質:店內環境:服務品質:價格:      這就是我地坐的區域,係禁煙區呀!(而家澳門好少食肆係有禁煙區ga!我好羨慕香港呀!)每人包一杯免費的飲品,而其他的就是任食!星期一至日同價~~晚自助餐時間是由6:30至晚上11:00為止!食足4個半鐘! 我勁like食佢d中式點心,因為我好like點心,尤其蝦餃燒賣!(已經成日比人話係阿伯ga啦~~)下圖係中式點心--鳳尾蝦! 呢個就係葡京不夜天招牌,皮薄餡靚既 金箔蝦餃!(1籠3粒)仲有係蟹子鮮蝦燒賣!(1籠4粒) 你睇下我地幾誇張,個個都係一幢幢蒸籠ga!我一口氣食左5籠蝦餃、1籠燒賣、1籠煎餃,仲有好多甜品呀、乳豬、鮑魚、熱盤、壽司、法國雪糕、仲有鱷魚川貝湯等!我計過,葡京一籠金箔蝦餃要12蚊,我已經賺左,絕對食多過148蚊~~haha~~ 簡直食點心食到唔要命咁呀!個個都一幢蒸籠,係何其壯觀呀! 其實仲有好多野食,不過真係掛住食,冇影好多相畀大家睇!而且食物bar果邊唔畀映相,如果唔係就可以比大家睇睇果個點心吧係幾勁!又勁多人要蝦餃既實況~~ 文:阿乃攝:阿乃 本 著作 係採用 創用 CC 姓名標示-非商業性-禁止改作 3.0 授權條款授權.

033 澳門人講飲講食:一樓火鍋

0
033 澳門人講飲講食:一樓火鍋 呢間店近數月都冇去,原因係太熱啦!而呢輯相係本年2,3月最後一次去的時候影ga!到而家先post出來,真係唔好意思!你地都知啦~~我之前又要趕韓國之旅,而家又要寫台灣之旅,乜野太多時間去寫澳門的美食!真係對唔住一直棒場 "澳門人講澳門" 的blog友們!不過放心,近期會一次過介紹數間食店,繼續帶大家係澳門捐窿捐隙去找好食野~~   今集的食店,係位於taipa駿景酒店後面,CCC旅遊博彩培訓中心的斜對面!(我都唔知叫邊街!)名叫 "一樓美食 / 一樓火鍋"佢出名的是任食火鍋,每位mop$50,酒水另計,限時2小時。 看看我地叫到成檯野呀!佢係只點心紙剔食物的方式選叫,如果食唔哂or只想一試是什麼東西,你可寫半份!下圖就有我最愛的肥羊!(最近鏡頭的!)仲有好多野食,如金錢肚、魚皮餃、龍蝦燒賣、蟹子魚蛋、芝士腸、肥牛、菜、脆魚鯇、新加坡魚丸......太多,多到數唔哂呀! 呢個係佢幅牆!好好笑ga,零零舍舍有d中國feel既野掛係牆度做裝飾囉! 呢幅係等食前的相片,圖中果壺係我最like既無花果蜜!(唔係啤酒呀!)一jar 才mop$28,算ok ga啦!好過一罐可樂要mop$10蚊先啦! 點菜紙,以及兩杯無花果蜜呀! 基本上加埋無花果蜜的價錢,每位約mop$70左右 (因為我地唔只叫1jar,有時會叫成3jar ga!) 人氣度:   食物品質:服務品質:環境舒適:交通方便:價格:        大家去之前,係一定要早一日or幾日打電話book位 ga!否則一定冇位呀!佢個電話呢?我唔記得左!如果有blog知,唔該話返比我聽~~thanks~ 文:阿乃攝:阿乃  本 著作 係採用 創用 CC 姓名標示-非商業性-禁止改作 3.0 授權條款授權.

032 澳門人講飲講食:Cafe de E.U.

0
032 澳門人講飲講食:Cafe de E.U. hello~~各位好!澳門人講飲講食都好耐冇同大家見面啦!原因係早前忙著工作,忙著韓國的遊記,以及忙著台灣旅遊的短片製作呀! 現在終於有d點時間post返d 澳門食肆出來啦!今次為大家介紹既係一間我幾鍾意既cafe shop!   我地台灣之旅既旅後分享都係呢間cafe度進行ga! 它位於澳門半島雅廉訪區雅廉訪大馬路前段(石獅子正對面),名叫"Cafe de E.U."主要是日式及歐式甜品、餐飲為主,以歐洲古典式佈局,感覺非常好,又有大大張紅色絨質sofa坐!它分地下及1樓兩層,樓下非吸煙區,樓上吸煙區!而樓上亦設有圖書角,包含各類書籍供客人免費閱讀! 而我呢去過都差唔多10次左右,我好鍾意佢個環境呀~~又舒服又寧靜!大家先來看看! 大大水晶燈一盞! 由於地下常常冇位(因為只有3張檯,其中一張係大sofa,可坐8人ga!),so只可揀2樓,不過儘量遠離d煙民囉!圖中所見就是圖書角啦~~有好多書ga!我地最鍾意係下午茶時間來這裡,三五知己來hea下,有時傾下大家近況,有時幫朋友占卜,有時來開會,因為我地貪佢好feel又寧,唔會畀人滋擾!仲可以睇下書tim~~不錯! 這是1樓的我們常坐的位置! 這是上1樓的樓梯!是否好歐洲韻味呢~~ 講左咁耐環境!都係時候講下食物及價錢方面啦!其實呢間鋪係食裝修同個feel ga!so價格會略貴,但平過starbucks少少!那大家心中應該有個價!(可能大家係星期六、日會見到我同d friends係度都唔出奇ga!) 檸檬梳打 mop$35 沖繩橘子梳打 mop$35 各式三文治/多士 mop$38-45 它也會有套餐提供! (價格update @ 2007.5.13)因為需要mop$50,就有6款飯/意粉,如再加一杯凍飲需加$15,或加一壺花茶需要$10!所以我地而家好多時都係叫set囉! 總體指數參考:室內環境 服務態度 食物質素 食物種類 交通便利 價格          佢既營業時間係星期一至四、日中午才開門,晚上8點close。而星期五、六就早少少開門,晚上10:30才close。如唔係好清楚,到時你可以去到問老闆or老闆娘!它們前面仲有一間時裝店ga!都係佢地經營的,不過只是女裝! 文:阿乃攝:阿乃

議事亭的俯瞰

0
有一天於中區的柏寧停車場泊好車之後,影低左議事亭的風情! 拍攝位置:柏寧停車場6樓   拍攝的景: (左邊)a. 新馬路的新中央酒店及部分議事亭! (中間) b.議事亭、大炮台等位置!(盡顯小城特色) (右邊) c.議事亭、郵政局及水坑尾 這幾年,小城的變化迅速,相信不久的將來,小城不再,賭城堀起!物價騰飛,中產沒落!貧富懸殊,商家富強!人情味減,冷漠感增!知識低迷,社會斷層!這就是澳門現今的情況,繁榮背後,非想像中的好!(我想每一個澳門土生土長的人都不希望上述的事發生!好想保護固有的,但奈何城市需不斷向前走,就要犧牲一部分,以作出改變更替!) 文:阿乃攝:阿乃

澳門人的推介:特色面食、早餐宵夜、下午茶篇

0
上一篇得到大家熱烈的回應,希望真的幫到大家啦!下次來澳門記住試下去d我介紹,但你又未去過的地方呀!地點唔知可以回應問我,我會答你,因為篇內字數限制,唔可以打哂所以地址出來,只有你地有興趣知道就問地址!我及其他澳門blog友都答到你地ga!' 另外就係記住看看回覆的留言,可能已經有你想問的答案在啦! 今篇就係講粥、粉、面、咖啡簡餐為主,適合各位於早餐、下午茶及宵夜時間肚餓去醫肚既地方!亦同上一篇一樣,其實澳門有好多有特色既食店,但也不能盡錄,不竟我都未食哂全澳門丫嘛! 推介表列:河漢記、雅馨(雅香)、寶記 - 緬甸面食(如魚湯粉、雞絲撈面、椰汁雞面……)東京小食館 - 緬甸面食(如豬腦面、雞絲撈生面……)園林 - 豬扒粉絲湄南河 - 越南什扒飯華記 - 牛腩河粉、雲吞面、魚蛋河粉黃枝記(老鋪) - 雲吞面一哥、銀禧 - 粥品、腸粉、面食樁記 - 粥品、腸粉、鮑汁糯米雞盛記(勁平既早餐之選) - 粥品、糕品、特色豆腐花 西灣安記 - 炸豬扒包、煎豬扒包、豬扒干撈意葉熾記、大利 - 炭燒豬扒包瑪嘉烈、安德魯 - 葡撻、中東包、檸檬水生利 - 炸魚片、煎魚片、牛腩面、豬扒包朱古力咖啡、*上品咖啡、檀香山咖啡、澳門咖啡、Cafe de Eu - 特色咖啡館金隆 - 招牌過橋米線、魷魚鬚、玫瑰水 *:表示我已經係 "澳門人講澳門" 介紹過,大家可以去分類 "澳門人講澳門" 內找尋一下 編/攝:阿乃

澳門人的推介:搵食篇(找食篇) update@2009/8/30

0
承上兩篇之後,點可以唔介紹餐廳比大家呢!今次就介紹晚餐既餐廳比大家,希望大家可以除了食小食之外,仲有可以坐得舒舒服服,以及品嘗各國美食!絕對不比香港差的,當然梗係比香港平tim啦!    如果各位澳門朋友都有推介的話,我都會將其資料放入這幾篇內,而且會不斷更新!希望各位來澳門玩得放,食得爽啦!   推介表列:(Update 2009/08/30)#葡萄園(皇朝)、#Antonio、#諾曼第(氹仔舊城區入口) - 葡國菜#美心亨利(西灣)、#咖喱屋(西灣)、#富仕葡國餐(雀仔園) - 澳葡菜#路素餐廳(氹仔官也街內巷) - 葡式住家菜#荷里活餐廳(高士德)、#勝利茶餐廳(新馬路大豐) - 扒房#比薩薄餅店(噴水池/萬里長城)、#經典意大利(皇朝)、Otto(皇朝) - 意大利菜拉丁區(皇朝)、新葡京酒店內法國餐館 - 法國菜Tacos(皇朝) - 墨西哥菜#上海(長城/喬江/皇朝)菜館 - 上海菜首爾韓國餐館(皇朝金龍)、宮(皇朝大豐)、#漢城(氹仔舊城區入口) - 韓國菜余榮記(高士德/氹仔)、長城燒烤(萬里長城/皇朝) - 澳葡菜及燒烤餐茶餐廳星越館(皇朝) - 星馬菜忙裡偷閒(高士德)、饕(雀仔園) - 特色小火鍋、特色小食及飲品台北小泉居(各區)、藍山咖啡(皇朝)、Ms.Honey - 台式餐飲和花亭(新馬路/漁人碼頭)、千色手打拉面店(連勝馬路)、幕府、水花田(氹仔)、鮪味亭、瀛 - 日本菜#札幌(黑沙環) - 日式火鍋#內港灣、#一樓美食、#東昇、#德興 - 火鍋新濠仔、師傅仔、康記、百里鮮、泰豐、金陶園、華軒/細龜 - 小炒暹羅小館、西貢越南美食、寶記、東京小食館、雅馨雅香、湄公河 - 越南緬甸菜牛記、黃枝記老店、連記、新榮記、鳳城珠記、西灣安記、皇冠小館 - 中式面食、茶餐廳泰皇泰國、志記、廚屋餐廳、朗朗泰式餐館 - 泰國菜園林米線、金隆雲南米線、美味佳...

031 澳門人講飲講食:荷里活餐廳 (西餐廳/扒類)

0
031 澳門人講飲講食:荷里活餐廳  (西餐廳/扒類)   除夕夜當晚我地去漁人碼頭做愚人之前,梗係要食晚飯先啦!而當時我地下午去了打保齡先,而L小姐的男友就6點9到了荷里活餐廳等位啦!(在此要特別多謝L小姐的男友,早d去等位,足足等左45分鐘呀!)拿了9號籌!我地去到時已經係7點半,但仍然未有位,等到8點先有位坐呀! 今次我介紹既呢間荷里活,係澳門好耐歷史ga啦!主打係牛扒、牛柳!價錢公道唔貴,但服務就唔係太好!(但我今次去,d服務態度都唔係好差o者!)(ps.因為我去過一d服務態度勁差既店!) 好啦~~唔講咁多!首先我有一行7人,有人叫了非洲雞!但我冇試食,唔知d味好唔好,但我見佢食哂,應該都ok掛! 而有2位就叫了紐西蘭西冷牛扒 (Mop$58)聞到個味都幾唔錯呀!而且都幾大塊,但厚度就係招牌公司牛柳的一半呀!好味指數: 而我&另外兩位,共3人就叫了佢既招牌 公司牛柳 (Mop$68),有薯條同蘿蔔伴碟,塊牛柳係好厚ga!而且又好林好多肉汁,味道亦都非常好!真係好招牌囉!抵死夾大件呀!好味指數: 另外一個菜色,我地有5個人叫既就係 酥皮魚翅鮑魚湯 (Mop$38)簡直係犀利呀!又翅又鮑魚,唔講唔知,真係有翅ga!不過鮑魚就唔多覺眼囉!真係好好味呀!個酥皮又好正,絕對係抵~~好味指數: 位於高士德雅廉訪區域的。係羅神父街 (雅廉訪馬路幸運閣斜對的直街),或是悅書房、菓風小鋪的對面。地址:羅神父街25號B營業時間:12:00pm -- 1:00am訂座電話:28565586 編:阿乃攝:N小姐、C先生

澳門人的推介:手信與小食篇

0
其實有好多香港及外地來澳門的朋友,他們的印象中就只有鉅記、大利豬扒包、大三巴等主要野!但其他澳門仲有好多好既美食品牌,以及每間店都有自己最出名的招牌,所以各位唔好再停留係 "鉅記黨"、"大利排長龍" 的階段啦! 我希望我貼呢幾篇澳門人的推介,可以讓各位有睇我blog的朋友,以後到澳門可以發掘更多好食孚玩的東西!亦希望大家會鍾意呢個新系列啦! 下面個表都唔似好完全,一定會漏左d ga啦!有d係老字號鋪頭,好多澳門人自己都會常去ga!ps.我冇幫任何店賣廣告,只係希望大家真係食到買到每店的招牌,而唔好盲目跟隨而已!到時大家可以印出來,來澳門時逐間對住就唔會錯! 手信(正宗)小食:鉅記 - 炭燒杏仁餅、有餡鳳凰卷、紫菜xx捲大三巴 - 杏仁餅咀香園 - 蛋卷、鳳凰卷、杏仁餅香記 - 肉乾檸檬王 - 檸檬薑、檸檬王百花魁 - 涼果樂宮餅店(葡京) - 曲奇餅御品堂 - 炭燒棋子餅車厘哥夫、老牌車厘哥夫 - 紐結糖晃記(氹仔) - 老婆餅、肉切穌三可餅家 - 雞蛋餅遠來餅家 - 光穌餅、中式禮餅(如皮蛋穌……)仁慈堂門口車仔 - 金錢餅沙度娜、九如坊 - 米糠布甸義順 - 雙皮奶、薑汁撞奶、木瓜牛奶杏香園 - 中西式甜品陳林記、恆友 - 魚蛋小食小上海...

030 澳門人講飲講食:古漪園 南翔小籠包 (上海菜)

0
030 澳門人講飲講食:古漪園 南翔小籠包  (上海菜) 今次介紹呢間食肆係上海既過江龍『古漪園』,位於澳門皇朝區巴黎街 (大豐銀行- 澳門航空總部果條街,舊Another鋪位)價格大約每位:mop$40-80   我地先講講環境,呢度既佈置都幾唔錯,而且好有中式古典feel,用既檯椅、窗花、門都係好中式,用上胡桃櫸木製造!而燈具就用上簡單時尚的設計,外露的天花頂,感覺有crossover之感! 食物方面,呢間最出名就係南翔小籠包,而南翔小籠包又分有蟹粉、豬肉等不同餡料! 而我地就叫左 蟹粉南翔小籠包、雞絲粉皮、穌炸小籠包、三鮮肉絲豆腐湯、上海菜飯、火腿津白!先講講雞絲粉皮,呢個係冷盤,落得太多麻油同九層塔,所以麻麻地。 (5為最高)蟹粉小籠包,最有水準,亦都係最好味! (5為最高)穌炸小籠包,就好似油浸咁,好肥! (5為最高) 再來就是火腿津白,將d火腿碎到一粒粒鉛筆碎咁!賣相唔錯,但好睇唔好食呢!半盤都係油浸菜,都幾恐佈ga!  (5為最高)呢個就係三鮮豆腐湯,雖然細細盤,但都好唔錯,d豆腐變成絲狀,好滑好味,只不過又有d九層塔係度!扣少少分先!(因為冇乜人鍾意食九層塔)  (5為最高) 呢個就係上海菜飯,個味就幾唔錯,但可惜,又係勁多油! (5為最高) 佢而家仲係試業中,而且d款式太少,連一d經典菜式 "上海粗炒"、"上海炒年糕"、"生煎包"、"煎餃"......都冇囉!而且d菜就細細碟,價值都唔平!所以如果你淨係食小籠包就好唔錯,另外再配個湯已經好好!如果唔係一定好失望!我下次食上海菜,都係去返 "上海xx菜館"、"飲食男x"好過,又比較平,而且又好食! 綜合評價:60分 (100為最高) 編/攝:阿乃

029 澳門人講飲講食:椿記粥品 (宵夜粥品)

0
029  澳門人講飲講食:椿記粥品 呢間野我好鍾意去食宵夜既!位於美副將大馬路(觀音堂果條街,觀音古廟對面),與姑娘街的夾角位!叫椿記~~招牌係藍色ga~~   佢都算係好味,我好多時都鍾意幫襯,夜晚通常都有位泊!價錢又適中~~我最鐘意食既就係 叉燒腸、艇仔粥+炸魚片!亦有時叫牛肉粥、炸面腸、炒面、豆漿咁啦! 另外佢有d好味推介,好多人叫ga~~算係招牌菜色!包括:xx蠔仔粥、水蟹粥、鮑魚汁糯米雞、海味羅蔔糕!而我覺得佢d叉燒腸、牛肉腸係好新鮮囉!絕對唔係翻叮! 住澳門的各位,未去過,下次可以試下!(上圖有價目表)放心,佢d粥好大碗ga~~ 黎玩既朋友,夜晚又多一個地方可以去食野呀!絕對係好推介! 美味指數: 編/攝:阿乃

028 澳門人講飲講食:內港灣火鍋

0
028 澳門人講飲講食:內港灣火鍋 呢間野開左都有2,3年,我亦去過無數次,但我發現原來一次都冇介紹比各位啦!其實佢係位於河邊新街 舊媽閣總站對面(亞洲汽水廠斜對面),名叫 "內港灣火鍋"!(橙+綠色招牌)~~   營業時間:6:00pm ~ 4:00am 佢出名既就係湯底多,價錢公道,食物種類多!我今日係同一班舊同事出來聚會食個晚飯,順便傾一傾d旅遊野! 我地今日好厲害呀!4個人食左好多野!我地揀左兩拼湯底,沙嗲湯底 + 椰子雞湯 (Mop$22), 而所點食物如下(以一碟計):肥牛片 x3美國肥牛 x2雪花肥牛 x1響螺片 x1墨魚滑 x1生菜 x1日式豆腐 x1鮮蝦雲吞 x1魚片餃 x1蘿蔔片 x1炸竹笙 x1蟹子包心丸 x1芋絲 x1豬肉丸 x1三文魚刺身 x1鮮榨蔗汁 x2枝可樂 x1枝 總數:Mop $470 (有九折,因為我耐唔耐幫襯ga!) 4個人100左右,抵呀!分數:8.5分備註:每次去之前需要訂位,否則好難有位ga! 下次大家可以去食呀!絕對係好介紹,d肥牛、肥羊比小肥羊更好,又唔駛排隊等位,又唔係好熱,通風都ok~~ (用手機影所以質素唔好,又手震!)編/攝:阿乃

027 澳門人講飲講食:Checkers格子咖啡[已歇業]

0
027 澳門人講飲講食:Checkers格子咖啡 (潮格咖啡廳) 今次為大家介紹係一間位於皇朝區的型格咖啡廳,看見店門好有特色呀!好多時經過都以為係好貴ga!   你看看店內的餐紙,有經過精心設計ga~~仲有個好kawaii既咖啡杯公仔~~ 看看店內的陳設,都好有特色ga,有分為梳化軟座,以及普通硬坐兩類!而檯數不多,檯與檯之間都有足夠的空間,柔和的燈光,又有水族箱~~ 一入到來,我最喜愛的就係呢幅牆,好有層次感,下放了一個個蠟燭,應該係夜晚會點著佢ga! 看看店內的吧台及其他位置,洋溢著濃厚的藝術氣息,不論是燈光、配色、格調,以至牆壁、藝術作品及珠簾的擺放,都顯出一番心思呀!店內的陳設裝潢:9分 究竟格子咖啡係邊?點樣去?看看下圖吧!連營業時間都有呀! 大家又來看看Set lunch,都唔係好貴咋!係皇朝區算係平ga啦! 又貼那一幅牆的相片~~haha 下圖呢個係一個下午菜set來的,26元,有多款選擇,而我地其中一個friends就揀左西多士配冰綠茶呀!賣相都幾唔錯ge!味道佢話同出面既差不多,不過就林d,冇咁脆囉! 呢杯就係我叫既  Iced Mochachiro(冰摩卡其諾咖啡),價值mop$26,咖啡味濃,而且忌廉恰到好處,帶出甜味,亦略有少咖啡苦味囉!綜合來說都有:8分 再來看看我地叫左d乜?看看下圖,我地叫左 "焗蜜麥厚多士" 、 "巨型雞扒三文治",都唔係好貴,而且唔係度度有得食,所以就叫左啦! 登~~登~~登~~登~~呢個就係 "焗蜜麥厚多士" ,好重楓蜜蜜糖味,又好鬆軟既面包,只不過個包皮有d燒焦左,總括來說都唔錯,只不過d楓糖未能滲入底部,導致上面太甜(因為我唔鍾意食太甜),下面冇乜味囉!另外,其實個包皮係好味個包心,因為包皮脆脆地,又甜甜地,且唔會太甜,arm arm好!所以 "焗蜜麥厚多士" 既分數係:8.1分 (因為個包皮令人驚喜,所以比多0.2分佢) 之後就到呢個 "巨型雞扒三文治" 啦!我好欣賞呢個,因為除了雞扒,仲加有腿蛋,變成2層,好似公司三文治咁!另外,佢d雞扒係用香葉醃ga,所以同出面d雞扒好唔同,非常美味~~所以總分分數有:8.2分 之後大家都飲飽食醉,執一執檯,阿乃大師又要開壇為各位善信占卜啦!呢間既格調好好,非常適合占卜!我係玩石頭占卜,大家都話準,如果唔係d善信就唔會越來越多,而且有好多占卜,冇幾耐又要找我再占其他問題啦~~haha (UPDATE AT 2007-09-25:現在他們推出了多款套餐,每款都是29元澳門幣,有湯、沙拉、主菜、麵包、飲品呀!非常捧的哦!) 編/攝:阿乃

026 澳門人講飲講食:小上海鍋貼

0
026 澳門人講飲講食:小上海鍋貼 這家店對每個澳門人來說並不陌生,亦可以說幾乎每個澳門人都幫襯過ga啦!位於賣草地外賣小泉居隔離既巷仔內,以傳統方法製作的鍋貼、生煎包!   其實唔係間間上海菜有生煎包賣ga!而且這間店,每次都有大批人係度等新鮮既生煎包、鍋貼、煎餃子出爐,佢仲要係o係你面前煎,保證係最新鮮~~ 以前自由行未開放既時候,澳門都唔算繁榮既年代,我地已經要排長龍買佢既上海食品,而家可能係更誇張tim呀! 講返先,佢每個賣的價錢由 1蚊至2蚊澳門幣不等,超級平平平~~好多時d人都一買就十幾,廿幾隻咁買ga!所以有時你排到好前,都未必有你份,可能都要等下一輪出爐呀! 佢最出名既都係得三樣野,包括:鍋貼、煎餃子、生煎包 好味程度達:8.8分ga~~ 希望下次再次來澳門,又多一個小食店,可以買野食啦!雖然我都知,好多雜誌、書藉都介紹過,但在此我都要再介紹好一次,因為我成日都食ga~~真係好唔錯,又平既上海小食呀! 編/攝:阿乃

025 澳門人講飲講食:禮記鮮果(果汁撈)

0
025 澳門人講飲講食:禮記鮮果(果汁撈) 我今次講既唔係荷蘭園既 禮記雪糕,係另外一間完全不相關的店,叫 "禮記鮮果",呢間店以前係o係現在賣草地的Bossini位置,因為當時要拆,以及重新裝修而被迫結業了! 當時係2005年左右,自由行都已經開放,禮記鮮果的生意滔滔,人流不斷,但好可惜被迫結業!但昨天經過賣草地,發現它終於找到鋪位,並重新出發,再度開張,而且店舖被以前更加清潔,更加燈火通明,仲有就係跟以前的位置只有數步之隔!   講左咁耐,大家都可以唔知係邊,其實就係各位由議事亭上大三巴的必經之路!入草堆街就要係議事亭既bodyshop往左上三大巴這一路後,此路後有台北小泉居外賣部、Roxy新開的專門店、裕興隆廣場、新Bossini、CK underwear專門店、大聲公涼茶、女媧廟等! 而 "新既禮記鮮果" 鋪位就係昔日紅豆餅果個位度!看看下圖~~ 以後經過,大家就可以繼續賣生果撈來食啦!係最出名既有三款生果撈,分別是:1. 芒果汁生果撈  (9分)2. 蜜瓜汁生果撈  (8.8分)3. 西瓜汁生果撈  (7分)分數純粹個人喜好! 它的特別就是生果勁多,果汁比其他店舖較少,咁先抵食,一杯已經好飽,每杯都係十幾廿蚊之嘛!(我唔知而家重開有冇貴到呀!但一定就係因應唔同的果汁底,會有唔同的價錢!) 另外,如果你唔想食杯中某類生果,仲可以一早同佢講,佢會幫你換其他生果!例如我唔食木瓜同火龍果,佢就會幫我換成蘋果 & 楊桃,非常好人呀!價錢不變~~hehe 以後大家係附近就可以買一杯來食,之後去我之前介紹過的大堂巷食魚蛋,又或者去國華食雞蛋仔、夾餅都得! 編/攝:阿乃

024 澳門人講飲講食:好麵膳(麵食茶餐廳類)[已歇業]

0
024 澳門人講飲講食:好麵膳(麵食茶餐廳類) 今次同大家介紹的是一間平時久唔久都會去食既麵食館,佢個名好得意ga,叫做 "好麵膳"。   大家可以乘搭任何一輛途經水坑尾M記巴士站 / 對面水坑尾公共行政大樓巴士站 的巴士,於該站下車,沿馬利奧斜巷上就是了!步行約1分鐘內~~(由於水坑尾係大站,所以好多車都到ga!) 呢間好麵膳,我最鍾意食係既潮州白魚蛋 以及 豬頸肉,所以今次就食了潮州白魚蛋豬頸肉湯面(mop$19),由於今日冇套餐,所以要散叫,就貴左少少囉! 看下圖就是我碗麵既樣子啦! 有時佢d豬頸肉好林,有時就好韌囉!不過算係好唔錯,因為佢好多ga~~係個麵煮得arm arm好,而且唔會韌,亦唔會太林囉~ 不過佢位既就唔係好多,得7張檯,又係一到中午食飯時間就多數都冇位!星期六、日都係一檯剛走,又立即又有人坐ga啦! 如果大家食得特色野太多,呢間算唔錯既選擇,仲有係正中區,有時大家買野買到累都可以去試試!而且佢d野凍飲係 mop$8.5 - 10,熱飲都係 mop$5-7,勁抵啦~~仲要好大杯,又唔多冰,絕對唔扼你囉! 我成日介紹d澳門食店,梗係激死alvin、keith同阿當佢地~~因為我近期介紹既,都冇帶佢地去食過!haha~~(其實你地都食唔切咁多野啦~~得30個鐘~~係咪?) 編/攝:阿乃
- Advertisement -
Macao
中雨
26.1 ° C
30.4 °
24.9 °
78 %
1kmh
40 %
週四
26 °
週五
26 °
週六
26 °
週日
26 °
週一
26 °

社交網絡

12,638粉絲Like
1,228追隨者Follow
21,896追隨者Follow
2,763追隨者Follow
48追隨者Follow
3,926用戶訂閱

最人氣文章