日本的交通網路非常發達，往返東京及成田國際空港的交通工具也很齊備。
a.的士
我想應該冇人會揀的士咁奢侈掛，一程已經等於一套來回機票的價格。
激安遊日一族當然唔會揀啦！
b. 巴士
Airport Limousine ( www.limousinebus.co.jp )
同其他大城市一樣，除鐵路外，來往機場與市內亦可選擇機場巴士(Airport Limousine)。好處是大部分港澳人常住在池袋太陽城太子酒店、東京新橋第一酒店，一落車就可以直入酒店，機場人員仲會同你搬埋行李上車。
除了酒店門前，迪士尼樂園都會，新宿西口京王百貨門外亦有巴士站，如住新宿太子或Vintage Hotel一帶的酒店就可以在此站下車。
但車資略貴，往新宿一程為3000 yen，放且有塞車等問題存在。但Limousine的班次每小時有一至六班車，唔塞車的話都只需85分鐘左右，但如果選Limousine的話，你都係預早兩小時比較好！
c. 鐵路列車1—-JR列車
成田機場特快(Narita Express) ( www.jreast.co.jp/nex ) 紅櫃檯
唔夠時間就搭佢啦，來往機場的交通，最貴就是佢啦，但又最快。每個班次的Express所停車站都唔同，包括東京、品川、澀谷、新宿、池袋、橫濱……其中東京、新宿班次都比較固定，約一小時有一班，而繁忙時會加開班次。
由成田至東京只需1小時，新宿約1小時20分鐘，池袋約1小時30分鐘，好處就是不用擔心塞車問題，舒舒服服都機場/酒店。不過下車後的上落月台都幾係野ga。
而Express屬於JR東日本鐵路，所以有JR Rail Pass 或 JR East Pass都可以免費坐。
池袋、新宿、品川 需 3110 yen
東京 需 2940 yen
橫濱 需 4180 yen
成田エアポ一ト(成田機場快速)
JR東日本除了為外國遊客的Express，還有平一點的選擇：總武線快速列車，終站是成田機場<->久里濱，中途站是橫須賀、逗子和東京。來往東京至成田需個半鐘，車費為1280 yen，這為日本人而設，網頁內冇特別提到。
d.鐵路列車2—-私營京成線列車
スカイラナ一(Skyliner) ( www.keisei.co.jp ) 藍櫃檯
比Express慢少少，但價錢平好多。它是私營的京成線特快專車來回成田機場。
主要在上野、日暮里往來成田機場，車費只需1920 yen。
往上野需1小時，日暮里需51分鐘。
如住池袋、新宿區的可在日暮里站轉JR山手線。轉此後需補 190 yen。
如行李太多就要考慮啦，要上落月台共四次。班次約20-40分鐘一班。
京成本線特急 ( www.keisei.co.jp ) 藍櫃檯|與skyliner同一檯檯
它也可以到達成田機場，來往上野之間需1小時25分，比Skyliner慢15分鐘左右，但車費只需1000 yen，咁多種交通工具最平的。京成本線特急車身紅藍間(圖片的)。
要往池袋、新宿區與skyliner一樣要在日暮里轉山手線。
————————————————————————————————————————————–
而我自己當時就揀左 山手線 + 京成skyliner 的組合，2000yen左右。
我住池袋Jr北口東橫INN，上落車站月台真係幾吃力下，我買得比較少野就冇所謂，所其他朋友就……
希望以上激安資訊可以幫到各自助遊人士揀選自己的激安組合啦！
文：阿乃
