fbpx
21.7 C
Macao
星期二, 19 3 月, 2024

阿聯酋航空 與 加拿大航空 成為戰略合作夥伴

0
【鐵鳥情報】阿聯酋航空 與 加拿大航空將在2022年底共享航班代碼,為雙方提供更多航點的選擇外,也能享受更完善的旅遊服務。旅客將能輕鬆預訂兩家航空公司的聯號航班,以一張機票無縫連接其全球樞紐,更可將行李直接運送到最終目的地......

Canada Goose 開啟零毛皮新篇章,於2021年底前全面停止毛皮採購!

0
Canada Goose 加拿大鵝牌正式宣佈,承諾在其未來所有產品中不再使用毛皮。Canada Goose 將分階段實現這一承諾,於2021年底前全面停止毛皮採購,並最晚於2022年底前停止在生產中使用毛皮......

《拉美西斯大帝與黃金法老》埃及國寶展 將在全球巡迴展出

0
《拉美西斯大帝與黃金法老》埃及國寶展,將於本年11月在美國展出。將是拉美西斯二世珍藏遺物首次於埃及境外辦展。該展覽已得到埃及內閣的批准,並由埃及總理於2020年12月簽署了該法令,在埃及旅遊和文物部的支持下,世界聞名的休斯頓自然科......

精選締造美好「家居」工作體驗的六個非凡住宿選擇

0
為旅客們在旅遊限制解除後可以更輕鬆地體驗世界,全球訂房網為旅客提供了旅遊優惠,由即日起至3月31日入住的旅客提供八折或以上的折扣!為各地旅客推薦六個非同凡響住宿選項,協助您獲得無與倫比的「家居」工作體驗......
Atari

Atari 計劃在美國開電競主題酒店,吸引一眾電玩迷入住!

0
Atari 計劃在美國開設八間電競主題酒店,吸引一眾電玩迷入住。首間會於年中在鳳凰城開業,其他酒店將在奧斯汀、芝加哥、丹佛、拉斯維加斯、舊金山、聖何西,以及西雅圖陸續建設並開業......
關島電子購物節

2018 關島電子購物節 於 11 月開鑼啦!

0
關島算是一個近亞洲的小夏威夷般的陽光與海灘,再者它有豐富歷史底蘊。除了風光及歷史外,很多人去關島也會去購物,因為便宜,所以第七屆的2018關島電子購物節於11月回來啦!

香港航空將於2018年3月開通「香港-美國三藩市」航線

0
【環球旅人_報導】香港航空宣佈將由 2018 年 3 月 25 日起,正式開通美國三藩市直航服務。繼今年 6 月 30 日及 12 月 18 日開通溫哥華和洛杉磯航線後,香港航空繼續擴大在北美的版圖,推出三藩市航線。同時,為進一步加強連接美國,香港航空已計劃於 2018 年直航紐約。 三藩市直航服務提供旅客黃金班次時間表,香港出發去程能確保旅客於早上抵達三藩市,可有效盡用其在當地遊玩的時間。反之,回程時則於黃昏到達香港,旅客可經過長時間的飛行後可好好休息一晚。 香港航空的香港來回三藩市將以全新的空中巴士客機 A350 營運。省油型的寬體飛機機艙內設有 334 個座位,包括商務艙 33 個座位、優選座位 108 個及經濟艙 193 個座位。所有商務艙座椅的寬度為 23 寸,能伸展成為平卧式睡床。結合特別設計的平滑柔軟的機艙寢具,確保乘客在空中享受最高的睡眠質量。同時,所有座位還配備了最新的高清電視屏幕,提供各種機上娛樂選項,包括電影、電視、新聞和音樂。每個座位旁邊配置電源和 USB 插座,提升便捷度。值得一提的是,所有乘客都可以使用機上 Wi-Fi 服務,更可免費享用首 15...

「Pop-Up Canada! 澳門站」與你一同歡慶加拿大立國150週年

0
為慶祝加拿大立國150週年,加拿大駐香港及澳門總領事館將於2017年2月22至23日與澳門四季酒店攜手合作舉辦「2017 Pop-Up Canada! 澳門站」。模擬 pop-up store 的概念,去年第一屆的活動取得了盛大的成功。今年將繼續為澳門市民大眾帶來一連串有關加拿大的活動、講座及加拿大特色晚餐......

AirAsia X 今年6月首航美國夏威夷,成為首飛美國的亞洲廉航!

0
AirAsia X 將於2017年6月28日起,正式營運從馬來西亞吉隆坡經由大阪前往夏威夷檀香山的航線,每週四次航班,將使用 A330 機型服務該航線,可乘載 377 位乘客,享受終年溫暖、擁有美麗海灘與自然風光的夏威夷,再也不是遙遠的夢想......

香港航空將開通温哥華航線,優惠票價低至HKD3,700

0
香港航空將由 2017 月 6 月 30 日起,正式開通每日一班往來香港至溫哥華國際機場的直航服務,並採用空中巴士 A330 客機營運。2017 年適逢加拿大立國 150 周年,旅客可以低至 HK$3,700 優惠票價暢遊楓葉國,感受慶典熱鬧氣氛......

廿天悠遊加國2003:後記雜感

0
其實兩、三年就去一次溫哥華,所以對呢個地方冇乜感覺,尤其我唔鍾意就係佢太悠閒,而且兩、三年之後,都係冇變化,真係一成不變~~~悶~~當真係老餅城市(我驚比好多人打)~~ 另外就係其實我唔係好鍾意呢個地方,因為d人既生活實在太慢啦~~慢到我都跟唔上,雖然我都可以stay係博物館好耐好耐慢慢睇,但我絕對唔能夠留係公園一整日,我諗我支持不住!花草樹木 = 蚊叮蟲咬,而且又冇野好玩~~ 不過今次呢個旅程去了rocky mont.,欣賞到靚景,影左唔少相,這也不錯!而可以去到我想去的,買到我想買的,玩到我想玩的。冇乜邊日係冇野做,咁既style比較適合我~~ 其實都好複雜ga d感覺,因為未來呢一兩年可能又要再去,但我想不會逗留太久,最多十至十五日已經係極限啦! 終於寫哂所以加拿大的遊記啦~~haha~~將要開引擎快完成日本的遊記啦~~因為仲有名古屋的愛‧地球博之行,以及即將7月再戰的遊記~~真係有排寫呀!新加坡遊記亦將會繼續寫! 而各位期待的澳門人講飲講食亦即將出新文章,所以可以滿足各位的食慾~~haha! 編/攝:阿乃

廿天悠遊加國2003:第九篇–玩轉溫哥華

0
終於從rocky mont. 返來,即是說我在溫哥華只剩下4天左右! 一天我早上就去了幫親戚忙,去佢地公司做打中文字文員,而且要用mac機,一打中文就發現,mac機的中文字係唔同PC機(我習慣打簡易),所以我都好吃力!幫佢地打完一篇一篇新聞稿,之後幫佢攪攪個PC機,因為佢地部PC機是英文版,但想打中文,一定要install一個特別的軟件去轉碼,如倚天、text bridge等,但我冇從澳門帶來,所以不行,整都整唔到!最後放棄了!haha 一天我又去左位於richmond的超大IKEA睇野,因為有d款香港都未有,而且佢真係好多野買,我最後買左個電腦袋,買左盞燈,同一d少少擺設,比香港平d,又係放行李,唔駛係香港拎返來,haha!之後又去左一間香港冇,台灣有的裝修大鋪,B&Q特力屋,睇左好多好多裝修工具、陳設,大型門框、窗都有得買,因為外國盛行自己搭屋,所以乜都自己攪掂!當然係睇多過買啦,不過都花了數小時,因為真的太大了! 仲有一日就係去了溫哥華downtown的國際博覽會看看,這裡太大,一日根本行唔哂,只是草草一行,感覺又似遊樂場,又係展銷會,有司華力腸、栗米等小食買,好得意!晚上食完飯,當然就去了我最想去的Metro town內的Playdium喪玩6小時!由10:30pm 玩到 4:30am,都只是一個票價25加元! Playdium,每星期有兩日大特價,一個價錢(25加元),可由10:30pm 玩到 4:30am,成6小時,場內遊戲不設限,無限任玩!我先解構一下Playdium內部環境啦,因為裡面嚴禁拍照,so拍不到比大家睇呀!Playdium樓高三層,出入口即第一層,主要有最熱門的機、駕車game、F1真實實車、跑馬機、保齡球game、槍擊game(鬼屋鬼影)......,又要最新的室內遊戲,有虛擬過山車、虛擬滑翔機、虛擬飛機、虛擬高爾夫球及足球機,真係好有離心力ga,亦有好多人排隊,分分鐘要排成30分鐘。仲有一個動感戲院!Playdium的第二層都是一些out out地既遊戲,如水上電單車、划艇、真人快打(真係自己落手落腳去打)、滑水機等,而第三層就係最out既機,基本上都唔會有太多人上去玩!(呢個擺位係2003年暑假的,因為每一次去都擺過哂d位,game此終都係推陳出新好快,so~~你明我講乜啦!) 當然最多人流連係一、二樓啦!我都係~~haha~~咁又會有人問,25蚊玩一晚,那你點玩呢?要投幣嗎?其實外國好多街機係碌卡,而唔係投幣ga!所以每玩一次就碌卡,輸左又可以續game一直續到打爆機,係港澳係咪從來冇諗過ga! 打左機都成5點啦,返到親戚屋企已經極速沖涼sleep啦~~因為第二晚我就要搭機走了!最後一日都係飲飲食食,冇乜特別,但都要去METRO TOWN用最後衝刺買手信比各位朋友!回到親戚家就打包行李,準備去機場,由親戚車我出去機場!我係搭BR(長榮)從溫哥華-->台灣-->澳門,所以只有傍晚機才可以駁機! 到了台灣已經係早上6點多了,要等1小時30分才可以上機返澳門,諗住去買d野吃啦同逛逛禁區商店,但可能太早,所以並沒有開門,只好在轉機室看電視等啦!終於上了返澳的飛機,第一個感覺是-----好危險,可能係因為我果班係屬於加開班次,所以隻機係好細好殘,好似美國d小型內陸機咁,(好容易失事既feel),攪到我好驚,雖然都upgrade左我個位,但由於隻機好細(一行6座位,中間一通道),所以upgrade都係4人一排,與經濟位只是少少夾板隔住,真係好慘~~10點多回到澳門,便自已jar車返家~~呢個旅程就係咁完結啦! 最後聽我家人說,他們都係upgrade左,而且係一星期後的同一時間,但台灣-->澳門果程竟然係新飛機,即是個個都有私人電視仔,主要飛香港-->台灣、香港-->日本、香港-->新加坡果隻機,你話~~~同人唔同命~~慘~~~ 編/攝:阿乃

廿天悠遊加國2003:第八篇–搭上回程之”皇家一號公路”

0
上一回已經去了rocky mont. 的最後一個景點了,正正式式搭上了回程的路程,都係2,3小時有個break,比大家落車去個toliet,買少少野食咁啦! 其實在回程的途中,仲有一個旅遊點,就係一間冰酒售賣店,裡面唔算大,但好迂迴曲折,而且一入去會有專人介紹釀酒過程,rocky mont. 的冰酒特點等,又有好多得意既手信。當然有試冰酒啦~~不過本人就唔太鍾意飲酒,原因係我受唔到d酒精味。我次次聞到d啤酒味都已經想吐,紅酒白酒簡直就係一飲就想吐tim~~雖然唔係酒精敏感,但我真係接受唔到d酒精囉!但如果一些飲唔到酒味的酒,我倒OK ga!不過現在有輕微的(壓力性)胃炎,所以都係少飲為妙啦!HAHA。最衰就係佢唔多比影相,所以冇影到店內的櫸木裝置及設計畀大家看看tim! 而回溫哥華metro town的最後一個停車站,係位於皇家一號公路的Best western 的酒店,非常之美麗,但其實我地去rocky mont. 時,它亦是第一個休息站。大家放低幾両之後,就急不及待入去花園果度影相,拍低靚景! (上圖1,2:是酒店內部的花園及超讚的Design風格)(下圖3,4,5:這裡還有私家海灘及舊火車頭,非常舒服!但當天天氣不太好,所以比較黑d) 上車後,好快就回到溫哥華市內,而旅遊巴當然是回到各個集合點,放低各點上車的旅客,因為我地metro town是上車的第二站,所以回來時變成尾二站,回到metro town已經成7點左右了! 返到來Vancover,當然找回親戚他們去食晚飯啦!SLEEP返一晚好好的!因為還有不到一星期我就因事先回澳門,家人就繼續留在Vancover啦! 第二天還要去親戚的公司幫手,用mac機打中文及排版咁囉~~因為都冇乜野做~~haha~~又會在未來剩下的幾day去richmond既 Ikea買野,再去playdium通宵喪玩街機!下一回最終章再同大家講啦! 編/攝:阿乃

廿天悠遊加國2003:第七篇–水怪湖及Down Fall

0
上午去完Lake Louise,仲食左完個宏偉自助餐,之後坐車去旅程最後的兩個景點啦!首先係Down Fall,中文名我都唔知係叫乜,但就係解作上面的小瀑布仔囉! 就圖所見,都幾壯觀ga,水流都好急,但好多外國遊客都係度玩水!有時發覺D外國人真係好怪,不論噴水池、河、湖、瀑布,點解都鍾意脫鞋玩水呢?當然我都有係度留影啦!HAHA~~亦拍下了一些石頭被水流長年累月的沖刷而磨平了尖角,變成圓滑的石頭了,也讓我再一次閃過 "大自然力量的偉大"。 之後又搭車返上回程的路途,並到最後的一個景點水怪湖!去到的時候,感覺上它跟普通的小鎖完全冇分別,湖亦完全正常,亦有人划艇,甚至有人游水tim,跟本就找不到所謂的水怪,只有一隻假的模型在岸上。我還有趣地同佢影相,不過我D Friends話果隻跟本唔係水怪,我先係~~真係比佢地吹漲~~另外又有一個像帆船的雕塑,也很不錯呀,所以又拍下幾張相。 水怪湖 vs Down Fall,大家覺得邊個景點好d呢?本人覺得Down Fall靚好多! 編/攝:阿乃

廿天悠遊加國2003:第六篇–Lake Louise

0
上回講到班芙市,今回就講第四天的重點行程----Lake Louise。 第四天早上,同樣都係好早起身,今日要去Lake Louis,其實去之前已經聽好多加拿大既親戚講一定要去,因為好靚,所以上一次去加拿大冇時間去,今次咪去返補數,一路下來我都幾滿意,因為我好鍾意風景攝影,可以比我影個夠本。 講返Lake Louise,它被譽為洛磯山脈中的藍寶石,海水是淺藍色,湖水波光,非常引人注目呀!湖邊設有租艇服務(冇鴨仔艇呀,如果唔係咁攪到個景衰哂),碎石嶙峋置於湖邊,好像不加修飾似的。 見到好多外國遊客同小朋友脫鞋玩水,非常開心咁!而且我用了多個角度,及不同的光暗效果去影這攝相呀,唔好以為係唔同日子影呀! 湖前有一個大花園,有多種色彩艷麗的花卉,花園的設計好美,而且該處空氣清新,我非常喜歡這個地方,湖後配以洛磯山景,巍峨壯觀的感覺! 亦比我係花園度發現插住加拿大國旗同一個銀色波波,我覺得好得意,於是又影左幾張啦!以及由這處影出去個湖度,別有一番風味呀! 其實係個湖旁邊有個花園之外,還有一間六星級古典風格的酒店,係外國係出左名既超貴酒店,而我更有幸係呢間酒店裡面食一個自助午餐(local tour團費包左),真係好開心。係湖影完相之後,我就入去酒店lobby集合,並由穿過不同的迴廊來到酒店的餐廳,waiter帶路讓我跟家人座了一張近窗的台,望到個湖呀!個view好靚。 講到個自助餐,真係好誇張,餐廳既設計係分3個古式大廳,好似d大豪宅咁好大一個古式會議室咁,美食分門別類擺滿左3個大廳,我位處的大廳主要放左熟食及主菜正餐,而飲料、餐具及配料係每個廳都有,另一個廳就擺左我最喜愛的甜品,而第三個廳就放了前菜、面包、沙律、燒肉等,真係豪過拉斯維加斯呀!好似咁樣一餐跟拉斯維加斯款式差不多,多達1000樣美食。呢度要成四百幾蚊港幣一餐ga,淨係個建築就抄哂d英國、法國皇宮咁feel,淨係食過裝修都抵啦!最衰就係唔比影相,如果唔係我都會影d相比大家睇,佢d食物擋台同d建築有幾誇張同有幾靚。(唔知而家仲係唔係 唔比影相呢?) 食完野我見仲有時間就再出去影多少少相,而相中的建築物只是酒店的其中一部分,仲有一部分冇行過去。集合時間都差不多了,那就回去大堂度嘆冷氣等集合,但我又發現左d特別野,原來大堂有座豎琴係度,豎琴係果d仙女坐係石上,有一個好大金色框,中間一條條垂直弦的琴。當然我聽到我優美的琴聲,絕對係d天堂feel既歌先有既感覺,好好聽,有個駐場的女音樂家彈奏緊,好多人都係度聽!這也是我對Lake louise有了一個深刻的印象----風景優美,再配天籟之音,一絕!(仲有好多相係相簿--"加拿大休閒致趣" 個Folder度呀,唔夠喉既話,自已再去睇啦!) (下一回:OK湖 與 Down Fall)編/攝:阿乃

廿天悠遊加國2003:第五篇–班芙市

0
從洛磯山脈下來之後,就去了山區美麗的城市---班芙市。 這個班芙市好靚,好多野買,又有雪糕食,而D居民都好NICE。整個班芙市好細,但好有瑞典、丹麥的風格,可能建築的特色都差唔多,又多山,又近冰啦! 它給我的感覺是非常悠閒,人其實不多,擁有好美麗的風景,冇工業污染,空氣好清新的地方。在這裡感到生活是享受的~~導遊給了一個半小時我地去SHOPPING,HAHA~~ 雖然我是男,但係我都好like SHOPPING ga~我鍾意d特色ge、細細件同靚既野!我係班芙市買左好多水晶切片,因為我平,2,3蚊加元一塊,有齊各種顏色及各種水晶種類,當然亦掃左好多返來做手信啦!haha~~ 如果大家去到班芙市,一定要入去印第安民族店,就會有好多又平又有特色的紀念品買! 另外,我在此亦發現了一個悠閒的地市,有它的可愛之處:1.居然有哈利電單車,以及部部車都係名牌字新車,好貴的車2.斑馬線的行人紅綠燈,居然可以另我地奔跑過馬路,可見時間之短,它不是悠閒的城市嗎?3.紀念品店及餐廳霸佔了市中心整條大街4.雪糕特別好食! (下一篇:藍寶石之湖)編/攝:阿乃

廿天悠遊加國2003:第四篇–登峰啦!洛磯山脈

0
第三天,終於來到洛磯山脈中最有名的 哥倫比亞大冰原。 一早出發便趕往哥倫比亞大冰原,一到埗就立即在遊客登山中心度影下相先啦,因為登山的大型巴士有時間規定,距離下一班車仲有一定時間,便可以影下相,買下紀念品先啦~~ 由於冰原都係受溫室效應影響而日漸縮細,而且冰面不穩,所以每個月都會改變登山的路線,以及停留的位置,以免發生意外。而冰面的負重亦有規定,所以每小時只有6架專行巴士一同上山,因此我有幸踏上冰原之上,真的是好運,起碼我可以完好無缺地返落黎! 以下是在遊客登山中心影的冰原風景及解說牌(下四圖) 之後乘登山專車往冰原深處進發,上到山上,原來仲要轉一次車,要轉成下圖的大雪車。這架大雪車又係一件令我好驚既事,因為我自小就好驚離心力,所以搭飛機起飛時我都會驚,遇氣流又驚,當然就更加唔敢玩過山車、跳樓機啦~~但至於鬼呢,我就一d都唔驚,將來有機會就同大家分享下! 講返正題,因為坐呢架車入冰原有一個步驟,就係坐呢架冇安全帶的雪車從上面衝落一條剛夠兩部雪車透過,有成80度(幾乎直哂)既斜路,導遊話從來未試過發生意外,唔駛驚,我話佢都傻ga,架車上有邊個唔驚呀~~ 佢一衝落去之前仲數3,2,1,擺明嚇人,所有人都尖叫,一衝落去真係好快,但只有1秒到就立即以龜速落去,跟住導遊就話:"你估真係衝落去咩,你唔要命我仲要呀!" 原來這是司機同各導遊夾好哂,用左好多年既嚇人伎倆,目的是增加刺激感,令旅程冇咁單調呀! 之後又係冰原上講明規定,只可行走那些範圍,不可行走那些範圍等。跟住就各自影相啦~~而好多團友就去條溶雪水流(下圖)度裝水飲,導遊之前叫大家帶水壺ga! 其實在冰原上我唔覺得凍,可能本人體質問題,人人著羽絨,又羊毛衫,有些跨張到著成六、七件衫,而我,你看看前張圖,我只著了一件抓毛外套、一件普通間條展衫、一條好薄既夏季長褲就已經夠。 有好多人話我傻ga,著咁少衫。但我真的唔覺凍,當然之後都冇病到啦! 以下幾張是我在冰原上拍攝的,好有壓迫感的冰川,如果佢一冰崩就一定死硬,因為冇路走同走唔切啦! 睇完冰原就重覆之前的路線下山,準備前往洛磯山中美麗的國度-----班芙市。 (下一篇:班芙市)編/攝:阿乃

廿天悠遊加國2003:第三篇–踏上洛磯山之行 (國語版本)

0
上一篇說到去了metor town報名,今篇就踏上6天的《洛磯山脈深度行》,本次的行程的路線比較好笑,我們整個行程只行一條路,來回都是同一條路,它是加拿大的皇家一號公路(係國道來的)。 一大清早就坐我親戚的車去到metor town集合,原來當日有好多華人團出發,分別去唔同的地方,而我們團的旅遊巴好快就到,辦好手續就好快上車。今天主要是趕路,完全沒有景點的,沿途每2小時/3小時就在小鎮油站break一break,買食的或者是去洗手間,傍晚到達一個好美麗的小鎮,而下榻的酒店我都不記得名字,但係好靚,就拍了兩張給大家看一下(下兩圖)。 當晚去了酒店餐廳,吃了一個好美味的英國式晚餐(忌廉湯+bread,配一份牛扒+薯茸,還有coffee or tea任飲,甜品係香草雪糕),吃完好快去便利店買水之後,回房洗澡sleep啦!---第一天完--- 第二天,一早6點幾起身,又是去昨晚的餐廳那裡食早餐,今次吃了一個歐陸式早餐,芙蓉蛋+煙肉+腸仔,配法棍同熱可可,好豐富呀!(大家不要留口水啦~~快點找紙巾抹一抹啦!) 之後7點幾就出發,但在此時,我見到我一生中暫時最美麗的雲霞景,因為那個小鎮跟酒店也是位處山區低地,當日很大霧,迷濛濛的。由於我們果團有40幾人,旅遊巴好長好大,正當車離開酒店一分鐘之後,發現車前玻璃突然間好清晰,剛剛的迷濛感覺完全沒有,我再望後面的時候,仍然迷濛的,未幾,整架車都清晰無比,車外有陽光,景色好靚,當時我再次回頭,發現剛剛途經的路在雲霞的覆蓋之下,看不見了! 那時我就知道,我們剛剛穿過了雲霞上了山,這幕是我畢生難忘的一幕,大家可能坐飛機穿雲穿得多,但我今次是坐巴士從雲霞中穿過,那個情景真是......好好feel,當時亦有好多未開始sleep的團友一齊見到,大家都嘩了一聲,因為大家都給眼景美景嚇到,只在2秒間的體驗,驚醒了其他sleep的團友,可惜,他們錯過左啦! 之後一直上山,沿途我地開始過到有雪山啦!去洛磯山脈都是為了這個目的,在夏天睇雪~~haha~~下面是第一個break的點,其實是一間酒店Best western(世界性的酒店),背後就有一個好靚的雪山景,剛剛陽光洒落在雪山,我就take了這張photo。 以下這幾張是第一個景點,第三個break點,鷹爪冰川同溶雪後的湖,我用了不同的角度去拍的! 而這一張是鷹爪冰川附近的一間古式酒店,我見它置身於叢林之中,好像古堡一樣,所以也拍了它! 其實鷹爪冰川,導遊說可能多過幾年就會消失,因為溫室效應的影響,而且你見到相中的冰川真的剩下好少冰,所以更顯珍貴! 之後就到黃昏,去到下榻酒店,由於今次的酒店不太美麗,所以沒有拍照呀!順帶一提,我是2003年才有自己第一台數位相機,之前都是用Richo的傳統相機!所以由03年就開始瘋狂影相,每次去旅行也會拍幾百至千多張照,回家才慢慢選擇好的出來!haha (下一篇:登峰)編/攝:阿乃

廿天悠遊加國2003:第二篇–Metor Town尋寶

0
(上圖為溫哥華市中心的仿羅馬競技場的建築物) 上一篇說到我去加拿大閒遊了幾天,心想是時候又去join local tour旅遊啦!我住在親戚的家算是溫哥華市郊,我們附近(都要駕 20分鐘車ga)有一間大型的shopping mall,它的名字叫Metor Town,由三四間大建築物組成,有超多東西可買,當然你要找什麼,這裡都找到,當然手信、旅行社都有啦!它在Vancouver都算是數一數二既出名mall來的~ 雖然在溫哥華一沒事就去metor town逛街吃東西,但今天是專程來找旅行社報團的,旅行社設於其中一座的地下food count旁邊,有3、4間,最後選了其中一間,報了一個6天的加拿大內陸洛磯山脈風景團,非常開心,因為上次到加拿大我也是有事要早走,媽媽跟親戚去了,但我沒時間去,所以今次我要補回上一次的損失。 訂好團後,當然是吃東西,逛逛街啦!係旅行社跟美食中心的盡頭是一間華人超市,名叫"大統華超級市場",裡面有買一種牛肉乾,我次次都會來這買的,因為它是真空包裝,送禮自用都合適,不記得它牌子是什麼,好像叫"味真香",紙盒包裝,一盒有兩大包。它正就是在不同一般牛肉乾,它是薄薄一片透哂光,吃下去也跟其他的牛肉乾不同,好像吃牛肉碎那樣的,好好味。我當時都有買給我的朋友跟我的學生食,他們不用三兩分鐘就吃完,他們說很好吃,不同澳門的牛肉乾,有的就說吃得多就覺得很鹹囉!(如果我下次再去Vancouver都會再買) (上圖為:溫哥華市中心街道一景) 其實vancouver 的 shopping mall真的很大,仔細去逛的話,你可能一天也逛不完喲~買了牛肉乾當然又係四處走走啦!雖然來過很多很多次,看一看我次次都到我遊戲機中心,它叫"Playdium",看看星期幾晚上又有特價,查詢之後原來現在改在星期五,剛剛local tour出發,所以只好等我tour完了再去吧! 為什麼我要等,因為這間遊戲機中心,每星期有一day係晚上9:30開始至清晨4:00,只要給一個定額費用(兌換港幣約128元),就可以任意玩樂場內所以設施,且每款遊戲都可無限次玩呀!(相信大家街機迷實好開心,如果澳門香港有就發達啦!),最討厭就是裡面不容許 take photo,而且又有好多工作人員巡,所以只可以影它門口給你們看,而且它也都好大,有三層,什麼新gaem舊game都有得玩。 不過可以告訴大家,它有的遊戲機,即使現在的澳門香港也還未有,你試過在室內玩超真實的過山車、以及跳降傘嗎?往後的介紹絕對滿足到你,光是在旁邊都聽到那些洋鬼仔尖叫,可想之知有多真實,有多恐佈啦! 我不說那麼好,否則遲些沒話說,下一篇將會帶大家踏上洛磯山脈的旅程啦!之後就會說一說這間遊戲中心。 -------------------------------------------------------編/攝:阿乃

廿天悠遊加國2003:第一篇-卑詩閒情

0
加拿大 Canada,這個國家給我的感覺是舒適悠然,風景一絕。 而溫哥華,這個位於加拿大西岸主要地市,於卑詩省境內,與美國西雅圖非常接近,駕車過境對溫哥華人來說,平常得很。生活節奏慢、寫意、風光明媚、綠化度極高、人口老化也很高、醫療先進等正是它給人的感覺。我對這個城市有種既抗拒又嚮往的心態。 抗拒在於節奏慢,人不多,關係疏離,而玩樂指數很低,所以我不太適合到這生活,可能將來老年時才對這地方感興趣。嚮往的是景色靚,人親切,空氣清新,而鍾意風景的我,更不會抹殺 join local tour 的機會。 還記得上次跟大家分享了2000年到加拿大,跨境去了黃石公園及坐遊輪到阿拉斯加,今次我又會去邊呢?賣個關子,往下的篇章再同大家分享。 2003年,本人又去了一趟加拿大,因為我有事要回澳門,所以今次只去了20天左右,聽落好似好多,其實你們想想機票的price,就知道去久一點才可以平一點。與上次一樣,也是到我的親戚家里住。本次亦是與家人一齊去,不同的是我自己先回澳罷了。 頭幾天又去了standey park(史丹尼國家公園)、Lion Gate Bridge(獅門橋)、Richman(列治文市)、China Town(唐人街),上面那一張及以下的就是史丹尼公園的照片。 之後我們又去了獅門橋拍下照,同感受下風力的強勁!(下圖) 第二天我們去了唐人街逛逛,又去了探親戚,下圖就是親戚住的地方,位於唐人街附近的優質社區,以老人家居多。不過風景真的不錯,而且環境優靜舒適,真的悠閒寫意的地方,怪不得人人話加國是養老佳地,此話錯不得。因此可能亦造就了加國人口老化率增幅強勁的關係。 在這真的沒有什麼娛樂可言,純粹渡假或休息的話,也是一個不錯的選擇。講到玩樂真的沒有,遊樂場都沒一個,大型shopping mall都要駕車最少20分鐘才到,生活節奏慢。 【編輯聲明】 由環球旅人製作,版權所有,不得抄襲。 環球旅人|Facebook|YouTube|Instagram|微博|Soundcloud|Flickr|footprint 歡迎關注微信公眾號:環球旅人/Travelblogosphere © Travelblogosphere All Rights Reserved.

2000年美加跨境旅30日(阿拉斯加+黃石公園)–完結篇

0
由於真的是年代久遠,記憶不多的關係,所以寫不到太多東西。我記得入園的第二天,就去睇好多噴泉、熱泉,不說你們可能不知,有些看見好像好靚的藍色、綠色的水,以為它是冷的,而且它也沒煙,應該都沒錯啦! 導遊一聽到就立即糾正我說,大錯特錯,顏色越藍、綠,溫度越高,有成千度,真的是一touch就化骨,什麼都沒有呀!反而紅、橙色的溫度大概幾百度,沒那麼高溫,而且他再三叮囑我們小心行路,因為木走道兩旁是沒有欄柵的,所以好容易掉進泉水裡呀! 另外,黃石公園還有一個噴泉,譯名:"老實噴泉",它是真的會定時定候噴出泉水,而附近的紀念品店、車站都有鐘指示各遊客何時它會噴水,大概30分鐘左右就會噴一次,維持1分鐘左右,其原理是好像沸水一樣,等洞裡的水到達沸點需一定時間,當局亦在旁邊起了個告示版告知大家原理。 而且導遊說,可以聽它發出的聲音就知道它何時噴出來,以及噴完了未,它真的每次都很準時,而15分鐘之前都已經有好多遊人霸位看它噴,還不賴噴喲。導遊說以前它噴得更高,但是現在就開始逐年逐年矮下去,可能遲些不會再噴了呀! 最後睇完哂公園內的重點,之後又要趕一天半車程回加拿大囉!==題外話:頭3張相是我自己最喜愛的,非常美麗的景色!== (--完結--)編:阿乃

2000年美加跨境旅30日(阿拉斯加+黃石公園)–中篇

0
第二波的黃石公園照片喲!主要以噴泉、熱泉及瀑布為主呀! 去黃石公園的旅程中,每天都是趕車,終於到了第2日,我們到達了一個最近黃石公園入口的小鎮,這個鎮基本上是所有進入黃石公園的旅程必經之路,我們就連續2日住在這裡一間比較好的酒店,而且鎮好小,只有2、3條街而已,只有一間中國餐館(但其實我想吃buger king 或肯德基好d,因為都是外國人的地方,中國菜哪有可能好吃嗎?),因為我報的是當地華人團,所以被迫吃一些不是中國人,而是泰國式的中國菜,真是難吃極了! 到了第一天進入園內,見到的是一條又一條大而有名氣的瀑布,而且溫度因越接近熱泉區而越來越熱了!黃石公園可是地熱帶,亦是地震、火山爆發等地殼不穩定帶,所以它亦曾經大規模爆發過! (待續)編:阿乃

2000年美加跨境旅30日(阿拉斯加+黃石公園)–上篇

0
還記得2000年是第N次去加拿大,那次去了一整個月,已經是6件前的事,當時住在溫哥華B.C省的親戚家中,之後就在加拿大報了當地的本地團,先坐郵輪8天去阿拉斯加,休息兩日又報了過境去美國黃石公園玩6日,其餘的時間就留在溫哥華休休閒閒的過啦! 不過說起那兩個當地團,真係先甜後苦,兩個團反差很大。郵輪是好舒服休閒,服務又好;黃石公園團又要早起,又要趕車,食物難以嚥下,真正看東西的只有2天,不過可以見到罕見的Moose(麋鹿)及大灰熊,還有好多好靚的熱泉(唔可以浸泡ga,成千度)。不過由於比較早期,未有數碼相機的年代,所有只有scanner左少量相片,而且只有黃石公園的照片。現在貼出來比大家看一看吧! 一共36張黃石公園美景,分四期刊登出,並附以短文。(因為年代久遠,我都不是記得很清楚!Hehehe~~ 由於黃石國家公園範圍很大,而且亦是自然生態的博物館,所以行2日都係看重點,而且一年四季都有不同的美景,大家慢慢欣賞照片吧! (待續)編:阿乃
- Advertisement -
Macao
多云
21.7 ° C
24.8 °
20.9 °
68 %
7.7kmh
40 %
週二
23 °
週三
21 °
週四
21 °
週五
22 °
週六
23 °

社交網絡

12,637粉絲Like
1,230追隨者Follow
21,896追隨者Follow
2,763追隨者Follow
48追隨者Follow
3,926用戶訂閱

最人氣文章