Benjamin

亞洲航空公司繼年前開辦澳門至曼谷和馬來西亞吉隆坡兩條低成本航線後，今日會開通另一條澳門至馬來西亞亞庇的新航線，每天提供一個往返航班服務。亞航今日開通澳門往返馬來西亞亞庇的新航線，每日提供一個往返航班，將使用亞航最新引進的空中巴士A320型客機，航班編號為AK510，下午一時十分由亞庇起飛，下午四時抵達澳門；澳門出發的航班編號為AK511，下午四時卅五分起飛，晩上七時廿五分抵達亞庇。 亞庇為東馬來西亞一處旅遊資源豐富的地區。亞航表示，新航線的開通，可方便本澳和鄰近地區的居民到馬來西亞旅遊，也方便當地居民來澳和珠江三角洲旅遊探親。 (轉載自澳門日報2007.02.06) 後記：現在澳門國際機場有亞洲航空air asia、欣豐虎航空Tiger airways，以及本土Viva Macau三家低成本航空公司，暫時經營至東南亞、印度洋等航空，稍後會遠至非洲、中東、歐洲、澳洲等地。而其他幾十家航空公司主要經營台灣、國內、日本(包機)、韓國及東南亞航線為主。 文‧阿乃

各位，我就唔知香港有冇所謂既 "倉儲式停車場"，但外國又或者日本就已經廣泛使用ga啦！ 大家看一看下圖就知得比較清楚，什麼是倉儲式停車場？以及為何廣泛使用。原因就是節省空間、方便、安全...... 因為歐洲、日本的城市都比較缺乏土地，所以倉儲式停車場正迎合他們的需要！ 你們可道澳門即將興建第一個倉儲式停車場，以緩解澳門的泊車需求！唔知身為澳門人的你，又或者香港人的你，怎樣看呢？ 文：阿乃相：歐洲的倉儲式停車場

澳門民航局連月來派出人員為非凡航空的取證進行審核，隨着各項技術要求、程序、管理達標，前日獲發空運經營人證明書，可從事商業營運。非凡航空已擬定下月中提供服務，現正籌備售票和網絡服務安排，下月初正式售票，初期提供飛布吉、馬爾代夫、雅加達等航線。 非凡航空租賃的兩架波音B767-200ER及波音B767-300飛機已通過民航局的檢驗，取得本澳的註冊，兩架飛機的註冊編號分別為B-MAV和B-MAW。非凡航空取得的空運經營人證明書，為本澳民航局發出的第四份，其餘三份分別為澳門航空、Jet Asia和亞太直升機公司。 籌備多時的非凡航空公司前日獲澳門民航局發出空運經營人證明書，可從事商業營運。非凡航空擬定下月中提供服務，初期會開辦三條航線，分別是(1)馬爾代夫、(2)印尼 - 雅加達、(3)泰國 - 布吉的航線。 非凡航空行政總裁彭立仁表示，非凡航空各項工作已準備就緖，將提供更多的旅遊選擇、更多的直航服務。 大家係咪好想知佢既票價呢？我今晚知道之後，勁興奮囉！(12月中開航)好啦~~而家講比你地聽！如下：(1) 馬爾代夫 直航 - 單程 Mop$ 888(2) 雅加達、布吉 直航 - 單程 Mop$ 88(由2006年12月2日凌晨開始網上發售機票) 大家要知道現時在大中華地區(中、港、澳、台)係第一間可以直航至馬爾代夫 既 航空公司，其餘全部都要轉飛或駁飛ga！澳門幾犀利呀！仲要以超低價900蚊有找tim~~ 攪到我又好想去旅行啦！ 由明年第一季更會新增直航至 澳洲(最吸引)、越南、新加坡、馬來西亞。 之後仲有還會陸續開通的澳門政府民航局批給的航線：杜拜、米蘭、里斯本、溫哥華、斯里蘭卡、新西蘭、緬甸、夏威夷、尼泊爾等 有關報導(澳門日報、澳門廣播電視)：mms://202.175.80.18/tdmvideo/30/10.asfViva Macau(非凡航空)網頁：http://www.flyvivamacau.com/tc/ 阿乃 報導

旅遊局訊：澳門中葡文化交融的獨特城市面貌，成為了動感及歷險頻道AXN Asia拍攝“AXN Xtreme Macau”的亮麗場景。 來自亞洲八個地區的參賽者日前來澳參加“AXN Xtreme Macau”，一連八天在不同地點接受多項考驗。當中包括在澳門旅遊塔觀光層玻璃窗外、二百三十八米高的外圍騎單車並跨越障礙物。 “AXN Xtreme Macau”節目監製黃奡祺表示，澳門是一個很有歷史背景的城市，同時又擁有現代的一面，取景時可看到強烈的對比，在亞洲很難找到類似的地方。 “澳門歷史城區”亦是拍攝地點之一。他說：“很漂亮，它眞的値得被列作世界遺產。來澳門一定要看世界遺產。” 澳門歷史及現代建築交錯共存的情景，更隨時讓人有穿越時空之美麗幻像。他稱：“這裡有些地方讓人有回到過去的感覺。就如在盧家大屋內，可看到一些以為只有在電影裡面才有的情景，彷彿置身於幾百年前的地方。” 本身是香港人的黃奡祺對澳門已十分熟悉，然而，他卻驚訝在澳門可以不斷有新發現。他指出：“這裡有很多東西可以玩，再來澳門拍一輯節目也會有用不完的景點。” 該節目選擇在澳門取景的另一個原因，除了因為它的美，更因為各個景點非常集中，為拍攝工作帶來很大方便。 “AXN Xtreme Macau”將於十月推出。 (轉載自澳門日報2006.09.13)

大家有冇試過Jet Lag？有冇試過搭展途機後覺得好sleepy，導致打亂哂d行程？我興幸我坐過咁多次飛機都未試過，haha~~ 究竟什麼是Jet Lag呢？如果你係短時間橫越多個時區，由於身體的生理時鐘未能適應目的地的時間轉變，便會出現時差反應(Jet Lag)。其實一般症狀包括易累、失眠、頭痛、食慾不振等。而大部分往西飛的旅客會較往東飛的旅客少出現Jet Lag，因為往西飛即(時間延長)，而往東飛即(時間縮短)。 為什麼有人沒有出現Jet Lag呢？其實並非每一個人會出現，但經常失眠，或常搭飛機穿梭的大商家、商務人士等，會較容易出現此情況！當然短途機是不會出現此問題的。 如何避免Jet Lag呢？參照了一些旅遊書籍後，他們建議了以下應對方法：出發前要有充足睡眠；做足旅遊準備，不要急急忙忙。在航機上要不時補充水份，因為機艙中空氣較乾燥，加速水份流失；不時走動及做一些簡單伸展活動。到達後如是日間，應儘量保持清醒，繼續行程，等到晚上才睡覺。 在航機上儘量不要服食安眠藥，以及喝酒、咖啡等刺激性飲料，應保持平常作息進食習慣，切忌暴飲暴食。雖然你係有畀錢，又知道長途機可提供少量杯麵，那也不用一坐長途機就想做"杯麵黨"掛？ 另外，英國航空公司一項有關Jet Lag的調查報告，也提出了一條方程式，助旅客計算抵埗後精神最差的時間：平日起床時間 - 3小時 + 時差 = 目的地最疲憊時間 (答案的前後1小時就是)如起床時8:00am，目的地是紐約，時差為-13小時了。那方程式就是：上午8時 - 3小時 +(-13小時) = 下午4時   (即下午3時至5時是最疲倦時間) 其實我覺得冇乜大用，因為計了出來都沒有什麼可改善，對吧！ (以上部分資料摘自U Magazine)編/攝：阿乃

        為了適應市場對新型飛機的需求，空中巴士公司近日宣佈，將逐步停止A300/A310飛機的總裝工作，最後一架A300-600飛機將於2007年7月交付。至此，空中巴士公司這一早期飛機項目已經成功生產和銷售了35年時間。　　空中巴士公司總裁兼首席執行官洪博達表示：“這一決定旨在優化資源利用，以達到最佳的商業利益。在A300/A310項目臨近結束之時，空中巴士公司整體業務領域的產量正在大規模提高，客戶對空中巴士新型機型的需求在不斷增長，如A321、A330/A340系列飛機和全新的A350飛機。這些產品已經覆蓋甚至超過了A300/A310這樣早期飛機項目的細分市場。”　　空中巴士A300飛機于1969年5月問世，1974年5月開始在法國空軍服役，它是推向市場的首款寬體姊妹飛機之一，為業內設立了全新的標準。A310飛機于1978年7月問世，1983年4月開始由德國漢莎航空公司和瑞士航空公司投入運營。空中巴士公司憑藉首款寬體飛機的雙人駕駛艙再次為行業設立了新標準，並首次引入了數字技術和陰極射線管顯示器。這些技術創新為空中巴士公司贏得了目光長遠、值得信賴的美譽，為當今的成功奠定了基礎。　　截止到目前，A300/A310飛機共獲得821架飛機訂單，已經交付了803架飛機。A300/A310飛機的儲備訂單包括：將交付給聯邦快遞公司、聯合包裹服務公司和銀河航空公司的A300貨機。空中巴士公司計劃在A300/A310項目結束時推出現有飛機的新貨運機型。　　空中巴士公司總裁兼首席執行官洪博達表示：“A300/A310項目掀開了空中巴士公司的成功篇章，821架的訂單總量超出了所有的商業預期。進入21世紀，空中巴士公司將繼續秉承A300/A310飛機所蘊涵的精神，並將其運用到A380和A350飛機項目中。在此，我要向空中巴士公司的所有客戶和員工表示衷心的感謝，多年來，是他們參與設計、開發、製造並銷售了這些非同尋常的飛機。”　　在過去的兩年中，約150名空中巴士公司的員工奮戰在A300/A310的總裝線上，幾乎每月就有一架飛機下線。所有參與A300/A310生產的員工將在其他現有或未來項目中走上新的崗位。目前，空中巴士公司正處於上升階段，公司內部非常需要這些技術熟練、經驗豐富的員工。據預測，2006年空中巴士飛機的交付量將從2005年的378架上升到400架以上。　　目前，共有640多架A300和A310飛機服務於全球80多家運營商。在中國，目前共有5家航空公司運營著37架A300/A310飛機。其中，東方航空公司是中國最早、也是目前最大的A300/A310用戶，共運營著18架A300/A310飛機。　　根據空中巴士公司的預計，全球現有的A300/A310飛機將會繼續運營，其中一半可以運營到2025年以後。為此，空中巴士公司推出了“長期機隊支援計劃”，繼續為這些飛機的順利運營提供支援，直到最後一架飛機退役。　　中國于1985年引進第一架空中巴士飛機。1994年,空中巴士中國有限公司成立，並在北京設立了辦事處。20年來，空中巴士公司向中國客戶提供了先進的空中巴士系列產品，迄今為止，在中國大陸、香港和澳門特區現役空中巴士飛機的數量已經超過340架。與此同時，空中巴士公司提出了與中國建立全面合作夥伴關係的長期發展目標，積極開展與中國航空製造業的工業合作和技術轉讓。2005年7月，空巴（北京）工程技術中心在北京正式啟用。空中巴士公司還建立了全面而集中的售後服務機制，在中國20個城市派駐了客戶服務和技術支援服務站，並於1997年斥資8000萬美元在北京建立了一家先進的培訓和支援中心。　　空中巴士公司總部設在法國圖盧茲，由歐洲宇航防務集團和英宇航系統公司共同擁有。         (如果你成日去下旅行，應該都搭左好多次呢架機啦！) (轉載自空中巴士公司新聞通告)

今天為大家介紹一個好好的旅遊幫手軟件，它叫"Google Earth"，由google開發，現在free download呀！網址係：http://earth.google.com，是一套結合衛星圖像、網上地圖及地方資訊於一身的軟件，需衛星地圖可能不是最update的 (如澳門macau咁樣，你睇到的衛星圖片係2003-04年的，當時未有西灣大橋，亦未有大型的賭場地盤，所以一睇就知係03-04年的，你現在來澳一定不是這個樣的。) 但網上有google earth的互助社區，有人會upload一D新的衛星圖片給你貼在google earth的大地球上，自己更新囉。簡直就是一個旅遊大地圖，用於教地理亦相當不錯，又可作查詢旅遊之用。 自己亦可以placemark D地方，放上去同其他人share，所以地球上共同一齊去更新你的地球，哈哈哈！而且佢可以幫你去到一些遊人止步的地方參觀，如北韓，以及其他國家的軍事重地，甚至南極大陸的原貌。 如果你想去美加地方，那更一定要用佢，因為美加及歐洲大國的地圖及資訊是最新最快的。 互動社區的網頁：http://www.googleearthhacks.comhttp://www.bestofworldmaps.com 編：阿乃 本 著作 係採用 創用 CC 姓名標示-非商業性-禁止改作 3.0 授權條款授權.

行程安排需考慮(機票篇)：常常有一些機票+酒店的套票，到底抵唔抵呢？(1)如果超過5天的行程，基本上不適合。因為延長酒店的附加費(每天計)較貴(2)如整個旅程不在同一地區的就不適合。因為套票機票是點對點，而不是round trip(3)套票的機票只適用某些航空，如要早去晚返，可能要額外付款(4)套票一經確認，不能更改任何資料及出發日子時間，因大多為特惠票及團體票(5)不能賺取飛行哩數所以安排行程時除考慮了地區之後，最先應考慮機票及酒店呀！ 飛行哩數：各位如常出外旅行，不妨辦理一張飛行哩數積點優惠卡。而儲蓄飛行哩數除了該航空公司的會員卡外，亦希多個聯線陣營，比較大的航空聯盟有：Star Alliance星空聯盟 www.star-alliance.com    及  Asia Miles亞洲萬里通 www.asiamiles.com。各有不同的航空公司加盟，如全日空、聯合就是星空聯盟陣營。而國泰、日航、港龍就歸亞洲萬里通。 (待續)編：阿乃

寫意自助遊通常都是1人行 或 2人行。但一大班人的自助遊的話，以下數目比較好：4人、6人(最好是不多於8人之內)---因為3人比較少房可住3人，如果找到房間的話也可以。---因為4人應該是較好，人不多不少，房又易分配。---6人就基本飽和啦，再多d人的話，要求就會多，問題就多，分歧亦都多。 其實一班人自助遊最忌就係以下的事項：1.事前團友未作好溝通、未達成一致共識----->攪到旅途不愉快2.資料及行程準備不足----------------------------->引致經常出錯，大家容易有爭執3.旅途中出現兩個不同取向----------------------->引致分開兩team玩，不歡而散4.分開去目的地or返原居地----------------------->咁不如分開玩啦，開頭已經唔一致啦咁樣好多時攪到唔係咁愉快囉！乜mood都冇哂，而且有時會好掃興。 所以我提議如果我似咁，成日都一班5,6個自助遊的話，在計劃所有野之前先要做：1.問埋所有人去果個想做乜？一定要去邊？有冇特別野要買？之類2.計劃行程前開一次會，將所有人想去的要求及目的都講出來，之後大家一齊去妥協及達成共識先3.之後就plan一個可以遷就哂大部分主要要求的plan，再給佢地睇睇4.plan好行程之後，應根據各人的取向分配不同的工作，如A找東京區的食店、B找交通路線安排、C找入場費及特別優惠、D負責整理資料...... 人人都分工合作，咁樣的話個個都負責旅程一部分，唔駛跟人去完之後自己都係唔識行，又可以大家互相補助，去完次後就下次都可以自己去啦。咁樣絕對係好玩好多！同埋覺得好有成功感的，因為自己都有參與計劃！ 文：阿乃

好多時去旅行社出機票, 上面都有一堆密麻麻既字, 希望大家透過我的解說對上面既資訊有所認識(1) 出 票 旅 行 社 的 英 文 縮 寫 。(2) 該 旅 行 社 在 國 際 航 空 協...

澳門隨時與世界各地的電視觀衆見面！不論任何時間、地點，只要打開電視機便有機會看到澳門地標大三巴牌坊的現場畫面。為慶祝澳門特區成立六周年，旅遊局與全球最大遙控直播拍攝網絡earthTV合作，從今日開始加入漂亮的澳門畫面，向全球超過十億名收看“earthTV”(瞬間看地球)電視節目的觀衆播放。 攝影機將全天候瞄準位於“世界遺產——澳門歷史城區”的大三巴牌坊。世界各地的電視觀衆隨時可見證這個中葡文化交融的地標，以及感受這裡延續着多元文化融和共存的獨特氛圍。 旅遊局長安棟樑表示：“澳門是一個與別不同的旅遊目的地，各具特色的節慶活動及盛事接連登場；這裡的人文、生活及建築，充分反映中葡文化和諧共融的特徵，亦是‘澳門歷史城區’成為世界遺產的重要因素。本人希望透過earthTV，向全界的電視觀衆及旅客實時展現澳門獨有的一面。” earthTV主席Thomas Hohenacker稱：“澳門是一個獨一無二的城市，我們很高興澳門能成為我們環球網絡的一員，澳門的實時景致將傳送到地球每個角落。” 澳門特區政府旅遊局在全球設有十七個駐外代表，主要分佈在亞太及東南亞地區、北美洲和歐洲。旅遊局將繼續配合澳門特區政府的發展策略，致力開拓澳門成為旅遊博彩、會議商務及休閒旅遊目的地。 earthTV 三年前啟播，全球設有超過六十個攝像點；每日於超過卅五個分別提供十種語言的電視網絡及第三代移動電話平臺(歐洲及中國)，透過鏡頭將最著名及最具代表性的景點帶給世界各地的電視觀衆。earthTV放置的三個鏡頭，全天候拍攝澳門景象。但有居民反映，收看時畫面播映着大牌坊下的路面，鏡頭移至牌坊腳下就停止，未能眞正將澳門的地標傳送至全世界。 安棟樑表示選擇在回歸日首播，除了是慶祝回歸的大日子外，更是配合文化遺產，具有重大意義。 (轉載自澳門日報)

今天傍晚又去了一次漁人碼頭做愚人！本次目的係去玩我上一次除夕因為太多人冇玩既 "秘密基地" 首先我入去先玩果個虛擬動感影院囉！(mop $20，差不多有2分鐘)一次最多可以坐8個人，而故事係講述我地坐住一架吉普車內，在有火山的叢林裡探險！非常唔驚囉！我地幾個淨係狂笑囉！原因係佢冇安全帶(因為真係冇任何野)，我由左"sir"到右撞到阿friends，佢地係後排既就狂笑！又話張椅好冼啦！又話有臭膠味(因為新)！最爆笑係d劇情~~比猩猩蝦囉！笑到傻呀~~ 之後我地每人又夾25蚊，共100元換錢玩，由日本最新到澳的 "祭之達人"街機版！好似老虎機原理，入錢，跌錢就係你！不過佢係遊戲，唔係賭錢！首先你見到機有10部一組，每一號有一條祭鐘繩及左右各一入幣口，於入幣口將幣入到風車阻擋的兩個口，就可以發動中間電視機出現老虎機，只有中三個同數字就會有錢飛出來，而儲滿333、555、777各一個，就會飛50個出來！如果你出現3個祭，就會有大獎！ 3個祭的大獎就是那個設於10部機中間的大燈籠，將佢裡面的累積獎幣倒哂出來！咁你就贏唔少啦！我地試過4,5次，但次次都贏唔到，而對面的高手就贏左成2,3次！跌成幾百個出來呀！點解贏唔到，係因為要"fix"繩，而Fix得多係好累的，所以次次都唔得！下圖就係朋友在fix繩，我在後面偷拍！ 其實我地開頭贏左好多好多返來，可以夠換空氣清新機！(因為佢以幾多金幣換乜野獎品)但最後我地fix繩真係好差囉！成日都lost左個大大獎！(之後就加碼左每人10元去玩) 其實我地就係志在玩下，試下新野玩，唔係想贏，只享受下過程姐！最後凡71每人用左20+25+10=mop $55就係秘密基地玩左成2小時啦！真係抵呀~~係咁fix繩，如有壓力去fix下就冇哂壓力，好明顯仲可以收拜拜肉tim~~佢地最鍾意！而且漁人碼頭今個月型2月做緊免費泊車，所以唔駛錢泊車~~yeah 下次再去，就要試玩 "頭文字d" 果兩部凌空吊住任你漂移的街機！只需9元一次，都抵呀！仲有好多新進的賽車game！ 文/攝：阿乃

早於上星期接受了TDM(澳門廣播電視中文台)的訪問，這個訪問全是圍繞著本人的寫blog的。 其實他們做訪問的目的是為了TDM要製作一個關於澳門人使用blog的節目，恰巧，他們又找到本人在yahoo這裡的blog，所以就想約我做過訪問。當然，我上星期比較得閒，接受了他們的訪問。 而他們問的問題圍繞著一些基本的問題，如：(blog友一再要求，現在已經附上答案)為何會寫blog呢？--ans--> 因為從來都冇個人網頁，見好多friends都有，我又唔想整，所以咪用blog囉！寫了blog多長時間？--ans--> 2005年11月開始！你的Blog主要是分享些什麼？--ans--> 遊記、澳門人生活為主，自我工作及閒聊為副。寫Blog的目的或想得到是什麼？--ans--> 其實開blog並沒有想過要得到什麼，只想讓自己寫下旅遊及生活點滴！有什麼因素驅使你使用這Blog呢？(容量、版面風格......)--ans--> 因為佢係無限空間，申請手續簡單易用。仲有好多地方可以改進，版面及功能都唔係十分好！有沒有結識到一些志同道合的blog友？--ans--> 有呀，如馬來西亞、台灣、香港、甚至澳門本土的都有呀！好開心可以一齊分享旅遊體驗及心得！同blog的交流方式？--ans--> 主要係網上email、blog囉！並沒有約過出來呀！有時澳門區的blog友都會碰面，佢地話見到我，但我次次都見唔到佢地呀！hehe~Blog有沒有帶來你一些生活上的變化？--ans--> 有呀，成了習慣，每日check完mail就會check blog同睇blog友既blog，回覆及留言，日日都會做的例行公事。有什麼推動力讓你繼續寫blog呢？--ans--> 朋友 & blog友的支持囉！如果冇你地既話，我未必咁勤力寫blog同更新！你會否繼續寫呢？--ans--> 我會繼續寫，就算唔再流行我都會繼續，因為這是我個人的網頁，好似一本記事簿咁，將我想講的東西以圖文方式記敘下來。曾經都有blog有問過我，點解你唔將你d遊記出書呢？我既答案係：我都想，不過冇門路，亦冇咁多錢去支持印書費！等一連串其實好多blog友都考慮過的問題，我都知有好多blog在其第100篇blog文中，已經解答了上述大部分的問題了！對不對？ 的確，初時我寫blog的目的，只是為了將自己的遊歷回憶記下，以及將自己影既相save低。而且我用yahoo blog的時候，它才剛剛出生不足一個月，使用的人很少，因為它是一個試用版。初初用了不夠一個月就被選為精選blog，其實我並不知道如何入選到精選blog，只是有朋友說見到，我才發現自己入選了！haha~~但慢慢都現在已經多了好多人使用了！對不對？ 而亦是這樣就讓我結識到好多鍾意旅行及攝影的blog友，真的分享及交流了不少心得！就是這樣我就被訪問了大約半小時！ 播映時間係：(2006年6月26日)上午8:00-9:00，以及中午1:00-1:30 (時段內播出)播映地區電視台：澳門廣播電視中文台(TDM) 雖然我今天要到香港覆診(牙醫)，但我已叫我細佬幫我錄低，等我返來看看有幾多分鐘出鏡時間~~haha！因為除了訪問我之外，還有其他澳門的blog友，真的期待今早的節目~~(自戀1000分鐘......) 編：阿乃

早前係雞絲汀娜果Blog，睇到一篇有關海關的恐佈野，就係有人痾屎係關卡通道上，心想那個人唔係急成咁下嘛！真係變態都冇人有！ 其實我都係澳門見過，都係大陸人所為。大陸真係冇奇不有，乜都有，d人又特別過人，乜都做得出。佢竟然當街搵左一個角落的坑渠去痾屎！你話死未，佢仲扭轉背，佢可能以為佢睇唔到我地d行人，人地就睇佢唔到！你話幾離譜呀~~如果當時附近有警察，我實報警，話有人係街度作出裸露及猥褻性行為，捉佢入去警局痾到夠啦！ 現在再貼一圖給大家看看，相片來自中國大城市某一地鐵站內，一位年青人在坑渠邊痾屎 (大家留心d就睇到舊屎)，真係好恐佈！我想地鐵有toilet姐，點解要係當街當巷度痾呢？ (我有少少潔癖，所以我真係接受唔到！)唔知大家接唔接受得到呢？ 編：阿乃圖：轉載自電郵

近年居民收入增加，每逢佳節均是消費旺季。本澳現時唯一的大型百貨公司新八佰伴看準商機，每年設兩次貴賓日，每次反應均非常爆滿。 昨日是新八佰伴今年的首個貴賓日，情況更是熱烈。一大早已有大批消費者到場“搜刮”戰利品，瘋狂消費場面相當墟冚，不少人埋單動輒數千元。 分流入場排隊付款 大減價是貴賓日的招徠之術。七折、五折、三折的商品隨處可見。為免“執輸”，不少居民提早排隊進場，貴賓日上午十一時才開始，但門口早已迫滿人龍，因客量太多，要分流控制場面。 場內整日人流擠迫，收銀處人龍不斷，高峰時每條人龍超過五十人。消費者購物慾非常高漲，商戶要不時補貨，有商戶一小時內要補貨五、六次，銷情相當暢旺。儘管要等近句鐘才可進場，付款亦要等候一個多小時，但消費者依然樂此不疲，不少消費者每次貴賓日都會捧場。 有多次“搶購”經驗的陳姓居民指出，要購得心儀物品必須“早早入場”，否則買不到好東西；陳女士每次貴賓日均會花費三、四千元，主要是購買護膚品及生活用品。她指向來喜愛品牌產品，但價錢昂貴，故每逢大優惠就會“趁低吸納”，“加加埋可以慳唔少！” 大部分消費者埋單數千元，不少孝順仔女看準時機，為即將到來的父親節入貨，當中以男士護膚品及家庭生活用品最受歡迎，因一家大細都用得着。 自由行加入戰團 亦有不少自由行客來澳後加入“戰團”。有遊客指出，平日來澳購買護膚品經已很優惠，貴賓日就更便宜。不少消費者更順便購買行李箱，運載“戰利品”。 至於商戶亦採取不同的引客策略，護膚品店採取“替客付款”，令客戶購物時更舒適；亦有商戶出動五折的吸引，開門不足兩小時已售罄。為免流失商機，唯有先付款後取貨，此招果然奏效，幫助不少“斬獲”豐富的消費者減輕輪候時間。 (轉載自澳門日報06.06.15) 後記：我記我上一次的Vip day係多人多車到不得了，淨係jar車入去果個區域已經要塞2小時才可以進行附近停車場，到場內就簡直好似雜貨店+街市，人滿為患，認真恐佈，再者下午3點左右去都已經冇乜野買~~非常唔掂！ 其實昨日的VIP day我都有去，我係下午3點左右先入場。今次我好醒選擇搭巴士，而且值得讚既係八佰伴以及市民大眾都吸收了上一次的經驗，大部分棄車乘巴士，所以今次交通大致正常，唔會再有塞入去2小時，塞出來也要2小時！而八佰伴方面都好值得讚就係好多都可以轉為期貨(即後取)，如果冇貨都可以繼續買，唔會冇得買。當然有一些枕頭、電器係例外啦！我今次去就買左一組行李gip，一大一小可組裝，裝備帶去日本旅行用，haha~~另外亦買了一些jockey的衣衫等，因為買一送一(即係半價~~hehe~~)，仲有一d男士護理套裝等！我好快就買完，而且我所買的東西全部都唔駛排隊~~d sales好好人，個個都話可以直接比錢佢，唔駛迫排隊~lucky~~另外同行友人就冇咁好彩，佢買左一對枕頭、三Set床舖系列都要排餐死，之後又入左去八佰伴超市買日本零食，我係超市冇買野，但我個friends就買左唔少野，都只不過係有九折，仲有排左1小時才可比錢 (所以我發誓我以後的VIP Day都唔會入超市)，真係貼錢買難受！之後我就搭巴士走囉！個friends有男友電單車車走，haha~~不過5點過後的八佰伴就越來越多人，真係幾恐佈ga！ 我想今天的八佰伴又回復平靜，變回一個舒舒服服，唔係太多人的澳門唯一大型百貨lu！ (後記)編：阿乃

昨日(06-6-11)11點多就起床，見天色不佳，心想又是一個下雨天，這兩星期以來一直下雨及陰天，好耐冇見過陽光啦！唔知幾時先有陽光呢？ 今天其實我約了一班friends去tapia的漢城食午飯，漢城位於tapia的舊城區入口，逢星期六、日中午有mop$68一位任食韓國燒烤，我地就一早book左位啦！最早到的是stella，之後就是我、katy，其後就是Nicole、Samuel，十二點九就開始食啦~~我都唔知我地食左幾多條肥牛、豬頸肉、牛肋骨及菜、冬菇啦！當然仲有d丸類及粟米、芋絲......等啦！食到飽飽了，2點半就走人，向我地下一個目的地進發，就是今天的重點------澳門蛋的保齡球場！ 一出漢城門口，才發現下著大雨，稍後更轉為滂沱大雨tim，你都咪話唔驚呀！不過咁樣都好，因為咁樣就冇乜人去d咁僻遠的地方，就可以快d有得打啦！haha~~一去到，泊好車就入去，快d去了登記，好彩真的因為大雨關係，只有2個名排隊，那好快就係我地就可以等到位！在等待期間就影下相先啦梗係！(保齡球場內的一景，地方都幾寬敞，都好乾淨呀！hehe~~)(下圖是Samuel同我合照呀！) (下圖是Stella、我、Nicole、Katy的合照，Samuel jar機~haha) 等左大約20分鐘，相都影完就有得打啦~~我地買左每人兩個game，位位mop$43(有3蚊係鞋)，而球道就係15號~~haha~ 看看下圖就是我地條球道的colourful保齡球，我用9、10磅的Large手指位的球，而Samuel用10、11磅球，Katy佢地就用6、7、8磅的球~~ 下兩圖是本人打保齡時的動作，佢地話好優美喎~~haha~~ 其實人的打法及姿態基於各人都不肯公佈，所以我唔會貼出來ga~~haha~~佢地已經收到自己的攪笑相by e-mail了！haha~~在各人之中，打得最好就是Samuel啦~~成138分呀！佢就姿態好標準，亦都好優美！(以前去香洲打保齡，試過見過有人打完擺一個郭富城姿勢，都已經笑到肚攣啦~~之後又來一個天鵝湖，簡直同做show冇分別，亦比我地笑到而家tim~~)下圖就是第一局的總分，1K 就係Samuel啦，3B 就係本人~~好彩我第一局都唔係好差，而3位女士就係4字頭、5字頭之間啦~~唔好講係邊個~~係地會打死我ga！ 第二局就慘不忍睹啦！我跌到去74分，出現了多個失誤；而Samuel就再創新高，打出143的成績，真係厲害，而女士們就由5至80幾不等，都好厲害！haha~~ 其實在打保齡的途中，d雨越落越大，係館內望出去，真係好似倒水咁feel，但人流依然好多，真係不愧係澳門最平最新最標準的保齡球場！haha~~ 之後我地就去了皇朝的東望洋餅店度食過下午茶，大家都肚餓了！如果係飲咖啡的話應該會好d，因為我地只係叫左d cake、包同三杯生果梳打！D生果梳打就麻麻~~雖然大杯，但冇乜味，尤其係菠蘿梳打！食完野之後就散去了！ 後記：今次係第一次徵得各人不反對之下，刊登出朋友的樣子，佢地應該唔會收我肖像權費掛！hehe~~唔駛再打人地格仔啦~~haha~~ 編：阿乃攝：阿乃、Samuel、Nicole、Katy

今天澳門的天氣不錯呀！充滿陽光，只不過太熱了！成30度~~ 但今天看到好美的景色，所以同大家分享一下！有時係屋企工作都累，都可以欣賞下窗外景色，放鬆一下！所以今日我係介紹工作而外的美景，提下神嘛！其實我家在聖地牙哥酒店附近，即西灣跟媽閣交界位，面向澳門水道，對面就係灣仔(係大陸果個)。所以影低d相比大家看看，其實夕陽真係幾靚！ 下圖：我家露台影去聖地牙哥酒店的屋頂，遠眺融和門(黑色果舊野)！下圖：我家露台景 一寫呢個topic，又諗起雯雯比我果首Eric Kwok唱的 "夕陽無限好"，淨係得果兩句："夕陽無限好，只是近黃昏。" haha~~ 不過那隻碟真的不錯呀~~全部都係寫完歌，出比d歌手聽住唱的demo，大多由填詞or作曲人唱ga，903都曾經播過ga~~ 唔講咁多，貼d美美夕陽圖出來先！下圖：我家露台影下來的夕陽及小船 編/攝：阿乃

今日就同大家分享下我的工作室。 其實之前講過我教數間學校，又是學會的理事長，又是某間博物館的導賞員，名正言順一個自由身，那當然你們應該猜得到，我是沒有一個特定的位置給我辦公啦~~ 沒錯，真的沒有！由於我同父母同住，所以我的固定辦公室就是我的房間。 但是我可以在我的房間分出工作區、休息及睡床區，其實都係得一二步之隔。房內有2個書櫃，全部裝滿書，所以於3個月前添置了一個新的大型書籍放在房間外(因為房間已經冇位放啦，唯有放出去走廊！)。大家注意啦~~我書櫃放的都是書、教學講義、資料等，而不是雜誌、小說及漫畫(因為這三類我都冇興趣)，至今差不多有400本書，現在還在增加中~~哈哈~~之後我會有一篇關於我的藏書習慣。 講返我的房間先，上星期四不知從何而來進了一隻8cm長的大而識飛的曱甴，用了半小時才找到它並打死它，事緣我同朋友傾緊電話，突然有野從門口進入，而且識飛，但我所在的位置沒有報紙及拖鞋，於是我大叫阿媽拎d報紙入來，有曱甴呀！其實我阿媽好驚d飛既野，所以我打算佢拎報紙姐，但佢一打開門，隻曱甴就飛過來我度，當時我大叫，因為我覺得佢好dirty，而且佢飛上我張床度爬行再飛過來，而且本人有少許潔癖，所以忍唔住，快同朋友收線，立即出去戴手套，準備"殺強行動"......最後花了半小時，終於找到它hide係櫃的gap度，就用隻有戴手套的手捉住佢d觸鬚，又搵高溫消毒槍噴佢，跟住就立即用報紙拍死佢，哈哈~~了卻心願。之後發覺張床會好dirty，因為佢爬過，所以就換左床單、被鋪等等，換了我最like的橙色，就變成了現在的樣子。(下圖) 睡房區域就是上圖這樣的啦~~有床頭燈，hifi，裝碟的櫃，cd架及白板ga！這是"曱甴事件" 後的新床單被鋪。 上圖就是從床影過去的工作區，有書櫃、飾櫃、工作檯、電話、電腦及設備、電視。而中間Qoo的位置就是小茶几及日式坐墊，for三五知已聚下or睇下電視之用。而圖左邊白色的地方是入牆衣櫃。 上圖就是從小茶几影上去的工作區一角，工作檯是一張L型設計的，一邊放了電腦等設備，另一邊就放了電話及文具，進行書寫用途。 上圖就是L型工作檯的書寫區，都好亂，因為剛攪緊一些project。 其實每次都是這樣的，所以的工作都要在家中做，不論備課、打教案、做教學資料、批改作業、做展覽策劃、上網、打機、寫blog，幾乎一到家就在這個範圍，不太走動。因為真的太多野係同一時間處理，所以這是我搵食的重地，而且好多時都好似打杖咁，只要完成一件事，檯面就會清走一些file及資料。 因為我的學會暫時還沒有會址，所以所有的會員幹事做野都係自己家中，利用工餘時間做野，好多時就用msn、電話及e-mail來交換情報，再者會約出來開會交代重要事項呀！所以這個工作檯更為重要。 這亦是我在進家後逗留得最多的地方，所以這檯工具非常齊全，要乜有乜，連肚餓都可以打開櫃找食物添！當然現在我也是坐在這位置寫blog文啦！大家是否覺得好亂呢？ 其實自由身也不是不好，只不過同時間可能有好多工作一齊來，有時就比較冷清，而且人工方面當然是多勞多得，但絕對冇一份正職咁好啦，又三工又雙糧，仲有穩定收入呀！haha~~ 加送兩幅當我休息時會開著的造型燈，包括下圖的Led白光樹狀燈； 以及下圖的天花造型燈呀！這盞燈是在2004年去日本旅行買回來的，現在香港都有。它有兩款，一款是只有藍色，而另一款(就是我買的)是自動轉換顏色的，程序為藍-->綠-->紅-->藍，是慢慢變色，所以變出了一個色譜出來，就好似和記"3"的標誌咁慢慢轉色，好柔和的感覺。而且仲有30、60、90分鐘自動turn off的功能。今次開佢sleep好快就會sleep著。它是射在天花或牆上，呈現出北極光或海洋咁ge 造型，令你感覺好舒服，如配合一些spa音樂，好快就已經訓得著啦！ --------------------------------------------------------------------------------------------------(由於是用手機拍攝，所以質素比較差，請見諒！)編/攝：阿乃

PLACE1：耶路撒冷，三大宗教的聖地。PLACE2：拉薩，普度性靈的聖地。PLACE3：羅馬，全球最大的歷史博物館。   PLACE4 ：雅典，飄流在愛琴海上的古文明。PLACE5：西安，華夏千年古都。PLACE6：開羅，尼羅河的恩典。PLACE7：恆河，印度聖河。 pLACE8：長城，中華民族的脊樑。 PLACE9：泰姬陵，永恆之面上的一滴淚珠。PLACE10：中國五嶽，華山、泰山、天山、衡山......。PLACE11：維也納，音樂之城。 PLACE12：黃河，中華民族的母親河。PLACE13：吳哥窟，雕刻出來的王城。PLACE14：富士山，日本聖山。 PLACE15：阿姆斯特丹，多元化的統一。PLACE16：中國始皇陵，天下第一陵。PLACE17：科羅拉多大峽谷，奇偉瑰麗的自然景觀。PLACE18：莫斯科，懷舊憶故游。PLACE19：婆羅浮屠，人間瑰寶的傳奇。PLACE20：北京，一個偉大文明的頂峰。 PLACE21：中國麗江古城，中國古城風貌一絕地。　　PLACE22：巴黎，崇拜勇士的城市。PLACE23：蘇格蘭，永不凋零的花。PLACE24：梵蒂岡，世界天主教的中心。 PLACE25：哥本哈根，美麗的童話王國。PLACE26：亞馬遜森林，地球的綠色心臟。PLACE27：佛羅倫斯，美麗的翡冷翠。PLACE28：畢爾包，文化再造城市的典範，古根漢侵佔世界的站點。 PLACE29：伊斯坦布爾，地跨歐亞兩洲的歷史名城。PLACE30 ：悉尼，南太平洋上的明珠。PLACE31：南京，六朝古都。PLACE32：威尼斯，亞得里亞海上的水上之城。 PLACE33：撒哈拉沙漠，一道流動的風景。PLACE34：聖城麥加，全世界穆斯林嚮往和朝拜的中心。PLACE35：聖彼得堡，涅瓦河畔的文化殿堂。PLACE36：里約熱內盧，美妙之都。PLACE37：尼亞加拉瀑布，世界奇觀。PLACE38：日內瓦，聯合國之城。PLACE39：紐約，地獄和天堂的完美結合。PLACE40：大堡礁，世界天然海洋博物館。PLACE41：巴塞羅那，歐洲之花，西方藝術國度。 PLACE42：拉斯維加斯，世界上最顯赫的遊樂場。 PLACE43：長江三峽，山水畫廊。PLACE44：慕尼黑，藝術文化之城，世界會展之都。PLACE45：莫高窟，東方藝術明珠。PLACE46：米蘭，藝術家的搖籃。 PLACE47：倫敦，古代與現代的完美結合。PLACE48：馬丘比丘，印加失落之城。PLACE49 ：芝加哥，建築藝術的博物館和聖地。PLACE50 ：京都，日本文化重城，昔日古都。PLACE51 ：普羅旺斯，薰衣草的王國。PLACE52：比薩斜塔，無與倫比的缺陷美。 PLACE53：奈良，日本文化遺產集中之城。PLACE54：西西里島，地中海文明的起源。PLACE55：曼谷，湄南河上的明珠。 PLACE56：瀘沽湖麼梳族，東方女兒國。PLACE57：阿根廷，足球王國。PLACE58：滑鐵盧，紀念敗軍將領的古戰場。PLACE59：杜拜，中東堀起的先進現代奢侈代名詞。PLACE60：冰島，身處於冷與熱情之間。PLACE61：珍珠港，不能忘卻的災難。PLACE62 ：佩特拉，約旦迷城寶殿。PLACE63：峇里島，詩之島。PLACE64：阿拉斯加冰川，最後一處的親近冰川國度。pLACE65：都柏林，不朽的文學之都。PLACE66：南極，美麗的冰雪世界。 PLACE67：十二門徒石，屹立於南半球的天然奇觀。PLACE68：台灣九份，失落於山中的悲情城市。PLACE69：伊瓜蘇大瀑布，世界第一瀑布。PLACE70：路易斯湖，藍寶石之湖，洛磯山脈腳下的瑰寶。 PLACE71：澳門，世界歷史名城，中西文化交融之地。PLACE72：馬爾代夫，嘆世界陽光與海灘的角度！PLACE73：琉森，瑞士國之標誌。PLACE74：汶箂，馬來黃金之城，石油奢華之國。PLACE75：蔚藍海岸，結集尼斯、康城等法國南部獨特風貌之地。PLACE76：復活島，世界不思議之鳥人文化及巨人之謎。PLACE77：紐西蘭，世界地熱之國，環保天然之國度。 PLACE78：帛琉，世界僅餘的淨土。PLACE79：布拉格，捷克之藝術寶庫。PLACE80：棉花堡，土耳其之天然遺產。 備註：橙色代表阿乃已經到過的地方。 文：阿乃Update at 2007/11/29 本 著作 係採用 創用 CC 姓名標示-非商業性-禁止改作 3.0 授權條款授權.

各位： 今天閒遊yahoo blog既時候，係一位blog友的blog發現一個好好用的網頁，就係為自己製造一張屬於自己的旅遊地圖，將曾經到過的地方記載於網頁中，並免費製作出一張地圖。 而且仲有美國、加拿大、歐洲三大外遊的區內地圖，可以標出你到訪過的國家及州份！大家可以看看下面三張圖！ 我所到訪過的世界地圖：Visited 26 countries (11%)大陸、台灣、日本、韓國、澳洲、泰國、新加坡、加拿大、美國(包括阿拉斯加、夏威夷)、英國、法國、德國、荷蘭、意大利、奧地利、盧森堡、安道爾、瑞士、丹麥、摩納哥、梵蒂岡、捷克、比利時、土耳其、阿聯酋、馬來西亞 create your own visited country map or check our Venice travel guide 我所到訪過的美國州份：Visited 28 states (54%)我所到訪過的加拿大州份：Visited 3 states (23%) 我所到訪過的歐洲國家：Visited 15countries (29%)create your personalized...

唔知大家知唔知乜野係CC呢？CC 即係 Creative Commons，中文譯為 "部分版權"。它已經於世界各國先後設立分部，提供了(cc)的服務！ 是根據版權所有者決定釋放/限制那些版權給使用者！換言之，與以前的(C)，是有分別的！ --例子一-- (亦是本人申請了的版權類別) 我製作了一段片，而這段片是我版權所有的！但我想給予更多人分享我的成果，所以我想開放給其他人進行轉貼，而我需要轉載者遵守以下守則：(1) 要列明製作者是誰(2) 不能用來作商業用途(3) 不可隨意改動本製作 那就應該使用(CC) 啦！如是以上的例子，你只需到CC全球網頁http://creativecommons.org/(因為香港、澳門還未有CC分部，所以暫時用全球通用的CC吧！)(台灣的朋友可以去http://creativecommons.org.tw/ )登記並揀選出與你要求相同的選項，製作出一個CC icon及版權頁，那你就可以將佢貼左你的網頁上，成為一個有版權的post / blog啦！ 如果你想於自己的文章(即非網上資源)，例如是word、excel、powerpoint等，你亦可到Microsoft網頁http://www.microsoft.com/downloads/details.aspx?familyid=113b53dd-1cc0-4fbe-9e1d-b91d07c76504&displaylang=en下載一個microsoft文件專用的版權製作器！保護你的著作版權！ 如果你想share你的原創音樂，你可到CC全球網頁http://creativecommons.org/製作出下面的版權頁！  This music free to share under a Creative Commons Music...

上回貼左一部分睡房的室內設計，今次再貼第二部分吧！大家可以參考一下，裝修／粉飾睡房呀！ 這個是以『天‧海』為概念所設計的，以淺藍配白的設計風格，簡約中帶不平凡，讓人有種憩靜、休閒及舒服我感覺，真的很不錯。再配上天‧海的畫，牆身以直間紋，窗簾以薄紗為主，帶出海的動感！(本人喜愛之列) 呢間我會叫佢做青蘋果 / 青地房，成個tone都係錄色，需然綠色係好，但似乎用得太多，有d擠擁感覺！ 呢間係小朋友房間feel，有滑稽的畫作，簡約得來有些童真！牆身用上粉藍色，另一面置一個組合櫃，充份利用各空間，收納得宜！ 以玫瑰花與白色的配搭，給人少女房的feel~~設計簡單！ 呢間就真係好白，以灰白色設計，地板拋光，感覺似精神病房多d！但它也有可取的設計位，床頭的應該是蚊帳，估計係可以伸縮的！另外的櫃上有兩個呈三角錐體的造型燈！阿乃tips：這型燈可點綴室內，營造不同的感覺！ 呢間係好行政CEO的房間，以黑白灰的強烈對比作設計重點，牆身以灰色，配上不透明玻璃！簡約得來有點神秘感！ 呢間給人好家庭的感覺，好大眾，糅合了中式味道，天花頂上的走軌式燈是房間的特別之處，以斜式作跨度！給人打夏常規傳統的感覺！ 呢個簡直好似studio d佈景房咁啦！又係黑白灰，以簡單構圖為主(包括點、線、面)，配上造型特別的床架，床頭的特別design，以及藝術味重的掛畫，真係幾靚，但這房亦給人冷漠的感覺，我就唔會住係d乜冷既房度！ 今集先介紹咁多先啦，下集係最後一輯的室內設計！ 文：阿乃圖：來自網路

上回就貼左好多hip hotel既相，今次又到返家居室內設計啦！今次既主題係："型" "格"家居，就是又潮又型既品味家居！大家是否常見到電視劇的主角屋企非常有設計品味，其實你的家、我的家都可以！不如大家先來看看下面既相/圖先！ 首先呢幅是以白色為主調，選配米黃及淡灰色，給人一種開闊、光猛的感覺，再以不同的台階建構為特色！既日式風味，又富時代感！阿乃tips：其實一幅乏味的牆，可以為它配上一些合適的壁燈/造型燈，或配上有品味的畫作，那可提升個人品味空間，時尚優雅。 這房間用色配搭大膽，以鮮黃、墨綠配以純白，再以淺色木作家具及地板，顯得整間房間有一種好特別的感覺！ 這間是白、灰藍、淺灰為主，盈造了科技感，同時亦覺得好冷漠的感覺！屬於男仔房較多！阿乃tips：用上白光燈使人覺得光猛的感覺是沒錯，但過暗或燈光不足時，會讓人覺得不開心、失落、眼訓等，所以要小心。 這間跟一上間房是一個對比，這間讓人感覺好warm，親和力足的。阿乃tips：以鐵鏽色、橙色、黃色，再配木家具都能造出同樣感覺。 這間是圓床設計，房內配置簡單，以主色黑白對比作視覺衝擊！ 這間時尚，具設計品味，用上大量木色，配上白色，是最穩陣、最中庸的品味風格！ 這間是以閣樓作設計的！運用了牆身大部分空間，完全善用每一角落作為收納的地方！巧妙運用斜頂作掛畫！有d似外國的味道~~Ikea feel囉！(本人比較喜歡這間！) 呢一間我就最不欣賞，大家認知似乜？我會覺得似醫院大房(即係d病秀同時有幾個人住果d)，用布簾作分隔~~怪怪的！我就唔想住醫院囉！ 呢間比我的感覺又係Ikea feel~~不過再加小小日本feel，因為大致以d簡單配件組成，精而不華。我只是覺得床頭的白磚，好似係toilet咁囉！ 文：阿乃圖/相：來自網路

上集跟大家說了一部分的個人房間的獨特設計，今次跟大家說說去旅行時必需的酒店客房！ 講到酒店客房，個個都以為係普通客房，不對囉！現在有一種新興酒店，叫 精品酒店 或叫 Hip hotel，我想常看U magazine or 新假期的朋友，應該對這些名詞不陌生吧！這兩種酒店都是走高格調、特別、服務優越、用色及設計大膽的路線的！在世界各地都已經興起！好像澳門都已經有一間精品酒店誕生，就是位於漁人碼頭的箂斯酒店！ 好，唔講咁多，帶大家睇下位於世界各地的精品/hip hotel的客房，用了不同的主題呀！ 太空星際為主題的房，我覺得晚上應該會更美吧！ 墳墓客房，我想應該無人願意入住吧！大吉利是咩！ 美國凶殺案街道房！好得意！你躺在床上就是死者呢~~haha 地中海中東風情的客房！我喜歡這間！ 成間disco房囉！都唔知點訓，可能畀大家狂歡一整死囉！hohoho~~ 天國之房呀！好神聖呀！唔arm我~~我是邪惡的！haha~~ 嘩！戰爭之房，好花囉！我絕對唔想做馬腳下的亡魂囉！ 馬爾代夫海洋島國風情呀！我蠻喜歡的！ 不知大家喜歡那一間呢？可能有人喜歡那些好特別的客房囉！haha~~ 文：阿乃圖：來自網路

各位，唔知大家的房間係點ge呢？係超亂？好整齊？定係狗竇？抑或好有品味呢？ 我好相信，冇人會好似下列呢d房間咁有主題色彩，亦唔會咁靚咁襯囉！下列果d圖係我係網路上搜集回來的！ Snoopy主題主人房！ 好綠同彩雀feel既主題睡房！ 好有白雪公主feel呢~~ 好青蘋果 / 草地feel，其實我覺得有點兒似toilet feel~ 水手feel主人房呀！好好好得意呀~~ 女仔至愛粉紅米老鼠主人房！(我其實勁憎粉紅色既野~~我唔睇好呢間囉！) 唔知各位又想擁有一間乜野既寢室呢？又或者上面已經滿足各位所需？ 文：阿乃圖：來自網路