澳門的3D網上地圖
大家是否習慣在網上查詢地圖呢？近日發現了一個好好的地圖，而且它有不同的地區，但我發現有澳門的全境地圖！
為什麼我要介紹，它有什麼特別呢？對，它就是特別在3D。沒錯，它是3D地圖，而且像真度好高，而且好美的地圖！絕對比Google的還要美，而且比Google的還要新(大家都知道澳門近年景觀及面積變化好大)
不信呀？大家來看看下面的取擷圖啦~~
看一看啦~~認出這裡是那兒吧！這就是新葡京、英皇酒店、永利酒店區域
這就是金沙賭場、漁人碼頭一帶呀~~那上遊艇還是動態的，隨時進進出出的！好像在玩Simcity(模擬城市)一樣的感覺！
這裡就是好似香港赤蠟角機場的澳門關閘及北區一帶呀~~
是不是好精彩呢？其實這個網上地圖是中原地圖 跟 都市圈一起製作而成的！現在除了澳門，還有上海及多個內地的城市，但香港暫時沒有~~
而且它的還有實際照片及該建築物的資料！道路亦有中葡兩語(only in macau map)。
還等什麼呢？還不快去看看~~http://macau.o.cn/?locale=zh_tw
文/圖：阿乃
本 著作 係採用 創用 CC 姓名標示-非商業性-禁止改作 3.0 授權條款授權.
澳門靚景 – 西望洋山 (主教山)
澳門可能大家都知分三部分，澳門半島、氹仔(taipa)、路環。而家就加多左一部分叫 『路氹』，係由路環島同氹仔島中間填出來的，就是未來的澳門金光大道所在地，以及澳門大型體育建設集中地、高爾夫球場等所在區域！
講返先，澳門半島以前係澳葡時代的防守重地，有三大丘陵，多個炮台組成的嚴密軍事重地。兩大丘陵分別是東望洋山 (即松山)，設有燈塔，山下設嘉思欄炮台，附近設大炮台，守護南灣及對開伶汀洋近澳門海域；中間地帶的黑鬼山(即望廈山)，昔日的望廈砲台所在，現在成為亞太區唯一的旅遊學院，招待亞太區各學生來澳學習ga；以及西望洋山 (即主教山)，設有主教座堂，山下設有聖地牙哥堡壘炮台(今聖地牙哥古堡酒店)，守護內港區。
今天我介紹的是西望洋山，有睇開我blog的朋友都應該知道我之前已經貼過一篇西望洋山休憩區，現在介紹返主角，主教山！西望洋聖堂由聖奧斯定會修士建於1622年，供奉航海水手的保護神。曾經幾度重修，至1935年與主教私邸一起重建，成為現在的規模，西望洋山因此又稱主教山。教堂莊嚴宏偉，附有尖塔式的鐘樓，反映出古典折衷主義風格。
大家一同來看看主教山的相片吧！
呢一張我好鍾意ga！趣味三角(戲劇術語)的構圖，好有戲劇性，大家可以看看那些雕像的動作與位置！
這是窄角度拍出主教山聖堂的莊嚴肅穆的感覺~~
看看這是什麼圖案？好似西班牙以前的國旗國徽呀，又係十字軍的旗號，點解會係聖堂建築上出現呢？大家自己諗諗啦！
這是聖堂鐘塔頂的方位儀，唔係幾多間教堂有ga~~
日久失修既聖堂外圍石欄，呈現了主教山聖堂既另一番感覺出來~~
這是主教山聖堂樓下的聖母岩~~好有氣氛及氣派~~這是聖堂後院園林小路~~
這從聖堂影下去的南灣湖~~
這兩張是是由聖母岩那裡拍下的 《繁榮與老舊》，有著強烈的對比~~站於寧靜的主教山俯瞰澳門的變化，讓身為澳門人的我有一種矛盾的感覺，一來不想舊澳門被遺忘及改變，而另一方面澳門正朝著新城市的方向發展！
這是眺望觀光塔及西灣湖一帶~~當日天氣比較濛濃~~
同場加映：多張較早前於主教山影的黃昏相~~
編/攝：阿乃
夜遊澳門觀光塔
星期日帶一班香港朋友去觀光塔度睇日本節同澳門夜景，影左一d相比你地睇下~~呢將係59樓觀光主層影落去友誼大馬路(賭場街)果度既！有葡京，永利(已開幕)，星際酒店(藍色led)，總統酒店......
呢一張主要影觀光塔附近既道路網 & 立法會大樓左上方比較光的建築物是英皇酒店，上中間好光既就係葡京、永利、星際、總統啦~~
呢個係觀光塔附近的南灣湖廣場，每年既澳門美食節、除夕晚會及聖誕倒數都係o係呢度舉行ga！漸漸連音樂會、藝術節項目都選用這裡作表演場地啦！
這是觀光塔內面的堤岸影既 觀光塔旅遊會展中心，都幾靚，可惜我手震了！
呢張就係在觀光塔堤岸遠眺西灣大橋的夜景，我非常喜歡呢一樣呀！你地呢？
編/攝：阿乃
澳門夜景第一輯(04)：南灣湖水上活動中心
南灣湖水上活動中心，這個名字對好多人都好陌生，但如果我話佢係現在所有的水上競賽活動的指定舉辦地點那會唔會清楚一d呢？大家都仲未知係邊？它於2005年東亞運時，是龍舟、划艇等水上活動的比賽場地！這裡的標誌是一個大帳幕呀~~仲不停轉色tim~~
這個比賽時熱血沸騰、人滿為患的地方，原來平日或晚上是有另一番風味ga！當日夜晚我去到的時候都覺得冇乜野，但係一望落樓下的木浮橋區，真係比佢地嚇親呀！非常多人，而且個個拎住個網，同埋有幾隻筒係旁邊，原來d人係度捕網網蟹呀！原來夜晚呢度有好多蟹仔係水面游水，d人好容易就可以網到，當時我地派左一個特派記者(隔離blog的雯雯)下去訪問下d人，同影d捉蟹情況！
據網蟹者講，佢地一家只網了大概一小時左右，就有成2筒蟹，隻隻生猛tim~~(要睇相就要等特派記者post文先得，到時我會轉載條link過來ga啦！)跟住我地就行落下看看，發現其他的浮橋邊一樣有好多人係度網蟹，當中有一部分係新移民，少部分本地人，一部分南亞裔人士，真係好盛大的場面。
除此之外，原來呢度非常清涼，一d都唔覺得熱，而且有陣陣涼風吹送，皆因有湖、有海兼附近冇大廈，所以環境非常之好，而且又可以遠眺葡京、永利、星際酒店。
又可望到靚靚的觀光塔，
以及從另一角度看到立法會大樓及終審法院！
編/攝：阿乃
澳門夜景第一輯(03)：澳門永利 & 葡京
澳門永利，於2006年是9月6日正式開幕。今晚就去左西灣果邊影夜景，影左幾張對岸的永利與葡京。不過話時話，舊葡京真係越來越樣衰，明明金色好地地，而家又學人玩彩色LED，核突都爆，我寧靜佢用返金黃色，保持住Grand的感覺好得多啦！
其實今晚都好好彩，jar車行過永利時見到佢試噴水池，噴得好高好靚，但因為附近的改這道路工程，完全唔停得車，又比d圍板遮住哂！唯有去西灣果邊映返過去！
大家看看，係咪同拉斯維加斯果個Wynn一模一樣呢？(仲有幾張係相簿度，有興趣就自己去看看啦！)編/攝：阿乃
澳門夜景第一輯(02)：澳門文化中心及廣場
各位，繼續澳門夜遊岸邊沿線，今次為大家介紹的是澳門文化核心---澳門文化中心，這是澳門藝術博物館、創意產業中心、澳門文化中心劇院、Bex...等的藝文區域，上演過無數好劇，亦舉辦個無數的高水平活動及世界性大型展覽，吸引澳門市民及外國遊客前往！
幫佢賣左好多廣告，都係時候比大家看看它夜晚美麗的一面了！
這是文化中心的小瀑布，亦曾經有話劇在此上演ga！
這是文化中心的其中一條窄進道路！(都幾隱蔽ga！)
這就是文化中心外觀啦，我成日都話佢似餅店賣果d西餅-->有塊彎曲的朱古力置於蛋糕上面的西餅仔。
這是文化中心通往對面海邊的天橋，夜晚更靚！
另一角度的天橋，有燈的技術令到條橋更富藝術及時尚感，是這海邊較為突出的時尚藝術之一。
另一角度的文化中心外觀！
編/攝：阿乃
澳門夜景第一輯 (01)：觀音像
今次要介紹的是位於皇朝區酒吧街對開海面的觀音像，這個澳門人稱為『鬼佬觀音』，個樣勁似聖母，唔知大家覺唔覺呢？
7月30日晚食完晚餐就同d friends去左夜遊澳門並影相，這裡是第一站！
其實觀音像內裡建造了一個佛教圖書館，正名叫觀音蓮花苑！大家去都好方便ga！
這是皇朝區的大街。
(待續)編/攝：阿乃
天后宮
其他2004年5月就己經開幕啦！
呢幾張相係於2004年6月帶一班親戚上去天后宮參觀時所拍攝的！當然仲有旅館及停車場部分尚在建築中，所以只在宮殿部分率先開幕。
這個天后宮是澳門較大型的中式廟宇，亦只有它為澳門提供了中式婚禮服務，而且地方大又靚，可惜烈日當空就好哂(我就黎熔啦！)
之前係Blog友流浪影子果度睇到佢貼左一篇馬來西亞的天后宮，我見澳門路環呢個同佢地果個宮好似，所以就貼呢一篇出來！(流浪影子，你看看係唔係有好多地方好似呢？)
這天后宮位於路環島的山上，而路環島被定為離島區，大部分的郊野公園、沙灘、未開發的林地等均在於此，屬於澳門的後花園，受政府政策保護為郊區，只能適度開發，所以景致尚未受破壞，暫時仍可一望無際，空氣清新呀！
好啦~~唔講咁多，介紹下d圖先啦！
(下圖：由正宮影出去的正宮前地及正門，兩旁為小齋堂及神香販賣處)
(下兩圖就是天后宮的正宮殿)
(下圖是天后宮後面花園的側宮，當然去到都未開放，唔知裡面擺左d乜同做d乜既。)
唔知兩年後的今日，路環的天后宮變成點樣呢？我都兩年冇去影相lu~~搵日得閒再就去下先！其實澳門除了這個新開的天后宮，還有為人所熟悉的媽閣廟(位於媽閣)、天后廟(位於氹仔大利豬扒飽對面)。
(如果想睇相片的攝影資料可到相簿-->澳門風情查閱)
編/攝：阿乃
閒情登上西望洋山
完成哂d野，下午4點幾就已經係自由時間啦~~仲約左d friends睇鬼片(其實好有好多friends唔敢睇，只有某幾個同我一樣係唔怕，仲會好變態係睇鬼片狂笑tim)，不過今次的兩位同行者都有少少驚睇鬼片ga！
咁去到先知只有9:30才 arm 時間，所以咪High個Tea先啦！之後去左八佰伴拎返之前訂左既 "大細孖行李箱"，跟住仲有好多時間，我就去了西望洋山影下相啦！
其實澳門半島有3個主要山(其實係丘陵)，包括了：東望洋山(即係松山、山頂醫院)；西望洋山(即主教山、主教座堂)；黑鬼山又稱望廈山(旅遊學院及望廈炮台)
而我今次去的就是位於南灣、西灣、媽閣環繞的西邊昔日守澳重地-----西望洋山，它亦是我家背後的山，所以其實同自己屋企好近，不過都唔係成日上來，但好在有大把位泊囉！
西望洋山最出名的就是主教座堂，所以又名主教山。主教座堂係熱門旅遊點之一，它是傳統的哥德式建築，旁側設鐘樓，以石材為主要建築材料。一年一度的聖像出遊都係終點站，當時係由議事亭的玫瑰堂出發至此。各位以後來澳，一定要上去行下！風景好靚ga！
因為我今天成6點幾7點先出去，所以教堂已關門，就連前地就關了門，只有休憩區開放，就唯有入內影相吧！(因為教堂前地個View最正)現在就來分享一些所拍的相吧！
(下2圖：休憩區環境一覽)
(下圖為休憩區之小噴泉)
(下圖為主教山的主教座堂)
(以下的圖是由主教山休憩區拍下南灣、西灣的景色)(包括：觀光塔、西灣大橋、西灣網球會、澳氹大橋、氹仔、南灣消防總局)
(以下幾張就係全景圖拍攝的主教山下景致及夜幕下的南、西灣)
因為當時係在山腳下的西灣湖邊，現在是居高臨下啦！順帶一提，如果大家有興趣係9-10月來澳門參與國際煙花匯演的話，這裡是最佳視點之一，而且需要早成一小時以上來這霸位，因為好多影友晨早來set機霸地，如果遲左只可以係佢地既褲浪下看煙花啦！
(由於本人冇用腳架，所以會有少許微震)如果想睇攝影的詳情資料，請到相簿的 "澳門美麗的角落" 查閱，有齊詳盡資料！
編/攝：阿乃
進入重開的漁人碼頭火山
各位，是否還記得火山於開幕兩星期就因事故而關閉嗎？
上星期六晚(2006年6月10日)我同d friends一齊去，見佢開返，咁之前冇入，今日咪入下去囉！
仲有那兩個遊戲同時開返啦，分別是熔岩激流 & 奪寶奇兵兩個火山內的game
最重要既係我今日有帶相機，可以狂影相~~haha~~
同以前價格一樣，入火山費要mop$10，每款game需mop$40，另有全票、套票買，可以平d！
當然好多人都唔知佢開返，所以冇人排隊入火山同玩game，我地當然係唔玩啦~~之前出意外，現在等d人玩過先啦！唔會去搏啦！
大家準備好未？我現在帶大家入火山啦！
開始入去啦！
大門口都唔係好闊，有種恐佈的感覺！
入左去都幾黑，唔係好光，而且好似d古墓or金字塔咁feel，行行下仲有兩個雕塑jar住把刀係你頭上，你都咪話唔驚，嚇到兩位同行者一定要我走在前頭！
一步一步咁行入去，就越來越熱，同覺得好悶熱同有少少硫磺臭味！過左兩把劍之後就見到一條水道，我地的位置係在水道上面一條橋上，影落去水道度，都幾似岩漿feel ga~~當然係熔岩激流呀！
穿過一個山洞之後就來到另一區，可以看到奪寶奇兵的火車軌，其實那個奪寶奇兵係好危險，只有飛機坐位的安全帶，而且一架只坐4人，以好快速地奔走，時而俯衝，時而奔走，感覺上好似好易飛出來咁，而且有一段會係我地d行人道頭頂飛過，佢有貼牌警告 "不可觸摸"，其實我地真係舉高手就掂到條車軌，你想想幾恐怖，所以我建議大家玩熔岩激流好了！感覺上比這個好好多！(各位千祈唔好係果個位跳，我驚你地撞到條車軌呀！)
這個位就是我所說的係我頭頂不足50cm處經過的車軌，我還特意行過d先影，因為我驚比佢嚇親，成日驚佢跌下來呀！
這是另一區的熔岩水道！
這是火山內的一個中式涼亭，其實都幾格格不入的，都唔知邊個設計，咁得怪，火山有涼亭，仲寫住不可長時間停留，請快速經過！真係又唔知佢有d乜事發生！
在涼亭內拍攝出去的走道！
離開火山前的走道，又回歸一種恐佈，但從走道吹入陣陣涼風，的確令人想快d出去，加上那條火車軌係頭頂，你更加想快d出去啦！這是火山的出口，見到兩個工作人員係度傾計，好似唔駛做咁，都幾寫意呀！
火山另一角度的夜景！
總括來說，10元一入火山都算值得ga！唔知大家覺得呢？
編/攝：阿乃
鏡海長虹
鏡海長虹------澳門八景之一，亦是八景的首位。
鏡海長虹，是昔日澳門的南、西灣岸邊，與taipa對望之間的河道。直至南、西灣湖填海造地，以及觀光塔、消防局、終審法院及環澳高速車道建成為止。
它是昔日的休閒勝地，也是情侶的拍拖勝地，風景優雅，綠樹林蔭，延綿曲折，詩意十足。以大石築起矮牆為岸堤，設置中古式木長椅讓公眾休息。未填海之前，適逢潮退往往近岸邊會變成泥灘，雖然經過都係好臭，但多了幾分鄉村小城韻味。以前有好多人係度釣魚、撈蝦仔、捉泥鰍，以及划龍舟等，雖然現在都有，佐只有划龍舟是合法，其他都是非法的，因為現在變了湖，嚴禁垂釣及進湖。
講左好多昔日的鏡海長虹，現在的鏡海長虹已經不復當年的美，多了一份時尚休閒風。為什麼這樣說呢？雖然政府已經完全保留昔日堤岸的設施、景觀，以及石堤仍在，跟以前沒有兩樣，但從南、西灣望出去的景色只由一個河道變成了湖景及觀光塔。而昔日的鏡海長虹是由葡京對開一直至到媽閣的堤岸，現在中間的部分已經變成多幢商業中心、湖景住宅、英皇酒店了，令昔日的大彎位一下子變了南灣的新區。如果大家到了南灣的英皇酒店附近，你可以看看有一條長長的綠化區至澳督府及西灣，那裡還有一條好清晰的石堤在，那就是10年前的河邊，想找尋昔日的河邊可以去看看，並不困難。
雖然城市化發展，一定會有所取捨，以填海造地變取更多的空間，這是澳門唯一的辦法。現在的南灣、南西灣已經面目全非，剩下西灣至媽閣一段仍保留至今，一直不變其迂迴曲折的灣岸，只是由河境，變成湖境，但又有另一種味道，湖面水靜，往往看到已往看不到的清晰倒影，晚上又可遠眺葡京的五光十色。
已住的海中心，現已經變成了觀光塔、西灣湖景休憩區、西灣大橋、環澳高速車道、永利、皇朝等地，其實景色都唔差，只是多左一份時尚休閒的感覺。往往於清晨、傍晚都有不少人在此路做運動、跑步、晨運等等。而我住附近，所以下樓就可以見到好美的景色，也很不錯的！
編/攝：阿乃
陰雨天的澳門漁人碼頭
大家還記得之前的介紹的漁人碼頭麵包湯嗎？今日同大家分享一下之前去漁人碼頭食野之前，真真正正行一行個漁人碼頭的靚景，那天陰天還下著微雨，所以個地都好滑，好易跣親呀！不果又另有一番風味，我都幾鍾意個感覺，就好似台灣的九份、英國的倫敦，終日陰陰天，個feel不錯呀！
其實好多人都影d屋呀！火山呀！但忽略左一d角落，有韻味的地方。又或者missing左一點周邊景觀對漁人碼頭的景色影響。那當日我就去左影呢d咁既位，那當然係用舊相機A40啦(當然未買新相機呀！)
以下的相比大家欣賞下，大家一定要比比意見，說說看法：(因為冇縮尺寸上載關係，張張都係1600x1200，所以load既時間比較慢，請靜心等候！)
圖1：丹麥屋後側的歐陸小步道，海傍邊啦！
圖2：丹麥屋內的仿古歐洲汽油燈
圖3：從丹麥屋海傍影過去遊艇碼頭區
圖4：枯蒼的樹與孤獨的人
圖5：歌德式的建築物，是名牌店來的~~仿歐洲的教堂風格
圖6：唐城後面的海傍影過去港澳碼頭呀
圖7：壯觀的唐城外觀(內部裝修中，未開放)
圖8：唐城及火山的中間位置影過去東西匯聚(有偷窺feel)
圖9：東西匯聚街景一角
圖10：噴泉小步道
圖11：東西匯聚被忽略的一角(好有古歐洲民居feel)
圖11：羅馬表演場外圍走道~~ee~~有腳架，行家係度影相
圖12,13：漁人碼頭與毗鄰的金沙及高尚住宅的對比(我覺得佢地影響左漁人碼頭個feel)
圖14：被毗鄰破壞個feel的漁人碼頭全景
(想睇原圖可去相簿內澳門漁人碼頭folder)編/攝：阿乃
媽閣紫煙
澳門八景之一-------《媽閣紫煙》
媽閣廟包括“神山第一”殿、正覺禪林、弘仁殿、觀音閣等建築物。早期稱娘媽廟、天妃廟或海覺寺；後定名“媽祖閣”，華人俗稱“媽閣廟”。
媽閣廟的創建年份，至今未有定論；但大部分學者都肯定在葡萄牙人定居澳門前，此處已有供奉媽祖的廟宇。從1751年完稿的《澳門記略》附圖上可見整座廟宇已有一定規模；到清道光八年（1828年），媽閣廟重修，廟內建築，大為完善。至同治十三年（1874年）及光緒元年（1875 年），媽閣廟兩遭颶風破壞，建築物受損，經兩年重修擴建後，奠定今天的模樣。
現時廟內有實物可考的建築物是“神山第一”殿。該殿供奉天后，創建於1605年（明萬曆三十三年）， 1629 年（明崇禎二年）及1828 年（清道光八年）兩度重修，其門口石橫樑至今仍存創建時的石刻。媽閣廟是澳門現存廟宇中有實物可考的最古老的廟宇，也是澳門文物中原建築物保存至今時間最長的。
弘仁殿是一座小型石殿，供奉天后；相傳建於明弘治元年（1488 年）；但現時殿門及殿內石龕，則為清道光八年（1828 年）重修所建。
觀音閣與正覺禪林的創建年代未知，但從《澳門記略》可見1751 年前已有雛型。觀音閣最早為一石亭， 1828 年重修，形成今貌；閣內供奉觀音。正覺禪林重修於清道光八年（1828年），今供奉天后。此殿在1988年2 月8 日曾發生火警，後由政府按原貌重修，至翌年2 月完成。
媽閣廟有許多摩崖石刻，均為歷代官宦名士的詩詞題字，是研究澳門歷史文化的重要資料。尤其是“洋船石”和“海覺石”，年代久遠，是澳門著名的兩大奇石，也是歷代騷人墨客詠吟的對象。
媽閣廟位於媽閣山西面山腰上，主要由入口大門、牌坊、正殿、弘仁殿、觀音閣及正覺禪林組成，各建築規模雖然細小簡樸，但卻能充分融合自然，佈局錯落有致。
建築特色：入口大門為一牌樓式花崗石建築，祗開有一個門洞，門楣有“媽祖閣”三字，兩側為對聯，三部分均有琉璃瓦頂等裝飾，其中門楣頂部更有飛檐狀屋脊，脊上裝置瓷製寶珠及鰲魚，緊跟在大門之後為一三間四柱衝天式牌坊，亦由花崗石建造而成，並有四隻石獅分置在柱頭上。正殿為供奉天后的其中一個神殿，有神山第一殿之稱，它和正門建築、牌坊以至在半山腰上之弘仁殿都在同一軸線上。建築主要由花崗石及磚頭砌築而成，其中花崗石作主導，無論柱、樑、部分牆身以至屋頂均由此材料修築，兩邊牆體均開有大面積琉璃花磚方窗，而在較高位置的氣窗，則為圓形。在石屋頂上又鋪設琉璃瓦頂，並以誇張的飛檐裝飾正脊及垂脊；而其屋頂造型又分兩部分，朝拜區之屋頂以歇山卷棚頂形式出現，而神龕區之琉璃屋頂則為重檐廡殿式，脊上飛檐純樸有力。
弘仁殿規模最小，祗有3 平方米左右，它事實上是一石室：建築以山上巖石作後牆，屋頂及牆身也以花崗石圍合。殿內也供奉天后，兩側牆身內壁有天后之侍女及魔將浮雕，而天后神像則置於山石前，與正殿神龕區做法一樣，在石屋頂上，也加上綠色琉璃瓦及飛檐式屋脊裝飾。位於最高處的觀音殿，主要由磚石構築而成，其建築較為簡樸，為硬山式做法。
相對於其他神殿，位於建築群前方且與正殿同在一平台上的正覺禪林不管在規模上或是在建築形式上都較為講究，建築由供奉天后之正殿及側殿組成，側殿建築為一般磚結構民房式，屋頂為硬山式。而正殿是一四架樑結構建築，為一院落式佈置，前為天井，天井兩側的側廊為卷棚式屋頂，主建築被二列各三枝柱分為三個開間，屋頂為琉璃瓦坡頂，兩邊側牆頂部為“鑊耳”山牆，有防火的意思，具濃烈的閩南特色。位於天井前之正立面，縱分為五部分，中間最高兩邊漸低，牆身有泥塑裝飾，牆頂則以琉璃瓦裝飾，而在琉璃瓦檐下是三層象徵斗拱之泥塑花飾，此外，中間部分尚開有一半徑為1 米多的圓形窗洞，而琉璃瓦頂上之飛檐及瓷製寶珠裝飾，亦顯示出此殿之重要性。
資料來源：澳門文物網
其實媽閣由我出世到現在都冇乜大變化，只係對開的行車道已經變成行人專用區，海亦填了新路連貫西灣大橋，而皇家橋碼頭(昔日澳督出岸的碼頭仔)已成了歷史遺址，再沒有任何用途！為什麼會叫媽閣紫煙？原因是紫色，屬於佛教中尊貴、莊嚴的意思，而紫煙就是神聖的、奉獻的，直達佛祖的幻境構想，所以得出一個咁詩意的名稱！可能大家去得多媽閣廟，但下次不妨到對面的皇家橋感受一下昔日澳督來澳時的境況！
編：阿乃
澳門八景
其實從龍環葡韻那一篇開始，我會為大家提供一些澳門的文化景點及玩樂行資訊，而大家同時亦可以問下我你想知的澳門資料，我識的話，一定會解答你地！(上圖是澳門的夜景，遲d我會再去影過，因為已經又有好大變化了！)
龍環葡韻果一篇，都見到有唔少人回應播！所以才決定貼多d關於澳門既景點出來，希望可由我的blog，帶出澳門不是只有"賭"，還有其他好玩及靚景。
廢話就唔講啦！講返個題目-----『澳門八景』。其實澳門八景係好耐之前既澳門人寫下的，這八景為澳門當時的小城繪下了美麗的圖畫，亦是當時澳門最動人，最美麗的景點。
講左咁耐，究竟係邊八景呀~~老闆？『澳門八景』一. 鏡海長虹 (是指澳門與"乙水"仔之間的河道，再加上了嘉樂庇大橋)二. 媽閣紫煙 (是香火鼎盛的媽閣廟)三. 三巴聖蹟 (聖保祿教堂，即大三巴遺址)四. 普濟尋幽 (是指觀音堂)五. 燈塔松濤 (是指在松山山頂上聳立的燈塔)六. 盧園探勝 (是指位於塔石附近的盧九花園，它也是澳門中區唯一的中式亭院花圃)七. 龍環葡韻 ("乙水"仔昔日葡人及土生居住的地方)八. 黑沙踏浪 (是指路環的黑沙海灘)
於往後日子會繼續貼有關的文章！hehe~~
Tapia的龍環葡韻
(上圖是龍環葡韻的入口及住宅式博物館)
早前復活節期間帶了些香港朋友去那裡，所以又拍下一些美景，現在貼比大家看看！
『龍環葡韻』，位於嘉模教堂、星星公園附近，如跟巴士司機說，他會叫你係格蘭酒店巴士站 或 舊城區巴士站下車行過去。
(上圖是龍環葡韻的海灣，圖左上的是金沙威尼斯地盤工程中的吊臂)
這裡是昔日葡國人貴族及土生葡人居住的地方，現在將那些南歐小屋改建成 "住宅式博物館"，供遊客看看澳門昔日的葡人及土生的居住環境及室內擺設。
門外昔日一遍汪洋大海，紅樹木遍佈岸邊，現在填海變成了一個湖，但仍有小量紅樹木在，環境亦算優雅憩靜，也是澳門的生態保育區之一。這地也是澳門僅有舊式石仔路地點之一。(唔知幾耐都會變成新的石仔路)而湖另一邊就是將來(2007-2009落成)的金光大道(澳門賭城)，包括有：金沙威尼斯人、銀河渡假村、City of Dream、東方衛視影城、東方高爾夫球渡假村。
(上圖是住宅式博物館其中一間屋，它有4間)
有好多人都問為什麼叫"龍環葡韻"咁特別又難記？其實當時呢度好似一條龍伏在岸上似的海岸線，所以美其名為"龍環(灣)"的意思，另外此為葡人及土生居住的高尚區域，所以有葡國韻味。將兩者合二為一，成了"龍環葡韻"。
(上圖為龍環葡韻表演舞台，常在星期六、日黃昏六時，舉行黃昏音樂會。邀請過世界各地樂手歌手獻技)
土生葡人是指於澳門出生的葡國人或中葡混血兒。而土生葡人大多識講流利的廣東語、葡語，如工作於政府機構仲有機會懂國語、少許英文tim。
而澳門人就唔係個個都識葡文，如中、小學時期就讀澳門的官立學校(全都是中葡或葡文學校)，那就識葡文。但大部分澳門人都就讀私立學校為主，所以不太懂葡文。如你入職政府工，通常都要學葡文，或職位要求你懂葡文。但澳門人普遍都用廣東話、葡文為主，回歸後就多了國語。英文的話就唔係個個人都識，就算識，澳門人都唔係幾有信心去講ga~~
ps.澳門只有10多間官立學校(包括：幼稚園、小學、中學及大學的總數)，其餘百多間都是私立學校。而且澳門無會考，以及只有中六(高三)，之後就係直入大一，各校可自行決定教學方針，但應予教青局的指引相配合。如英文學校只有中五，就是到大學讀一年預科。
編/攝：阿乃
直擊報道 威尼斯人渡假村！(完整版。含Video)
2007年9月2日下午，約了朋友進入剛剛於四天前才開幕，威尼斯人渡假村的大運河購物中心參觀。
下午3時就出發，首先到各點接載各位朋友，然後才一起過去！一到 The Cotai Strip (金光大道)，見到好多好多車呀！之前已經有朋友去過， 他說基本上進不了停車場，因為太多人啦！那我們今天一到就先試試能不能進去！結果，真是不能進去，在門口已經放了一個 "滿" 的牌子！
之後我們就嘗試再後面的會議中心、酒店南翼入口及發財巴總站那邊的大馬路找尋，整條街都是非法的泊位 (因為那區是新開發的，而且並沒有停車場)，所以所有人都只要泊在街上，整條馬路差不多泊了70多台車，而且附近的馬路也變成泊車的地方，還有附近的合法的泊車位是完全full的~這個威尼斯人效應好恐佈！
正當我再次折返這條馬路的時候，剛好見到有一台車去完威尼斯人，要走了！我立即去等他的位置，有些不守法的駕車人士想搶桿呀！(ps.澳門其實好多人常常搶他人的位置，還不禮貌的明搶的，尤其是那些不守規的Benz及BMW的新移民)最後我所泊到的是最近發財巴入口的位置！
當我們下車，行到入口處，我們開始發現它的恐佈之處，因為人太多啦~~來自拱北關閘的、市中心的、蓮花關口的、碼頭來的......那些發財巴好恐怖，台台都是滿座的！
一進去入口，嘩！人多得太恐佈啦~~而且我們也知道有一大段路才可以到今天的目的地！我們今天的目的地是位於澳門金光大道，首間開幕，世界第二、亞洲第一大的威尼斯人渡假村，裡面的大運河購物中心！
我們進去威尼斯人的範圍，就發現人多得太離譜，非常怕裡面會更多人呀！好的，前面的鋪陳太多了，現在就帶大家以圖文+影片的方式為大家直擊報道！(不過場裡面實在太嘈雜，所以大家儘量聽吧！我的聲音應該被掩蓋吧！)Let's Start！
這就是南翼入口處！(並不是正門口！基本上如果你不是乘Taxi去的話，都不太會在正入口出入)
這是南翼入口的電梯！(這是去大運河購物中心 / 會展中心的方向)
從電梯上來之後，你會見到Duty free，就要向右走！(直走是去其他地方的！)
大家看看以下的2個Video就知道，向右走的方向！http://mymedia.yam.com/@/1500489
http://mymedia.yam.com/@/1500515
這裡好美的巴洛克式華麗風格，這處有一間叫藍蛙的Bar，見此bar的話，你就知道要用行人電梯再上一層，才可以到購物中心啦！
就是這條又長又高的行人電梯呀！
在這先跟大家報告一下！正式全面開放的時候，這裡有多達380間的店舖及食店！現在大約只有180間左右開門了！而且因為太大的關係~~基本上大家如果迷失了路的話，可以在聖馬可廣場or瑰麗堂集合！因為聖馬可廣場是整個購物中心的地標！而瑰麗堂是正中心位置！
首先看看地圖吧！(入相簿-->澳門賭城之美-->可以看大圖！)下面相片的位置就是地圖Level 3 這個角落的位置~~而它以不同的顏色分了多個區，並有7個區，分別有：聖馬可廣場、嘉德勒廣場、嘉利廣場、名都廣場、大運河區、馬可孛羅運河區、聖路卡運河區。大家冇聽錯，是有3條運河，它流經的地方就是一個區，這是一個創舉。(拉城的威尼斯只有一條)地圖中間的就是瑰麗堂！左上角的藍色就是大運河！上中間就是聖馬可廣場！Level 5 的據說是 古根漢博物館的分部！(但不知是不是真的！)
再來看看這幅購物中心地圖！圖中左邊至右下(紅色線區域)，都是尚未開放，也用了相片上的Masking方法封閉中，進也進不去！還有Level 5 也未開放！
上去之後直走100米左右，就會見到頭頂有一個牌子，它寫著 "Di Moda Square 名都廣場"。下圖就是踏進去購物中心範圍的第一個區域！(因為暫時只開了55%的地方，其他還未開放的街道，以及店舖分別用不同的方式掩蓋，你是不會發覺的！)好像下圖，就是在10月中才開的區域，它用一個很特別的方法Masking它，所以大家以為是宣傳版。
這就是我們進入聖馬可的街道，有Guess、Nike、Levis......
看看這段Video啦~~你可以再了解多一些啦！http://mymedia.yam.com/@/1500533
這是聖馬可廣場啦！
這個白色人像是真人來的！不是雕像呀~~詳情看下面的Video~~
就在上圖的位置開始拍攝的！http://mymedia.yam.com/@/1500563
聖馬可廣場的餐廳區，好美的！
這就是聖馬可廣場未端，大運河的源頭呀！這些貢多拉船，每程約15分鐘，成人mop$120、小孩mop$80、包船mop$480(可坐四人)有船夫唱意大利情歌，格調不錯！但因為太多人圍觀，所以不太能感受吧！你看看下圖，成條河周圍人好多，目的跟我一樣，就是拍他們照~~我的朋友說，他們好像動物給人家觀賞~~haha~~
穿越了整條大運河之後就來到第二個區域，這裡有間Bossini，其實還有很多店舖，但由於未開呀~~所以又用了Masking的技巧，讓大家不以為意！
這個就是Masking了整條街的入口！不知道的還以為是藝術畫的裝飾，初時我真的給它騙了！直到我看了地圖之後才知道~~
這是這區的頂部，以及柱子的裝飾~~
這是平面地圖呀~~很詳盡解釋購物中心的店舖！還有一些在運河邊的電腦地圖，它提供準確的資料，這由於太多人所以才拍不到照！
這是瑰麗堂頂上的壁畫，當然不能與外國教堂的相比！你一看就知道它好像是噴畫一樣，沒有油畫的質感的！而樓下就是賭場啦~~大家可以看看下面的Video~~
http://mymedia.yam.com/@/1500597
我們逛了差不多2小時了，也差不多逛完現在開放了的地方，這是美場廣場！不過東西實在是太貴了！但我又很肚餓，所以我只在仙跡岩買東西食！一份厚片吐司、一杯奇異果冰已經是40塊錢！真是見鬼的貴~~不過那個天幕已經出現黃昏的景色了！
看看最後一個Video，這是美食廣場的環境介紹。http://mymedia.yam.com/@/1500645
走的時候看到的天幕景，我好喜歡這幅呀~~
這是在詢問處get到的一千零一份指南！這樣也是我最不喜歡的一個措施！(因為金沙集團只向錢看，跟永利不同，永利宗旨人才是最重要，所以永利有繁/簡體及英文)
文/相/Video：阿乃本 著作 係採用 創用 CC 姓名標示-非商業性-禁止改作 3.0 授權條款授權.
秘密基地。試玩@漁人碼頭 2007/01/07
今天傍晚又去了一次漁人碼頭做愚人！本次目的係去玩我上一次除夕因為太多人冇玩既 "秘密基地"
首先我入去先玩果個虛擬動感影院囉！(mop $20，差不多有2分鐘)一次最多可以坐8個人，而故事係講述我地坐住一架吉普車內，在有火山的叢林裡探險！非常唔驚囉！我地幾個淨係狂笑囉！原因係佢冇安全帶(因為真係冇任何野)，我由左"sir"到右撞到阿friends，佢地係後排既就狂笑！又話張椅好冼啦！又話有臭膠味(因為新)！最爆笑係d劇情~~比猩猩蝦囉！笑到傻呀~~
之後我地每人又夾25蚊，共100元換錢玩，由日本最新到澳的 "祭之達人"街機版！好似老虎機原理，入錢，跌錢就係你！不過佢係遊戲，唔係賭錢！首先你見到機有10部一組，每一號有一條祭鐘繩及左右各一入幣口，於入幣口將幣入到風車阻擋的兩個口，就可以發動中間電視機出現老虎機，只有中三個同數字就會有錢飛出來，而儲滿333、555、777各一個，就會飛50個出來！如果你出現3個祭，就會有大獎！
3個祭的大獎就是那個設於10部機中間的大燈籠，將佢裡面的累積獎幣倒哂出來！咁你就贏唔少啦！我地試過4,5次，但次次都贏唔到，而對面的高手就贏左成2,3次！跌成幾百個出來呀！點解贏唔到，係因為要"fix"繩，而Fix得多係好累的，所以次次都唔得！下圖就係朋友在fix繩，我在後面偷拍！
其實我地開頭贏左好多好多返來，可以夠換空氣清新機！(因為佢以幾多金幣換乜野獎品)但最後我地fix繩真係好差囉！成日都lost左個大大獎！(之後就加碼左每人10元去玩)
其實我地就係志在玩下，試下新野玩，唔係想贏，只享受下過程姐！最後凡71每人用左20+25+10=mop $55就係秘密基地玩左成2小時啦！真係抵呀~~係咁fix繩，如有壓力去fix下就冇哂壓力，好明顯仲可以收拜拜肉tim~~佢地最鍾意！而且漁人碼頭今個月型2月做緊免費泊車，所以唔駛錢泊車~~yeah
下次再去，就要試玩 "頭文字d" 果兩部凌空吊住任你漂移的街機！只需9元一次，都抵呀！仲有好多新進的賽車game！
文/攝：阿乃
除夕倒數 @ 漁人碼頭
今日係06年12月31日，係06年的最後一日，同一班friends一早安排了一連串的活動進行。佢地係我日本的團友，唔知大家仲記唔記得啦！(雖然日本遊記仲未完)包括：N小姐 & C先生，K小姐 & Bf，L小姐
下午5點到澳門蛋打保齡，打完保齡去了雅廉訪的荷里活扒房食鋸扒，(在此嗚謝L小姐的Bf 幫忙去等位呀！)食克之後大約9回左右，就去左漁人碼頭啦！
漁人碼頭由於剛剛正式開業，開了好多我都未去過既新設施，今日一次去哂佢！不過冇玩，因為個個為除夕倒數，勁多人，而且Alan Tam 譚詠麟 係漁人碼頭有倒數演唱會，所以好好好多人囉！
我地泊車都好變態咁多人囉！首先去到既時候剛剛漁人碼頭地下停車場滿左，要U turn出返去！好失望咁再去前面新開既巴比倫娛樂場既停車場，見到d friends既電單車泊度係呢度，但係私家車又係冇位！Oh~No~~勁失望呀！點知我一駛出去，見到隔離個科學館地盤點解有車入既？唔通有位泊？咁我又跟住又去啦！
原來真係有得泊呀！唔知漁人碼頭點解咁勁，竟然可以借到澳基會個科學館地盤比我地泊車，重要係好大，好好車都泊得落，兼且最最重要係免費！ Yeah~~
跟住我就好快咁會合返佢地！就準備 第N次 遊覽澳門漁人碼頭(不過今次係睇d新野囉！)唔講咁多，我都知大家好心急要我去片睇相ga啦！
首先登場既係巴比倫娛樂場。
仲有火鳥角子機中心。
之後就係巴比倫對面的 "箂斯酒店"，間間都有獨立露台ga！仿十四至十六世紀英國古式酒店的設計，內堂極盡奢華呀！再加上白色宙典旋轉樓梯，豪住海景之選！
東西匯聚的 "勵駿大道" 呀！(多人多都爆！而且倒數既時間所有人都係哂呢條大道，排滿哂d人！)
葡萄牙館的 Rainbow大樓後面的 國際旅遊展！(有好多免費旅遊資料呀！我都get左d杜拜、英國、匈牙利、紐西蘭及埃及既旅遊資料！)ps. 櫃檯人員仲比左一隻杜拜既宣傳光碟我呀！~~
之後就係影D各國巡遊花車比你地睇！First. 歐洲
Second.大洋洲
Third. 澳門漁人碼頭
Four.美洲
Fifth.亞洲
Sixth. 澳門
仲有重新開放的布達拉宮同即將開放於三月開放的唐城！
仲有剛剛新開左一個星期的 秘密機地遊戲機中心，裡面有齊動感影院、凌空單人真實賽車，多款日本最新的遊戲(如祭禮之達人、多款賽車、夾公仔機)，仲有好多賽車game、滑水滑雪划艇、撞碟......應有盡有，適合大朋友玩樂！
當然仲有過埋元旦先拆既聖誕樹啦！
食哂雪糕，又行埋成個漁人碼頭啦！成11:45分梗係設去勵駿大道啦！準備倒數丫嘛！講真，我六、七年都冇做過呢個舉動，因為我唔鍾意人多！呢兩張係未倒數時既合照，一張我jar機，一張N小姐jar機！
倒數完就走啦當然！我地行返去get car時，見到巴比倫門口出現人潮，d人倒數完就去賭場碰碰運氣，睇下自己今年好唔好運呀！haha~~我地就梗係快d走啦~~否則就會勁塞車ga啦！因為觀光塔果邊都係同一條路，所以屆時就勁塞車！行到巴比倫果邊補影返 中東的花車及雕塑！
之後就返歸，get左car，我用了10分鐘塞車就返到屋企啦！(因為我屋企同漁人碼頭係呢條海邊路的一頭一尾，所以好快就可以返到去。不過平時3分鐘變左而家10分鐘都已經好好ga啦！)現在咪寫blog比大家睇囉！
我最後仲get左一本正式開幕的小冊子呀！編/攝：阿乃
澳門永利開幕式(影片)
澳門永利開幕式：
http://us.i1.yimg.com/cosmos.bcst.yahoo.com/player/media/swf/FLVVideoSolo.swf
由於是e-mail傳送的，所以製片者不詳！不過好多謝佢將永利開幕最精彩的拍低左！
雖然就舊左d，不過應該都同樣震撼ge！歐生一案，雖然丟清我地澳門人既面子，但大家都向好一面看吧！亦可以讓澳門的政府更加透明，都係好事黎ge！
文：阿乃影片：不詳
漁人碼頭火山內遊戲初體驗
其實漁人碼頭開左咁耐，我都入過去無數次，但次次都冇入去火山玩果兩款遊戲！而10月1日，因為帶了一班導賞講解澳門的名勝及有歷史故事，而最後一站就係漁人碼頭，所以就黎左！
之前都入過火山幾次，但今次入去係玩遊戲，而唔係齋入去焗桑拿囉！今次我入去只係玩 "烈焰激流"，之前因為驚佢唔知安唔安全，同埋會唔會衝向下而唔敢玩囉！(事關之前真係發生過小意外呀！)
Amy、Chantelle同我，就買票入去玩啦！玩之前我都驚ga！但一坐落去先發現，其實係好慢好慢，一d都唔激ga~~因為我好驚離心力，所以唔敢玩，但坐左落去先發現，佢比我平時開車仲要慢，相等於10米/每小時左右，你話幾慢！所以一d離心力都冇~~
最後有一段不斷上斜的路，我就開始驚啦~~但好不幸只有上，沒有落~~害我擔心一餐！平平安安就返到終點！40元就係咁花費左，路程太短，冇乜特別，所以都唔係好抵！(極度唔明之前點解會發生意外ga~~慢到蟲爬咁都會有意外~~)(我好有理由相信係d大陸旅客不守規舉先會有意外呀！)
都唔好話我話啦~~d大陸旅客去外地時，唔該注意下d態度同規舉啦！唔好成日丟中國人既面先得ga！我身為中國人都覺得好無耐，唔係香港澳門人唔肯認中國人，係你們係外國做埋d衰野，攪到d外國人一聽到中國人三個字就覺得你沒文化，沒教養呀！
呢幾日新聞就有講，阿國家主席要嚴厲規管d外遊既中國人修養，我真係大讚ga！但成效係點就未知，不過暫時都未有改善囉！
鬧夠啦！言歸正傳先，而Amy、Chantelle話唔夠激，想玩埋過山車，我梗係死都唔制啦~~佢地連笨豬跳都係冇乜反應，我點咁以佢地既標準去玩呢個過山車呀！
佢地最後就真係去左玩！佢地都玩完之後，都話有離心力，如果我玩就肯定驚死，以及尖叫就死~~不過佢地話太短，唔夠喉~~變態ga~~不過佢地真係好快呀~~一入去，唔夠5分鐘就出返黎，仲話玩完tim~~你話個過山車遊戲有幾快同幾短啦！
希望漁人碼頭果非洲村快d開，到時應該又有多d野行啦！
編/攝：阿乃
永利參觀實錄~~噴泉篇
星期日(2006‧9‧10)同一班friends (include Alvin、Keith、阿當佢地啦) 去左永利參觀，就算我係澳門人，我都係第一次去永利咋~~
第一個感覺係又黃又紅，好似好grand咁！個賭場唔係好大，都幾多柱位，但算開揚，且檯與檯位置較遠，這樣就值一讚！係賭場行行下仲見到阿 史提芬‧永利 係我地後面行緊，巡視業務tim~~
之後就行左一陣名店街，就出去睇噴泉啦！(下圖是Wynn大門口)
一開始噴泉就配以音樂上映下列咁多張美麗的相啦~~佢犀利在又水又火ga！又噴水又噴火，仲有音樂做background，真係唔錯~~而且噴火果陣就真係好鬼死熱呀~~直頭覺得塊面係滾ga！雖然我影左好多，不過就只貼d捕捉等比較靚ge比大家睇~~大家唔知覺得邊張靚呢？
(1號)
(2號)
(3號)
(4號)
(5號)
(6號)
(7號)
(8號)
(9號)
(10號)
之後大家再來看真d永利果門口牌，我成日叫佢做 "神主牌" ~~不過夜晚就真係幾得囉！尤其是要等佢個英文字寫完 &同個電視配合先靚~~神主牌大家各覺得邊張靚d呢？(牌1)
(牌2)
(牌3)
跟住仲影左對面的葡京，成間紫色都幾唔錯呀~~
大約逗留了一小時左右，之後我地就帶左 "321軍團"(Alvin、Keith、阿當) 去左葡京行個圈啦！之後就去之前介紹過既忙裡偷閒度飲野！最後於1點半左右車佢地返酒店sleep~~之後我地都回了家sleep啦~
編/攝：阿乃
日本遊樂園 @ 觀光塔 (3)
第三回就係講最後的一part-----日清展覽館。其實澳門呢個日清展覽館同日本既係完全唔同既，日本的專業好多，亦有好多實物同歷史show出來，而澳門呢個，應該就係o係香港海洋公園擺放過的大同小異，係以日清的卡通公仔為核心，以及d副產品及世界各地的合味道為主。不過唔同的是澳門呢個係唔駛畀錢入場 (我都知香港都唔駛)，但入海洋公園要丫嘛，而入觀光塔呢度就唔駛啦！而且人亦唔係好多，影相都可以快手快腳攪掂，但就地方較細，比較迫d，有d角度真係好難就囉！有時要捨棄，只可影局部，唔可以影大環境囉！
好啦~~講左咁耐又係時候帶大家入去睇睇啦！這個是大門口的頂上招牌呀！
門口的燈具裝飾呀！
日清展覽館門口的格局！
展館裡面有d乜呢？一入門口就有部dvd介紹啦~~
之後就會見到一個飾櫃，裝住哂d日清副產品，有多士爐、燈、杯、hifi、微型洗衣機、微波爐、夾公仔機、老虎機......等
而隔離就有日清妹妹同婆婆呀！
仲有清仔家族的資料呀！
又有世界各地的合味道杯面有什麼不同？包括名稱呀！原來上海同北京的合味道係叫 "開樂杯" ga！
呢d就係除日本外，世界各國的日清的面食產品啦！
以及港澳地區出產的日清食品，種類真係好多呀！
展館中間位置就係一區介紹日本拉面、原產地、發源史及種類等等的資料
展館中的人氣攝相位，我等左好耐先有機會冇人可以攝到全景！
呢個係講合味道杯面的製作方法及原理ga！
例牌每一個日清展館都會有既就係杯面一大個，不過這個比清仔清妹人氣就差一d，事關個位唔係太好，好窄，唔係好影得哂囉！
還有一部分相冇post出來，大家想睇就去相簿的 "日本遊樂場@觀光塔" 的 1,2,3,4版啦~想查詢攝影都係一樣！好啦~~向大家報導整個項目的清息已經完畢，希望大家enjoy啦~~同埋有好多blog友都問我同一個問題，其實我在第一篇已經答左，但可能大家睇唔到，就係這個項目係免費入場，而且至到明年2月先完，大家可以慢慢先去睇，唔駛太急！
本blog記者 阿乃 於會場報導完畢！
編/攝：阿乃
