05b.東方風物誌

《06'韓國秋葉行》25 - 番外篇 -- 購物樂 又來到購物篇！在旅行遊記當中，有很多朋友都說，為什麼看不到你們去shopping呢？其實我們是有的，不過大多是於晚上10點以後才出去shopping，原因是東大門那邊是韓國最大的shopping集中地，而很多都是營業至凌晨5點鐘！這是我最欣賞的地方，因為可以用盡旅行的所有時間，早上觀光去，晚上購物去！非常的好！   而我們主要的shopping點有2個，分別是東大門(酒店附近)、以及明洞！ 首先我先講明洞，需然有好多衣飾都不錯，但因為價格較貴，而且又凍，所以沒有詳細去逛~~只去了買紫菜，看看下圖，她的檔口給我們買了7成的東西，變空空啦~~ 這是我們的戰利品，圖左的白帽人就是老闆娘啦！(我影相，所以唔見我！) 這是東大門運動場旁的街邊小食及檔攤！ 這就是我們其中一間shopping的地點---Migliore不過這間商場賣的東西都比較貴，而且款式亦較少，所以都沒有什麼收獲~~ 這是好得意的公共建築，我真的不知道是什麼來的！不懂韓文啦！(不要再說我是韓國人，如果係說的很像日本人的話，我會比較開心！) 這間就係最出名的東大門鬥山塔，而且亦是我們幾乎晚晚到訪的一個shopping mall~~haha裡面賣的東西很多，而且分門別類，店舖於不同樓層，又可以講價還價~~買男裝衫還可以接受，因為都是幾百元一件衫or一條褲，但女裝的話就比較貴，都要2,3百一件囉！咁大家就可以衡量下物價與款式囉！(不過到韓國記得 "貨比三家" 呀！否則一定蝕呀！) 呢兩幅就係鬥山塔，是最後一日臨走前拍下的！他們已經準備聖誕裝飾啦！ 講下d戰利品先！首先登場的是護膚品~~一看就知道 Laneige是幫朋友及阿媽買啦！而VONIN是男士護膚品牌，由Rain做代言的，我買了兩set，一set自己，一set弟弟。還有好多the face shop & sample都係送朋友之用的！ 接下來就是食物篇！包括有大紫菜、小包紫菜，以及柚子茶，全部都是手信之用！ 接下來就是精品篇！有送給一對即將結婚的好朋友結婚禮物之用的公仔一對！(真的空運抵澳送給他們的！)有於小人國買下的膠folder & 手機吊飾 (有些朋友會知道我去任何地方都會買folder回來自己用！)有在韓國仁寺洞藝術中心買的星星店飾物 (有一部分送給好朋友，其他的是自己的！)有很多色彩繽紛的韓國小袋，全是送禮之用！還有3條鍊，有些送人的，有些自己的！最後就是10x10 shop的專為旅遊而製成的旅遊記事本！(一些送人一些自用！) 最後當然是自用衣飾篇~~有一個我好喜愛的袋子，上班、閒時都適用！(好多人都說個袋好得！)另外就是所買的衫，一般都OK，不過 "間條衫" 就多了少少！ 好啦！這是韓國之旅的最後一篇！下一篇係後記及意見反映與合輯！希望大家繼續支持本blog啦~~ (待續：後記)編/攝：阿乃

《06'韓國秋葉行》24 - 番外篇-- 爆笑行為藝術 其實爆笑行為藝術就是開一個topic，sell下我地團友d白痴行為ge！廣告牌、街頭雕塑、歌劇......通通都扮一餐！而我地既扮野王得主就是！登登燈櫈-----賣米小姐！而第二名得主係------阿乃！賣米："承蒙各位關照，得到扮野之王，我當之無愧！多謝！" (眾人：拍掌！)阿乃："多謝哂大家係呢個旅程令我成為扮野王二號！希望大家繼續支持！多謝~~多謝山頂既朋友！" (眾人：飛蕉皮、飛蛋、飛番茄！)唔講咁多，去片！   賣米的得獎作品---人型蟹 阿乃的得獎作品----樣衰衰 賣米得意作品---企左埋去都唔覺！(似到100%) 再一張得意作品：辣到變樣！(不忙sell我地本韓國救命天書！之後有同大家介紹過~) 又一輯滿意作品：你今天食左未？ 賣米驚世之作~~~Laneige轉行賣米！ 賣米駭世之作----紫菜沒埋 輪到組合得獎作品！ 得獎作品：你以為去左巴黎？唱歌劇！ 第二名得獎作品：衝出屎塔蓋！ 最後得獎作品：偵探雕刻 (待續：番外篇 -- 購物樂)編/攝：阿乃

《06'韓國秋葉行》23 - 番外篇-- 韓式捷運   我地呢一篇番外講的是捷運，那當然要介紹他們的電子貨幣卡啦！澳門就叫 "IC卡 / 澳門通"香港就叫 "八達通"台灣就叫 "悠遊卡"新加坡叫 "Ez link"咁韓國叫乜呢？ 答案係-------" T-Money " 呢d就係服務台，大家可以係地鐵內呢d counter買T-money卡(大家要記住，請於自由行前plan好計劃，知道自己要搭幾多程，每程幾錢，可到以下網址計一計價錢http://www.smrt.co.kr/english_smrt/cyberstation_smrt/cyberstation.jsp，咁你就知道大約用幾多won，最多買到arm arm好or預鬆少少，因為退係冇得退卡ga！) 另外有單程票的售票機，不過係好難明，所以我並不建議大家使用！而且T-money每程平100won，大約搭8程就已經送左一程比你(discount 10%)！化算好多！ 其實閘口的指引都冇乜特別！ 在首爾搭地鐵，一定要打醒十二分精神，因為佢d指示好混亂，入閘前，入閘後或扶手電梯前都唔同ga！即使你知道你自己搭橙色線，都好亂，分分中行左反方向都唔知！(因為係月台先有中文字，其他地方都係韓文為主！) 1號線，即國鐵 (深藍色)的月台 這是2號線的東大門運動場站，亦是co-op系列酒店的所在站台！由於這個站有3條線，所以是轉乘站來的！(有1、2、4線) 可能睇地圖會清晰一d，列明左不同線的站台！其實它只是將3線合為一個站！ 而3號線因為係主要景點及歷史區，所以月台及車站都好特別，幾乎每個站台都有自己特色！例如景福宮站的浮雕！ 站內的仿日式庭園擺設！ 好似礦場的設計，好特別呀！ 這是通往月台的設計，好獨特~~ 這是3號線月台！ 這是4號線的月台~~ 希望通過我簡單的介紹，大家可以對韓國首爾的地鐵有個初步既了解啦！ (待續：番外篇-- 爆笑行為藝術)編/攝：阿乃

《06'韓國秋葉行》22- 回程啦！仁川機場 話題一轉，好快就來到仁川機場啦！話咁快旅程就完結啦，其實真係有d唔捨得ga，不過冇法啦！因為旅行就是這樣，點都有完結的一天呀！如果沒有旅程的完結，點會有另一段旅程的開始呢？對不對！   我地到左機場，第一件事唔係check in，而係去新韓銀行退Travel Visa Card，大大話話都有成幾千won ga！點可以唔退呢？圖中就是我的passport 同 Visa啦！(等退款丫嘛！) 呢個就係離境大堂我地退卡既counter啦！ 退左卡我地先check in，不過check in好快就完成，仲有大把時間，點好呢？梗係繼續shopping啦！係離境大堂仲有好多shop可以睇，乜野種類都有！當然點都貴市面少少ga啦！ 剛剛又退返d錢，咁梗係shopping埋佢啦！佢地一去到正官庄就停低左買野，當然係買人參啦！而我地其他人就去左唔同既鋪頭買野，我就入左去The face shop睇下野囉！佢地好快又跟住又來，而且仲買埋野tim，你話厲害唔厲害呢？ 買完野仲有少少時間，我就去了Bunger King買左個set，因為都好肚餓！ 係途中就見到見個國際時間表，我覺得幾靚就take張photo先！ 唔同大家講啦！我地要返澳門啦！韓國既旅程完結啦~~一見下圖就知！ 雖然我地既韓國之旅完結，但稍後還有3篇番外，分別講解韓式捷運系統、購物樂等等。希望各位留意埋最後的三篇啦！ (待續：番外篇-- 韓式捷運)編/攝：阿乃

《06'韓國秋葉行》21- 市政廳及清溪川 去完石牆街，已經來到我們韓國之旅最後一站，漫步清溪川啦！首先清溪川與德壽宮那邊好近，只差2個街口，唔需要再搭地鐵，又省錢又省時！   清溪川於2005年重新淨化，亦重新粉飾及美化，變成韓國新的休閒點之一，潺潺流水，空氣清新，絕對係欣賞景色的好地方！ 這是清溪川地標，紫藍大螺一隻，屬於藝術雕塑~~ 旁邊的商廈，非常有時代感！ 非常之有氣勢的瀑布呀！ 再來一幅先！ 藝術性格設計的河川兩岸！ 清溪川中有好多好多小智慧小設計，充份融入河川的感覺，並沒有格格不入的現象！ 清溪川一景！ 另一個清溪川地標："一柱泉" 另一個小小瀑布！ 還有設計小橋，將時尚與自然相結合，不錯呀！ 其實整條路都有好多不同的地標及建設，讓人們漫步清溪川時細細欣賞！而我們當日由於落雨，但最後我們都由市政廳源頭，行到返酒店的東大門區，歷時45分鐘！我簡直係耐力驚人，其他的同行者已經叫哂救命啦！ 終於回到東大門區啦！我地返去鬥山塔頂層的美食廣場食東西先！ 首先呢個係c小姐、鐵人他們點的午餐，兩位一樣，日式烏冬配手卷及壽司。 呢個係賣米佢地點既 "冇味炸雞扒定食"，我都唔明白韓國d炸雞排點解可以整到一d味都冇！ 我就叫左 咖哩飯配炸雞件！個飯超辣，食到大半我已經要放棄！(因為我唔食得辣) 食完野就返酒店get返d行李，去機場啦！仁川機場見！ (待續：回程啦！仁川機場)編/攝：阿乃

《06'韓國秋葉行》20 - 石牆街與貞洞教堂 離開左德壽宮，來到石牆街，其實石牆街只是德壽宮的一邊外牆走道，時至秋天係到石牆街最佳的時機，因為呢個時候係最靚ga！大家看看~~   成條街金黃色葉，彎彎的路以及遍地金黃，靚到傻左呀！ 石牆街與貞洞教堂街上的地面地圖！(比人踩ga！我都踩左幾下！) 來到貞洞教堂啦~~有一座現代化建築教堂，又有一座紅磚式教堂的！門口有兩個警察守住，因為裡面好似有高官係入面，所以有人守住！ 呢隻比較靚的一面！ 去完貞洞教堂，我地準備去清溪川啦！(那是我最期待，亦是我們旅程的最後一站啦！)這幾個景點其實都係附近，只要搭地鐵到鐘閣站，行走呢三個景點之後，就慢慢行落2個街口，就會到清溪川啦！當時又開始落住微雨啦！ (待續：市政廳及清溪川)編/攝：阿乃

《06'韓國秋葉行》19 - 德壽宮 韓國旅程的最後一天啦！其實今天的晚上就已經回到澳門啦~~正確來說，我們只有半天在韓的時間。今天其實一早我們就要出發，到訪我們在韓的最後4個景點，哈哈！各位冇聽錯，一朝係去4個點！(請相信我的planning，絕對能夠完成的！) 今天的天氣不太好，又濕又冷的天氣，教人不好受呀！到達了鍾閣捷運站，一上到地面，真的開始下雨啦~~幸好不太大，否則就要取消行程啦！因為今天的是全露天活動！而韓國氣象廳真的跟日本有得揮，預報天氣超準！   唔講咁多，去片~~德壽宮，被稱為韓國三大古宮之一，與昌德宮、景福宮齊名！(個人欣賞哂三個宮後感：昌德宮係最值得去，風景靚、地方大、有導賞景福宮不去也罷，地方小、冇風景、冇保養、人太多德壽宮+石牆街 值得去，風景美、有特色、內設博物館) 這是德壽宮的正門，大漢門，位於市中心，鍾閣站！(係清溪川附近ga咋！) 大漢門的旁邊有好多木牌，係一d圖畫及祈文！ 我地準備入去買飛啦！ 門口的一個韓太鼓！(畀人打到甩哂色啦~~haha) 呢個係宮內的information，而隔離有個石碑，你地估下係乜野用途？以及刻左d乜野呢！(下文開估) 這是德壽宮的半立體圖！ 開估啦！就係古時既 "下馬石"，不論任何人等，入宮必需下馬，以示對皇帝的尊敬！ 德壽宮內的靚靚風景位，絕對不是紅葉咁簡單！三色齊備，層次分明！ 這條走道好有日本寺院feel囉！滿地落葉~~ 我地去到既時候！咁arm撞著一批韓國的小學生在宮內遊覽及進行活動教學！點解我地以前讀書冇呢d戶外上課ga！現在的小朋友真係幸運，起碼冇咁悶先啦！ 又一張藝術攝影啦！ 呢度係綠樹林蔭走道，好靚既走道！不過當時又落雨又大風，而且個個都著得好少衫(因為澳門熱過韓國)，但我地仍堅持去埋其他點，所以大家都捱凍囉！之後佢地仲入埋去餵圖中的白鴿tim~~(不過我鍾意踢佢地屁股多d，眾人：變態ga你！) 這是宮內唯一論政的地方！ 低角度攝影風格(我的首次嘗試) 這是中和門close up！ 之後到了宮內的博物館~~ 臨離開德壽宮之前，我地係一個好好好靚的區域到影下寸相，嘆番杯熱朱古力先去石牆街！ 又一張藝術攝影作品！(我諗我影埋影埋都夠開一個小型個人藝術攝影展啦！haha~~自戀中......) 唔講咁多，下一篇去石牆街及貞洞教堂！ (待續：石牆街與貞洞教堂)編/攝：阿乃

《06'韓國秋葉行》18 - 南大門 去完惠化藝術路之後，我地當然食埋飯啦！我地食左一間日式拉麵店，d味都過得去，但就真係凍冰冰囉d野！唔會介紹比大家，所以唔post出來！   離開惠化之後，我地轉去南大門，因為資料得知，晚上的南大門是很美的，而且是唯一一個大門是有行人區的，那就不怕給車撞了吧！可以慢慢欣賞，慢慢拍照呀！ 下圖是南大門附近的商業大廈，都幾有時代感！ main point：南大門！(不過有少少手震) 再來一張好似都有少少手震tim~~ 這張係另一個角度！其實這幾張我都冇用腳架，所以都震左囉！ 另一邊的商業大廈呀！ 南大門的主車道呀！ 去南大門影完相，之後我地見時間仲早，就加遊首爾火車站及去Lotte Mart掃貨掃手信呀！這就是我地到達首爾火車站的站台！ 這就是首爾火車站啦！已經是古蹟，現在已經沒有火車，因為在隔離興建了一幢新的首爾火車站呀！這個已經廢棄了原有的功能，變了古蹟了！不過呢度好靚好懷舊，但只要行過幾步就會好現代ga啦！ 這是當日的天氣，是-2至7度！係話死未！我同鐵人都係著一件短底，一件長袖衫+薄外套一件！(個個都話我地傻ga！)不過我地覺得已經夠暖！原因係韓國入去邊度都有暖氣，有時係熱到喘不過氣咁誇張ga！ 這就是新的首爾火車站，另距離了數步就到ga啦！ 舊火車站好懷舊，加上柔和燈光啦！ 呢間就係大家去掃貨的地方呀！買左好多柚子茶or明天的早餐等...... (待續：day4德壽宮)編/攝：阿乃

《06'韓國秋葉行》17 - 惠化大學路   惠化大學路是近年遊首爾新興的熱點之一，這裡接近惠化大學，因而得名！這個惠化大學路的特色是好多街頭的裝置藝術雕塑，有的抵死，有的嚴肅；有高品位的，也有通俗易明的，真係各式其色呀！ 這個人攪什麼？ 見過那麼大的屎嗎？ 三位特工！一定係跟蹤緊我啦！ 另一特別的是這區是最多型格cafe，各有各特色，唔講咁多~~去片！ 成蟲間野呢度都有呀！ 而於橫街內這間 10x10 是我地入左去敗家既地方，這間是產品設計店，有自家的設計也有搜羅世界各地的設計品，款式應有盡有，以紙本最多，我都買左幾本返來送人呀！不過一d都唔平，你可以試想想，它是銅鑼灣city super的文具及設計品的貨品，但種類多幾倍，地方又大幾倍，而價錢差不多！那你可以想像到我地敗左幾多身家啦！ (待續：南大門)編/攝：阿乃

《06'韓國秋葉行》16 - 首爾秋天的黃昏 由首爾樂園出來，回到首爾大公園的範圍，我們見到屬於冬日的黃昏！萬里晴空，枯樹獨傲！相映互搭，構成絕景！   唔講咁多廢話，畀大家欣賞下屬於韓國大自然的黃昏景色！ 1號  枯樹獨傲 2號  劃破長空 3號  天空際線 4號  相映互搭 5號  燈杆聳立 6號  雙映成趣 7號   天石殞落 8號  雲霞天際 9號  變幻尋常 (待續：惠化大學區)編/攝：阿乃

《06'韓國秋葉行》15 - 首爾樂園part2 玩完哂d碰碰車、濺水飛艇、海盜船......之後，我們來到了過山車，他們將要挑戰園內三個過山車，仲要係要連續玩哂呀！let's go！   首先第一個：飛速回旋超長過山車，只有賣米跟鐵人兩個玩，玩完之後給予(3個驚) 第二個挑戰的是快速過山車，不斷穿插不斷扭，都是只有賣米&鐵人玩，他們給予(1個驚)，他們說丁點兒驚喎！ 第三個挑戰的是 哥倫比亞特約：雙圈360光速過山車。他們考慮了一會兒才決定去試試，因為他們可能都驚，最後玩完給予(4個驚)，我們係樓下睇都覺得恐佈，轉完2個圈之後立即衝入黑洞，d人仲尖叫，好恐怖！你打死我都唔會玩！ 之後我地去左Sky X的區域，結果冇人敢玩啦！個個都驚到鼻哥窿都冇肉呀！完全唔敢玩！但我就拍低左人地玩既時候d恐佈鏡頭，仲要夾哂咪，等全場睇佢地尖叫，真係夠哂變態！ 段片要打側個頭睇呀！ http://us.i1.yimg.com/cosmos.bcst.yahoo.com/player/media/swf/FLVVideoSolo.swf 經過SkyX之後去了鏡屋，他們就入去玩，我就在出面影人地玩SkyX囉！ 之後我地去左呢個舞台既附近去toliet，點知我地去完好耐都唔見賣米出來，之後就派C小姐入去看看，原來賣米入左去"嘔油"呀！冇錯，她是淨嘔油，佢個胃係油隔來的，好勁！可能呢幾日食得太油，而且剛剛又玩左幾個刺激遊戲，導致嘔油囉！不過佢嘔完就冇事ga啦！大家可以放心~~ 整個樂園其實都好靚呀！周圍都係紅葉，靚都爆囉！ 呢個係小食檔，他們走了去買棉花糖食！ 其實我地仲玩左好多好多遊戲，但由於我唔係全部都有影相，所以唔會全部都介紹囉！ 最後我地已經去到樂園的最後一部分，韓國民族街，這裡沒有什麼東西玩，只供遊人扮古代韓國(好似天長今果d建築)影下相ga咋！ 不過都有鬼屋玩既~~而鐵人就自己一個入左鬼屋度玩囉！因為鐵人係傻ga！佢玩任何遊戲都係冇表情又唔識驚，我成日話佢係一個冇左感覺既人！haha~~ 臨去出口既時候，我地見到好靚既風景及水池，所以又影左d相！ 出樂園前再影多張！我覺得呢個畫面好正，好蒼涼的感覺，唔知大家認為呢？ 事關我去親樂園都係影很多，玩得少，因為有好多野都唔玩得(離心力丫嘛！)，另外好多玩得既野又好白痴，所以我今次只買入園券，不買全票！純粹陪玩！haha (待續：首爾秋天的黃昏)編/攝：阿乃

《06'韓國秋葉行》14 - 首爾樂園part1 終於來到首爾樂園啦！由於當天是平日，而且旅遊淡季，冇乜人囉！計左我地5個人，都只有10個人左右，可以話包場兼完全唔洗排隊呀！lucky~~   這是入口呀！ 入閘處，你看看幾冷清呀~~ 入了樂園後先會經過一道橋先會入到樂園範圍！ 這裡就是樂園範圍，相等於迪士尼的美國大街囉！ 不過佢係歐陸大街囉！ 你睇下有幾多歐陸建築~~有丹麥，有英國、有法國，也有德國...... 呢款就似柬埔寨的建築風格！ 這是大街中央的舞台，工人正在搭建，可能趕緊聖誕節的到來，大show的舞台呀~ 這是我地會食午餐的地方，日本、韓國都有的Lotteria，類似M記的店，當然比M記好食得多囉！ 又係一個比薩斜塔！唔知d韓國人係咪特別like斜塔ga呢？ 呢個好明顯係日式建築啦！ 由美國大街就轉入去美國大陸區，他們已經準備去玩啦！ 這裡的紅葉並不比首爾大公園的紅葉差呀！ 係呢d紅葉旁，佢地玩左一個小兒科過山車，當做熱身！佢要連玩兩次，你話死未！ 佢地第一項挑戰的是超長時間海盜船，勁慢長的差不多有成4-5分鐘之久，而且仲要180度來回，所以佢地叫到係遠處既我都聽到呀！ 之後佢地又去挑戰水艇飛濺，程度比海洋公園果個勁ga！因為有波浪型咁衝落去！ 最後仲要噴水tim，問你死未！我當然冇玩啦~~你地都知我驚離心力ga啦！ 通過呢條走道，我地準備去第二個區域啦！ 勁爆笑，仍然係呢度找到衝出水世界的promote proof~~haha~~ 到了童話世界啦！見唔見到個城堡呀！我地係呢度玩左碰碰車、腳踏車圈圈等！ 不愉快的是，賣米係碰碰車環節整爛左個名牌太陽眼鏡囉！不過最後回到澳門都整得返~~ (待續：首爾樂園part2)編/攝：阿乃

《06'韓國秋葉行》13 - 首爾大公園 來到第四天啦！今天我們一大早就去 "大公園站" 的 首爾大公園，以及首爾樂園！ 這是大公園站！   看看晨運的老公公呀！與紅葉的映襯~~ 首爾大公園的地圖！首爾大公園全景路線圖~~ 這個其實是路標，它說明了藝術館、IT world、首爾樂園的指引方向！ 這是從地鐵站一路走來的大路，兩旁有好多紅葉~~ 這是大博物館~~ 好快就見到IT World，可惜我們太早到達的關係，IT world尚未開門呀！hehe~~ 我們繼續走下去，又見到好美的一條橙葉路，好有藝術感，好像油畫般的感覺~~我很喜歡這張！ 又行了數步，發現了一個超貴的吊腳纜車，我們最後並沒有選擇乘搭，大概70港元一程，太貴啦！我們最後選擇繼續步行！在湖上的纜車倒影呀！ 這是從地鐵站出來，向首爾樂園的方向行了大概20分鐘以上，就見到好美好紅的紅葉群，於公園人工湖畔呀！ 終於在行走半小時左右就看見首爾樂園的入口啦！當然我們的目的就是進去玩樂啦~~可能是平日的關係，所有沒有什麼人入園玩樂，而且這個樂園是給予韓國人的，一般旅行團是不會來的！這正合我們的心意！因為我們是自助遊人士~~ 如果想看首爾樂園內的相片及遊記？請留意往下兩篇啦~~ 在首爾樂園玩樂了大約5小時30分左右，我們已經將所有的機場遊戲全都玩了一遍，而碰碰車更玩了2次！離開了首爾樂園的時候，正值是5點左右的時間，正值黃昏啦！ 這張是藝術相，攝於首爾大公園湖畔一石堤上！(我自己非常滿意這張作品，不知大家覺得怎麼樣呢？) (左邊的石堤)就是上圖的拍攝地！ 最後回到大直路回地鐵站之前，又有一幅美景映入眼簾，我當然又拍下多張啦！ 這是阿乃機下的 背影x4，我比朱自清的多了3個！勁呀~~(爛gag一個) (待續：首爾樂園)編/攝：阿乃

《06'韓國秋葉行》12 - 再戰明洞 & 是日晚餐   那晚我們由小人國回來後，我們又去了明洞，但今次我們是先去景點，首先我們來到明洞教堂，但很不幸，它正在維修，看下圖就知道，所以沒辦法進去參觀囉！ 之後我們當然去重點，就是南山公園及首爾塔！我們幾經波折，問路問路再問路，走錯走錯再走錯，最後成功到達上南山公園的纜車站！ 看看在這裡排了長長的人龍呀！我們也排了半個小時以上，才能乘搭纜車上山呀！ 這是從纜車搖晃不定的情況下拍下的相片！(其實這裡的纜車只有兩架，而且有員工操作，每架限定30人！ 終於來到南山公園，一直往前走就是首爾塔！其實首爾塔是進行了一次大維修，早幾個月才重新開放的！先秀一下美美的照片先！首爾塔配秋葉~~ 其實我有小小覺得跟我們澳門的觀光塔很像呀！ 拍完照，我們也去買票！但是，又出狀況，就是原來不是買了票就可以立即上塔，要等50分鐘耶！不是吧！但經過商量，我們最終也是等吧~~ 在附近拍拍照，看看風景！ 好得意的燈，不知道是什麼作用，但我知道是要給錢才會亮起來！ 其實當時是很冷的，不足10度的溫度，加上在一個高山，風非常猛的，我們也覺得很冷，還是趕快進去室內吧！(下圖是很科幻的入口處) 終於來到室內，我們準備上塔啦！yeah~~ 大家就奇怪了！為什麼我沒有拍塔上風景呢？對~~沒錯，就是沒拍，原因如下：1.超級多人在觀景層2.觀景層的玻璃超dirty，全都是手印，矇矇的，好像有霧一樣，根本拍不到照 最後我只拍了觀景層的角落給你們看了！(下2圖) 總結上塔的心得：大家到首爾一定一定不要上首爾塔，因為纜車費時又昂貴，而且上塔的費用超高昂，還有等候上塔時間，且完全沒什麼可看，人又多，玻璃全是手印，想拍照也拍不到！所以大家不是浪費錢、浪費時間呀！ 很快我們就下來！回明洞大街去買食的！首先我們要試試出名的32cm超長雪糕，有很多不同的味道呀！看下圖就知道~~ 這是我們的貪食照！肥魚幫我們拍的！ haha~~不用多說，攪笑相一張~~我幫他們拍的~~看看雪糕我已經食完，他們也食了一半了！(我食冰的東西很快的！) 食完雪糕也是食晚餐的時候！有了上一次的仁寺洞事件洗禮之後，我們當然是不坐下來食啦！我們是2個人上去食店買回酒店食！首先就是出名的百濟參雞湯呀~~ 這是外帶的包裝，好漂亮的，而且做了保溫的措施！ 你看看，是鐵罐來的！回到酒店時還是熱騰騰的！ 拆出來的人參跟雞肉呀！ 第2間我們去買的就是電烤雞，這家最出名！ 第3家是在我們東大門運動場站，酒店附近的炸雞店呀！ 還有就是在明洞、東大門買的街頭小食呀！ 最後看看我人們5個人豐盛的晚餐~~在我房間的廚房跟客廳進食呀！hahahaha~~ 我們食完晚餐就出去東大門買東西逛街啦~~買完東西逛完街又覺得肚餓啦~~所以我們又去買夜宵食！也是街頭小食呀~~ (待續：首爾大公園)編/攝：阿乃

《06'韓國秋葉行》11 - Aiins World 去完果個沉悶既景福宮之後，就急急腳咁搭地鐵去到松內站！之後再轉巴士(下圖為地鐵門口的巴士站)！   我一早就係酒店寫好哂d韓文、中文+英文對照的問怎樣去小人國、乘什麼車去小人國、到站叫我下車等句子，等我到時用得著呀！非常慶幸，所有的句子都用得著！所以多得熱心的韓國人，以及司機的幫忙，我們順利去到小人國世界啦！(下圖) 這是售票處！旅遊書中的價錢已經唔update，而家平左好多好多，只需w8500就可以了！ 買左飛之後，入場就先去食左午飯先，因為勁肚餓！下圖就是小人國世界內的飲食廣場！ 下圖是我選擇的吉列雞扒定食w6000，又貴又冇味！你試想想，你食既雞扒完全冇味，仲要好"諧"，一d都唔吸引！ 這是他們叫的烏冬，絕對係穩陣之選！需然都係唔好食，但都叫做過得去啦~~點都好過我個雞扒啦！ 食完野就出去開始一個多鐘頭的快拍之旅！其實這個小人國跟堔圳那個世界之窗沒什麼分別，而且仲少d野睇tim！但係有佢既可取之處ge！睇下下文就知ga啦！ 首先來一個嚇你一驚既噴泉！ 世界之窗開始啦！英國的巨石陣不思議遺產~ 英國倫敦橋！ 英國國會~ 巴黎艾菲爾鐵塔~~ 凱旋門~~ 可取point1：聖家族教堂。(因為現在都未起好，所以呢個翻版都有建築機械，而且仲識郁呀！唔知佢起好之後，佢會唔會改返呢？) 又唔知乜教堂一間！ 唔太斜既比薩斜塔，hahaha~~真係好直下囉！ 巴黎聖母院~~ 又唔知係乜教堂！ 雅典衛城！ 金字塔呀~~背景係商樓大廈，仲有行車天橋~~haha~~ 約旦的唔知乜鬼！ 富士山呀~~(好唔似囉！) 又唔知係乜囉？(我係唔記得左) 俄羅斯的洋蔥頭教堂！ 可取point2：阿特蘭提斯~~(根本現在人都未見過，真係爆笑！) 可取point3：世界七大奇蹟之一，羅德島港口像！(又係一個現在人未見過既遺蹟！) 澳洲悉尼歌劇院！ 馬雅金字塔~ 又係唔知係乜野東西囉！ 中國的故宮！ 美國的獨立碑，以及林肯紀念堂~ 美國甘迺迪太空中心 美國時代廣場~ 可取point4：帝國大廈上面有kingkong，真係爆笑之作！可取point5：世貿仲係度呀！ 日本的寺廟呀！ 又係日式庭院~~ 睇完哂野，入去紀念品店買左少少野囉！當然又有folder啦~~又平又有紀念性~~之後我地又準備去搭巴士返地鐵啦！當然又唔少得出示我本自己寫韓、中、英對照句子啦！下圖就是叫賣米幫我影的！(扮研究緊d句子！) (睇大圖可以睇到d字ga！) (待續：惠化大學區)編/攝：阿乃

《06'韓國秋葉行》10 -  景福宮 由於去完昌德宮之後，大家去了梨泰院買Laneige，再行下！所以冇點樣影相呀！之後就係明洞買d小食返酒店食，之後去了酒店附近的東大門購物區逛逛，就完了day2！   day3一早我地就去左韓國昔日的正宮，主要國家行政工作的景福宮，不過比昌德宮差太遠，完全唔宏偉，亦非常唔靚囉！樹都冇棵~~ 售票處呀！(這絕對是又貴又冇野睇既一個正皇宮) 剛剛是韓國傳統士兵換班儀式呀！ 我地入去啦！(不多用介紹，因為都唔知點介紹好！) 大空地一塊，你睇下d樹，我只能叫佢係樹苗囉！ 比昌德宮差幾遠呀！看看d地下，凹凸不平的！完全唔美觀~~ 呢個係議政主殿呀！ 剛剛又係有表演皇帝走囉！ 殿內環境！ 側面的千秋殿！ 接住介紹既就係雖一可取之處，慶會樓啦！ 在水中央，以前d人點樣入去既呢？ 湖邊紀念品店！(都係勁貴囉！) 旁邊一條比較靚既路呀~~ 同場加映： 請從右邊讀起！(取其音就會係好有趣既字啦！) (待續：小人國Aiins World)編/攝：阿乃

《06'韓國秋葉行》09 -  昌德宮紅葉篇 01 門口不遠處，孤獨楓樹~~ 大家有心理準備一連串看最少十多幅美美的紅葉了嗎？現在去片啦！揀選心水，話返比我聽啦！當然紅葉靚之如，都要個攝影師影得靚先得ga！(我又自誇中......)   02 準備上小山仔的路，亦是昌德宮紅葉路的開始，之後絕對讓大家嘩然！ 03 山路一角 04 火紅楓樹，美呆了！ 05 漫天紅葉，簡直靚到暈左！ 06 另一品種的深紅楓樹 07  宮中昔日嬉戲池，景色怡人 08 厠所旁的孤獨一枝紅 09 下山路的紅葉，較深紅，品種不同！ 10 湖畔紅葉片片落 11 湖畔火紅美景 12 湖畔亭閣與紅葉相映襯 13 不老門外深紅楓樹品種 14 不老的昌德宮相關行過不老門會年輕10年呀！大家快d去行下啦！ 15 其中一個品種的紅葉，比加拿大及日本的為細，大約是手掌大半的size！韓國的小而火紅，形成了橙紅交錯的情況，不會太快變色！加拿大的是大於手掌，而且好快會變褐色！ 靚唔靚呢？大家like邊幾張呢？ (待續：昌德宮紅葉篇)編/攝：阿乃

《06'韓國秋葉行》08 -  昌德宮 由仁寺洞行過去昌德宮只需15分鐘，一條直路唔駛轉彎，好易搵ga咋！條街好勁ga！d韓國大企業玩哂打對台ga！大家看看！   現代汽車辦公大樓！ 韓國LG集團旗下 Samsung辦公室 (係正現代對面) 之後見到一個叫 "空間" 的私人藝術空間，由建築及外觀上都好特別，起碼比果d企業辦公大樓來得靚！ 過左果三間建築之後就到昌德宮啦！ 呢度係昌德宮的售票處！ 售票處對面的一棵超美的大樹！ 這是昌德宮的入口---敦化門站在門內的人群是等2:45分的韓語導賞入宮參觀的！因為昌德宮有個規定，就是宮內每日都有安排固定的導賞團，有韓語/英語/國語三種，均不同時間，而遊客(包括旅遊團)只可在導賞開始時入內，並只可以跟隨宮內導賞，不可隨意亂走！而導賞團大約1個半小時的！行走宮內9成的地方，每個導賞都有自己的特定行走路線！大家去既時候一定要睇清楚國語導賞的時間，而且唔好遲到，如果唔係你可能入唔到去ga！ 這個昌德宮係首爾內最靚既宮殿，不論秋葉大自然之美，或是宮廷大建築之美都非常高水準！下圖是昌德宮於每個門上都架上鐵絲網，原因係唔畀d白鴿雀仔係上面停留築巢或痾屎，韓國人呢一招大家應該學下！ 呢個係昌德宮大地圖！(我地結果係行哂ga，導賞姐姐用了個半鐘！厲害~~)韓國宮殿跟中國的宮殿架構上基本一樣，都係三進式朝拜門格式！何謂三進式？就是大門，中門，正門！稱為三進式，另在位者/來訪者/朝臣覺得皇上是高不可攀的自大格局！但同時亦是保安的一環，需經過三重關卡守衛才可入到心臟地帶呀！而家的進善門係第二度門，即是中門！ 有好得意的風景，圖中是一條城內河！ 入了進善門就發現有三階層，中間是正道，供馬車、皇上等行走，旁邊的是其他臣子行走，而沙地部分就沒有限制！我當然行皇上行的啦！haha~~ 一幅三階路的藝術相！希望大家會喜歡！ 仁政殿！是皇上辦公的地方，所以你見到地上好多牌。這些不是神主牌呀！ closeup一下畀大家睇先！係官階上朝的企位，分為正從一至九品，跟中國的一模一樣！由殿開始最前的是正一品，這也是上朝議政的地方！ 但大家可能不知，其實昌德宮唔係正宮，這是副宮！即是正宮"景福宮"有什麼事，或皇帝渡假等先會從正宮大舉遷至 "昌德宮" 辦公！但 "昌德宮" 不論裝修、風格、面積、風景等，樣樣都比正宮好唔知幾多倍！(景福宮都係好唔得囉！) 這是仁政殿內堂的景！真係好中國feel呀！座上有兩個太陽，大家知唔知點解？haha~~一個係皇上，一個係皇后！ 下圖是望春門，向東邊的門！ 這是一幅好美的宮殿與天空的圖！屋簷中間的其實是煙囪位，它是一個壽字！(全個宮殿有四個，每個都有不同的字，分別是 "福"、"壽"、"安"、"康") 韓國古代的地熱暖爐，原來是燒柴呀！那sleep在內的，可能隨時變燒豬呀！ 大造殿大家估唔估到係有乜用途？(從字面就猜到！)沒錯，係皇上與皇后/妃子交合做公子公主的地方！ 同仁門呀！(跟同人堂係冇關係ga！不過佢係宮醫使用的一個機關！) 這是宮內的展示廳！有舊式轎、皇帝的戶外紮營、仲有西洋汽車tim~~真係超勁！ 之後就去宣政門囉！這是宮內雖一使用玻璃青磚瓦式建築的宮呀！(所以你見到同其他d屋簷係唔同色ga！) 之後就去了後宮參觀昔日皇后及妃子所住的地方，其實比較殘舊呀！原因係韓國後宮生活比較平淡！絕對不是大長今那些超靚建築囉！ 呢個係"樂善齋"，係唔知邊一朝的皇妃所住的，之後就係後一代的公主所住的，原因係好似話話公主與外國鬼佬通婚，這是皇室不能接受的事，所以特築起了這個齋給那些皇族居住！亦曾經住過一個有俄羅斯血統的韓國小王子ga！原來以前的韓國已經咁open！真係犀利呀~~ "樂善齋"的大空地庭園！有好多龜背紋為設計重點的龜紋牆，以及大庭園！這是寓意歸於平靜的意思！跟中國人的風水學說有少少相似！ Closeup牌匾！可能大家都會好有疑問，為什麼韓國宮殿係全部中文字呢？原因係以前的韓國，即係高句麗國，以及百濟國都係中國的藩屬國，好多資源，包括文字、曆法、技術等都是由中國借用過去的，所以昔日的韓國流通的是繁體中文，到了二次大戰時期，韓國被日本侵佔後，韓國復國並創立了完全冇人明的韓文，逐漸將中文棄用，使現在到韓國處處都少韓文，中文已經幾乎沒有了！但在韓國的昔日文獻及古藉內，仍是以中文為編寫語言，包括宮殿的名牌都是。所以現在韓國人還在努力的去漢化，立韓文主導的工作，各古藉翻譯工作仍在進行中！ 下圖是導賞姐姐呀！也是來到參觀昌德宮的最後一個景點---不老門！相傳在不老門行過會年輕十年！haha~~我行過三次呀！(仍我咪即係未出世~~haha~~事關我得廿幾歲！) 喂住導賞姐姐就帶我地上山，之後行小路回大門口！(如果下雪、下雨的話，她說是不會上山的！因為d石好滑，大家會好唔安全呀！) 下一篇我會帶大家去看看我係昌德宮所拍下的美美紅葉！(因為我係呢篇cut哂出來！)希望下一篇得到大家的熱烈回應呀！(因為近期回應的人越來越少！但觀看人數沒有明顯的下降呀！) (待續：昌德宮紅葉篇)編/攝：阿乃

《06'韓國秋葉行》07 -  鍋村莊 行完好多人既仁寺洞藝術中心之後，又破哂財咁，都係時候要醫肚啦！今次揀了一間幾出名既店，叫鍋村莊，主要食韓式料理--->泡飯與石頭飯的！   這間店位於仁寺洞大街入口，那間面包店的對面！(看下圖：鍋村莊) 門口需從建築物側面進入！門口樓梯~~ 有牌介紹它的特色食品及種類！請上2樓~~ 店內環境！(注意：需要脫鞋呀！如果有腳臭的人士不要來這影響大家食慾！謝謝！) 這是我們5個人所叫的午餐！(只叫了四個！)韓國人其實是不會share食野，所以他們覺得我們5個人只叫了4個set就好奇怪，而且一直唔走，企在這等我們叫第5個，之後我們跟她說我們夠了，她投下奇異目光看我們，再者跟各伙計說，讓個個伙計都看著我們呢！非常尷尬！亦促成我們以後叫外賣回酒店食的習慣！這是經過本人親身驗證，一人一份的情報是絕對正確的！(因為韓國的東西不太合我們食，款款都辣，我們只有呢間叫d，果間叫d，回酒店先share食！真慘！) 首先就是牛肉碎紅豆拌飯，一定會跟d我們冇人食既泡菜！ 牛肉石頭鍋湯配紅豆飯！又是有討厭的泡菜！ 這個就是泡菜牛柳石頭窩飯！(這個最難食，又鹹又辣) 這個就係我喜愛，亦叫arm大家胃口既穩陣菜色------海鮮石頭烏冬！ 我地係食哂d主菜，跟住先試d怪泡菜，又引來所有伙計一陣狂掃我們這檯，真的太不好意思！趕快食完趕快走！(因為我地不想浪費，所以儘量食呢些泡菜，但有些真的沒辦法，一係辣到噴火，一係鹹到發瘟)終於好快咁離開左呢個比人奇怪注視的地方了！ 我們又回到仁寺洞逛一逛，因為距離昌德宮的3點鐘華語導賞有一段時間！(它一定要導賞才放人進去！)回到仁寺洞又去了看一些攤販售賣的東西，但真係貴到離哂譜，咁梗係冇賣野啦！反而有韓國傳統舞獅及舞蹈，我們就看了一下！附近有一檔買紅豆餅的，我們又去了買來試試！(1000w 9粒) 味道算不錯啦！QQ的，味道略淡，但有紅豆味！ 買完食完就差不多時間啦！我地就開始行過去昌德宮啦！亦拍下沿途的景色！ (待續：昌德宮)編/攝：阿乃

《06'韓國秋葉行》06 - 仁寺洞藝術中心SsamzieGil 係仁寺洞大街行完之後，我地去左位於仁寺洞中術中段的 SsamzieGil，這間藝術中心是我強烈建議大家一定要去一趟，因為好靚又funny囉！   這是正門的招牌，好得意的斜磚式牆壁，配以藝術中心英文名/韓文，仲有果隻抵死公仔！ 一入門口就有一個成4個人高的膠人歡迎你，非常滑稽呀！背景d天空藍色傘都好靚！其實藝術中心係做緊一個裝置藝術的展覽呀！(係呢度都謀殺左我好多memory stick space呀！) 樓梯旁的香蕉牆，我地見到有一隻假蕉跌左落地下，我地走去執返，幫佢貼返上去！haha~~ 門口的另一邊有好多人聚集於一店舖內，唔會仲乜呢？ 哦！原來有人表演搥年糕，但韓國呢隻需然好似日本年糕，但佢應該唔係來的，因為係墨綠色，仲要係鹹鹹地，d味都幾怪！但阿鐵人竟然買左兩盒，話做宵夜喎！(凸眼中...) 樓梯上有好多好爆笑的人仔！的叫佢做吸管人！隻隻矮dut dut~~ 嘩！好美既雲海呀！藝術家係以天空做概念，因而做了這個裝置！以無數印有天空藍+雲的紋色，置於藝術中心的天井頂~~型！ 呢間就係藝術中心內其中一間店，專賣自創品牌-----星星飾品，我係呢度都花費了不少金錢ga！用左幾萬won ga，買了數樣飾品~~(又一次證明韓國除了化妝品之外，真係樣樣都好貴！) 呢度係開工作坊的位置！擺放了各種材料工具在此！ 上到2樓，又用另一角度去看看這片吸引各個入場入士目光的雲海！ 呢度係3樓呀！已經見到個頂啦~~ 3樓設計成一個休閒的園林石路的風格！我好鍾意呢個3樓，因為係鬧市中，通常藝術文化的再生，另一個地方變成都市休閒點，一個綠色空間，真係最好不過！反觀澳門、香港又得唔得呢？d生意人會唔會分一d空間出來建設綠化，回饋社會，給市民一個優靜空間，呼吸一口新鮮空氣呢？ (待續：鍋村莊午飯)編/攝：阿乃

《06'韓國秋葉行》05 - 仁寺洞大街 去完南山韓屋村之後，搭返地鐵由 331號忠武路站，乘至 328號安國站下車(800w)。往仁寺洞大街出口上走，回到地面，就已經見到仁寺洞大街的入口了！(下圖就是仁寺洞入口的街區地圖牌)   這個是位於仁寺洞街口的觀光查詢站！ 無無聊聊係度影燈柱囉！ 呢個都係o係仁寺洞大街街口(觀光查詢站對面)的大型雕塑！我自己就覺得佢好好笑囉！(有d似千語千尋果隻黑色物體) 有咁多仁寺洞大街的地標，大家應該唔會找不到仁寺洞係邊啦！自己應該有信心找到了吧！請僅記，我地當中係冇人識韓文ga！我都只識日文而已(有些發音基本與日文相同，所以有d聽得明！)亦唔知點解，可能我太似日本人的關係，去度日本就成日畀人當左我係日本人，向我問路(包括本地人)。而去到韓國仲死，又畀當地人當左我係韓國人，狂問我路，我d friends已經狂笑ga啦！ d friends仲抵死到成日講：『你睇下！我地5個人當中，d韓國人淨係揀你來問路，係唔認係韓國人都唔得囉！』(因為我5日來，畀d韓國人問路不下5次囉！)我真的想問，我似韓國人嗎？還是似日本人呢？抑或是兩種都似？ (那我會認係日本人多d囉！) 講左好多廢話tim~~入返正題先！我地係食午飯之後，大家都有少少肚餓~~haha(其實係為食！)於是我地係街邊賣野食囉！首先有賣 "街邊婆婆燴栗子" (3000w)試食後：非常乾，同澳門既甜炒栗子好有分別，韓國既唔太好味囉！(C小姐 同 賣米 係度好得戚咁比我畀佢地相！) 食完栗子，我地係兩三步之隔，有一間面包鋪，佢發出陣陣面包香，我地又忍唔住啦！結果，除了栗子之外，我地又立即去左買成條pizza咁既面包食！(每位於400w)下圖是面包鋪d師傅係度整緊面包囉！(我又係度偷拍囉！我仲扮哂影d friends咁！) 呢隻就係我地分屍個pizza包既圖！你看看賣米著幾多衫，羽絨、頸巾乜都齊；C小姐就冇佢咁多；而我就1件短底，1件薄長衫，再加1年薄外套就行出去啦！仲有呀鐵人W生(冇入鏡)，佢同多都係差唔多囉！但當日其實只有10度左右！ 食完小食之後，終於正式行下仁寺洞大街啦！大家看看仁寺洞大街全景，嘩！美呆了！好靚又好有藝術味囉！ 街道上的一景，竟然有楊柳樹，映襯著街道上的畫紙工具鋪、陶藝鋪，真係好有國畫feel囉！ 街道旁的藝街家擺放作品！以及街道上的特別設計，到現在都未估到佢係乜，以及有乜作用！ 又一特別之處，樹根的裝飾，全部寫哂韓文，唔識睇！不過係幾得意呀！ 仁寺洞的小橫街，好有懷舊風味！ 於仁寺洞中段，見到一個私人畫廊！呢位張曉剛d畫作，之前係澳門都有擺個展覽，咁arm就係我地幾個負責果個展覽既！來到韓國又見佢既畫作，咁係要影影相，回味一下之後一齊做野既時光啦！ 雖然C小姐同賣米已經去了其他行業工作。我亦沒有在藝文館工作，而我回去了原來的藝術館工作，但我地幾個經常出來聚一聚，去下食飯，去下旅行，去下玩咁！都幾好ga~~ 下一回同大家位於仁寺洞的藝術中心，這是我地到仁寺洞的重點，而整區一直都瀰漫著濃厚的藝文氣息，咁又點少得我地去參觀呢？ (待續：仁寺洞藝術中心SsamzieGil)編/攝：阿乃

《06'韓國秋葉行》04 - 南山韓屋村 一大清早，9:30就出門了！開始第2天的行程。我地從東大門運動場站 坐4號線 到423號忠武路站 下車 (800W)，在3號 or 4號出口，步行3分鐘就到！來到了我們的第一站，南山韓屋村 (參觀費用：Free) yeah！   來到這裡，已經發現有一架永安旅遊巴，心想永安d團咁早ga，十點就已經睇緊景點！我地來到門口啦！都唔係好靚o者！可能係冇乜特別的關係，而且都唔係太宏偉，這就是尹建出來給大家看看的主題屋吧！ 門旁有另一小門口，終於見到有中文字啦！因為韓國以前是中國的附庸國，所有國史資料都係用中文來記載，所以韓國以前係識中文的，但先從有韓文之後，政府大力推行 "去漢化"，所以現在的韓國街上已經幾乎看不見中文了！這是它的歷史，不過我覺得冇乜特別，而且真係都幾假下！好彩擺佢係第一o者！因為之後我地去參觀既，真係令我地大開眼界呀~~靚到死呀！ 這是南山韓屋村地圖，其實唔係好大！ 大家又可以估下呢間建築物係有用途既，但現在的真正用途係乜呢？(設係門口ga！) 呢度係入去之後，面前的一條運河仔，都幾靚ga！算係有特色既！ 呢個係一個亭台大舞台！ 有些類似d古代中國大戲既木製大舞台！旁邊仲有d紅葉tim~~ 這是由南山韓屋村遠眺 N首爾塔 的景，你看看都有不少紅葉ga！(不過唔夠我地之後去睇既昌德宮靚) 這是韓屋大操場內！好有沙地feel~~各位親愛的澳門朋友~~是否懷念工人球場呢？(而家變左新葡京啦！唉~) 你地看真一點，d牆其實幾特別ga！石+白灰！ 呢幅又唔同既！d石比較平均，而且d混凝土幾結實！ 呢度係一位韓國皇后寖室的戶外呀！都幾靚呀！d韓國人既房！大家睇大長今、醫道都應該見唔少囉！呢度係果個唔知乜皇后既寖室呢！ 好靚既紅葉呀！ 我地睇完d屋之後行左上山，見到好靚，所以停下來影相呀！呢張我叫佢 "寂寞‧紅葉‧孤燈" 呢張係山腰上一個涼亭，有紅葉襯托，都幾唔錯ga！ 呢幅係亂影，但又影左d藝術出來囉！ 呢條係下山的小水道！(好有味道的郊園景) 係韓屋村見到大公仔，梗係要影返張相先啦！由上而下：我、C小姐、賣米 好快咁睇左1小時左右，準備乘地鐵去安國站的仁寺洞大街睇野啦！今集比較少解說，真係冇乜野可以講！所以畀多d相比你地睇囉！下集會多返d字啦！下集見~ (待續：仁寺洞大街)編/攝：阿乃

《06'韓國秋葉行》03 - 去明洞食晚餐 我們放下行李，整理行裝之後，就準備出發去明洞食晚飯啦！但呢個時候，阿W生竟然要食一個杯面先，真係比佢激死呀！   之後再去到東大門運動場地鐵站內買一張 T-money 電子儲值卡 (可乘搭全線地鐵，以及各線巴士)，儲值18000w，按金2500w！(兌換率為 1000w = 8.2 hkd) 攪完一輪就去明洞啦！ 由東大門運動場站 去 明洞 需要搭 第4線(淺藍色線) 於 424號明洞站 下車！(T-Money需扣 800w、正常買票需900w) 之後我地去了 明洞餃子 食晚飯！(係韓國的食店有一個不成文的規則，如果你幾多人入去，就要叫幾多樣野食，唔可以叫少一樣，但可以叫多，所以亦導致我地以後好多都係叫返酒店開餐！)原因係佢地唔興share野食，興一人一份，所以我地都幾慘！ 明洞餃子 係本本旅遊指南書都有介紹，咁應該都唔錯啦！(仲有就係旅遊書上寫左價錢，佢係可以接受的！)所以我地就根據地圖搵到呢間野啦！入到去真係好多人囉！好彩我地都有位~~ 介紹一下我地叫左d乜先！(由於我地5個人，所以要叫5樣野！)呢間店有個特色，就係叫完要立即畀錢ga！絕對唔係食完先結帳！(怪怪的~~)下圖：兩籠明洞餃子、兩碗雲吞面、再加一個超辣泡菜面！每人都係6000w(約50hkd)，總數係30000w，抵呀！ 其實我地係食唔哂ga！原因係今日大家成日都係坐飛機坐車，都冇乜胃口！加上我由於唔夠訓兼早餐飲左咖啡，又引發左我既"腸胃焦慮症"，成日都胃痛，有時都幾辛苦下！所以更多冇胃口啦！仲有果個W生之前食左杯面，點會食得落先得ga！ 而且我地5個人當中，4個人都唔食得辣，咁叫左果個超辣泡菜面點算？當然就係C小姐負責啦~~因為得佢一個食辣，而我就一定唔可以食，如果唔係明天都唔駛繼續行程啦！佢地幾個就唯有將食完既雲吞湯來過冷河，將d辣過走，再幫忙食！(旁邊d韓國人就已經覺得我地好怪囉！) 大家唔知有冇留意，佢果d籠係膠造的，同我地中國式的竹籠唔同ga！ 食完野之後，我開始好返少少，不竟我已經係酒店食左胃藥，已經好左好多！當然，現在都係8點幾，我地梗係行下街先ga啦！ 明洞最出名，最多人就係呢三、四條購物街啦！你看看，什麼牌子都有，有d似澳門的噴水池，及香港既銅鑼灣囉！(又多人又多街鋪) 我地期間都入左唔少鋪頭，需要佢地都著左唔少衫！(識我既人都知我係熱血青年，唔怕凍！所以我都係1件短底，1件薄衫，再加1件褸就死出去ga啦！) 除左我，團中仲有個鐵人，都係唔多怕凍，佢就係同我同房既W生啦！其他人就梗係羽絨、毛毛、圍巾都出齊ga啦！ 當時雖然都幾凍！(因為早上落過雨，晚上9點左右的氣溫只有-3至-1度左右，但其實間間shop都有暖氣，有時仲熱到我呼吸唔到，因為真係太熱啦！) 但我地就繼續行一行，不竟我地幾日都會來這裡找食呀！所以熟習一下有d乜野買都好丫嘛！ 大家都可以比較累啦！行到10點左右已經開始想走，返酒店休息！加上越來越凍，所以大家都同意！ 這幾張都係o係明洞果幾條街影ga！好多時都係我係門口等既時候影既！ 第一天大家都冇收獲！好啦！我地回酒店啦~~day2見！回程與來明洞一樣，都係搭4號(淺藍色線) 回 422號東大門運動場！(都係T-money 800w)大家雖留意！有些站會有2個或以上號碼，原因係該站有不同線路，即為轉乘站，所以有不同的no.如東大門運動場站，有3條線，屬於大站來的。它分別有422號(淺藍色4線)、205號(綠色2號線)、536號(紫色5號線)。所以你要搭去邊，先睇顏色，再搵站no.，easy好多啦！(仲有就係全線地鐵都有中文，大家唔駛驚！) (待續：南山韓屋村)編/攝：阿乃

落坐車，我地梗係要返酒店先啦！ 不過一落車都要周圍問人點去酒店，d韓國人一直指我地向前行，穿過好多巷咁樣，終於出到去大街！雖然我有酒店地圖係手，亦知係向果個方向，但地圖係冇顯示我而家行黎果條路囉！地圖只係叫我地由大街行，我而家行緊d小路囉！so唔知會去左邊囉！(其實未去之前係d討論區已經見到個人都係行小路，話快好多！)好彩最後行到一半之後，我就見到Co-op Residence，咁就好啦~~因為Western Co-op係佢隔隔離咋~~ 最後終於搵到啦！睇下下面呢幾張圖啦~~就係酒店的內貌！ 係大堂裡面仲有兩部電腦，(佢好似日本的Toyoko Inn咁囉！非常唔錯！)可以畀住容免費上網呀！而且我已經係靠牆果部電腦裡面set左中文，可以用速成打中文，而靠路口果部我冇set到，好似打唔到中文！ 好啦~~之後講下房間先！呢度就房間既玄關位！ 呢度係廚房區！有張可伸縮的檯，又有微波爐、抽油煙機、碗碟筷子、杯、水煲、爐頭、平底獲、洗潔精同易潔布，亦有好多廚櫃比你擺野！ps.檯面既杯面、餅乾係自己帶去ga~~ 呢度係書房區，都係有好多櫃比你擺野呀！ 呢度係由睡房區影出去，佢有拖鞋比ga，而我就慣左唔著拖鞋，因為韓國興地板裝暖管，地板好暖呀！係地下既行李箱係我，雖然帶左厚衫&暖包，但完全冇用過，都係著返d薄衫就已經OK啦！(因為韓國天氣係有風凍，冇風唔凍，不論係零下定係幾度，而且度度都有暖氣，如果你著住好多衫，你一入室內就會焗桑拿咁，抖唔到氣呀！) 跟住呢度係睡房區既電視櫃！ 呢度就係睡床！最唔好就係雙人房張床勁close，只係得一隻腳咁粗既空位，同一張雙人床冇乜分別囉！ 好啦！現在介紹厠所啦！麻雀需小，五臟俱全！又有一對浴室專用拖鞋！佢真係好鬼死似日式咁ga~~ 呢間有大、中毛巾各兩條、備用厠紙、梳、風筒、肥皂等！(唔好以為我點解講得咁仔細，事關韓國既酒店係唔設有風筒、毛巾、拖鞋同沐浴用品ga！)但呢間就有啦！不過要自己帶沖涼液、洗頭水、護髮素！ 浴室位置~~ 沐浴水龍頭呀~~以及一旁既架層！ 最後要同大家介紹，玩左我地一日既 " 沖涼熱水 兼 地板暖氣 再兼時間及顯示器"，完全韓文，初時完全唔明點用！結果研究左好耐就找到一張英文版圖，但睇住張圖都係唔係好識用，就問左酒店職員。 原來右邊米粒制要開哂佢(著綠燈叫做開左，而唔係英文圖示的Very hot)右邊第四粒制就係沖涼時先要開，係煲熱水用的，否則就冇熱水沖涼ga啦！(亦唔係英文所說的Quick Boiling)右邊樓下著紅色燈係代表水溫(英文版終於arm返一次)到左邊頭三盞燈，係冇著過ga！(so唔知英文arm唔arm)之後大扭制係控制地板既溫度，我通常開55-60度，咁成間房先會暖囉！(英文就冇講係乜野既溫度)最後左下角的timer冇用過(都唔知佢係控制煲水定地板，又唔知係分2,4,6...分鐘定係2,4,6...個鐘) 總結：張英文版有都等於冇，呢解釋有5成錯，3成唔清楚！即係等於廢物！(真係我地唔問過都唔識用)酒店就真係非常唔錯！又有書房同廚房！建議最好跟package book，否則一晚要成4百幾5百蚊，如book一個月就平d囉！Western Co-op 比 齋Co-op 大一倍，設備齊好多，只不過係隔隔離，所以建議住Western~ 其實好多friends睇完d相之後都話佢唔似酒店，似宿舍多d，但係真係酒店，有d類型酒店式住宅，而且仲有gym、洗衣乾衣室 ga，不過唔知幾樓！係4星酒店來的！不過我就好滿意囉！綜合評價比佢93分啦~~之後介紹下酒店周邊風景及便利店！係韓國最多就係GS25便利店，係屬於LG集團，大家要知，而LG呢個品牌，係韓國已經改哂為GS啦！所以GS25就係以前的LG25便利店！而LG油站等都改哂名！韓國冇LG ga啦！LG係中國牌黎ga啦！ 呢度係對面果個公園囉！ 呢d係韓國既燈柱街招廣告！ 呢個係附近d大型批發及零售商場既多棟大樓~~ 呢個係從酒店窗外影的東大門夜景！右邊的就是東大門多間大型批發零售商場！由早上10:30開門直至凌晨5:00 ga！所以行街可以留返夜晚，白天可以去下樂園，逛逛宮殿及文化遺產，抑或去去博物館都可以！(大多博物館、宮殿等，秋冬天都係5點、6點左右close ga！)(待續：明洞街道及晚餐篇)編/攝：阿乃

大家等左好耐既韓國遊記出爐啦！唔好意思~~真係近排比較忙，整理左少少就post出來先啦！今次我係去左5日(自助遊，06年11月份)，上幾篇都有一d我去韓國既資料同一d小知識及一些見聞！今篇開始就有遊記同相啦~~ 同上一次去日本一樣，又係搭早上9點多的飛機(搭國泰機)，不過係飛韓國仁川，唔係飛日本成田o者！果晚又係冇sleep到，上網、msn、打blog，之後去沖涼，執埋少少野就差不多凌晨3點啦！仲有一樣野係勁攪笑，係keith目送我離開屋企出發ga！(係msn度)之後就搭凌晨四點船過香港上環，再轉機鐵入機場！ 入到機場都係6點幾，去左Super sandwichs食我至愛既早餐~~再過對面買書上機睇，之後就返上去A區get air ticket去check in啦！ check完in都已經8點左1右，就入閘行下，因為未試過行機場禁區d店，我行書店比較多，d friends就行迪士尼專門店！9點多去到閘口排隊上機囉！ 今次我地5個人，分別係我、W生、C小姐、賣米 & 肥宇 (其實都係以前d導賞員同事黎ga！今次係第一次一齊去旅行~~) 上到飛機，我又開始黎啦~~黎乜？事關我都講過，我驚離心力，而且我更驚不安全感，雖然我知道空難機會比任何交通工具要低，但亦知道一出事都一定冇得救。所以Take off、landing、遇氣流、天氣不佳的情況我都好驚，又好擔心！(絕對會出洋相)此終隻隻天蠍都係成日覺得唔安全ga嘛！只有能掌握既野先係最安全~~ 呢幅係係機上面，已經飛定左既時候影ge！有出入境表、衛生檢疫表、飛機餐牌等~~(我最唔欣賞就係飛機餐~~搭咁多次國泰都唔arm我口味！)(我比較鍾意長榮、ANA、澳洲航空d飛機餐，好arm我胃口) 機上廣播資訊呀~~ haha~~又見到我隻手同部相機呀~~反光丫嘛~~機外陽光太猛~~ 搭左4個小時多，終於落地啦~~第一日，韓國的天氣比較凍，係-1至9度，而個天既顏色好特別，係水藍綠色既~~我好鍾意呢隻顏色，因為好特別！下圖係arm arm落左機既走道上面影ga！(注意：現在仁川機場現正進行擴建工程) 呢隻就係我地剛剛坐黎韓國既飛機啦~~已經落緊d行李啦！好快~~ 呢度係落機後的走廊~~ 歡迎到仁川機場~~隻公仔好得意呀！ 辦理完海關手續之後，我就去左拎返d行李，之後佢地仲要去換錢(因為係澳門換唔夠)~~換左錢之後，出左禁區，我地就先去information度問一問邊度有KTC (Korea Travel Card)~~搵左一輪，終於找到Shinhan Bank (新韓銀行) 既辦事處，咪入去問囉！點知佢地話呢間冇，有個好心職員就帶我地去左另一間，路途好遙遠ga~~之後終於到了，真係有得攪KTC，但係有兩種，一種係紅色(不能退款)，另一種就綠色(可以退款，但需多付按金20000won)，我地個個都係買200,000won~~加埋張卡2000won、再加按金20000won，總數就係222,000won啦！ 但係佢地d英文真係好唔掂，竟然連一d好淺既英文都唔明，只識單字，之後個職員叫左店長黎用英文講，太好啦~~終於有個識少少英文ga~~亦解釋左少少資料比我地，個個賣完哂自己張卡啦！Yeah~~ KTC試用後建議： - 不過我唔太建議大家用，雖然係方便，但除左機場銀行方面，其他地方好似都冇乜見過呢隻卡，就連自己銀行既市內分行都唔知。 - 另外d人英文好唔得，好難溝通，勁浪費時間囉！ - 再者你如果用唔哂d額，你都只可以退面額的20%，再加埋按金！(仲一定只可係機場既新韓銀行先有得退！)你話幾麻煩呢！ - 而且佢暫時唔可以當T-money (首爾八達通)，比舊版本功能更差囉！ 呢張就係KTC咭，另外就係我本Passport (我係葡國護照) ps.有好多香港人都唔知，澳門人用既葡國護照係真真正正的，唔係好似英國咁出d海外護照畀d香港人ga！即係話我地同葡國人jar住既護照係一d分別都冇！(呢個係唯一葡國比英國做得好既地方)所以去亞洲地方既時候成日d海關都會問問題，因為佢好奇怪點解d中國人用葡國本土既護照ga呢？ 之後就買左機場巴士既車票，我地搭既係602號機場巴士，去東大門綜合市場落車！(8000won)大約需時90分鐘左右先到東大門綜合市場，因為首爾市無時無刻都勁塞車囉！下圖就係車最後排影出去ga！ 拿~~我唔係跟團ga！(個個睇到呢張都話我跟團！)呢架係機場巴士黎ga~~各位！唔好攪錯！ 機場巴士 乘搭後建議：每一個站聽清楚下一個係乜站，因為佢d廣播係勁細聲，而且英文果段又唔係好清楚！最好睇住車上面個巴士站地圖，再估下佢講緊邊個站！(因為英文廣播係先講今個站，再講下一站)但巴士站地圖係架車既中間座位(上圖我左上位)，得一張咁大把囉！萬一過站或未到你就下車就慘啦！ 如各位住Western Co-op Residence 或者 Co-op Residence 都係搭602，係Dong Dan Mum Market站下車，前一個站係 JongNo 6街...