03。澳門人講澳門

其他2004年5月就己經開幕啦！ 呢幾張相係於2004年6月帶一班親戚上去天后宮參觀時所拍攝的！當然仲有旅館及停車場部分尚在建築中，所以只在宮殿部分率先開幕。 這個天后宮是澳門較大型的中式廟宇，亦只有它為澳門提供了中式婚禮服務，而且地方大又靚，可惜烈日當空就好哂(我就黎熔啦！) 之前係Blog友流浪影子果度睇到佢貼左一篇馬來西亞的天后宮，我見澳門路環呢個同佢地果個宮好似，所以就貼呢一篇出來！(流浪影子，你看看係唔係有好多地方好似呢？) 這天后宮位於路環島的山上，而路環島被定為離島區，大部分的郊野公園、沙灘、未開發的林地等均在於此，屬於澳門的後花園，受政府政策保護為郊區，只能適度開發，所以景致尚未受破壞，暫時仍可一望無際，空氣清新呀！ 好啦~~唔講咁多，介紹下d圖先啦！ (下圖：由正宮影出去的正宮前地及正門，兩旁為小齋堂及神香販賣處) (下兩圖就是天后宮的正宮殿) (下圖是天后宮後面花園的側宮，當然去到都未開放，唔知裡面擺左d乜同做d乜既。) 唔知兩年後的今日，路環的天后宮變成點樣呢？我都兩年冇去影相lu~~搵日得閒再就去下先！其實澳門除了這個新開的天后宮，還有為人所熟悉的媽閣廟(位於媽閣)、天后廟(位於氹仔大利豬扒飽對面)。 (如果想睇相片的攝影資料可到相簿-->澳門風情查閱) 編/攝：阿乃

完成哂d野，下午4點幾就已經係自由時間啦~~仲約左d friends睇鬼片(其實好有好多friends唔敢睇，只有某幾個同我一樣係唔怕，仲會好變態係睇鬼片狂笑tim)，不過今次的兩位同行者都有少少驚睇鬼片ga！ 咁去到先知只有9:30才 arm 時間，所以咪High個Tea先啦！之後去左八佰伴拎返之前訂左既 "大細孖行李箱"，跟住仲有好多時間，我就去了西望洋山影下相啦！ 其實澳門半島有3個主要山(其實係丘陵)，包括了：東望洋山(即係松山、山頂醫院)；西望洋山(即主教山、主教座堂)；黑鬼山又稱望廈山(旅遊學院及望廈炮台) 而我今次去的就是位於南灣、西灣、媽閣環繞的西邊昔日守澳重地-----西望洋山，它亦是我家背後的山，所以其實同自己屋企好近，不過都唔係成日上來，但好在有大把位泊囉！ 西望洋山最出名的就是主教座堂，所以又名主教山。主教座堂係熱門旅遊點之一，它是傳統的哥德式建築，旁側設鐘樓，以石材為主要建築材料。一年一度的聖像出遊都係終點站，當時係由議事亭的玫瑰堂出發至此。各位以後來澳，一定要上去行下！風景好靚ga！ 因為我今天成6點幾7點先出去，所以教堂已關門，就連前地就關了門，只有休憩區開放，就唯有入內影相吧！(因為教堂前地個View最正)現在就來分享一些所拍的相吧！ (下2圖：休憩區環境一覽) (下圖為休憩區之小噴泉) (下圖為主教山的主教座堂) (以下的圖是由主教山休憩區拍下南灣、西灣的景色)(包括：觀光塔、西灣大橋、西灣網球會、澳氹大橋、氹仔、南灣消防總局) (以下幾張就係全景圖拍攝的主教山下景致及夜幕下的南、西灣) 因為當時係在山腳下的西灣湖邊，現在是居高臨下啦！順帶一提，如果大家有興趣係9-10月來澳門參與國際煙花匯演的話，這裡是最佳視點之一，而且需要早成一小時以上來這霸位，因為好多影友晨早來set機霸地，如果遲左只可以係佢地既褲浪下看煙花啦！ (由於本人冇用腳架，所以會有少許微震)如果想睇攝影的詳情資料，請到相簿的 "澳門美麗的角落" 查閱，有齊詳盡資料！ 編/攝：阿乃

致 行刑長官xx華 先生：記得當我還是小學生的時候，老師有一道作文題目：《我最喜歡的一天》，我没有描述我的生日；雖然我在那一天更受父母及兄長寵愛，也一定會收到很多生日禮物。我没有描述寒暑假開始那一天，雖然在那一天我會心花露放、像久困在籠子的鳥兒可以沖上藍天。我更没有把春節端午中秋聖誕寫進去，雖然那些日子令我開心快樂。我最喜歡的一天：就是 十月一日 ，屋頂飄揚的五星紅旗，公園盛開的鮮花圖案，滿街喜氣洋洋的人們。還有飛舞的彩帶、搖曳的汽球…。每年的十、一，我不能忘懷。作為中國人，每年 十月一日 是一個無比興奮的日子！是普天同慶的日子。作為澳門人，今年的 十月一日 ，還會無比興奮、普天同慶嗎？您擔任領導者已近八年了，由當初的全澳市民百般爱戴、萬眾景仰的行政長官，逐漸演變成千夫所指、萬民批評的行刑長官。您變質了！ 我說得不對嗎？同樣是八年，回歸前的八年，澳門市民有這樣的遊行示威過嗎？警察有用過裝甲車、催淚彈甚至開槍鎮壓過嗎？同樣是八年，回歸後的八年，特別是近三年，澳門市民有開心過嗎？以前月薪四、五仟元仍能供樓買車，現在月薪一萬四、伍仟元，能買些甚麼？同樣是八年，回歸前的八年，市面民風純樸，人情濃厚，雖然回歸前一年血雨腥風，但那只不過是黑幫互扛，與市民還有一段距離。同樣是八年，回歸後的八年，官場爾詐我虞，社團擦鞋文化已成風氣。血雨腥風雖已平息，但社會治安卻未見好轉，大貪官小貪官依然存在，而且越挖越多。怪不得現在市面上有不少的怨氣怒氣，新不如舊的感覺越加強烈。或許這就是期望愈高，失望愈大吧！您知道嗎？您的賭權開放政策過火了。已經把澳門五馬分屍，殺雞取卵。在偽假繁榮的外表下，多少中小企業，家庭作坊黯然神傷，悲痛欲絕。您想過嗎？您的外勞政策出軌了、失控了。使貧富更加懸殊，讓澳門各階層市民互相拼個你死我活，工商矛盾日益加深。您的社會和諧理念哪裡去了！您明白嗎？您的居屋政策永遠是雷聲大，雨點小，經常用數字欺骗市民。每當有市民發起遊行，表達訴求，您就趕忙拋出一連串可觀的數字，企圖平息民憤，蒙混過關。風聲一過，依然故我。您這樣下去，更令市民痛心，您可以安枕無憂嗎？您清楚嗎？早兩年您的免除多項稅收政策深得民心。但在今年您的財政局卻把房屋稅訂在史無前例的高位，理由是租金上漲。但租金上漲、百物騰貴的背後原因，又是誰一手造成的？不就是您的政策嗎？先減市民五佰房屋稅，後再加市民兩仟多，哈哈，華哥您做生意真有一手。怪不得坊間早就有「商人治澳」的說法。封您做行刑長官，就是因為您，如同指揮行刑隊的隊長，正在把一個好端端的澳門，押上斷頭台，使澳門走上不歸路，親手葬送澳門前途。還有兩個星期就到 十月一日 了，在您掌管統領下的行刑隊，又在市民大眾頭上加多了一把狗頭鍘。縱觀新的道路交通法，通篇都可以用「荒謬絕倫」來形容。由頭到尾，除了「罰」还是「罰」！新的道路交通法是一個不折不扣的「政府瘋狂搶錢法」、「搜刮民脂民膏法」。有幾個關於新道路交通法的問題可否由您或您屬下的行刑隊作答：回歸八年，您對車輛的控制，道路的發展有過甚麼貢獻嗎？您只會把地批給賭場酒店，只會說「不要扼殺年青人購車的夢想」之後，任由機動車數量無止境地增長，您卻在隔岸觀火，坐收漁利。依我推測，接下來您又會以「順應民意，改善交通，減少車輛」為理由。對機動車又來一招「六年驗車，十年報廢」的措施，使您的鐵哥兒們利益絲毫不損，虧損的只是市民大眾。在合法停車位佔車輛總數不到三分一的情況下，為甚您不顧實際，不理民情，還要強行執法。這不正是您的「捉放曹」高招搶錢術，那又是甚麼？為甚麼熄了火的電單車在人行道上推行就屬違法？如果這樣也算違法要重罰，那麼行人在機動車道上行走，那怕只是行上一步，您罰不罰？駕駛員在駕駛車輛時，手持無線電話通話是違法，但把車停在路邊，關掉引擎後才通話仍算違法，就未免執法過嚴！試問停在路邊，關掉引擎的車輛還算是行駛嗎？如果這樣仍算是行駛的話，那麼我們把車輛隨便停在路邊，只要駕駛員不離開車輛，那麼交通警無權干涉，因為我的車輛仍在行駛中！欠交告票罰款原因有多種，其中有可能是車輛借予他人使用時違法而車主卻不知情而欠交罰款。如此時車主的車輛因欠交告票罰款，導致車主不能辦理駕駛執照續期的這條規章更不合理，請問駕駛執照續期的目的何在？為何要與欠交告票罰款劃上等號？新道路交通法罰款比過往調高了不少，可是大部份的星斗市民工資有同等的調升嗎？其中有一條關於繳交罰款的優惠更顯商業化。以違例泊車為例，之前每張告票罰金多為二佰元，現在是三佰元，優惠期繳交仍要二佰元。看來先加後減，先減後加的商業杠杆原理被您發揮得淋漓盡致了。本來 十月一日 çš„ç¢ºæ˜¯ä¸€å€‹å¥½æ—¥å­ï¼Œæœ¬ä¾†æˆ‘å¯ä»¥ç­–åŠƒä¸€ä¸‹å¦‚ä½•åˆ©ç”¨é€™å¹¾å¤©çš„å‡æœŸï¼Œä¸€å®¶äººåŽ»æ—…è¡Œï¼Œå…±äº«å¤©å€«ã€‚ä½†æ˜¯å°±æ˜¯æ‚¨çš„é€™å€‹äº¤é€šæƒ¡æ³•ï¼Œä½¿æˆ‘è¿‘å¹¾å€‹æœˆä¾†å¯¢é£Ÿä¸å®‰ï¼Œåå¦‚é‡æ°ˆï¼Œå››å‡ºæ±‚ç§Ÿæ±‚å”®è»Šä½ã€‚æˆ‘æƒ³æˆ‘çš„è™•å¢ƒè±ˆæ­¢æˆ‘ä¸€äººï¼Ÿè¡Œåˆ‘é•·å®˜ï¼Œè«‹ä¸è¦è²¬æ€ªé‚£äº›åœ¨åã€ä¸€æ…¢é§›éŠè¡Œã€éŸ¿è™ Ÿç¤ºå¨çš„人士，更無須像五、一遊行那樣加以鎮壓吧。不要將他(她)們定性為騷亂份子或者是暴民哦。試想想，誰不喜歡碧海藍天、心曠神怡的假期，誰不中意在輕輕愉快、浪漫寫意的環境中歡度佳節？他(她)何罪之有？違例泊車之罪僅僅就是他(她)們一手造成的嗎？如果您的狗頭鍘不是強行架在他(她)們頭上，他(她)們會這樣上街抗爭嗎？有網民在網上寫道「為解決違例泊車問題，必須從治本出發，切實解決車位嚴重不足問題。倘透過檢控要求守法只會適得其反，加劇社會矛盾和民間怨氣。」，行刑長官您認同嗎？如何切實解決車位嚴重不足問題？您根本就沒有好好想過，只是在敷衍了事而已。最近您不就是又搬出慣用伎倆： 十月一日 電單車會遊行吧，那就趕快在行人路上挖多幾個電單車位唄，不成嗎？再去汽車泊位上騰出幾個位置來，趕快塞住這些人的嘴巴。嘿嘿，在您眼裡，澳門市民只是一幫傻瓜而已。有網友嘲諷：下次(比如 十二月二十日 回歸日)再有輕型汽車慢駛抗議缺乏合法車位，您是不是又要把電單車位改過來？八個兔子七個窩的做法能長久嗎？

濠食新煮意Food Idea為澳門一互聯網綜合飲食指南，目的是為公眾提供全面的飲食資訊。資料庫現時擁有澳門過千間餐廳資料，並且會不斷更新，務求將全澳食肆資料納入其中。 這是從Blog友 Mel 引用過來的，如果各位想知多d，想了解多d，可以用下面的引用link，linking去她的blog度看看呀！ http://www.foodidea.net/ 我亦希望大家blog友，下次來到澳門會找到更多好食好玩的地方，所以我會一直為大家提供澳門的食肆、好玩、休閒拍照等地方！期望各位一直多多支持啦！ 阿乃

上星期六同友人一齊去了一趟漁人碼頭食飯兼入下火山咁啦！ 其實我再對上一星期來的時候，個火山已經開返，仲見有人入tim，所以今晚咪想入下去囉！ 而且仲影左幾張靚靚夜景！post出來比大家看看！ 這張是由火山出口外影了漁人碼頭的海岸邊再加友誼大橋，感覺非常不錯呀！ 影漁人碼頭海岸及閣樓的春天coffee shop！   仲有兩篇分開左寫ga，分別是晚餐及入火山，可click以下就可以linking去看看！ 晚餐： 日本北海道美食館 入火山： 進入重開的漁人碼頭火山！ 編/攝：阿乃 使用器材：Canon Powershot A700

各位，是否還記得火山於開幕兩星期就因事故而關閉嗎？ 上星期六晚(2006年6月10日)我同d friends一齊去，見佢開返，咁之前冇入，今日咪入下去囉！ 仲有那兩個遊戲同時開返啦，分別是熔岩激流 & 奪寶奇兵兩個火山內的game 最重要既係我今日有帶相機，可以狂影相~~haha~~ 同以前價格一樣，入火山費要mop$10，每款game需mop$40，另有全票、套票買，可以平d！ 當然好多人都唔知佢開返，所以冇人排隊入火山同玩game，我地當然係唔玩啦~~之前出意外，現在等d人玩過先啦！唔會去搏啦！ 大家準備好未？我現在帶大家入火山啦！ 開始入去啦！ 大門口都唔係好闊，有種恐佈的感覺！ 入左去都幾黑，唔係好光，而且好似d古墓or金字塔咁feel，行行下仲有兩個雕塑jar住把刀係你頭上，你都咪話唔驚，嚇到兩位同行者一定要我走在前頭！ 一步一步咁行入去，就越來越熱，同覺得好悶熱同有少少硫磺臭味！過左兩把劍之後就見到一條水道，我地的位置係在水道上面一條橋上，影落去水道度，都幾似岩漿feel ga~~當然係熔岩激流呀！ 穿過一個山洞之後就來到另一區，可以看到奪寶奇兵的火車軌，其實那個奪寶奇兵係好危險，只有飛機坐位的安全帶，而且一架只坐4人，以好快速地奔走，時而俯衝，時而奔走，感覺上好似好易飛出來咁，而且有一段會係我地d行人道頭頂飛過，佢有貼牌警告 "不可觸摸"，其實我地真係舉高手就掂到條車軌，你想想幾恐怖，所以我建議大家玩熔岩激流好了！感覺上比這個好好多！(各位千祈唔好係果個位跳，我驚你地撞到條車軌呀！) 這個位就是我所說的係我頭頂不足50cm處經過的車軌，我還特意行過d先影，因為我驚比佢嚇親，成日驚佢跌下來呀！ 這是另一區的熔岩水道！ 這是火山內的一個中式涼亭，其實都幾格格不入的，都唔知邊個設計，咁得怪，火山有涼亭，仲寫住不可長時間停留，請快速經過！真係又唔知佢有d乜事發生！ 在涼亭內拍攝出去的走道！ 離開火山前的走道，又回歸一種恐佈，但從走道吹入陣陣涼風，的確令人想快d出去，加上那條火車軌係頭頂，你更加想快d出去啦！這是火山的出口，見到兩個工作人員係度傾計，好似唔駛做咁，都幾寫意呀！ 火山另一角度的夜景！ 總括來說，10元一入火山都算值得ga！唔知大家覺得呢？ 編/攝：阿乃

015 澳門人講飲講食：日刺北海道美食館 (美食廣場類) 位於漁人碼頭的東西匯聚內其中一楝建築物，這楝建築物有三間日本食店，一間(地下中堂)係sale新鮮魚生及壽司，一間係(地下內堂)日本北海道美食館，仲有一間係2樓吃一d高檔d既日本美食。 我今日同大家講的是位於地下內堂的 "日本北海道美食館"，它是一個日本美食廣場，有飲品店，及四檔日本美食(包括：炸物及小食、便當定食、中華料理及丼飯、烏冬及拉面)。 我們今晚三人行到了試吃，買既野食雲集四個檔的，大家可以看看下圖：(首先是我們全部叫的食物及飲品，每位約70元就可以埋單，是檯面上所有的呀！) 食物清單如下：(共mop$223)(1)一set滑蛋吉列豬扒飯連烏冬+酸菜 mop$40(2)一set炸天婦羅飯連烏冬+酸菜 mop$48(3)一set辣蝦定食 連麵豉湯 mop $45(4)兩客牛肉漢堡薯餅 mop$30(5)一客日式炸雞件 mop$15(6)兩杯鮮檸特飲 + 一杯鮮橙特飲 mop$45 我地先講講份量，一set基本上已經夠哂飽，只不過我地第一次入來試，諗住試多d品種，試試個質素ok唔ok，而且我地又影相，d服務員仲以為我地係飲食專欄記者tim~~我叫我是(1)號，基本上非常美味，豬扒有口感而不太韌，幾好食，飯當然用珍珠米啦！至於個素烏冬d味都非常好，而且我like食面、烏冬多過食飯呀！haha~~ 小食方面呢，先講牛肉薯餅，這個就真係推薦大家去食，唔會太滯，炸著蓉餅中間夾了粒粒牛肉碎，口感一流，味道唔會太鹹，真係唔錯，而且又附了一個唔知乜醬，但係大家都冇點，可能醬既味道不太好！可改善的地方是著餅皮可以再脆一點就真係一絕啦！ 雞件方面，表現一般，賣相亦一般，味道偏鹹，所以要飲多d水，一一般般的水準，但就唔會有骨，剩係有肉姐！ 飲品方面都不俗，我叫的是鮮檸特飲，其實是一杯青檸梳打+少少雪碧，酸酸地又帶少少甜，都幾唔錯呀！15蚊一大杯，都裝得幾滿，唔錯！至於另一個friends就叫了鮮橙特飲，是一杯橙味soda，同我地果d差唔多，不過有樣好笑的是，佢塊橙剛剛就隻杯咁大，好惹笑！ 總括來說都幾ok，不論賣相、座位、環境及味道方面。今餐我畀85分，唔知其他兩位試完有什麼評價呢？如想看多d相，請到相簿-->澳門食肆，謝謝！ 如果要看其他兩位同行者的評價可到下列topic：魚魚Cafe：又到星期六，你有乜節目？雯雯~~豬：北海道美食館......

014 澳門人講飲講食：東望洋餅店 (西式糕點類) 位於皇朝區成昌後面，它是一間Coffee shop + 西式餅店。價錢公道，比一般的coffee shop平少少，格調好潮，帶有葡國式的擺設，不俗呀！我成日都會買迷你芝士批(5蚊3個)，仲有芝士軟包(5蚊個)。但次次都趕時間，一係就食左野，所以未坐低飲野呀！我d friends話好好，味道ok！ (下圖是店內座位區及擺設) (下圖是由門口影入去，是否很不錯呢？左面冇影度的是面包區) (下圖是服務台，下方沒有影的是西餅急凍櫃) 由於佢唔比人地影佢地D西餅及面包(可能驚人抄野，及對方來check價掛)，而我亦先徵求佢地既同意，佢先比我影幾張相！ 講返佢d面包，其實會比聖安娜貴少少，西餅就比金滿堂平。佢重有曲奇餅同生日蛋糕訂造等，基本來說都是一間不俗的店，每逢中午、傍晚都好多OL、辦公室人員去買野食，而六、日就多d去hea既人。 交通方法：巴士 1A、8、17、23都可到達皇朝區，在成昌附近巴士站下車即可。步行至餅店約半分鐘。(皇朝區由於好多香港人都唔識去，所以建議大家看一看澳門地圖做少少資料搜查，再唔係上到車問司機。)(因為皇朝算係澳門的飲食集中營，什麼菜都可以用皇朝區找到) ------------------------------------------------------------------------------------------Update ：2006-06-11 9:40pm  (新加入下列兩幅新相) 下圖是堂食區的舊澳門相片牆壁，多了一份緬懷澳門的格調！ 這是由堂食區影去counter，有少少手震tim~~ 仲有一張係堂食餐牌，大家可以去 "相簿--->澳門食肆" 度找一找，不便貼人地d價目出來！ 編/攝：阿乃

鏡海長虹------澳門八景之一，亦是八景的首位。 鏡海長虹，是昔日澳門的南、西灣岸邊，與taipa對望之間的河道。直至南、西灣湖填海造地，以及觀光塔、消防局、終審法院及環澳高速車道建成為止。 它是昔日的休閒勝地，也是情侶的拍拖勝地，風景優雅，綠樹林蔭，延綿曲折，詩意十足。以大石築起矮牆為岸堤，設置中古式木長椅讓公眾休息。未填海之前，適逢潮退往往近岸邊會變成泥灘，雖然經過都係好臭，但多了幾分鄉村小城韻味。以前有好多人係度釣魚、撈蝦仔、捉泥鰍，以及划龍舟等，雖然現在都有，佐只有划龍舟是合法，其他都是非法的，因為現在變了湖，嚴禁垂釣及進湖。 講左好多昔日的鏡海長虹，現在的鏡海長虹已經不復當年的美，多了一份時尚休閒風。為什麼這樣說呢？雖然政府已經完全保留昔日堤岸的設施、景觀，以及石堤仍在，跟以前沒有兩樣，但從南、西灣望出去的景色只由一個河道變成了湖景及觀光塔。而昔日的鏡海長虹是由葡京對開一直至到媽閣的堤岸，現在中間的部分已經變成多幢商業中心、湖景住宅、英皇酒店了，令昔日的大彎位一下子變了南灣的新區。如果大家到了南灣的英皇酒店附近，你可以看看有一條長長的綠化區至澳督府及西灣，那裡還有一條好清晰的石堤在，那就是10年前的河邊，想找尋昔日的河邊可以去看看，並不困難。 雖然城市化發展，一定會有所取捨，以填海造地變取更多的空間，這是澳門唯一的辦法。現在的南灣、南西灣已經面目全非，剩下西灣至媽閣一段仍保留至今，一直不變其迂迴曲折的灣岸，只是由河境，變成湖境，但又有另一種味道，湖面水靜，往往看到已往看不到的清晰倒影，晚上又可遠眺葡京的五光十色。 已住的海中心，現已經變成了觀光塔、西灣湖景休憩區、西灣大橋、環澳高速車道、永利、皇朝等地，其實景色都唔差，只是多左一份時尚休閒的感覺。往往於清晨、傍晚都有不少人在此路做運動、跑步、晨運等等。而我住附近，所以下樓就可以見到好美的景色，也很不錯的！ 編/攝：阿乃

大家還記得之前的介紹的漁人碼頭麵包湯嗎？今日同大家分享一下之前去漁人碼頭食野之前，真真正正行一行個漁人碼頭的靚景，那天陰天還下著微雨，所以個地都好滑，好易跣親呀！不果又另有一番風味，我都幾鍾意個感覺，就好似台灣的九份、英國的倫敦，終日陰陰天，個feel不錯呀！ 其實好多人都影d屋呀！火山呀！但忽略左一d角落，有韻味的地方。又或者missing左一點周邊景觀對漁人碼頭的景色影響。那當日我就去左影呢d咁既位，那當然係用舊相機A40啦(當然未買新相機呀！) 以下的相比大家欣賞下，大家一定要比比意見，說說看法：(因為冇縮尺寸上載關係，張張都係1600x1200，所以load既時間比較慢，請靜心等候！)   圖1：丹麥屋後側的歐陸小步道，海傍邊啦！ 圖2：丹麥屋內的仿古歐洲汽油燈 圖3：從丹麥屋海傍影過去遊艇碼頭區 圖4：枯蒼的樹與孤獨的人 圖5：歌德式的建築物，是名牌店來的~~仿歐洲的教堂風格 圖6：唐城後面的海傍影過去港澳碼頭呀 圖7：壯觀的唐城外觀(內部裝修中，未開放) 圖8：唐城及火山的中間位置影過去東西匯聚(有偷窺feel) 圖9：東西匯聚街景一角 圖10：噴泉小步道 圖11：東西匯聚被忽略的一角(好有古歐洲民居feel) 圖11：羅馬表演場外圍走道~~ee~~有腳架，行家係度影相 圖12,13：漁人碼頭與毗鄰的金沙及高尚住宅的對比(我覺得佢地影響左漁人碼頭個feel)  圖14：被毗鄰破壞個feel的漁人碼頭全景 (想睇原圖可去相簿內澳門漁人碼頭folder)編/攝：阿乃

澳門八景之一-------《媽閣紫煙》 媽閣廟包括“神山第一”殿、正覺禪林、弘仁殿、觀音閣等建築物。早期稱娘媽廟、天妃廟或海覺寺；後定名“媽祖閣”，華人俗稱“媽閣廟”。 媽閣廟的創建年份，至今未有定論；但大部分學者都肯定在葡萄牙人定居澳門前，此處已有供奉媽祖的廟宇。從1751年完稿的《澳門記略》附圖上可見整座廟宇已有一定規模；到清道光八年（1828年），媽閣廟重修，廟內建築，大為完善。至同治十三年（1874年）及光緒元年（1875 年），媽閣廟兩遭颶風破壞，建築物受損，經兩年重修擴建後，奠定今天的模樣。 現時廟內有實物可考的建築物是“神山第一”殿。該殿供奉天后，創建於1605年（明萬曆三十三年）， 1629 年（明崇禎二年）及1828 年（清道光八年）兩度重修，其門口石橫樑至今仍存創建時的石刻。媽閣廟是澳門現存廟宇中有實物可考的最古老的廟宇，也是澳門文物中原建築物保存至今時間最長的。 弘仁殿是一座小型石殿，供奉天后；相傳建於明弘治元年（1488 年）；但現時殿門及殿內石龕，則為清道光八年（1828 年）重修所建。 觀音閣與正覺禪林的創建年代未知，但從《澳門記略》可見1751 年前已有雛型。觀音閣最早為一石亭， 1828 年重修，形成今貌；閣內供奉觀音。正覺禪林重修於清道光八年（1828年），今供奉天后。此殿在1988年2 月8 日曾發生火警，後由政府按原貌重修，至翌年2 月完成。 媽閣廟有許多摩崖石刻，均為歷代官宦名士的詩詞題字，是研究澳門歷史文化的重要資料。尤其是“洋船石”和“海覺石”，年代久遠，是澳門著名的兩大奇石，也是歷代騷人墨客詠吟的對象。 媽閣廟位於媽閣山西面山腰上，主要由入口大門、牌坊、正殿、弘仁殿、觀音閣及正覺禪林組成，各建築規模雖然細小簡樸，但卻能充分融合自然，佈局錯落有致。 建築特色：入口大門為一牌樓式花崗石建築，祗開有一個門洞，門楣有“媽祖閣”三字，兩側為對聯，三部分均有琉璃瓦頂等裝飾，其中門楣頂部更有飛檐狀屋脊，脊上裝置瓷製寶珠及鰲魚，緊跟在大門之後為一三間四柱衝天式牌坊，亦由花崗石建造而成，並有四隻石獅分置在柱頭上。正殿為供奉天后的其中一個神殿，有神山第一殿之稱，它和正門建築、牌坊以至在半山腰上之弘仁殿都在同一軸線上。建築主要由花崗石及磚頭砌築而成，其中花崗石作主導，無論柱、樑、部分牆身以至屋頂均由此材料修築，兩邊牆體均開有大面積琉璃花磚方窗，而在較高位置的氣窗，則為圓形。在石屋頂上又鋪設琉璃瓦頂，並以誇張的飛檐裝飾正脊及垂脊；而其屋頂造型又分兩部分，朝拜區之屋頂以歇山卷棚頂形式出現，而神龕區之琉璃屋頂則為重檐廡殿式，脊上飛檐純樸有力。 弘仁殿規模最小，祗有3 平方米左右，它事實上是一石室：建築以山上巖石作後牆，屋頂及牆身也以花崗石圍合。殿內也供奉天后，兩側牆身內壁有天后之侍女及魔將浮雕，而天后神像則置於山石前，與正殿神龕區做法一樣，在石屋頂上，也加上綠色琉璃瓦及飛檐式屋脊裝飾。位於最高處的觀音殿，主要由磚石構築而成，其建築較為簡樸，為硬山式做法。 相對於其他神殿，位於建築群前方且與正殿同在一平台上的正覺禪林不管在規模上或是在建築形式上都較為講究，建築由供奉天后之正殿及側殿組成，側殿建築為一般磚結構民房式，屋頂為硬山式。而正殿是一四架樑結構建築，為一院落式佈置，前為天井，天井兩側的側廊為卷棚式屋頂，主建築被二列各三枝柱分為三個開間，屋頂為琉璃瓦坡頂，兩邊側牆頂部為“鑊耳”山牆，有防火的意思，具濃烈的閩南特色。位於天井前之正立面，縱分為五部分，中間最高兩邊漸低，牆身有泥塑裝飾，牆頂則以琉璃瓦裝飾，而在琉璃瓦檐下是三層象徵斗拱之泥塑花飾，此外，中間部分尚開有一半徑為1 米多的圓形窗洞，而琉璃瓦頂上之飛檐及瓷製寶珠裝飾，亦顯示出此殿之重要性。 資料來源：澳門文物網 其實媽閣由我出世到現在都冇乜大變化，只係對開的行車道已經變成行人專用區，海亦填了新路連貫西灣大橋，而皇家橋碼頭(昔日澳督出岸的碼頭仔)已成了歷史遺址，再沒有任何用途！為什麼會叫媽閣紫煙？原因是紫色，屬於佛教中尊貴、莊嚴的意思，而紫煙就是神聖的、奉獻的，直達佛祖的幻境構想，所以得出一個咁詩意的名稱！可能大家去得多媽閣廟，但下次不妨到對面的皇家橋感受一下昔日澳督來澳時的境況！ 編：阿乃

013 澳門人講飲講食：銀禧粥店 (粥品麵食類) 這間又是伴隨澳門中區成長的老牌粥店之一，現在比而前貴了好多，但仍然咁好食。位於白馬行的Inshoe's Net對面，由議事亭一直向bodyshop行，到bodyshop後再直行到g2000 & u2後，再直行就到。 銀禧粥店再直行就是國華、信達城、天神巷啦！ 它的粥品、湯麵都很不錯，唯獨比較貴，要成14蚊一碗，比起黃枝記平，但比起盛記就貴左一倍呀！當然盛記沒有麵食，粥亦只有皮蛋瘦、白粥兩款啦。 大家行到肚餓，但又唔想吃小食、甜品，想清清地，除了新馬路果邊的盛記白粥，噴水池那間貴到嚇死人仲要排隊的黃枝記，還有一間銀禧呀！ (都係未有影相，遲d補貼返啦！)編：阿乃

其實從龍環葡韻那一篇開始，我會為大家提供一些澳門的文化景點及玩樂行資訊，而大家同時亦可以問下我你想知的澳門資料，我識的話，一定會解答你地！(上圖是澳門的夜景，遲d我會再去影過，因為已經又有好大變化了！) 龍環葡韻果一篇，都見到有唔少人回應播！所以才決定貼多d關於澳門既景點出來，希望可由我的blog，帶出澳門不是只有"賭"，還有其他好玩及靚景。 廢話就唔講啦！講返個題目-----『澳門八景』。其實澳門八景係好耐之前既澳門人寫下的，這八景為澳門當時的小城繪下了美麗的圖畫，亦是當時澳門最動人，最美麗的景點。 講左咁耐，究竟係邊八景呀~~老闆？『澳門八景』一. 鏡海長虹 (是指澳門與"乙水"仔之間的河道，再加上了嘉樂庇大橋)二. 媽閣紫煙 (是香火鼎盛的媽閣廟)三. 三巴聖蹟 (聖保祿教堂，即大三巴遺址)四. 普濟尋幽 (是指觀音堂)五. 燈塔松濤 (是指在松山山頂上聳立的燈塔)六. 盧園探勝 (是指位於塔石附近的盧九花園，它也是澳門中區唯一的中式亭院花圃)七. 龍環葡韻 ("乙水"仔昔日葡人及土生居住的地方)八. 黑沙踏浪 (是指路環的黑沙海灘) 於往後日子會繼續貼有關的文章！hehe~~

012 澳門人講飲講食：國華小食集中地 (街頭小吃類) 位於白馬行國華戲院地下，是現在中區的小食集中地。 有很多很多野吃，包括：韓國烤魷魚、夾餅雞蛋仔(跟009所講的同一老闆)、魚蛋小食(是009所講的老闆開的)、台灣可樂餅、各式果汁、鮮果撈......都有。 每逢放學、假期、節日，那裡絕對係人山人海，真係針都插唔入呀！而且價格都係好平，從幾蚊到十幾蚊左右。果汁大大杯；鮮果撈就生果滿一杯，果汁少。 各位如果過來澳門，除了懂得去我以前講的大堂巷、大堂街、議事亭之外，還是懂得行白馬行呀！白馬行就是議事亭尾的U2、G2000之後的行車路，這條白馬行可以一直通去水坑尾，荷蘭園波鞋街。身為精明的你絕對要識呀，可以慳返搭的士的錢，而且又好快到荷蘭園呀。 參考時間：(由議事亭、板樟堂的U2,G2000出發)回新馬路     步行2分鐘到草堆街     步行30秒到大三巴     步行2分鐘到大堂         步行1分鐘到國華         步行2分鐘到水坑尾     步行4分鐘到荷蘭園     步行6分鐘 (未有時間去影相呀！遲d補貼啦！)編：阿乃

(上圖是龍環葡韻的入口及住宅式博物館) 早前復活節期間帶了些香港朋友去那裡，所以又拍下一些美景，現在貼比大家看看！ 『龍環葡韻』，位於嘉模教堂、星星公園附近，如跟巴士司機說，他會叫你係格蘭酒店巴士站 或 舊城區巴士站下車行過去。 (上圖是龍環葡韻的海灣，圖左上的是金沙威尼斯地盤工程中的吊臂) 這裡是昔日葡國人貴族及土生葡人居住的地方，現在將那些南歐小屋改建成 "住宅式博物館"，供遊客看看澳門昔日的葡人及土生的居住環境及室內擺設。 門外昔日一遍汪洋大海，紅樹木遍佈岸邊，現在填海變成了一個湖，但仍有小量紅樹木在，環境亦算優雅憩靜，也是澳門的生態保育區之一。這地也是澳門僅有舊式石仔路地點之一。(唔知幾耐都會變成新的石仔路)而湖另一邊就是將來(2007-2009落成)的金光大道(澳門賭城)，包括有：金沙威尼斯人、銀河渡假村、City of Dream、東方衛視影城、東方高爾夫球渡假村。 (上圖是住宅式博物館其中一間屋，它有4間) 有好多人都問為什麼叫"龍環葡韻"咁特別又難記？其實當時呢度好似一條龍伏在岸上似的海岸線，所以美其名為"龍環(灣)"的意思，另外此為葡人及土生居住的高尚區域，所以有葡國韻味。將兩者合二為一，成了"龍環葡韻"。 (上圖為龍環葡韻表演舞台，常在星期六、日黃昏六時，舉行黃昏音樂會。邀請過世界各地樂手歌手獻技) 土生葡人是指於澳門出生的葡國人或中葡混血兒。而土生葡人大多識講流利的廣東語、葡語，如工作於政府機構仲有機會懂國語、少許英文tim。 而澳門人就唔係個個都識葡文，如中、小學時期就讀澳門的官立學校(全都是中葡或葡文學校)，那就識葡文。但大部分澳門人都就讀私立學校為主，所以不太懂葡文。如你入職政府工，通常都要學葡文，或職位要求你懂葡文。但澳門人普遍都用廣東話、葡文為主，回歸後就多了國語。英文的話就唔係個個人都識，就算識，澳門人都唔係幾有信心去講ga~~ ps.澳門只有10多間官立學校(包括：幼稚園、小學、中學及大學的總數)，其餘百多間都是私立學校。而且澳門無會考，以及只有中六(高三)，之後就係直入大一，各校可自行決定教學方針，但應予教青局的指引相配合。如英文學校只有中五，就是到大學讀一年預科。 編/攝：阿乃

上星期同友人一齊去漁人碼頭的阿拉拍商場內一間小食肆high tea(其實一早有預謀去果間野食ga)。 為什麼？就是為了想試試它的麵包湯。 上次食麵包湯係3年前，係tapia的大台北食，它的麵包湯非常唔掂，點解我咁講呢？雖然佢d湯都好好味，但食麵包湯，當然係食埋麵包啦，對不對？但大台北的那個裝湯的農夫包，簡直同石頭冇分別，我叫waiter比一把切扒的刀我，我都切唔到，個包仲絲毫不損，用左1個鐘先切到小小來食，你話幾恐佈呢，所以我以後都唔食佢d麵包湯。 今次都係想試試在漁人碼頭新開那間我麵包湯得唔得。當日下午4點左右，我們到了漁人碼頭啦，泊左車就去那檔食肆(我冇留意佢個名)，之後每人order左1個麵包湯，另叫1客薯條share，之後仲每人叫了1杯檸樂tim，位位$48蚊埋單，都可以接受。 講返個湯，湯呢就淡左少少，都ok夠杰，如果杰少少更好，因為係周打魚湯。再黎講個包，包一樣選有農夫包，但包非常鬆軟，好好味，飲到一半之後，絕對沒有難道就可以用手撕d面包浸湯食，不像大台北那個 "硬石頭" 用刀都切唔到囉！非常不錯的一個High Tea呀！唔好睇相好似冇乜湯，其實佢都幾深，而且中間又闊，都裝到幾多湯呀！這個湯28元，薯條一客15元，檸樂要15元(比較貴)。so可以接受的價錢~~ 至於薯條也是挺不錯的波浪薯條，不過不失。檸樂呢，檸檬都幾多，但冰也不少。haha~~如果大家下次去開漁人碼頭，不妨去試一試！佢係收晚上7點ga~~所以中午至下午去就最fit啦~~坐位方面分有店舖內，跟露台海景檯。店舖內有少許冷氣及LCD播放演唱會，露台就冇冷氣同冇LCD，你們自己考慮位置吧！ 它是位於一間賣參茸的店舖(好似叫東方紅)隔離，記住係阿拉伯商場內，不是羅馬鬥獸場的正官莊隔離呀呀！ ------------------------------------------------------------------------------------------------編/攝：阿乃

011 澳門人講飲講食：法跡三文治專門店 (輕食類) 位於賣草地菓子天地隔壁，金錢餅主鋪對面。由澳門本地人自行創立的法式面飽咖啡館，好似starbucks、supersandwish、angel咁，不過就平好多。 它原來是我一個朋友的阿哥同朋友一齊開的，所以都要係度幫下手做下宣傳先！開店時澳門日報曾連續幾日都有報導、專訪咁樣呀！ 它的招牌：牛魔王芝士煙牛肉飽 $22非常好食，我都食過幾次，而且個飽超大，如食飯的話一個剛剛好，女士的話可能要2個人Share，下午茶都要啦！ 另外可配d咖啡，是日餐湯，或者我至愛的檸檬梳打，都係10多元，非常抵吃抵飲！但內部佈局通常只供4人、2人為主，因為地方有限，而且以2、4人檯為主。除了飽之內，還有意粉同飯供大家選擇，上次食左個墨魚汁意粉，都好好食！ 如果講漏野or有野補充的話，stella你回應啦~~可以宣傳下嘛！同時澳門第一間無煙食肆呀！(我冇收宣傳費ga，真係覺得好才推介比大家！)(相用手機影，所以比較差，希望唔好見怪。) 編/攝：阿乃

010 澳門人講飲講食：金錢餅 (小食類) 位於議事亭前地的仁慈堂門口，有一檔由細細個就食開的小食車仔，只賣一種食品，就是金錢餅。其實佢有一間主鋪頭，位於賣草地的"菓子天地"對面。 它們都是用最古老的紙皮盒裝的，澳門現在冇乜邊間有呢d懷舊盒啦！復活節假期時帶D香港朋友飲飲食食時，經過影左張相比大家睇下。當日非常多香港人排隊買食，而主鋪更話唔賣啦~~佢而家做果D人地訂哂ga，冇現成的賣比人，叫大家去返仁慈堂度排隊買啦！ 你話佢厲唔厲害呢？好生意到唔接添呀！ 編/攝：阿乃

009 澳門人講飲講食：全城出名雞蛋仔(街頭小吃) 今日同大家講埋大堂斜巷一檔同阿爸傳到去個女既流動小販檔，又係好耐歷史ga啦，我細細個食到而家，每逢放工放學、星期六日、公眾假期佢都係非常多人買ga，而且平常都有好多市民都專登駕車來買。 上圖中你地都見到你幾個人買緊or等緊。今日影相既時候，見到阿爸同阿女都一齊係度，大家認住佢地個嘜頭啦！只此一家呀！位置就係之前007,008所講的同一位置，只不過係金滿堂、暹邏對面時代停車場入口處。 佢算係澳門最出名的街販雞蛋仔夾餅檔，佢只有三樣野賣：1.雞蛋仔2.香蕉糕3.夾餅 點解咁好食？因為佢地d蛋漿係自己每日調配，日日新鮮，賣哂就收檔ga啦！我都有係澳門其他地方吃過，一係就顏色唔靚，味道又淡，一係就整得太難食。香港都有食過旺角灣仔d檔口，當然就更.....難吃啦(我絕冇踩香港雞蛋仔的意思，各位唔好誤會，而不過我覺得香港d雞蛋仔一早整定哂，食既時候凍冰冰又硬卜卜，雖然味多，但此終原味及熱呼呼時食最好！) 而我最鍾意食佢既夾餅，唔係雞蛋仔，因為佢既夾餅唔知點解會咁好食，自己都整唔到佢個味，其他檔又學唔到，而且都有好多人去買夾餅為主tim。有次我買緊既時候，有個阿叔走埋黎話要買10份夾餅tim，其實一d都唔出奇，因為成日有人都係咁賣返屋企食，當下午茶。 價格方面好係4蚊澳門幣一份夾餅，雞蛋仔好似係6蚊一排，香蕉糕就唔記得啦！ 下圖就是大堂斜巷，見唔見有個禁止符號既牌呀！沿住呢條行人道一直行落下，你就立即見到啦！如果都係唔識去的話就問下人啦！ (下一回我地返去議事亭前地同賣草地！ 010：澳門人講飲講食 )編/攝：阿乃

008 澳門人講飲講食：暹邏小館 (泰緬式美食類) 還記得上一期的金滿堂嗎？其實今日介紹的 "暹邏小館" 就係金滿堂隔離。"暹邏"，音讀 僣羅，僣建個僣的讀音。 其實佢已經好耐歷史，我細細個就已經食佢d野，好好味！年前佢重新裝修過門面，所以好似好新咁，唔知係咪裝修左既關係，佢d野貴左好多，平均叫個緬甸面+特色飲料就已經30幾蚊。 中午去的話可能會冇位ga，因為好多人都會去食，附近商廈都好多，而且佢開到晚上十一點(冇記錯既話)，吃宵夜都可以呀！ 阿乃推介：碎肉魚蛋粉、泰式炭燒豬頸肉、三色冰、青檸冰、雞絲撈生面、富貴魚等泰緬餐館招牌！泰式炭燒豬頸肉就30幾蚊一大碟，兩人share就差唔多，絕對可以與香港d高級餐館70幾蚊得十幾塊既比，色香味都俱全。而雞絲撈生面呢，香港人可能唔知係乜野，但澳門有好多泰緬店都有供應，"生面"口感好彈牙好Q，幼身似電左曲髮既幼面咁。我喜愛青檸冰，酸酸地，又好冰涼，開下胃，非常不俗的飲料！ 其他仲有其他好多好多，不過我都未試哂，還有就是我比較揀食，所以有些海產及一些蔬果我都唔食，唯有靠其他澳門blog友幫手就補充啦！ (下一回：009 澳門人講飲講食)編/攝：阿乃

都繼續留係大堂區講飲講食先，還未離開此區呀！ 007 澳門人講飲講食：金滿堂(高級西餅類) 今次我所介紹的是一間高級西餅店，它在澳門都有數載，初初店舖開設於澳門波鞋街(荷蘭園大馬路)，之後就開左係大堂斜巷呢度啦，之前仲係OK果個位，半年前才擴充營業，搬左過去隔隔離大的鋪位至今，提供各類西洋蛋糕及面包，而呢間店鋪就係"金滿堂"。 佢D西餅其實就同餅店差不多，但多了一些意大利芝士餅、意大利蛋糕等等，還有我的最愛Tiramisu，每杯6元或每件8元兩種，咖啡味濃又不覺膩，Rum酒味好香，唔會有飲酒那麼重口味，所以唔飲酒或不鍾意飲酒既都可以食(因為我都唔飲酒)。另外仲有拿破崙蛋糕、芝士餅及綠茶cake都係好好味。 在澳門來說它算係貴價西餅之列中最平既一間，當然平過高士德區的日本聖誕老人啦！如果你仲係留連緊九如坊呢D，本本旅遊書都標榜d食店，不如試下其他平平地又味道不俗的! 到達方法：可由南灣大馬路的"HSBC匯豐銀行"進入，或由大堂巷、板樟堂巷經耶穌十字廣場進入(下2圖)。(下一)：耶穌十字廣場(下二)：大堂斜巷(耶穌十字廣場教堂旁入口)   (下一期：008 澳門人講飲講食)編/攝：阿乃

各位，今天放工時，終於途經此區，我立即就拿出我的SX833充當相機，影返之前介紹比你地既食店d相，全部已經更新哂，你地可以去返之前D網誌度看看。 另外，有些地名需要改正，一直我說的大堂斜巷，其實真名叫"大堂巷"(所以網誌經已更正了)，大堂斜巷係另一條(見上面的手繪地圖)。 本來我想影埋002所介紹的第一檔魚蛋檔，可惜佢今天又休息，所以沒影到。但我就特意你看看佢叫乜名，原來叫"陳林記"，我食左咁耐都唔知佢叫乜名，真係攪笑。 上面的手繪地圖是我畫出來的，比較核突，但明確標明街名、位置以及方向，大家仔細留意一下啦！但006的金寶其實都係附近，應該係地圖的左邊大堂街箭頭行下去就見到啦！(因為我驚d字太細，所以唔敢畫得咁仔細，否則乜字都睇唔到！) 下圖是從土木實驗室影返過去廣場，看看，真係有十字架ga，我冇扼你地ga，唔係淨係得個名ga！ 編/攝：阿乃

006 澳門人講飲講食：金寶茶餐廳(澳葡茶餐廳)、金華美食(澳葡食店) 金寶茶餐廳，又係一間見證了澳門議事亭變遷的食店之一。以前的地址係噴水池M記對面的CTM及LEVI'S，因前幾年鋪租狂飆而結業，當時佢有4層樓ga，現在遷往白馬行葡文書局旁斜路，繼續營業，但店舖細了好多，但都有兩層。 金寶茶餐廳在以前係一間好普通的舊式茶餐室，門口有西餅蛋糕賣(現在新鋪都有)，當時佢隨著營業額，客人口味咁，不斷變化成為一間有澳葡菜的茶餐廳，一、二樓保留懷舊茶餐室方格，三、四樓設計高檔，成間高級餐廳咁ga，不過現在搬遷後，需保留西餅部分及繼續維持水準，但比以前的確少左d菜色。 新店的風格與大部分茶餐廳沒有兩樣，但菜色仍保有一定的澳葡菜色，價錢平味道不俗。兩層高但坐位不多，食飯時間往往爆滿，而店內牆上掛滿澳門舊時的歷史相片，問d伙計，佢地話係老闆的珍藏，有好多好有歷史性，亦比各遊客看看以前的澳門小城有多美，又讓我們澳門人回顧一下以前的澳門，不竟城市發展就免不多要犧牲一些東西，這是等價交換嘛！(blog主 鋼鍊上腦中......) 每逢我帶d香港朋友去食野，佢地都係咁問我果張相即係而家邊度呀？果時發生乜事呀？以前既議事亭原來係咁ga？......好多問題，反映原來大家都唔係淨係得個賭字來看澳門，佢地都好想了解下澳門既事，咁arm本人係讀旅遊系既，又有修澳門史，當然就為佢地解答左問題啦！有d朋友都覺得唔夠，我就帶佢地去買左一本"澳門街道的故事" 等佢地帶返香港。 言歸正傳，如果想吃澳葡餐，又唔想咁貴的話，佢都係唔錯的選擇，但就茶餐廳口味，大眾化一點囉。 --------------------------------------------------------------------------------------------金華美食，係金寶對面，以前叫大堂風行餐廳，以前係澳葡餐，之家基本上都唔係好多澳葡菜色，跟一般茶餐廳不大分別，但佢會有d特別的菜色，唔係間間都有得食，而且價錢平，份量多，味道好，所以食飯時間又係爆滿ga~~所以就介紹埋比大家囉！-------------------------------------------------------------------------------------------News：金寶茶餐廳現已搬遷，新鋪還未開張！(update at 2007-8-20) (下一回：007 澳門人講飲講食)編/攝：阿乃

005 澳門人講飲講食：大堂炸雞(快餐類) 麥當勞、大家樂、肯德基大家可能都幫襯唔少，但我們澳門其實係03年既時候開左一間屬於澳門道地土炮炸雞店，它的名字叫"大堂炸雞"，基本上係澳門人都會食過，佢地整既雞絕對好吃過澳門果隻肯德基，而且大堂炸雞的雞味道獨特，又係即叫即炸，非常新鮮，但此終係油炸食物，所以唔好多食。 店鋪係大堂街，可由郵政局旁樓梯(友邦中心對面)、仁慈堂旁斜路直上、主教座堂的十字耶穌廣場附近都可以到達，距離噴水池2分鐘步行，距離之前介紹的大堂巷食店約1-2分鐘腳程，佢門口有隻Q版大白雞做招牌ga！ 食物價格方面非常之便宜，差不多是肯德基一半左右。阿乃推介：1.炸雞脾(超大隻) 7蚊一隻，2隻又平d，3隻再平d，佢係實行買多d平多d。2.炸連皮薯角，又係好大碟，而且仲好好味，唔似有d店鋪炸到"林姐姐"，咬都咬唔開。3.薯茸，佢真係用薯仔整成糊狀，好香薯仔味，可以加沙律醬。唔似其他店舖咁用粉開，亦唔似肯德基果d"希冧冧"又冇薯味。4.如果多人一齊吃就買個 F餐(唔知有冇改名)，好抵吃，有3隻雞脾、3隻雞全翼、3杯汽水/涼茶、2枝粟米、一碗大薯茸，3、4個人絕對都夠吃，大食的2個人啦！ 另外佢D雞扒飽、意粉等就見人見志，有人話好有人話唔好食。但大家記住食佢既炸雞，一定要落淮鹽先至好吃，如果唔係唔夠野味呀！如果講漏左野或其他澳門朋友有補充的話，歡迎回覆呀！ -------------------------------------------------------------------------------------------------------(下一期都係繼續介紹議事亭附近的食店、小食館，各位可能要自己PLAN下應該要點食法先可以一次食哂又唔會飽到行唔郁啦！haha) (Update：2006/03/29)編/攝：阿乃

今期一出就二回，事關都係附近，所以一次滿足大家兩個要求，手信及雪糕呀！大家係咪覺得澳門除左賭就冇其他野？其實大錯特錯，澳門除了賭仲有幾百多年的歷史文化、建築、各地及澳門菜、街頭小吃等，剛剛仲申請埋世界遺產，又有漁人碼頭、觀光塔等新玩意！ 咁仲點可以用一個 "賭" 字來形容我們的澳門呢？應該叫 "多姿多采的文化名城" 才對！跟我吃盡澳門人道地街頭巷尾小食及風味菜，行盡大街小巷探索澳門小城，絕對比你入賭場更加開心！ 003 澳門人講飲講食：三可餅家(中式餅類) 三可餅家，見證了澳門議事亭的變遷。今日的三可與昔日的三可變化很大，昔日的三可位於現在板樟堂的bodyshop + 克氏雪糕店 的舊樓，因為當時要清拆及重新裝修的關係，被迫結業，與當時隔壁的小小書店一樣命運，需小小書店已經不在，但三可餅家於數年前再次續業，開左係對面大堂巷裡面 (恆友魚蛋隔離)，與舊址只有數十步之距離而已，佢會好多出名的餅，如雞旦餅、盲公餅、雞仔餅、杏仁餅、牛耳等。 價格方面好大眾化，唔會好貴，而且佢仲係用以前的紙盒包裝，黃底用紅藍白三色寫上三可餅家及其他圖案，非常之古式風味呀！ 而家好多香港都過來買"鉅記"，講過秘密你地聽，其實鉅記係香港人過黎澳門開，都係近幾年先咁出名，以前澳門根本就冇咩鉅記，所以作為遊客，冇理由唔買d澳門歷史悠久既餅家ga？(我唔係係度拆人地招牌，只不過想大家來澳門食又好、玩又好、賭都好，都希望各位可以了解一下澳門的歷史文化，咁先叫做有得益嘛，才可以算得上 "讀萬卷書不如行萬里路。" ) 以前三可、咀香園、遠來餅家，係中區好有名既餅家，可算齊名氣，當然三家都有不同的歷史典故及不同經歷，遲d我都會同大家介紹遠來同咀香園的歷史及發展。 各位同為澳門人的blog友，留意一下三可好似又唔係大堂巷啦！今日放工去影返d相都唔見三可！係咪又執左呢？   004 澳門人講飲講食：檸檬車露(甜品類) 係三可、恆友對面，係上年開業的，賣點係老闆每日新鮮手打意大利雪糕，價格適中，10多元一個，買之前如果唔知好唔好味，佢地仲提供試食，比你試哂所以味先揀貫邊種都唔遲。 意大利手打雪糕，這是澳門人自己開的，而味道緊貼意大利人口味，就是偏甜，而且好似香港冇，香港只有紐西蘭低脂雪糕，所以來澳門就一定要試一試啦！而呢個意大利手打雪糕，佢地話都係fat free ga，所以一樣咁健康ga！本人就幾like佢果個芒果、薄荷朱古力。 ------------------------------------------------------------------------------------------------今集就講住咁多先啦~~下回再帶大家遊澳食下野，講埋佢背後既歷史啦！(下一回：005 澳門人講飲講食) (Update：2006/03/29)編/攝：阿乃