澳門人講飲講食

永利澳門的「霞」酒吧 Cinnebar 位於永利澳門度假村內，包括各種烈酒、啤酒、葡萄酒和特別調配的雞尾酒。近期又推出了全新的「中國風」的雞尾酒，今天就來跟讀者們分享一下......

008 澳門人講飲講食：暹邏小館 (泰緬式美食類) 還記得上一期的金滿堂嗎？其實今日介紹的 "暹邏小館" 就係金滿堂隔離。"暹邏"，音讀 僣羅，僣建個僣的讀音。 其實佢已經好耐歷史，我細細個就已經食佢d野，好好味！年前佢重新裝修過門面，所以好似好新咁，唔知係咪裝修左既關係，佢d野貴左好多，平均叫個緬甸面+特色飲料就已經30幾蚊。 中午去的話可能會冇位ga，因為好多人都會去食，附近商廈都好多，而且佢開到晚上十一點(冇記錯既話)，吃宵夜都可以呀！ 阿乃推介：碎肉魚蛋粉、泰式炭燒豬頸肉、三色冰、青檸冰、雞絲撈生面、富貴魚等泰緬餐館招牌！泰式炭燒豬頸肉就30幾蚊一大碟，兩人share就差唔多，絕對可以與香港d高級餐館70幾蚊得十幾塊既比，色香味都俱全。而雞絲撈生面呢，香港人可能唔知係乜野，但澳門有好多泰緬店都有供應，"生面"口感好彈牙好Q，幼身似電左曲髮既幼面咁。我喜愛青檸冰，酸酸地，又好冰涼，開下胃，非常不俗的飲料！ 其他仲有其他好多好多，不過我都未試哂，還有就是我比較揀食，所以有些海產及一些蔬果我都唔食，唯有靠其他澳門blog友幫手就補充啦！ (下一回：009 澳門人講飲講食)編/攝：阿乃

都繼續留係大堂區講飲講食先，還未離開此區呀！ 007 澳門人講飲講食：金滿堂(高級西餅類) 今次我所介紹的是一間高級西餅店，它在澳門都有數載，初初店舖開設於澳門波鞋街(荷蘭園大馬路)，之後就開左係大堂斜巷呢度啦，之前仲係OK果個位，半年前才擴充營業，搬左過去隔隔離大的鋪位至今，提供各類西洋蛋糕及面包，而呢間店鋪就係"金滿堂"。 佢D西餅其實就同餅店差不多，但多了一些意大利芝士餅、意大利蛋糕等等，還有我的最愛Tiramisu，每杯6元或每件8元兩種，咖啡味濃又不覺膩，Rum酒味好香，唔會有飲酒那麼重口味，所以唔飲酒或不鍾意飲酒既都可以食(因為我都唔飲酒)。另外仲有拿破崙蛋糕、芝士餅及綠茶cake都係好好味。 在澳門來說它算係貴價西餅之列中最平既一間，當然平過高士德區的日本聖誕老人啦！如果你仲係留連緊九如坊呢D，本本旅遊書都標榜d食店，不如試下其他平平地又味道不俗的! 到達方法：可由南灣大馬路的"HSBC匯豐銀行"進入，或由大堂巷、板樟堂巷經耶穌十字廣場進入(下2圖)。(下一)：耶穌十字廣場(下二)：大堂斜巷(耶穌十字廣場教堂旁入口)   (下一期：008 澳門人講飲講食)編/攝：阿乃

009 澳門人講飲講食：全城出名雞蛋仔(街頭小吃) 今日同大家講埋大堂斜巷一檔同阿爸傳到去個女既流動小販檔，又係好耐歷史ga啦，我細細個食到而家，每逢放工放學、星期六日、公眾假期佢都係非常多人買ga，而且平常都有好多市民都專登駕車來買。 上圖中你地都見到你幾個人買緊or等緊。今日影相既時候，見到阿爸同阿女都一齊係度，大家認住佢地個嘜頭啦！只此一家呀！位置就係之前007,008所講的同一位置，只不過係金滿堂、暹邏對面時代停車場入口處。 佢算係澳門最出名的街販雞蛋仔夾餅檔，佢只有三樣野賣：1.雞蛋仔2.香蕉糕3.夾餅 點解咁好食？因為佢地d蛋漿係自己每日調配，日日新鮮，賣哂就收檔ga啦！我都有係澳門其他地方吃過，一係就顏色唔靚，味道又淡，一係就整得太難食。香港都有食過旺角灣仔d檔口，當然就更.....難吃啦(我絕冇踩香港雞蛋仔的意思，各位唔好誤會，而不過我覺得香港d雞蛋仔一早整定哂，食既時候凍冰冰又硬卜卜，雖然味多，但此終原味及熱呼呼時食最好！) 而我最鍾意食佢既夾餅，唔係雞蛋仔，因為佢既夾餅唔知點解會咁好食，自己都整唔到佢個味，其他檔又學唔到，而且都有好多人去買夾餅為主tim。有次我買緊既時候，有個阿叔走埋黎話要買10份夾餅tim，其實一d都唔出奇，因為成日有人都係咁賣返屋企食，當下午茶。 價格方面好係4蚊澳門幣一份夾餅，雞蛋仔好似係6蚊一排，香蕉糕就唔記得啦！ 下圖就是大堂斜巷，見唔見有個禁止符號既牌呀！沿住呢條行人道一直行落下，你就立即見到啦！如果都係唔識去的話就問下人啦！ (下一回我地返去議事亭前地同賣草地！ 010：澳門人講飲講食 )編/攝：阿乃

星巴克薑汁鮮奶咖啡、拖肥果仁脆趣鮮奶咖啡、聖誕薄荷朱古力咖啡將載譽回歸，並推全新的拖肥果仁脆趣冷萃咖啡。「Beary Christmas」除有可愛北極熊加持外，更與STANLEY合作全新限定商品......

030 澳門人講飲講食：古漪園 南翔小籠包  (上海菜) 今次介紹呢間食肆係上海既過江龍『古漪園』，位於澳門皇朝區巴黎街 (大豐銀行- 澳門航空總部果條街，舊Another鋪位)價格大約每位：mop$40-80   我地先講講環境，呢度既佈置都幾唔錯，而且好有中式古典feel，用既檯椅、窗花、門都係好中式，用上胡桃櫸木製造！而燈具就用上簡單時尚的設計，外露的天花頂，感覺有crossover之感！ 食物方面，呢間最出名就係南翔小籠包，而南翔小籠包又分有蟹粉、豬肉等不同餡料！ 而我地就叫左 蟹粉南翔小籠包、雞絲粉皮、穌炸小籠包、三鮮肉絲豆腐湯、上海菜飯、火腿津白！先講講雞絲粉皮，呢個係冷盤，落得太多麻油同九層塔，所以麻麻地。 (5為最高)蟹粉小籠包，最有水準，亦都係最好味！ (5為最高)穌炸小籠包，就好似油浸咁，好肥！ (5為最高) 再來就是火腿津白，將d火腿碎到一粒粒鉛筆碎咁！賣相唔錯，但好睇唔好食呢！半盤都係油浸菜，都幾恐佈ga！  (5為最高)呢個就係三鮮豆腐湯，雖然細細盤，但都好唔錯，d豆腐變成絲狀，好滑好味，只不過又有d九層塔係度！扣少少分先！(因為冇乜人鍾意食九層塔)  (5為最高) 呢個就係上海菜飯，個味就幾唔錯，但可惜，又係勁多油！ (5為最高) 佢而家仲係試業中，而且d款式太少，連一d經典菜式 "上海粗炒"、"上海炒年糕"、"生煎包"、"煎餃"......都冇囉！而且d菜就細細碟，價值都唔平！所以如果你淨係食小籠包就好唔錯，另外再配個湯已經好好！如果唔係一定好失望！我下次食上海菜，都係去返 "上海xx菜館"、"飲食男x"好過，又比較平，而且又好食！ 綜合評價：60分 (100為最高) 編/攝：阿乃

尚坊  Saffron 平安夜及聖誕夜自助晚餐   2015年12月24及25日 成人每位澳門幣798元 (另加一服務費) (無限暢飲氣酒)； 小童每位澳門幣238元 (3至11歲) (另加一服務費) 除夕及新年自助晚餐   2015年12月31日及2016年1月1日 成人每位澳門幣798元 (另加一服務費) (無限暢飲氣酒)； 小童每位澳門幣238元 (3至11歲) (另加一服務費)   澳門悅愹庄尚坊於節日期間提供琳瑯滿目的自助餐美食，包括各款令人垂涎三尺的正宗泰國菜式、精美海鮮及特色菜餚。多款精選食品包括生蠔、阿拉斯加長腳蟹、什錦海鮮。尚坊另設五個現場烹飪台，即叫即煮多款燒烤美食，包括波士頓龍蝦、扇貝、蟶子及青口。另外，當然少不了各式傳統泰國美食，例如冬蔭公湯及斑蘭葉包雞。自助餐亦提供聖誕必備的烤火雞和燒牛肉。訂座電話：+853 8883 6061 貝隆  Belon 平安夜及聖誕夜五道菜晚餐  2015年12月24日及25日 成人每位澳門幣998元 (另加一服務費) 以鮮味海鮮及創新菜式馳名貝隆，將於聖誕期間帶來令人回味無窮的聖誕菜式。多款佳節美食包括煙熏日本鮮帶子、乳鴿香濃雞清湯、冷椰菜花配烤鯖魚、牛油煮黑鱈魚、泡椒木耳配紅捲心菜以及特級乾熟成牛扒、牛舌、紅菜頭蘿蔔紅酒汁。 拆禮物日早午美饌   2015年12月26日早上11時30分至下午3時 成人每位澳門幣798元 (另加一服務費) (無限暢飲葡萄酒及香檳)； 小童每位澳門幣238元(3至11歲) (另加一服務費) 貝隆星級廚師團隊即席準備的鮮活海鮮、多不勝數的美食及時令佳餚，讓熾熱的聖誕氣氛延續至拆禮物日。   除夕夜五道菜晚餐   2015年12月31日 成人每位澳門幣1,198元(另加一服務費) 為迎接新一年的來臨，貝隆特別精心設計除夕及元旦晚餐，帶來多款精美菜色，包括香茅醃大西洋三文魚、忌廉椰菜花濃湯、虎蝦和蟶子、香烤劍魚扒、炸薯餅及椰子湯。 訂座電話：+853 8883 6090 圖／文：澳門悅愹庄酒店   編輯聲明 ================================================= 環球旅人：BJM Official Website：http://travelblogosphere.wordpress.com Facebook：http://www.facebook.com/TravelBlogosphere/ Soundcloud：http://soundcloud.com/benjaminlife =================================================   環球旅人部落由Benjamin製作，版權所有。 以創用CC 姓名標示-非商業性-禁止改作 4.0 國際 授權條款釋出。

018 澳門人講飲講食：忙裡偷閒 它是一間位於皇朝區酒吧街的一間台式飲品館，以Mickey Mouse為主題的食店！我成日都鍾意去呢間店，原因係我鍾意食佢既招牌小火鍋。   這個小火鍋只需40幾蚊，有麻辣 / 豬骨湯底，仲有佢地獨創的 "奶茶湯底"，不過本人覺得個奶茶湯底唔係太好囉~~呢個小火鍋一,二人用就arm arm好！ 除左小火鍋之外，我仲鍾意佢地既其他小食：1. 棺材板 (忌廉海鮮餡) 10幾蚊2. 炸芝士狗 (即芝士釀入獅子狗內)  18蚊3. 炸蝦餅  18蚊4. 炸魷魚鬚  18蚊 仲有佢地d飲品呀：1. 芒果綠茶 / 荔枝綠茶 + 彩色笱篛2. 芒果沙冰仲有d自創既飲品......不能盡錄 食品都幾唔錯ga！不過飲品就太甜，次次都要少甜或者叫佢另外比一杯冰加落去！如果去的話，人數就唔好太多，因為d檯比較細，而且好難拍到檯！最大果張檯係6個人！ 係既環境好好，全部都係米奇老鼠既擺設同裝飾，連d碗、盤、碟、檯布等都係米奇！如果你好似我成日來咁，老闆就有折扣優惠卡比你，仲有得儲印花換米奇既精品ga~~ 現已經遷往高士德區呀！ 編/攝：阿乃(由於是由手機拍攝，質素比較差！)

12月是眾人期待的聖誕月，一於抓緊2022年的尾巴及時行樂！廣受好評的第「澳門青島雙城啤酒文化節」於今冬載譽歸來，由即日起至12月31日於永利皇宮南門戶外草坪舉行，一於約上親朋好友圍枱舉杯盡情「飲」，享受這場冰爽與熱情兼融的冬日盛會......

2006.09.13  下大雨、大塞車 & 三號風球除下之夜晚 三隻嘩鬼星期一走左之後，我、雯雯、魚魚、Amy 臨時即興去了札幌日式火鍋打邊爐~~我地都唔係第一次來ga啦！今次就決定左一人一爐，坐吧檯啦~~   我首先揀選了豬骨湯底 (mop $ 6)，雯雯 & 魚魚都係選擇了沙爹湯底 (mop $ 6)而amy最後都係揀左同我一樣既豬骨湯底。 至於日式火鍋我地食左d乜？唔好咁心急住~~你睇下餐牌先啦~~有好多唔同既餐，我地係一人叫一個餐ga~~ 雯雯 同 魚魚就揀了 海鮮配豬肉 & 海鮮配羊肉鍋  (每個為 mop$68)amy就揀左 海鮮雞肉涮鍋 (mop$68)而我呢就揀左澳洲羊肉涮鍋 (mop$42)，看下圖看看我的羊肉鍋有幾多野先！ 已經急不及待開給食啦~~haha~~唔等amy lu~~ 我係可以一個人食哂成份餐，之後仲食埋amy 1/3碟雞肉tim~~haha~~我都嚇親自己，竟然食左咁多野tim~~而且又唔係好貴之嘛！其實呢間d野食都幾唔錯，好有水準ga！不過就比其他店貴左d囉！食物分數：8.8分我就提議下次去內港灣，因為平好多，而且都好好食ga~~我去左幾次ga啦~~haha~~ 我地係食既途中都有叫野飲，我地三個都叫了coke~~而amy就叫了波子汽水，我地一齊來看看amy的雞手鴨腳開汽水，仲攪到我個位濕哂！因為我驚佢支汽水噴我，所以手震得好犀利呀！ 鬼影變幻手呀！好驚呀~~ 我地又有影合照ga~~ 都影得唔錯ga~~haha~~(photo by 魚魚)(photo by amy) 如果未去過，大家都可以試下 下次去呢邊野，平均消費約60元左右啦！由於係自己打邊爐，梗係味道唔差啦~~hehe~~ 編/攝：阿乃

上星期同友人一齊去漁人碼頭的阿拉拍商場內一間小食肆high tea(其實一早有預謀去果間野食ga)。 為什麼？就是為了想試試它的麵包湯。 上次食麵包湯係3年前，係tapia的大台北食，它的麵包湯非常唔掂，點解我咁講呢？雖然佢d湯都好好味，但食麵包湯，當然係食埋麵包啦，對不對？但大台北的那個裝湯的農夫包，簡直同石頭冇分別，我叫waiter比一把切扒的刀我，我都切唔到，個包仲絲毫不損，用左1個鐘先切到小小來食，你話幾恐佈呢，所以我以後都唔食佢d麵包湯。 今次都係想試試在漁人碼頭新開那間我麵包湯得唔得。當日下午4點左右，我們到了漁人碼頭啦，泊左車就去那檔食肆(我冇留意佢個名)，之後每人order左1個麵包湯，另叫1客薯條share，之後仲每人叫了1杯檸樂tim，位位$48蚊埋單，都可以接受。 講返個湯，湯呢就淡左少少，都ok夠杰，如果杰少少更好，因為係周打魚湯。再黎講個包，包一樣選有農夫包，但包非常鬆軟，好好味，飲到一半之後，絕對沒有難道就可以用手撕d面包浸湯食，不像大台北那個 "硬石頭" 用刀都切唔到囉！非常不錯的一個High Tea呀！唔好睇相好似冇乜湯，其實佢都幾深，而且中間又闊，都裝到幾多湯呀！這個湯28元，薯條一客15元，檸樂要15元(比較貴)。so可以接受的價錢~~ 至於薯條也是挺不錯的波浪薯條，不過不失。檸樂呢，檸檬都幾多，但冰也不少。haha~~如果大家下次去開漁人碼頭，不妨去試一試！佢係收晚上7點ga~~所以中午至下午去就最fit啦~~坐位方面分有店舖內，跟露台海景檯。店舖內有少許冷氣及LCD播放演唱會，露台就冇冷氣同冇LCD，你們自己考慮位置吧！ 它是位於一間賣參茸的店舖(好似叫東方紅)隔離，記住係阿拉伯商場內，不是羅馬鬥獸場的正官莊隔離呀呀！ ------------------------------------------------------------------------------------------------編/攝：阿乃

L’Altro 新派意式料理是一間現代意大利餐廳，提供融合傳統與創新的現代意大利佳餚，為顧客帶來難忘的用餐體驗。坐落於文化氛圍濃厚的氹仔舊城區中心地帶，這間現代意大利餐廳向傳統意大利餐飲文化致敬，亦為經典佳餚重新詮釋嶄新元素......

澳門銀河迎來國內「花悅庭」於澳門開啟首家分店，融合京淮特色菜彰顯地道烹調精髓，為廣大饗客呈獻獨具地方風味的精緻餐飲享受。已於2024年1月18日盛大開業，是該品牌在上海、廣州及深圳以外地區的第八間分店，被譽為果木烤鴨界的「天花板」......

濠食新煮意Food Idea為澳門一互聯網綜合飲食指南，目的是為公眾提供全面的飲食資訊。資料庫現時擁有澳門過千間餐廳資料，並且會不斷更新，務求將全澳食肆資料納入其中。 這是從Blog友 Mel 引用過來的，如果各位想知多d，想了解多d，可以用下面的引用link，linking去她的blog度看看呀！ http://www.foodidea.net/ 我亦希望大家blog友，下次來到澳門會找到更多好食好玩的地方，所以我會一直為大家提供澳門的食肆、好玩、休閒拍照等地方！期望各位一直多多支持啦！ 阿乃

氹仔舊城區打造了精彩的活動，讓大眾於48小時玩轉氹仔舊城區，盡享節日歡欣時刻。氹仔舊城區位於澳門氹仔南部，充滿文化氣息，融合了傳統與現代風格，引人入勝。舊城區的恬靜與金光大道的閃耀形成強烈對比，這裡匯聚了葡萄牙與中華文化，洋溢著懷舊情調......

氹仔舊城區又有新餐廳登場啦！今次登陸氹仔舊城區的是兩家葡萄牙餐廳，分別是「佳雅－正宗葡萄牙料理」，以及「葡坊－葡式牛扒館」，兩家餐廳位於同一幢建築內。佳雅以正宗葡式料理及開送式廚房為重點；葡坊是以日式鐵板燒概念去設計成「葡萄牙鐵板燒」，讓食客有齊味覺及視覺體驗......

現時澳門咖啡店像雨後春筍般開到成行成市，但真正能夠在市場立足且質量高的卻是寥寥可數。今日筆者 KW.Wong 久違地介紹一家位於關前正街角落的cafe「Meta Coffee玄咖啡」，正因為這家出品的Dirty有別於其他家的口感，亦是用心之作......

002 澳門人講飲講食：街邊風味魚蛋檔 (小吃類) 各位上回講左早餐，跟住我地又講下小吃啦！暫時介紹都係議事亭前地、板樟堂及白馬行一帶的，一來你地可以一次去哂，二來唔駛周圍搵，等我介紹哂這區的美食，再帶大家去一D比較少遊客去的區域呀！ 今次介紹的是兩檔魚蛋檔，一檔叫"恆友"，另一檔叫"陳林記"！(都是街鋪仔，唔係街邊檔，但仍保留車仔的特色)，因為近年在澳已經不多見街邊流動小販，剩下三盞燈、紅街市一帶才有(放心，遲d我會介紹ga，不用心急呀各位！)，這兩檔的地址係位於板樟堂的fancl house與SASA(U2隔離果間，唔好攪錯呀) 中間的斜巷仔，係叫"大堂巷"，巷頭有旅遊資訊牌同數個藍綠色垃圾桶。 一進去就知道這條是食街，第一檔係呢條巷的聖安娜對面，叫"陳林記"，它擺了各式各樣的熟食魚蛋，非常多種類，價錢由2蚊一串至6蚊一串都有，如你買得多的話就叫老闆娘比個蘿你，自己慢慢揀，之後佢就會即場幫你肏熟，好讓你慢慢品嚐。我每次去到都買成2大碗，都只不過係40蚊-60蚊左右，成5、6人一齊食都夠，有時仲多到可以當正餐tim。不過佢唔係成日開門ga，你去度就要碰下運氣啦！就算連我這些澳門人都常常食閉門羹ga~因為佢唔會貼出來說它明天休息的。 想食第二檔的話你就要行上少少，係檸檬車露對面、三可餅家及小熊貓隔壁，叫"恆友"的小鋪仔，出名的是咖喱魚蛋，彈牙有魚味，非常不錯，不過種類比前面的第一檔少，放學都好多學生去買ga~~價錢同第一檔價錢差不多ga！ 你看看，今天下午5點左右人多得幾緊要！而這條仲有好多好野食，有d鋪頭背後仲有風光的歷史，如三可餅家、西灣安記、小熊貓、檸檬車露等，隔離街都有好多，當然在下一回我會逐一介紹。不過大家唔駛驚，去左附近問人，大部分都知ga！當然你要問arm澳門人or店舖職員啦！如果唔係問著一個都係遊客就真係~~hahahaha~~ --下回見-- (Update：2006/03/29)編/攝：阿乃

卡樂B 今次繼續為大家送上驚喜滋味，超破格聯乘香港家傳戶曉品牌「金妹牌」，推出「火腿味薯片」，將「金妹牌火腿片」以薯片形式創新呈現，吃出濃厚親切感之餘，必定「大人細路都鐘意」。薯片已於於各大超級市場、便利店及零售店發售......

澳門新濠影滙W酒店的「津津」以市集與豐富多樣的美食文化為靈感，提供本地及國際風味自助餐，為澳門人氣的全日餐饗地點。週一至五提供半自助午餐，MOP$196/人；週末亦提供自助午餐，MOP$398/人。澳門居民及外僱人士享有八折優惠......

012 澳門人講飲講食：國華小食集中地 (街頭小吃類) 位於白馬行國華戲院地下，是現在中區的小食集中地。 有很多很多野吃，包括：韓國烤魷魚、夾餅雞蛋仔(跟009所講的同一老闆)、魚蛋小食(是009所講的老闆開的)、台灣可樂餅、各式果汁、鮮果撈......都有。 每逢放學、假期、節日，那裡絕對係人山人海，真係針都插唔入呀！而且價格都係好平，從幾蚊到十幾蚊左右。果汁大大杯；鮮果撈就生果滿一杯，果汁少。 各位如果過來澳門，除了懂得去我以前講的大堂巷、大堂街、議事亭之外，還是懂得行白馬行呀！白馬行就是議事亭尾的U2、G2000之後的行車路，這條白馬行可以一直通去水坑尾，荷蘭園波鞋街。身為精明的你絕對要識呀，可以慳返搭的士的錢，而且又好快到荷蘭園呀。 參考時間：(由議事亭、板樟堂的U2,G2000出發)回新馬路     步行2分鐘到草堆街     步行30秒到大三巴     步行2分鐘到大堂         步行1分鐘到國華         步行2分鐘到水坑尾     步行4分鐘到荷蘭園     步行6分鐘 (未有時間去影相呀！遲d補貼啦！)編：阿乃

020 澳門人講飲講食：台灣帝鈞炭烤胡椒餅 澳門近日新開了一間台灣過江龍加盟店，只售賣一種小食，就是台灣最出名的小食之一----胡椒餅。這店位於永樂戲院對面條巷，近日都見排長龍的情況才買到來食！(現在已搬到中區，賣草地繼續經營)   我係開業第二天去買既時候，已經係晚上8點左右都仲要排隊買，佢當時做緊試業，賣哂報紙做三日特價，每個8蚊！咁我果日去睇死亡筆記，順路梗係去買來試試啦！ 試玩結果：佢就唔係好辣，我都頂得住！肉質口感不錯，餅厚肉多！唯獨有D外皮烤焦了！都有肉汁，不過唔多，8蚊一個都算貴，不過可以接受。味道一般，普通一個餡餅似的！ 試食分數： 7分(因為唔係好驚喜的味道) 據今日的澳門日報報導，澳門這間海外唯一分店，日售2000個，每日大排長龍tim~朋友雯雯都有相關介紹呀：http://hk.myblog.yahoo.com/jw!MJeZi1WWGRse30vAnaB0XLU-/article?mid=490 有食過既朋友，可以寫下你的試食後感嗎？ ps.順帶一提，除台灣之外，海外分店暫只有澳門這一家，香港都未有！所以大家過來澳門可以去試試，唔駛過台灣lu~ 編/攝：阿乃

米芝蓮星廚兼英國殿堂級名廚 Gordon Ramsay 在澳門的首間餐廳「戈登拉姆齊英式酒吧」於澳門倫敦人隆重登場。作為亞洲唯一一間戈登拉姆齊英式酒吧，這裡為食客帶來地道的英倫酒吧及扒房體驗。餐廳專業團隊將為澳門饕客打造最地道的英式酒吧體驗......

澳門巴黎人 Parisian Macao的 巴黎人自助餐 以優質食材、即點即製餐區及薈萃多國風味而聞名，是城中美食愛好者和遊客的首選。經過了三年疫情的停業，於疫情之後的今夏，其自助晚餐終於回歸，讓一眾饕客再次享受盛夏舌尖之旅......

隨著三月草莓季節的到來，港澳Starbucks夢幻草莓批限定飲品登場，感受草莓Hap-pie-ness！「草莓批醇香鮮奶抺茶」面層綴有柔粉色草莓批鮮奶冷泡沫，結合純正抹茶粉及蒸煮牛奶；喜愛甜食絕對不可錯過「草莓批忌廉星冰樂」......