澳門人講飲講食

香港及澳門的 IKEA 創新推出三款自家品牌的特色粽子，包括：肉丸松露金腿原隻蛋黃粽、素肉丸猴頭菇金栗素粽及紅果子豆沙粽。三款由健康輕食到足料滋味，「粽」有一款滿足你......

今日為大家介紹的是皇朝區的葡萄園餐廳。這間餐廳逢週未及假期最好就book定位先啦！內部環境及格調都非常好，就此亦拍了數張給大家看看！ 價格方面就偏貴，而味道方面就很不錯呀！ 今次我地美食團又再出動啦！本次有四個人一同前往，我地叫了以下的項目：1.黑椒牛扒2.忌廉薯絲焗馬介休3.忌廉芝士燴意粉4.有汽提子汁x1、有汽蘋果汁x25.鮮檸雜飲 最後位位85元付款！我最欣賞就係忌廉薯絲焗馬介休，我好耐冇食過啦~~非常好食~~第二位就係黑椒牛扒，需說是6成熟，但其實都已經係9成熟，所以我會食，而且我覺得好好食！第三位就梗係個意粉啦！因為冇乜驚喜，大部分食店都一樣ga啦！(因為我鐘意食忌廉、芝士呢d，所以今餐我都好滿意呀！) 美食評分：89分 (美中不足係價錢稍貴，唔可以成日都黎食囉！) (仲有一部分相係 "相簿" --> "澳門食店" )編/攝：阿乃

位於澳門上葡京的THE KARL LAGERFELD酒店大樓的博覽廊，完全由著名時尚大師Karl Lagerfeld親自設計，糅合中西美學，摩登典雅。博覽廊提供多款精緻可口的鹹甜美點和特調飲品，致力打造充滿法式風情的午後悠閒時光，包括「聖日耳曼的黃昏」及「博覽廊下午茶......

以電影為主題的綜合度假村新濠影滙將於復活節隆重呈獻不一樣的精彩假期，期間推出琳瑯滿目、適合一家大小的歡樂節目，搖身成為大小朋友同樂的繽紛世界，為一連四天的假期增添上難忘色彩。復活節假期完美的一天，先從首個華納滿Fun童樂園豐盛自助早餐啟動，與您的小孩體驗一個上午趣味無窮的主題樂園親子樂。

望廈區的小泉居，是一間格調與其他的小泉居不同，而且長時間滿客的。價格與其他小泉居係一樣。 到達方式：任一交通工具，於望廈體育館 或 新益花園 下車即可。 現在就看看內部環境吧！這是二樓玄關的盤景藝術。   這是以日式或中式涼亭設計的雅座，可坐四至六人。 我去這店至愛的窗邊舒適大梳化，好舒服ga！比樓上的木椅好坐，所以好多人都鍾意坐，以及等有人走時再轉到這些位置！ 這是我點的冰水果茶，不過比我食哂d生果，同埋飲到所剩冇幾先影相~~ 我其實都幾鍾意去呢度hea~~真係個feel好好，而且餐飲都唔貴，又易泊位左，所以都係一個不錯的hea站！而且呢度做占卜真係一流ga~~不論氣氛與格局！編/攝：阿乃

澳門麗思卡爾頓酒店為慶祝在澳門開幕後的首個聖誕，將為賓客精心打造令人永誌難忘的節日美饌之旅。甫踏入酒店迎賓大堂，高達4.5米的聖誕樹旋即映入眼簾。無數典雅冰藍的圓球和晶瑩銀白的冰柱狀裝飾懸掛樹上，營造出漫天飄雪的冬日情懷。不論是在酒店內欣賞美不勝收的聖誕裝飾；在傳統法式小館「麗思咖啡廳」與知己良朋共進六道菜式聖誕盛宴；在格調優雅的「麗思酒廊」與摯愛享受尊尚的下午茶體驗，又或是在「怡世寶水療」體驗令身心舒泰的冬日護膚療程，遐邇聞名的澳門麗思卡爾頓酒店都為賓客悉心準備，定能讓賓客融入濃厚的聖誕氣氛中，度過一個滿載節日喜悅的難忘聖誕。 聖誕及新年推廣 餐廳 時間 詳情 「麗思咖啡廳」    －聖誕早午餐 12月25日 早上11時至下午3時 澳門幣688元*  (無限暢飲 Veuve Clicquot 香檳、啤酒、餐酒及非酒精飲品) 「麗思咖啡廳」 – 聖誕下午茶 12月24及25日 下午3時至6時 澳門幣388元*  （兩位用） 澳門幣488元*（兩位用，連 Veuve Clicquot  香檳) 「麗思咖啡廳」 – 聖誕晚宴 12月24及25日 下午6時至晚上10時 澳門幣728元* （兩位用，連迎賓特飲) 澳門幣988元* （兩位用，搭配餐酒) 「麗思咖啡廳」 – 除夕夜晚宴 12月 31日 下午6時至午夜12時 澳門幣988元* (無限暢飲 Veuve Clicquot 香檳、啤酒、餐酒及非酒精飲品) 「麗思咖啡廳」 －香檳早午餐 1月1日 早上11時30分至下午3時30分 澳門幣688元*   (無限暢飲 Veuve Clicquot 香檳、啤酒、餐酒及非酒精飲品) 「麗思酒廊」－ 聖誕 Aperitivo 配生蠔及經典滋味小吃 12月 24日 下午6時至8時 澳門幣288元**(無限暢飲 Louis Roederer 香檳) 「麗思酒廊」 － 聖誕派對 12月25日 晚上9時至清晨2時 澳門幣388元** (任意享用小吃、無限暢飲雞尾酒、啤酒、餐酒及非酒精飲品) 「麗思酒廊」 － 除夕夜派對 12月31日 晚上10時至清晨3時 澳門幣488元** (享用各式各樣的小吃及一杯Dom Perignon香檳) 「麗思酒廊」－ 香檳下午茶 12月24、25、31日 及1月1日 下午2時30分至5時30分 澳門幣688元** (下午茶餐及無限暢飲 Louis Roederer香檳) 「麗軒」– 聖誕品味菜單 12月24及25日 澳門幣1,688元* （每位） 「麗軒」– 除夕夜品味菜單 12月31日 澳門幣1,888元* （每位） 「怡世寶水療」－聖誕特色療程 12月1至31日 澳門幣1,800元** （120分鐘療程） *須加收10%服務費。 **須加收10%服務費及5%政府稅。 圖／文：澳門麗思卡爾頓酒店 編輯聲明 ================================================= 環球旅人：BJM Official Website：http://travelblogosphere.wordpress.com Facebook：http://www.facebook.com/TravelBlogosphere/ Soundcloud：http://soundcloud.com/benjaminlife =================================================   環球旅人部落由Benjamin製作，版權所有。 以創用CC 姓名標示-非商業性-禁止改作 4.0 國際 授權條款釋出。

【麒麟一番搾・秋賞～和風丼碗】正式登場！麒麟推出極具秋日氣息，以浪漫的楓葉圖案為設計主題的和風丼碗，將楓葉隨風舞動的翩然美態盡收眼前......

為慶祝意大利國慶節，澳門喜來登金沙城中心大酒店悉心安排一系列慶祝活動和特色節日菜單，與各位共慶佳節。 「班妮」意大利餐廳更邀請了世界薄餅雜技冠軍Pasqualino Barbasso為一眾賓客表演難得一見的薄餅雜技，現場賓客亦可一展身手，分享節日喜悅。而葡萄酒愛好者絕對不能錯過只限一晚的意大利葡萄酒晚宴。當晚，美酒美食與雜技互相輝映，為賓客帶來一場視覺與味覺的傳統意大利盛宴。

為推廣本地美食文化，澳門雅辰酒店將於薈景閣咖啡室呈獻「 澳葡之夜 」。土生澳葡菜的背後結集了葡萄牙人當年在沿海多地探索及進行文化交流的故事，菜系更入選國家級非物質文化遺產。澳葡之夜於2022年10月18日至11月3日期間，逢周二至四於薈景閣咖啡室舉行......

港澳IKEA於11月推出兩款特色阿華田新地，陣陣麥芽香撲鼻而來，濃郁可可味令人意猶未盡！而餐廳以「可持續發展」為主題推出三款海鮮及肉類菜式，使用獲MSC或ASC認證的海鮮，讓大家在享受味美的佳餚同時保育環境。此外，今年聖誕派對套餐的早鳥優惠同步開始......

上一篇得到大家熱烈的回應，希望真的幫到大家啦！下次來澳門記住試下去d我介紹，但你又未去過的地方呀！地點唔知可以回應問我，我會答你，因為篇內字數限制，唔可以打哂所以地址出來，只有你地有興趣知道就問地址！我及其他澳門blog友都答到你地ga！' 另外就係記住看看回覆的留言，可能已經有你想問的答案在啦！ 今篇就係講粥、粉、面、咖啡簡餐為主，適合各位於早餐、下午茶及宵夜時間肚餓去醫肚既地方！亦同上一篇一樣，其實澳門有好多有特色既食店，但也不能盡錄，不竟我都未食哂全澳門丫嘛！ 推介表列：河漢記、雅馨(雅香)、寶記 - 緬甸面食(如魚湯粉、雞絲撈面、椰汁雞面……)東京小食館 - 緬甸面食(如豬腦面、雞絲撈生面……)園林 - 豬扒粉絲湄南河 - 越南什扒飯華記 - 牛腩河粉、雲吞面、魚蛋河粉黃枝記(老鋪) - 雲吞面一哥、銀禧 - 粥品、腸粉、面食樁記 - 粥品、腸粉、鮑汁糯米雞盛記(勁平既早餐之選) - 粥品、糕品、特色豆腐花 西灣安記 - 炸豬扒包、煎豬扒包、豬扒干撈意葉熾記、大利 - 炭燒豬扒包瑪嘉烈、安德魯 - 葡撻、中東包、檸檬水生利 - 炸魚片、煎魚片、牛腩面、豬扒包朱古力咖啡、*上品咖啡、檀香山咖啡、澳門咖啡、Cafe de Eu - 特色咖啡館金隆 - 招牌過橋米線、魷魚鬚、玫瑰水 *：表示我已經係 "澳門人講澳門" 介紹過，大家可以去分類 "澳門人講澳門" 內找尋一下 編/攝：阿乃

前言 各位你們好！於早前本人已放左風聲出去講過將會開一個系列名叫 "澳門人講飲講食" ，是專門介紹澳門的美食餐飲，不論大街下巷，高級餐飲至街頭小吃，都會為你介紹！ 另外，我儘量會介紹一D "澳門旅遊天書" 沒有的 (其實我並不知道那些是天書有介紹的，不竟我是澳門人，身於澳門，所以未接觸過這些書)，不過可以肯定的是，儘可能唔會介紹D貴又唔好既野啦！ 可以放心，絕對可以滿足大家貪吃的本性，當你仲留連係黃枝記、九如坊、安德魯葡撻及大利豬扒飽的同時(好似前3間香港已經有分店)，澳門人已經唔多有興趣啦(因被大肆宣傳而不斷升價)！我地會去搵其他好食，可能平凡的店，其實更有小城風味！ 其實我自己閒時都會同D朋友在澳門所處找尋新食點，而且我更喜歡小食、甜品及輕食類，所以有的更會影埋相比你睇。而網友早前亦回應本人表示支持此系列，在此向他們說聲謝謝！(因為如果冇人睇，那我就當然不會寫啦！對不對！) 希望各位以後多多支持此系列啦！此系列會不斷更新，收錄於 "澳門人講澳門" 內。 001 澳門人講飲講食：盛記白粥 (早餐/甜品糖水/輕食類) 我唔知旅遊書有冇介紹過 "盛記白粥"，這是澳門比較出名的早餐、甜品糖水鋪，種類都幾好ga，分店又多，在雅廉訪幸運閣對面(9、16、8A、32號巴士)；在議事亭前地的民政總署旁直入(去議事亭的巴士均可)；在台山CTM隔壁(所有去關閘及新城市花園的巴士都可抵達)。 講完店鋪分佈及交通，當然要講下食物同價錢，晨早就好多人去吃早餐，它有一般粥品及油炸食物，而且有豆漿、豆腐花、燒賣、粽子、中式糖水等中式食品，另外還有它們首創的朱古力味豆腐花、芒果味豆腐花(好似仲有其他味ga，不過這兩款比教好味。)除了首創的口味豆腐花之外，它更時由開店至關門，全日供應各款食品，包括腸粉。所以幾時去吃都可以任你揀想吃乜。 另外一絕就是價錢平，10元8塊已經飽飽了，冇扼你ga，又有粥又有蘿蔔糕/腸粉/粽，都是10蚊左右，簡直係街邊檔價錢啦！對不對！ 我最喜歡吃它的"皮蛋瘦肉粥"，為什麼它會特別好食？原來內有乾坤，它的皮蛋瘦肉粥，除了基本食材外，還加入蠔仔去煮，所以特別好味，需本人不食蠔，但我都會食佢呢個粥囉！再者就是蘿蔔糕，它的蘿蔔糕成塊磚頭咁大，但非常軟滑，有少許"言茜"(唔識寫果個字)味，台稱：九層塔，加入自己喜歡的醬料，熱呼呼的，嘩！正~~只不過係幾蚊而已！最後，如果下午茶的話就會去食朱古力豆腐花、糖水等。它的炸腸也不錯，而燒賣就非常大粒，也很讚！ 其實它還有好多野食，大家來澳時，如果酒店唔包早餐都可以去食個街邊檔價錢的早餐。它保留了昔日冰室、舊式茶餐廳的裝潢，小城味重，如果你叫粽或蘿蔔糕的話，你會發現佢用既碟係"鉛製碟"，好有懷舊feel，據稱都是開張至今仲用緊(可能不同分店會有所不同) 最後教大家一些它的職員所用的術語，下次去食的話都可以跟佢地咁叫，會多一份親切感，好多常光顧的客人都識ga~~最常聽都的有以下幾個：(1) "白菜" -- 白粥+蘿蔔糕 (10蚊有找)(2) "咸菜" -- 皮蛋瘦肉粥 + 蘿蔔糕 (冇記錯的話係$8.5)(3) "咸粥" -- 皮蛋瘦肉粥其實仲有好多叫法，但我比較常食這些，另外的不太懂他們的術語，到時你可以問下佢地，不過記住返來話返比我聽播！haha~~ 今篇講住咁多先啦，下篇見！ 編：阿乃

港澳星巴克已於5月9日推出以岡山蜜桃蘋果為主題的全新夏日凍飲。另外，今日也推出全新Starbucks + Pantone 系列產品，以 Knockout Pink、Brilliant Blue 及 Cockatoo 為主色......

永利澳門咖啡廷的經典澳葡滋味，是與本地名廚黃文龍共同呈獻的美食盛宴。這位有著三十多年烹飪經驗的主廚，將澳葡佳餚的文化精髓與獨特風味重新演繹，融合傳統與創新，為客人呈獻澳門獨一無二的饗宴......

019 澳門人講飲講食：西灣安記   它是一間老字號茶餐廳，佢最出名既係豬扒包。大家唔好以為taipa的大利豬扒包先係澳門豬扒包，呢間都係澳門豬扒包既俵俵者！ 我最鍾意食佢d豬扒系列，包括：1. 炸豬扒干撈意  18蚊2. 豬扒包 / 多 (一定係炸ga)  8蚊3. 炸豬扒燴意  18蚊 除左豬扒系列之外，仲有好多選擇，佢粥粉面飯、腸粉、包乜都有。仲有d好攪笑既包，如駱駝肉包......不過本人就未試過啦！ 佢既老鋪位於南灣既燒灰爐巴士站，可乘搭新福利6、9、9A、28B到達。仲有其他分店，包括位於：(中區)板樟堂 大堂巷聖安娜隔離(松山)何東中葡小學 對面(新口岸)中華廠商會大廈隔離好似仲有分店ga，不過唔係好記得啦~~ Tips：澳門馳名中外的澳門豬扒包賣點大解扣大利豬扒包  係  自製炭烤包為賣點，而唔係塊豬扒，而且佢豬扒有骨。西灣安記豬扒包  係   塊豬扒為賣點，它是用天婦羅的方式去炸豬扒，而且冇骨。葉熾記豬扒包  係  澳門首間發明豬扒包的食店，簡單來說就是澳門第一豬扒包，澳門豬扒包發源店。 咁大家可以按需要去食屬於澳門的豬扒包啦！ps.除大利外，另外的都唔駛排隊~ 其他澳門blog友可以幫我補充ga，又或者你的意見！我知道應該冇人未食過呢三間既豬扒包！(本人就最唔like大利，因為有骨，一不留神就咬到牙痛)thanks~~ 編/攝：阿乃

港澳 7-Eleven 繼早前推出自家品牌7-SELECT全新研發的6款期間限定「芝」新品後，本月的「芝味盛事」再帶來新一浪驚喜！7CAFÉ 首度聯乘日本超人氣芝士撻專門店PABLO，推出３款期間限定「芝」味飲品及水蜜桃新地筒......

【新品上市】台式黑糖珍珠手搖飲品品牌「老虎堂」再次推出全新口味雪條「芝士黑糖流心雪條」，帶來冰爽甜蜜的新驚喜。另外，來自韓國的「Binggrae藍莓乳酪雪糕」，幼滑乳酪雪糕有助腸道蠕動，加入酸甜的藍莓醬，味道輕盈清新，讓人一口接一口....

綠茶控之選！ 7-Eleven再度帶來新驚喜，與超過190年歷史，來自京都宇治的宇治抹茶名店－伊藤久右衛門合作，攜手「宇治茶の味」系列，第一波將推6款期間限定宇治抹茶及焙茶新品，其中4款更加入軟綿的紅豆，為茶味帶來一抹清甜......

035 澳門人講飲講食：C.C.Cafe 偲偲咖啡 (特色cafe) 5‧19那天，我約了一齊去台灣的朋友出來午飯，而目的是向他們派發我製作了成個幾月的台灣之行紀念光碟。而另一目的就是去試一間新開的食店！ 食店名稱： C.C.Cafe 偲偲咖啡地點：澳門白馬行信達城 3樓 創意露天區每餐價格：約mop$50~70   呢張係佢地溫室屋內的sofa，好舒服ga！因為我地都係坐呢d！仲有虎紋cushion tim~~好wild呀！ 我地果檯有朵花tim~~好爆笑呀！圖中的就是我部PMP，播放黎d 短片比各同行者觀賞~~看看效果！ 係時候介紹下d野食野飲先！我點的餐：咖哩牛肉飯套餐 (mop$50 包飲品一杯)  食物評價：評語：好香咖哩味，牛肉係肥牛，好多肉，飯ok夠食，食完成個飯d餸都未食完！ 我跟的飲品：紅蘋果梳打 (特色飲品需+半價配餐，so只需mop$12) 食物評價：評語：飲到尾的時候好多榨囉！味道清甜，淡淡蘋果味，應該冇溝水！ 朋友D & J 點的餐：菠菜三文魚蟹子意粉 (mop$52 包一杯飲品)食物評價： 朋友D的飲品：熱泡沬咖啡 (特色飲品需+半價配餐，so只需mop$18)食物評價： 朋友I & M 的餐：日式滑蛋雞扒伴軟腳蟹飯套餐 (mop$55)食物評價： 朋友I 的飲品：意大利雪糕咖啡 (特色飲品需+半價配餐，so只需mop$18)食物評價：店內的環境~~ 有分露天區與室內區ga！我地知果日唔多好天，梗係一早入左室內啦~~ 與對面的舊式建築相映成趣呀！ 特色套餐餐牌呀！都ok抵ga~~唔平唔貴，但食物水準好好囉~~ 它的餐牌：(大家可以參考一下它的價錢！) 總結評價：90分食物品質---食物種類---食物價格---食店環境---交通便利---服務品質--- 文：阿乃攝：阿乃 本 著作 係採用 創用 CC 姓名標示-非商業性-禁止改作 3.0 授權條款授權.

028 澳門人講飲講食：內港灣火鍋 呢間野開左都有2,3年，我亦去過無數次，但我發現原來一次都冇介紹比各位啦！其實佢係位於河邊新街 舊媽閣總站對面(亞洲汽水廠斜對面)，名叫 "內港灣火鍋"！(橙+綠色招牌)~~   營業時間：6:00pm ~ 4:00am 佢出名既就係湯底多，價錢公道，食物種類多！我今日係同一班舊同事出來聚會食個晚飯，順便傾一傾d旅遊野！ 我地今日好厲害呀！4個人食左好多野！我地揀左兩拼湯底，沙嗲湯底 + 椰子雞湯 (Mop$22)， 而所點食物如下(以一碟計)：肥牛片 x3美國肥牛 x2雪花肥牛 x1響螺片 x1墨魚滑 x1生菜 x1日式豆腐 x1鮮蝦雲吞 x1魚片餃 x1蘿蔔片 x1炸竹笙 x1蟹子包心丸 x1芋絲 x1豬肉丸 x1三文魚刺身 x1鮮榨蔗汁 x2枝可樂 x1枝 總數：Mop $470 (有九折，因為我耐唔耐幫襯ga！) 4個人100左右，抵呀！分數：8.5分備註：每次去之前需要訂位，否則好難有位ga！ 下次大家可以去食呀！絕對係好介紹，d肥牛、肥羊比小肥羊更好，又唔駛排隊等位，又唔係好熱，通風都ok~~ (用手機影所以質素唔好，又手震！)編/攝：阿乃

其實有好多香港及外地來澳門的朋友，他們的印象中就只有鉅記、大利豬扒包、大三巴等主要野！但其他澳門仲有好多好既美食品牌，以及每間店都有自己最出名的招牌，所以各位唔好再停留係 "鉅記黨"、"大利排長龍" 的階段啦！ 我希望我貼呢幾篇澳門人的推介，可以讓各位有睇我blog的朋友，以後到澳門可以發掘更多好食孚玩的東西！亦希望大家會鍾意呢個新系列啦！ 下面個表都唔似好完全，一定會漏左d ga啦！有d係老字號鋪頭，好多澳門人自己都會常去ga！ps.我冇幫任何店賣廣告，只係希望大家真係食到買到每店的招牌，而唔好盲目跟隨而已！到時大家可以印出來，來澳門時逐間對住就唔會錯！ 手信(正宗)小食：鉅記 - 炭燒杏仁餅、有餡鳳凰卷、紫菜xx捲大三巴 - 杏仁餅咀香園 - 蛋卷、鳳凰卷、杏仁餅香記 - 肉乾檸檬王 - 檸檬薑、檸檬王百花魁 - 涼果樂宮餅店(葡京) - 曲奇餅御品堂 - 炭燒棋子餅車厘哥夫、老牌車厘哥夫 - 紐結糖晃記(氹仔) - 老婆餅、肉切穌三可餅家 - 雞蛋餅遠來餅家 - 光穌餅、中式禮餅(如皮蛋穌……)仁慈堂門口車仔 - 金錢餅沙度娜、九如坊 - 米糠布甸義順 - 雙皮奶、薑汁撞奶、木瓜牛奶杏香園 - 中西式甜品陳林記、恆友 - 魚蛋小食小上海...

年度品牌派對盛事「美高梅澳門德國啤酒節」即將於10月載譽歸來！今年「美高梅澳門德國啤酒節2023」再次移師戶外場地，一連12日為本澳市民及各地旅客帶來正宗日耳曼風情啤酒派對盛典，全方位體驗「創意城市美食之都」的非凡魅力......

洪瑞珍三文治正式進駐澳門，堅持傳統手工製作，品牌強調每日澳門生產，日日新鮮，將超過70年的傳承風味延續至澳門，為澳門美食文化注入新活力。洪瑞珍已於澳門葡京人舉行隆重開幕儀式，亦於未來半年之內，將會在氹仔泉亮商場和澳門其他地方開設分店......

為慶祝葡萄牙國慶，專營葡國手工烘焙食品的澳門本地烘焙店NATA Bakery，特別呈獻葡萄牙經典甜品葡心蛋糕(Pão-de-Ló) 。起源自16世紀的葡萄牙、西班牙和意大利的修道院，主要的製作食材為雞蛋、糖和麵粉，每個地區的食譜都有各自的特色......

014 澳門人講飲講食：東望洋餅店 (西式糕點類) 位於皇朝區成昌後面，它是一間Coffee shop + 西式餅店。價錢公道，比一般的coffee shop平少少，格調好潮，帶有葡國式的擺設，不俗呀！我成日都會買迷你芝士批(5蚊3個)，仲有芝士軟包(5蚊個)。但次次都趕時間，一係就食左野，所以未坐低飲野呀！我d friends話好好，味道ok！ (下圖是店內座位區及擺設) (下圖是由門口影入去，是否很不錯呢？左面冇影度的是面包區) (下圖是服務台，下方沒有影的是西餅急凍櫃) 由於佢唔比人地影佢地D西餅及面包(可能驚人抄野，及對方來check價掛)，而我亦先徵求佢地既同意，佢先比我影幾張相！ 講返佢d面包，其實會比聖安娜貴少少，西餅就比金滿堂平。佢重有曲奇餅同生日蛋糕訂造等，基本來說都是一間不俗的店，每逢中午、傍晚都好多OL、辦公室人員去買野食，而六、日就多d去hea既人。 交通方法：巴士 1A、8、17、23都可到達皇朝區，在成昌附近巴士站下車即可。步行至餅店約半分鐘。(皇朝區由於好多香港人都唔識去，所以建議大家看一看澳門地圖做少少資料搜查，再唔係上到車問司機。)(因為皇朝算係澳門的飲食集中營，什麼菜都可以用皇朝區找到) ------------------------------------------------------------------------------------------Update ：2006-06-11 9:40pm  (新加入下列兩幅新相) 下圖是堂食區的舊澳門相片牆壁，多了一份緬懷澳門的格調！ 這是由堂食區影去counter，有少少手震tim~~ 仲有一張係堂食餐牌，大家可以去 "相簿--->澳門食肆" 度找一找，不便貼人地d價目出來！ 編/攝：阿乃